شبكة همس الشوق - عرض مشاركة واحدة

22 - 10 - 2014, 03:21 PM

شقة عبدالله وشهد ..
شهد: طيب شفيك جاي ثاير..عبدالله هدي ..
عبدالله : هي في راسها هواش .. غبيه وبزر ..
شهد :طيب هي وش كانت تبي؟
عبدالله: كانت تبي تروح لاهلها وقلت لها روحي مع السواق.. عاد بدت الهوشة..
شهد: طيب أنت زوجها تبي تروح معها ..
عبدالله: طيب أنا مابيني وبين أهلها ذاك العلاقات .. وبعدين أكيد أهل أمها كلمهم متجمعين هنـ........
سكت أكيد عمر هناك ..طلع بسرعة من شقتهم ..
ودخل لشقه أنفال..
كانت تلبس عباتها وراح تطلع..
عبدالله: مافيه طلعه..
أنفال: وخر عني بس..
عبدالله: قلت لتس طلعه مافيه فاهمه ..
أنفال: ليه ان شاء الله ؟
عبدالله: أكيد التعبان هناك ينتظرتس ..
أنفال صارخت: كل ترااااااااب .. ماتعبان غيرك أنت..
عبدالله: يشفع لتس حملتس بس..
طلع من الشقة ..
رمت نفسها على السرير وقعدت تبكي ..
بعد وقت دقت غيد..
جلست أنفال وردت ..
أنفال:هلآ..
غيد: يؤ أنفال شفيك ؟
أنفال: الحقييير ضربني زفت ..
غيد شقهت: كسر يكسر يده ..ليه عاد ؟
أنفال: لآني قلت له أني أحب عمر..
غيد شهقت زود: مجنننننننننننونة .. حتى لو مايحبك ولاتحبيه ليه تقولين تسذا..
أنفال: أكرهه .. والله لاقول لـ عمر عشان يأدبه الزفت..
غيد: أنفال يامجنونه بلآجنون.. وبعدين وش موقع عمر عشان تقولين له.. لاتقولين له لاهو ولاعبدالملك .. كلمي أبوك..
أنفال تبكي: طيب أذا ماقلت له.. عشان يأدبه الزفت..
سكرت أنفال وراحت تدور رقم عمر في كتبها ودفاترها وطلعته..
دقت طالع عمر بالرقم وقام برآ الاستراحة..
عمر: ألو..
أنفال تبكي من قلب: عمممر..
عمر يستوعب هذا هو صوتها أولآ: أنتي أنفال؟
أنفال تبكي أكثر: ايه..عمممر ضربني ..
عمر جن جنونه: آيششش ..يضربك ليه منهو عشان يمد يده عليتس..أنفال لاتبكين ..الحين بجيتس..لاتبكين ..
سكرت أنفال وهي تبكي من قلبها ..
بالاستراحة..
عبدالملك: وين بتروح ؟
عمر: مشوار وراجع..
عبدالملك: مين اللي كلمك ؟
عمر: واحد .. بطلع..
عبدالملك: بطلع معك ..
عمر بسرعة وتدراك نفسه: لآ .. معليك بطلع وبرجع بسرعة ..العشا أنت وفهيد وعبدالرحمن راح تسونه هع ..
عبدالمك: هههههههه خلاص لازم تطلع أنت وواحد من العيال..
جا واحد من العيال: شفيكم ..
عبدالملك:اطلع معه..
عمر: ماله داعي..
عبدالمك: لازم واحد يطلع معك ..
معاذ: أنا بطلع معاه .. لانرجع الا والعشا جاهز فهمت ..
عبدالمك: هههههههه طس بس ..
طلعوا من الاستراحة وعمر كان مسرع..
معاذ: عمر هدي السرعة لاتودينا بداهية ..
مارد عمر ..
وقف قبال فيلا كبيرة..
معاذ: وش تبي هنا..
عمر : اجلس هنا انتظرني الحين راجع..
معاذ: عمر..شعندك؟
عمر: قلت لك الحين برجع .. بس معي أمانه هنا لازم أعطيه شي عندي..
سكت معاذ وانتظره ..
شاف عمر السواق ..
عمر: وين شقة عبدالله ؟
السواق: فوق..
عمر: دلني الطريق..
طلع معه ..
عمر: أي وحده شقته ؟
السواق: كلو..
عمر: وين شقته مع المدام الاولى..
السواق: ماما شهد ..
عمر:ياليل.. ايه..
شر له عليها السواق ..
عمر: خلاص روح ..
دق على الجرس ..
فتح عبدالله ..عمر فجأه بقوس على وجه ..
عبدالله تفأجا من الضرب ورجعها لـ عمر وصراخ وسب وشتايم ..
عمر: أنت تطولها لييييييييه تضربها ..
عبدالله حشر عمر بزواية :أجل أنت ولد خالتها .. وجااااااي لبيتي..
شهد حطت جلالها ونادت السواق ..كانت أنفال تشوف من العين السحرية وتبكي وتندب حظها ليه كلمت عمر ..
شهد: فكهم بعدهم عن بعض ..
عبدالله : ياترررررررررررررراب ..
مسك السواق عمر ..
شهد متغطية: بعده هناك ..
طلع معاذ وشاف الحاله ..من الصراخ اللي سمعة..
سحب عمر ..
بالسيارة كان معاذ يسوق ..: أنت غبي ومجنون ومتهور .. تروح للرجال بيته وتتضارب معه .. وبعدين من هذا ؟
عمر يمسح الدم طرف فمه وبعصبيه: مابردت حرتي فيه ..
معاذ: أنت اصلن مجنون.. لو قدم فيك شكوى أنك تجيت وتهجمت عليه.. وش الفايدة وقتها ..
عمر كان يمسح الدم : مرني فيني لبيتنا اتسبح واغير..
معاذ: طيب..
.
.
.
شقة عبدالله وشهد..
شهد تمسح الدم من أنفه ..
عبدالله : التعبان ..
قام بسرعة وطلع من الشقة ..لحقته شهد وأخذت جلالها ..
فتح باب شقته مع أنفال ..لحقته شهد وبعدته : شفيك أنت .. خلاص..
عبدالله عصب: شهد روحي شقتك ..
شهد: لامنيب رايحة .. خلاص .. اذكر الله وصل على النبي..
عبدالله: لااله الا الله .. اللهم صلي وسلم على محمد ..
أنفال : يعني راح تضرب .. انقلع هناك ..
شهد: خلاص أنتي .. يعني اسكت ذا تطلعين ..
أنفال: اطلعوا برآآآآآآآآآآ ..
عبدالله رجع عليها ويالله بعدته شهد ..وطلعته معها ..
بشقتهم ..
حضرت له الحمام ..:ادخل خذ لك شاور..
عبدالله: ماأبي..
شهد : عبدالله قوم ماتشوف ثوبك ووجهك .. قوم ياعبدالله ..
قومته ..
راحت ولعت جمر عشان تبخره لانه تعرفة يروق مع ريحه البخور ..
طلع وكان لابس البجاما ..بخرته وحطت له عطر .. جابت منشفه ونشفت شعره ..
شهد: يألمك شي؟
عبدالله: لآ ..
طلعت وجابت له عصير ليمون ..
شهد: خذ ..وروق أعصابك ..
جلست جنبه وهو يشرب ..نزل الكاس وناظرها: الله لايحرمني منك ..
شهد: ولامنك .. عبدالله صاير عصبي كثير هاليومين.. وحتى الربو شوف قبل شوي رجع لك ..
عبدالله : أجل يجي لي واحد يحبها ويتضارب عشاني ضربتها..
انصدمت شهد وسكتت..
عبدالله: ماتحملت.. خليها تتأدب..
شهد : طيب لاتتضايق ..
قامت وطلعت البخور عشان مايضايق عبدالله ..وتالي رجعت له ..

