شبكة همس الشوق - عرض مشاركة واحدة

22 - 10 - 2014, 04:32 PM

.
.
.
اليوم الثاني ..
النمسا..
عناد كان ضام ريما حضنه وماتركها تنام..
ريما : وربي عناد فيني نوم..
عناد: مافيه نوم.. حلا كل ليله تنامين بدري وتتركييني..
ريما:فيني نوووم..
عناد: مافيه نوووم..ريوم قومي غسلي وجهك وخلي نطلع بطلي كسل..
ريما قامت وهي تغالب النوم ..
عناد:ههههههههههه لاتصكين بأي شي..
قام يبدل ملابسه وهي راحت تكمل نومها..
خلص لبس ورجع شافها نايمة..
عناد : أدري أني نذل ماأخليك تنامين .. بس انام معك ولافيني هالنوم..
جلست ريما :بقوم.. بالليل ماتجي عندي..
عناد ضحك: وأنا اقدر.. السهرة ماتحلا الا فيك .. جعلني فدوة للعيون المخدرة بالنوم..
ريما تخدرت زود..
عناد: لآآآآآ .. رحت وقسم بالله مااستحمل..
ضحكت له ..
عناد : يالله ثبت العقل فيني..
ريما: بطل حرش ..
عناد: لووووح لو مااحترش في هالقمر اللي قبالي .. ياجعلني فدوة لشهد على اختاريك لي..
ريما: آعششششقها الله يخليها لي فديتها..
عناد قرب لها زود : أنا اللي آعشششق اللي جالسة وفيها النوم..
.
.
.
الرياض..
الليل ..
ببيت اهل شهد..
حطت راسها وهي ضايقة وفيها النوم..
دق جوالها ناظرت الشاشة ابتسمت: هلا بعمري..
عبدالله: هلابك ياروح عبدالله..كيفك..
شهد: ماشي الحال.. أنت أخبارك متى راح تجي؟
عبدالله: بكرة رحلتي الصباح .. كيف الوحام..
شهد حبت تخليها مفأجاه: الحمدلله..
عبدالله: كأني أزعجتك..لان صوتك فيه النوم ..
شهد:لاجعلني فدوة لك .. لما اسمع صوتك ارتاح..
عبدالله : تدرين أحبك وأعشقك وأغليك واموت فيك..
استحت وسكتت..
عبدالله: فيك النوم..
شهد: شوي..
عبدالله: أنتي الحين بغرفتنا..
شهد: ايه..
عبدالله: طيب لما تجين تنامين تغطي زين ..وانتبهي لنفسك الين يخلص الوحام ووقتها خليك لي أنا..أغطيك وأدفيك والمك ..
شهد : ترى اصيح الحين..تدري كل ليله الف للجهتك والاقيها فاضية وضيقه ياعبدالله مقدرت انام فيها الين غيرت الشغالة كل المفارش عشان الوحام .. وتالي صرت انام مكانك..
عبدالله: اه هالوحام لاعب فينا..شوفي شهوده واقولها من الحين أول مايشرف أو تشرف هالضنا ..كف على الطاير..
ضحكت شهد: لاحرام عبودي..
عبدالله: واللي سواه فينا مهوب حرام..هانت ..شهودتي صوتك رايح نوم..
شهد : سولف معي حتى انام..
عبدالله: طيب طرت ببالي اغنية خلي اغنيها لتس ..تناسب حالتك لان فيك النوم..
شهد ابتسمت: غنى وحشني صوتك وبحته..
عبدالله :من عيوني اغني لك واسولف لتس لين تغفى عيونك..
بدا يغني لها بصوته اللي تخالطه بحه مجنونه تذوب..

