شبكة همس الشوق - عرض مشاركة واحدة

23 - 10 - 2014, 06:35 AM

.
.
بالصالة ..
شهد كانت تسمع كلام عمها وانتظرته الين خلص: الله يسامحك ياعمي..
ابتسم عبدالله لها .. وارتاح عمها من هالهم .. وجدتها انشرح صدرها لـ رضى شهد وصلحها مع أعمامها..
.
.
.
الليل ..
ببيت بدر ..
قدم لها هدية ..
وعد ابتسمت ..
بدر: راح تسأليني عن سبب هالهدية ..أقولك مافيه سبب الا أنك حبيبه قلبي ومن زمان ماهديتك ..
ابتسمت وهي بخاطرها شي حلو على هاللفته الحلوه من بدر..
بدر يبوس كفها: لو بيدي أهديك هالدنيا بس مافيه شي يجي بمقامك عندي..
وعد وكفها على كفه: وجودك حولي يكفيني عن كل شي .. الله يخليك لي ولبنتنا ..
.
.
.
ببيت زياد*العنود ..
صفر لما تنزلت العبايه وضحكت: زيااااد ..
زياد باعجاب فيها : ياجعلني خق ..
عدلت بنتها على سريرها : متى جبته؟
زياد : طلبته مع الاثاث لما طلبته ..
عدلت بنتها بالسرير وبعدت الشرشف لاجل مايجي على وجهها ..
جلست بدلع رباني وتبعد شعرها اللي جالسه عليه لجنبها..
زياد بخوف واضح عليها: الله يكفيك من عيني وعين كل شخص مايخاف الله ..
العنود ابتسمت وهي تناظره يجلس قابلها ويتأملها باللوك الهندي من السارية الهندي مكون بدي حيل فخم وتيور أفخم وشال على ذراعها .. وتاركه النقش الهندي الماسك من أعلى كفتها الين كفوفها ..:أول مره أشوفك بالنقش ..
العنود تحمست وكشفت عن ساقها :شوف ..
خق ..
العنود ضحكت وهي شايفه ضيعته وحبت تعذبه زود دامه مضنونها وهالشي يجيز له : شرأيك بالخلخال..
زياد يناظرها: يالله دخليك ثبت العقل فيني ..
ضحكت : اسسسم الله على عقلك ..
زياد : اسم الله عليك من كل عين..
جلس يناظرها أكثر: ماكملتي اللوك بالنقطه حقتهم ..
ضحكت وهي تعض على شفايفها: لان حرام هي تختص بـ العبادة الخاصة فيهم ..
زياد :فديتتتها والله اللي ماتغضب ربها وانشهد أنها حازت الزين كله..
العنود تذكرت وبـ دلع طفولي:زياد خاطري تضمني مثل قبل ..
ضحك يعرفها كانت لما تضيق تقوله وطبع هو معودها عليه أنها يضمها كل ماضاقت ..
ضمها : عسى الله مايفرقنا ويكفينا شر كل حاسد..
.
.
.
ببيت عبدالله*شهد ..
شهد: جننوني الليلة كل ماشافوا أحد بكوا..
ضحك عبدالله : آيييه يشيلهم فواز ومتعب وشوفي البكا..
شهد: الله يصلحهم ..
عبدالله يعدل لها المخده وهي تجلس قباله :كيف الليلة عسى محد ضايقك..
شهد : دامك موجود ياذخري أحد يقدر يضايقني.. تدري الليلة كلهم مدح فيك يالله ماتتخيل شكثر خفت عليك .. بس تذكرت أنك محصن بحصن المسلم ..
ابتسم وقالها بكلمته المعهوده: مااشتقي لاحضاني ..
راحت لحضنه وهو ملجأها بعد الله سبحانه من كل ضيقه وهم ودفنت نفسها فيه :عبودي من زمان ماغنيت لي ..
عبدالله ابتسم لها ..فكر شوي بـ شي يناسب حالهم وتالي غنى لها ..