شهد: قوم خل نحضر العشا..
عبدالله: مالي رغبة..
شهد: لو عشاني ..
عبدالله : حتى ياشهد ..
شهد: أفا ماصار لي خاطر عندك..
عبدالله: أنتي عارفة غلاتك .. بس مالي نفس.. بحاول انام ..
شهد: براحتك ..
تغطى وهي طفت النور وطلعت ..
جلست بالصاله ..
شوي الا هو يجلس جنبها ..ابتسمت له ..
عبدالله : قومي نحضر العشا..
ابتسمت له ..:قوم..
عبدالله: راح اكون متفرج لان تذكرين لما دخلت..
شهد: خخخخخخخ لاتذكرني عفست ام المطبخ ..
عبدالله: مو ذنبي أنتي مدلعتني..
شهد: تيب قوم ..
.
.
.
شقة أنفال..
كانت منهارة من البكا ونفسيتها زفت .. دقت عليها أمها وردت وقالت أنها تعبانة وكل شوي تدق تتطمن عليها ..
دق اللي ماتوقعته يدق ..
ردت وبس تبكي..
عمر صوته مخنوق: جعل من بكاك تبكي عينه .. يألمك شي.. جاك شي.. ضربك بالحيل..
أنفال: شسوي ماأبيه ..أكرهه ..
عمر ضرب بيده على الباب بقوة تدل على قله الحيلة ..
أنفال : عمر مقدر أكلمك .. حتى لو أكرهه ماأبي أخون.. أدري غلطانه لما كلمتك بس أنت من جيت ببالي ..
عمر: امنتك الله .. انتبهي على نفسك .. بس لاعاد تعطينه وجه خليه .. بيجي لتس اكرشيه .. والله منساك ياأنفال لو يمشون حولي عيالي.. وعد مني..

