شبكة همس الشوق - عرض مشاركة واحدة

23 - 10 - 2014, 03:40 PM

بعد ماطلع عمها جاء الدكتور جاك وكان هو الي يباشر حالتها
وأول مادخل تنحنح
وقالت الممرضه الي معه/
آنسه غلا الدكتور جاك بيسوي كشف على عيونك
جلست غلا زين على السرير وقرب منها الدكتور وقام يكشف على عينها
حست غلا بشعور غريب أول مالمس وجهها
ولاحظت أن أصابعه كانت ترتجف وبعد ماكشف عليها طلع من غير ولا كلمه
قالت مضاوي/ ماقلتلك أنه أخرس
لاحظت مضاوي أن غلا سرحانه
قالت/ هي بنت وين رحتي
فزت غلا وقالت/ هاه لا بس أستغربت حاله الدكتور الغريبه

@@@@@@@@@@@@

<يله ياغلا قوي قلبك إنشالله تنجح>
غلا/ آمين يامضاوي بس أدعيلي
كانت غلا خايفه من العمليه
وبعد شوي دخلت الممرضه وأخذت غلا تغير ملابسها عشان راح تدخل غرفه العمليات حست غلا بقلق ونزلت مضاوي معها تحت
ودخلت غلا الغرفه وتركت عمها ومضاوي برى
أول مادخلت حست بخوف وجلست على السرير وسمعت أصوات الممرضات وكل وحده تسوي شغلها وصوت الأدوات الي تنظفها والي تشتغل فيها وبعدها دخل الدكتور جاك وحكيم
وجاء حكيم يقول للرضه تعطيها البنج
خافت غلا تحسب البنج بالأبره
قرب منها حكيم
وقال/ شحالك غلا ?
غلا بخوف/ أنا ماأحب الأبره
حكيم بضحكه عاليه/ عارف
غلا بأستغراب/ عارف!!!!!
حكيم بتلعثم/ قصدي كل الحريم مايحبون الأبره وأنتي منهم صح !
وجت الممرضه وحط البنج على خشمها وأرتاحت غلا أنه موب أبره وحست بنعاس شديد وكانت الأصوات من حولها مزعجه الكل كان يتكلم
وحست بيد تمسح على شعرها تخف عليها القلق والخوف
ورفعت غلا يدها للي مسح على شعرها ومسكتها بقوه وصارت مثل الي لقى الأمان في اليد هذي
وبعدها غابت عن العالم
بعد مارجعت لغرفتها بعد العمليه صارت تصحي شوي ثم تنام وتصحى وتنام وتحس بدوخه كل ماصحت تخليها تنام
وكانت مضاوي جالسه عندها
وعمها رجع للفندق
@