وين انت قبل اللي مضى سنينـي
يـا مسعـدٍ باقـي حـيـاتـي بـالأفــراح
ما قـول قبلك في حيـاتي ضنينـي
ولا نيب مع غيرك من الناس مرتــاح
حتى فرحـك ارهب شقاي الدفيـنِي
ومنـك السعادة بدّدت هـاك الأشبـاح
يـا غـالــيٍ قـرت بـلامـاك عـيـنــي
حبـي وحبــك هـن سبب ربط الأرواح
كـأس الـهـنـا تو أقضبنّـه ايدينــي
وأروى ظـمـأ وقـتـي هذاك اللـذي راح
واللـــه مـا لك فـي حيـاتي وزيــنِي
برق الفرح قبـلك على العيـن مــا لاح
.
.
.

تعليقي ..

شفنا كيف آنتهت فصول روايتنا .. مع أبطال حقيقه عشت معهم أجمل ثمان شهور من عمري عانيت من معاناتهم وفرحت لفرحهم وتأثرت لاجلهم..وحبيت اعلق على شخصيتهم ..

شهد*عبدالله ..
قصة حب حملت الكثير من المعاناه لكثر ماعانوه من تدخل أبوعبدالله بحياتهم الخاصة ومرور بزواج عبدالله وصبر شهد على كل ماتلاقي واحتساب ذلك عند الله سبحانه وتعالى وكيف نهايه الصبر خيره عوضها الله بـ أجمل طفلين فهد وسحر وزوج يعشقها لدرجه الجنون .. ودوم نقول نهاية الصبر خيره..
وكيف كانت شهد تنفق مما أعطاها الله وتكفل ايتام وتصبر على كل أدى وتقابله بـ آحسان ..
(أُوْلَئِكَ يُؤْتَوْنَ أَجْرَهُم مَّرَّتَيْنِ بِمَا صَبَرُوا وَيَدْرَؤُونَ بِالْحَسَنَةِ السَّيِّئَةَ وَمِمَّا رَزَقْنَاهُمْ يُنفِقُونَ) القصص: 54
وعبدالله كذلك بره في أبوه وطاعته له وعدم التبرم من ذلك عطاه الله خير ووفقه بحياته كلها وبر الوالدين لايؤتي الا خيراً .. فيكف لانبرهم والله سبحانه وتعالى امرنا بذلك ووصانا به الرسول صلى الله عليه وسلم ..
وتذكروا ..

‎ إذا رأيت الله يحبس عنك الدنيا
ويكثر عليك الشدائد والبلوى
فاعلم أنك عزيز عنده ، وأنك عنده بمكان
وأنه يسلك بك طريق أوليائه وأصفيائه | وأنه يراك
أما تسمع قوله تعالى: ( واصبر لحكم ربك فإنك بأعيننا)

...

طلال*وجن ..
غيبة طلال المفاجئة عنها والعذاب وكلام الناس اللي مايرحم .. ورجوعه لها واكتشاف سبب هالغيبه .. وعايشين حياه حلوه وهادئة مع ولدهم عبدالعزيز وينتظرون طفلهم الثاني ..
ويعطينا هالشي آننا ماتنكلم عن البشر قبل مانعرف ظروفهم ..
...
فهاد*صفا..
أصراره على الزواج ولقاءه مع صفا وتقبله لكل ظروفها والسعي لايجاد أمها وكل المشاكل اللي عصفت بحياتهم في بدايتها كانت دافع لنمو وكبر حبهم مهما كان الظروف..

لاجل كذا لما لازم أقوى من كل مايحيط بنا من الظروف ..
...
فارس*ساره ..
شفنا كيف اجبر فارس على الزواج وعامل ساره بجفا وجرحها وكيف الحين حياتهم تسير بشكل مميز جداً والحين هم يكلمون دراستهم بـ لندن .. ومن ذلك تنعلم أننا مانرفض الشي قبل العيش معه ونتقبل القرارت التي تصدر أبائنا والاشخاص اللي تهمهم حياتنا ..

...

عناد*ريما ..
شفنا كيف المشكلة اللي كادت تعصف بحياتهم وهي توها ببدايتها وغلطه ريما بالسماح لاختها بالتدخل بحياتها .. ولاكن حكمه ودرس عناد لـ ريما كان بمحله وهو هجره لها لاجل تحس بقيمته .. ورجع لها وتعلمت آنها تكون معه دوم ..

...
عمر*أنفال..
شفنا كيف أنفال ومعاناتها الصعبه بدايه بزواجها الاول المجبره عليه وكذلك الثاني وغلطتها انها تكلم عمر وهي بـ عصمه عبدالله .. وكيف عمر عقب زواجهم لامها على هالتصرف .. لاجل كذا حلو نحفظ أنفسنا وسمعتنا عن القيل والقال .. والحين هم يعيشون حياه حلوه باتنظار مولودهم الاول ..