امنتك الله يابعد ღ كل غاااالي...,
أمنتك الله واحفظ ღ حبنا زين..!
بعدك ترا ماعاد ღ شي بقالي...،
ماعاد باقي لي سوى ღ دمعة العين..!
ما أنساك لو يمشون ღ حولي عيالي...،
ببقى أذكرك لو راحت ღ سنين وسنين..!
.
.
.
ببيت أبو عبدالله ..
وجن: يبه لاتناقشني خلاص تعبت من هالموضوع.. عاجز عن مصروفي أنا وعزوز أنا راح اشتغل وقدمت أوراقي على مدرسة أهليه وان شاء الله انقبل..
أبوها أخذ بخاطره كثير من كلمتها : هذا كلامك ياوجن .. أنا من متى تكلمت عن مصروفك أنتي وعبدالعزيز ..
باست يد أبوها: لآتزعل يبه .. بس طلال منيب راجعه لين يقول وين كان ..
أبوها: يابنتي ولد عمك الله العالم ماغاب تسذا.. شوفي ملامحه وأنا أبوك .. أنا ماحبيت ولابغيت أكلمه .. لآن غيبه طلال وراها علم كايد ..
فكري بكلامي ولاهوب حل أنك ماتطلعين له .. واحرجتيه معنا.. تمسين على خير..
طلع أبوها من غرفتها ..وجلست تفكر بكلام أبوها ..
نومت ولدها .. وسمعت صوت رساله ..شالت الجوال ..وفتحتها وكانت وسائط من طلال صوت ومعها صورة شخص يمشي وحده متحركة وعليها كلام ..

تعالي عالجي جرحٍ على غيـرك دواه اصعيـب
ابعون الله يبـي يبـرا الجريـح اللـي تداوينـه

لو انه من عنى الدنيا تغربـل والزمـان اتعيـب
سرى مع طلعة الجوزاء علـى طيـفٍ اتخبرينـه

هاذاك اللي على شانك وقف وقفة رجال الطيب
دخيـل الله تعالـي ليـن بعيونـك تشوفينـه

تعذب يابعد روحـي معـذب يايبـي تعذيـب
عليـك الله وامـان الله عذابـه لاتزيديـنـه

جريح القلب لاجيتي بعـون الله تـراه ايطيـب
على شوفك يطيب الجـرح مادامـك تراعينـه

تعالي بس شوفيني ترا شوفك علـي اصعيـب
احاول بـس انـا ماقـدر وشي انتـي اتعرفينـه

.
.
.

