شبكة همس الشوق - عرض مشاركة واحدة

28 - 9 - 2014, 09:29 PM

ابتهال بدلع:باي يالضفادع هههه

إما البنات الأربعه انقهروا من جد وطلعوا
إما البنت ٣ حلفت تخلي ندى تبكي ليل نهار وحتى لو كانت بنت راشد العالي بس صبر

إما ندى من الاحراج لأنها قالت كذا وضحت حبها بشكل ملفت
طلعت لغرفه قدامها

حسن:دخلني بأي غرفه قدامك بس هذا سمير مابيه يشوفني
احمد:هذه غرفه بس حقت حريم
حسن:شوف في حد اولا
احمد:فتح الباب اشوي وما انتبه بندى لأن الغرفه كبيره بقوة
حسن دخل وجلس بكنبه بعد ماتحسسها
حس بأحد يبكي بس ما تكلم

نجلاء دخلت:ندوش ليه البكي
ندى تشهق:احب حسن وربي احبه موت حتى اكثر من بابا وماما وخالد
نجلاء تكتم الضحكة:وحتى اكثر مني؟
ندى:انقلعي من جد مو رايقه لك انا منحرجة لأني قلت للبنات كذا قدام مشاعل ان حسون خطيبي وما أرضى أحد يتفداه بعينه قسم بالله يا نجلاء حتى لو ظل طول عمره بدون علاج وقال يباني بوافق بس شكله صرف النظر
نجلاء فاتحه فمها وتضرب كف بكف:وه وه وه شوف هذه جنت واقعدت تبي تتزوج الرجال مستعجله الأخت لا ومقرره بعد جعلك اللي منيب قايله ياللي ماتستحي وهذا المتعلمه العاقله تبي تخطب لها الرجال ومنقهره انه صرف النظر

إما حسن حاله لا يوصف
فرحان
مستانس
رايق
كل مشاعر السعاده اختلطت فيه بينفذ اللي بباله من غير خطط وتزويج اخوانه ومن غير انه ماينفذ العملية
اليأس هذه الكلمة انمسحت من قاموسه

تحسس الجدار وطلع بسرعة من غير لا يحسوا

خالد لاحظه:حسون وينك؟
حسن:خالد بتعالج
خالد ما استوعب:ها
حسن بفرح:قلت لك بتعالج الحين لو في طيارة لواشنطن الحين رحت
خالد بفرح ضمه:مبروك ياقلبي قسم بالله حلفت عليك تسافر وتتعالج بحسابي عارف مو ناقصك بس وربي مشتهي كذا واتمنى من اعماق كل خلية توافق
حسن يبعده عنه:خنقتني ياخي بس عندي شرط تقول للكل انها زيارة لرياض وسارة مو لعلاجي
خالد بثقة:افا عليك انت تامر يالغالي
حسن:من جد انك حبيب
خالد بغرور:لا حبيب ولا عوض
أنا بكل فخر خالد العالي
حسن :خالد ان ما ضفيت وجهك بيجيك كف
خالد:هههههههههه

محمد بالسيارة وجنبه جومانة وخلفه امه وام علي وام نواره:كيف الحال ياعجايز<<<وقح
ام نواره:مجروحة بصمت لا تقولي عن حما بنتي وقح شحلاته ما قال شي إلا الصدق قالحه
ام علي:وه انا توني شباب
محمد:ترى في معرس خاطبك مني فكري بالموضوع
ام علي وعليه صدقت:وه وه معرس لا والله ماخذ بعد مشاري وبعدين انا عجيز
الكل:ههههههههههههههههه