...
عبدالرحمن *لطيفه ..
شفنا كيف حركة عبدالرحمن برفضه لاكمال دراستها بالرياض وعدم الافصاح عن السبب والتأزيم اللي صار بحياتهم قبل الصراحه والتغيير اللي صار عقب ماصارحها بسبب تعجيل الزواج وهالشي ارضى غرورها كـ آثنى وبدل حياتها مع عبدالرحمن الى سعاده ..
لذلك : أفضل الخدع وأسلمها هي الحقيقة البحتة، فلا أحد يصدقها..

...
متعب*مها..
من خلال شخصيه متعب رأينا الصداقة التي بالفعل نطلق ونحن مطمئين (صداقه حقيقية) وموقفه الشهم مع صديقه ريان .. وكيف حياته الان مع مها تسير بأحسن مايكن .. وكيف احترمها وقدرها وخلاها تكمل دراستها..وكيف المشاكل الي مرت بـ متعب كونت شخصيته وجعلته أكثر نضج..

...

بدر*وعد ..
قصه حب هادئة مليئة بالكثير من العقلانية والهدوء..
بندر*غاده ..
تزوجها بسبب عناد بنجد لاجل ترجع له .. وسبحان الله مكتوب يعيش باقي العمر معها والحين قرر نسيان واجبار قلبه على النسيان لان نجد مرتاحه بحياتها مع زوجها .. وهو الحين يعيش حياه حلوه وهادئة مع غاده وبنتهم ..
...
نجد*ماجد ..
معاناه كبيييرة لاثنيهم .. وماجد كان يشهد على معاناه وعذاب نجد الين تعافت على يده .. ورجعت لحياتها الطبيعيه وتزوجت ماجد وكانت الام لبنته والبنت البارة في امه وحياه ماجد كلها عقب فشل تجربته الاولى..
...
عنود*زياد ..
أكثر شخصين بالرواية تعبنا معهم ومع عنادهم لبعض .. وكيف المشاكل المجنونه اللي اللي متلئت حياتهم .. وشخصايتهم الصعبه والتصادم العنيف بينها ..وكيف زواج زياد من نورة دمرهم وضيعهم بس بسبب هالسحر وبسبب قربهم من الله عز وجل فك هالضر عنهم ..وعقب ذلك كيف هالمشكلة كشفت كثر وعمق حب زياد للعنود وكيف العنود تعاملت وقربت زياد لها بـ شخصيتها الحلوه و جمالها وأناقتها ..وكيف زياد روض العنود الشخصية العنيدة وخلاها تذوب بحبه (وتراضيه عقب مرضاته لها وترفع شأنه أمام أخوانها) .. وبدأت حياته معه والحين عايشين أحلى حياه مع بنتهم لتين ..

فواز ..
شخصية مراهقه بدرجة مجنونه رغم كذا فيه بودار خير كثييرة .. برغم كذا والرفاهية المتوفرة له الا انه فكر بالفقراء والمحتاجين وعلى ذلك محد يدري عنه وقالها مايرجى من بشر فاني ثوابه .. ياليت يكون فواز قدوه لنا بهالتصرف وتنأكد ماراح ينفعنا الا ماقدمت أيدينا ..

أبو طلال..
شخصية رائعة .. آنسان متفهم يحل كل الامور بـ عقلانية وتفهم وشفنا هالشي اثناء مشكلة بنته ساره وفارس..
الشخصيات التي عانى منها بعض أبطالنا ..

وجود الشر ضروري لمعرفة الخير وإلا لما كان للخير ان يُعرف
فالأشياء تكتسب معانيها من أضدادها
ويضيع المعنى حين يفتقد الضد
" تركي الحمد / كتاب من هنا يبدأ التغيير لـ

شفنا كيف أخذ كلن منهم جزائهم وعقابهم .. ومن لم ينل عقابه فالايام كفيله بذلك أو قد يكون حدث ذلك اثناء سير الرواية من خلال رد الدين لهم فـ أغلى مالديهم وحدث ذلك مع أبوعبدالله وماعمله لـ شهد رجع بـ العنود..

...

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .
.
.
.

للكاتبة : وحيدة واهلي كثيرين (هلاليه غير..!)