اليوم الثاني ..
العصر..
شهد: ان شاء الله ابد ادوام ..
عناد: حلو .. أجل بحول كل حسابي عندكم ..
ابتسمت شهد ..
عناد: وكيفك مع العلاج ؟
شهد :آممممم تقول الدكتورة ان شاء الله قريب.. يالله ياعمي متى اضم طفلي لحضني..
عمها : قريب ان شاء الله .. متفائل حيل.. بس ها أول من تبشرين أنا..
شهد: أكيد مايبي لها ..
دخل عبدالله وسلم على عمه وجلس جنب شهد ..
عناد يغمز لـ شهد : يعني أكيد راح تبشريني قبل عبدالله ..
ضحكت شهد : مايبي لها ..
عبدالله: بـ وشو ؟
عناد: لاحملت شهد أنا أول من تبشره..
عبدالله ابتسم: بكون معها يعني أنا أول من يتبشر..
عناد : صدز ..شلون نسيت ..
شهد: حتى لو .. الله يجيب هاللحظه..
عمها: آآآآآآآمين ..
عبدالله: قريب ان شاء الله ..
دق جوال عبدالله وكان أبوه رد وتالي قام ..
عبدالله: بنزل الوالد يبيني ..
طلع عبدالله ..
عناد: الله يستر بس..
شهد : آمين ..المهم عمي متى راح تتزوج ؟
عناد ابتسم: قريب ان شاء الله .. بس أنتي شايفه طبيعه شغلي كل مره بدولة ..
شهد: صحيح الطيران مهنه حلوه حيل بس متعبة ..
عناد: بجد .. تتعب وبقوة..
شهد: الله يعين .. طيب تزوج .. ودي اجهز لعرسك ..
عناد: يافديتك .. ان شاء الله قريب..
شهد: طيب أنت حاط وحده براسك ..
عناد: وحده بس تزوجت الله يستر عليها .. بس ترى مو حب لا بس كنت أبيها .. بس الله يوفقها ..
شهد: يعني القلب خالي..
عناد ابتسم: وخيالي..
ضحكت شهد ..
.
.
.
ببيت أبو عبدالله ..
عبدالله: طيب ويعني..
أبوه: مرتك تشتكي منك .. تقول ماتجلس عندها ولاتنام وعايشه وحده..
عبدالله يناظر أنفال: مشاكلنا نحلها وحدنا..
أنفال: وحدنا .. عمي معه أحدى الخيارين ياأنه يعدل .. ياأنه يخليني اروح بيت أهلي وينسى مرته وولده..
أبوه: سمعت كلام مرتك ..
أم عبدالله ووجن كانوا ساكتين ويناظرون الوضع ..
أنفال: أتمنى ياعمي مثل مازوجتني ولدك تخليه يحترمني ويقدرني لاني زوجته..
عمها: مالك الا طيبه الخاطر.. وابشري باللي تبينه ..
استأذنت منهم وطلعت لحقها عبدالله بسرعة ..
سكر باب الشقة بقوة ..:هي حركة يعني ..
أنفال: بس حركة تتأدب منها.. والحين شوف منهي أنفال اللي تسحب عليها .. ذوق طعم البعد لو مرة .. انجبر على البعد والفراق مثلي لان مافيه أحد أحسن من الثاني ..
عبدالله : أصلن زواجي منك اجبار ..
أنفال: ذوق بعد تستاهل.. ماخبري الرجال ينجبرون على شي.. وفكر تمد يدك صدقني لـ اقول لابوي ولاامررها لك ..
عبدالله: الضرب في وحده مثلك حرام .. أول ماتولدين انسي إن عندك ضنا.. وراجعي له ..
أنفال: تحلم زين ..
عبدالله: نشوف مين اللي يحلم ياهانم .. والحين ماتبين اجلس معتس..روحي جهزي لي القهوة شهدوتي متعوده تقهويني دايم العصر وأبي حلا ..
أنفال : ماعرف..
عبدالله : أجل اجلس معك تسذا .. لاياحلوه مايصلح .. لازم شي يشغل وقتنا ..
أنفال: انقلع عني منيب رايقة لك..
عبدالله قرب لها : لاتقولين لها الكلام لي أنا.. فاهمه ..
أنفال: لابقوله .. روح عني ..
عبدالله رجعها على الجدار ومسك يدينها: وين اروح .. أنتي تبين نجلس مع بعض وتبين حقك مثل شهد صح .. أنت تطولين توصلين لها اصلن ..
أنفال: شهد العقيم ..صح ؟ أكيد لاني الحين حامل ..
عبدالله : وأذا حامل ..لو تجيبين لي مليون ضنا ماغيرو نظرتي فيك..
أنفال: ومن قالك راح أجيب منك غير هالبيبي .. وع بس..