حبيبي أسف ازعجتك حلو صوتك قبل لا تنام
سمعته وانشرح صدري وكني شفتك بعيني

حلو كل الكلام اللي يجي من مبسمك أنغام
يونسني وينعشنـي ويجلـي كـل مـا فينـي

خذاني الشوق لك ياذوق الا ما حلا ورود الشام
الا يا متعة ايامي مع شهوري على سنيني

صحيح ان العشق يذبح الا يا مصدر الالهام
وقلب تملكه دايـم علـى حبـك يوصينـي

احبك مملكة عمري وحبك دورة الايام
تمر سنين بعد سنين حبيبـي يـا نظـر عينـي

تبين لك وسط قلبي فيافي خضر وبيض خيام
ربيع العمر لك فدوة رضاك اليوم يكفينـي

.
.
.
دبي ..
بالفندق..
العنود:هنا مرآ الوقت متقدم عن الرياض..
زياد: ايييه..عنوده كلي ذا..
العنود: لازياد..
زياد: عشاني..
أكلت شوي من الفواكة..
زياد: طيب اشربي من هالعصير..
العنود: لازيود ..
زياد: بس شوي ..
العنود شربت شوي.. :خلاص..طيب اشرب أنت..
زياد: أنا جايبة لتس..
العنود : طيب اشرب معي أذا تبي اشرب..
زياد ابتسم: هذاني شربت.. اشربي..
قعد يشربها ويشرب ..
العنود:خلصننننناه..
ضحك ..
العنود :خل نقوم نفرش اسناننا وننام..
زياد وقف وقام معها .. وهو يحمدالله ان حالتها تحسنت..
.
.
.
الرياض ..
ببيت ماجد..
وجدان: تامر أنت..
ماجد شال بنته وقعد يلاعبها ..
وجدان: خليها شوي عندك ..ترى مشتاقه لك..
ماجد: امريني روحي.. بس مشتاق لها هالدبة ..
وجدان: اغار منها..
ضحك ماجد: وتين ماما تغار منك..
وتين ضحكت: ماما تغار حتى من جدو..
ضحكت وجدان: حتى أبوي يدلعها ..
ماجد:هههههههه ماما طماعه ..
وتين تفتح يدينها:كثثثثثثثثثثثير..
ماجد يبوس بنته :حيبيه بابا..
وجدان: ماااااااجد..
ماجد:ههههههههههههه ..لاحالتك صعبه وجود..
قامت وتين لما شافت الكراتين ..
ماجد قرب لـ وجدان: الحلوه تغار من بنتها..
وجدان :يؤ مجود..
باسها: فديتك.. أنتي بكفه ووغيرك بكفه.. كم وجدان عندي..
وجدان باسته : اموت فييييييييك..ماجد لو فكرت اطلع من البيت وزعلت تكفى لاتتركني اطلع..
ضحك:ليه؟
وجدان: لاني ماسوى شي من دونك.. خلني معك..
ضمها لحضنه وهو يناظر بنته اللي مندمجة بافلام الكرتون..
.
.
.
ببيت أهل عمر..
عمر :خلاص راح أتزوجها..
امه: عمر البنت باقي بالعده..
عمر: ايه ادري الحين راح شهرين بالتمام والكامل ومن اسبوع بدء الشهر الثالث..
امه: وش اسوي يعني..
عمر: تروحين وتقولين لخالتي أني أبغاها..
امه: منت بصاحي..اخطب البنت بالعده..
عمر: يمه اخطيبها لي.. عشان مانتحر..
امه: لاحول ولاقوة الا بالله.. عمر اركد..
عمر: أبيها.. ثاني ليلة تخلص العده اخطبها ..وبعدها بسرعة نملك..واللية بعد الملكة أخذها..
غيد:على كيفك السالفه.. وبعدين يبي لك تفك الجبس عن رجلك..
عمر: بكرة بروح افكه..
امه: انتبه ثاني مره ولاتسرع..
عمر: من عيوني بس اخطبي لي انفال..
.
.
.
اليوم الثاني..
ببيت أهل شهد..
شهد كانت تكلم عبدالله ..:طيب وينك؟
عبدالله : توني وقفت السيارة بالحوش..
شهد: جد .. حبيبي أنت الحمدلله على السلامة..
عبدالله: لبآ خفوقك..الله يسلمك ياروح عبدالله ..خاطري ادخل الحين واضمك بس آآآه..
ضحكت : طيب ادخل ..انتظرك..
عبدالله ضحك معها: طيب ..
سكرت الجوال ونزلته ..وفتحت الباب له ..ووقفت وراه ..
نزل الشنطة ..وهو مبتسم :حاس بخبر حلو ..خلصتي الوحام..
ضحكت له:: آييييه ..
قرب لها ونسى حملها وضمها بقوة :آآآآخييييييييير..وحشتينيي وحشتني ريحتك وأنفاسك وكل كلك ..
بعد عنها شوي ورجع ضمها وهو يضحك ..
شهد كان فرحانة بس لفرحته فرحت أكثر: عبودي بطني..
ضحك وبعد :نسيت ..
مسك يدها وجلسها جنبه : شهد أنا مستانس حيل..
شهد :لبآ قلبك .. وأنا كثرك..عبدالله ليه نحفان ؟
عبدالله مبتسم :بيرجع جسمي نفس ماتبين بس اهم شي خلص الوحم وراح ننام سوى وانومك بحضني بس شهد أبغى الليلة تنوميني بحضنك وتدلعيني وتدرايني بلاك ماتدرين على الحرمان اللي انحرمته منك.. ونأكل سوى ونطلع سوى من كم شهرماطلعنا بالسيارة لانك ماتقدرين..
شهد ضحكت: بس كذا من عيوني ..
عبدالله : اييييه وأبيك كلك .. وأبي قلبك اللي ظل صاد عني ..
شهد : بس قلبي ماطلبت شي..

بَسْ الخَفُوقْ اللّي تبيَه ؟!

[ الله ياصَغـر الطَلبْ ]

ياصَاحبَي لاتسَتحيِ مَن شَي ودّك تكسَبه !
لبيَه ياعمَري فدَتك أهَل الملامَة والعتَب
لبيَه كثر اللَي عشَانك كنْت أضَيفه واشَطبَه
يامَن لعَبت بحسْبة اللي محْدن بَه قد لعَب !
قلْ وش بقَى بك مايفرّ العقل فرّ ويسْلبَه ؟!

عبدالله :حطيني بحضنك ..
تعدلت على الكنب وحطت راسه بحضنها وبعدت شماغه وقعدت تلعب بشعره : حبيبي افطرت ..
عبدالله: اكلت بالطيارة كرسون ..
شهد: حلو .. تبي تنام باقي الساعة 9 وشوي..
عبدالله: اييه بس بنام بحضنك هنا.. لاتخليني لما انام..
شهد ابتسمت: أحد يترك روحه .. ياروح شهد ..
عبدالله يناظر بطنها وهو منسدح على رجولها : كبر بطنك..مااقدر ادفن نفسي مثل قبل بحضنك ..
ضحكت ومسكت يده وحطتها على بطنها ..
عبدالله : ربي يقومك لي بالسلامة..
شهد: ويحفظ البيبي ..
عبدالله: الله يحفظكم اثنينكم لي ..
مسك يدينها وباسها ..
.
.
.
المستشفى ..
نجد : يالله يعني ماخرب الجهاز الا اليوم .. طيب وين المسؤول عن هالشي ..!.... خلاص خل المراجعين يجون لعندي ..أوك ..سلام ..
سكرت .. :الله يعين ..
كأن حظها مترصد لها .. ويبي لها الهم والحزن يابن بملامحها من جديد..
.
.
.
بمكتب أبو طلال ..
أبو طلال: طلال أنا رتبت السفرة وراح راح نسافر .. وأرسلت كل الاوراق والتحاليل لامريكا ..
طلال : يبه خلاص أنا تعالجت ..
أبوه: امنا بالله .. بس أنا قررت.. سنة وشوي ياطلال.. ولاندري عن أرضك من سماك .. ماخلينا مكان ماسألنا فيه.. تدري وش اللي جاب ببال الناس .. أنك من الفئة المنحرفة (الارهابين) .. لان هالاختفاء ماكان على سنع .. وبعدين طلال لاتقول مايبكم تشيلون هم .. أنا أبوك.. ودكتور يعني من حقي عليك أنك تقولي .. أجل وش هالمهنه أذا مانفعتكم ..!
طلال سكت..
أبوه: خلاص ياطلال.. رحلتنا بعد اسبوعين من الان .. جهز نفسك.. وترى راح ابلغ امك .. صعب تظل المسكينة على عماها ماتدري عن شي.. المرض ياولدي لاهو عيب ولاهو بـحرام .. هذا مقدر من الله سبحانه وتعالى ..
طلال: أدري.. بس ماحبيت أحد يشيل معي همي ..
أبوه: همك همنا ..
.
.
.
مكتب نجد ..
نجد : اييه اخوي دخل الرقم السري هنا ..
دخل بندر وماكان يدري انها نجد موجودة..
المراجع : خلاص..
نجد: أذا تبي تدفع المبلغ كاش الحين أو تبي اقساط كل شهر ..
بندر طالع الاسم الموجود على المكتب وحتى صوتها وتتكلم مع الرجال عادي صحيح متغطيه بس غيره بقلبه لو هي مهيب ملكة ..:اطلع برآ..
نجد ررفعت عيونها وشافته ..
المراجع: تكلمني ..!
بندر: ايييه لاتوسع صدرك بالحكي معها ..
المراجع سفهه بندر لانه رجال كبير وكمل حكي مع نجد : راح ادفع كل شهر..
نجد: خلاص اجل .. الحين الدفعه الاولى 300 ريال ..
بندر : اطللللع برآ..
الرجال: شفيك أنت ..
بندر: زوجتي بعد عنها..
الرجال: لاحول ولاقوة الا بالله .. اللهم الهمني الصبر.. ياخوي لو زوجتك هذا شغلها ..
نجد: لو سمحت بندر تفضل برآ الين يخلص المراجع ..
بندر: موب طالع..
نجد سكتت : اعتذر اخوي ..
عطته بطاقته والوصل:وقع هنا..
وقع المراجع وطلع ..
نجد كانت ترجف: ممكن بطاقتك ..
بندركان جالس والرجفه واضحه عليه كثر نجد : ليه خليتيني اطلقك .. ليه ؟ ماتدرين أني أحبك واعشقك ..
نجد : لو سمحت عطني بطاقتك ..
بندر وقف وسكر الباب ..
.
.
.