شبكة همس الشوق - عرض مشاركة واحدة

8 - 11 - 2014, 02:18 PM

ميهاف سرحت بعالم ثاني عالم المافيا ..والماده الي حقن فيها فيصل الي محتاج لها فيصل .. فيصل الي ضحى بحياته ..علشان وبلده ومبادئه واخلاقه علشانها هي ..علشان ميهاف
ميهاف لمت يدينها وبكت انا ما استاهل فيصل ..انا ما استاهل فيصل ..احبه يارب احفظه واحميه
امال : ميهاف ايش قلنا
وقفت السيارة قدام باب المستشفى ومشت ميهاف بخوف وهي متعلقه بامال ..وقلبها وعيونها تدمع ..خوف على حبها انها تفقده ..خوف على المجهول الي ينظرها
فهد : سيده ميهاف .. السيد فيصل منوم في العنايه المركزة وراح نتوجه لجناح السيد ه ام فيصل
ميهاف : لا لا ابي اروح اشوف فيصل ..
فهد : سيده ميهاف الزيارة تفتح ساعة وحده بس .. يعني بعد ساعة تقريبا وانت راح تقابلي ام فيصل على ما يفتحوا الزيارة
ميهاف بخوف : وليه الزيارة ساعة وحده بس
فهد بتردد : لان العنايه المركزة الزيارة فيها ساعة بس
ميهاف قلبها يدق بقوة شدت على يد امال : لااااا لااااا امال فيصل فيه شي كايد .. اكيد .. اكيد ..
وصلوا للجناح الخاص بعائله فيصل فتح الحارس الباب ودخلوا على ام فيصل ومريم واريام وعبير الي جالسين مع بعض ..عبد العزيز يوم شافهم دخلوا وقف على جنب
ابرار : السلام عليكم
ام فيصل وقفت وسلمت عليها : وعليكم السلام
سلموا كلهم الا ميهاف وامال الي واقفين بره وميهاف مي قادرة تمشي تدخل تشوف ام فيصل ومن الخوف ماسكه بامال وتشد على يدها بقوة المت امال
ميهاف دفنت وجهها في كتف امال : لااا .. خايفه ادخل ابي اروح على فيصل على طول .. امال الله يخليك .. ابي اروح لفيصل
امال : ميهاف ايش قلنا الزيارة تفتح بعد ساعة وبعدين الحارس طول ماسك الباب خلينا ندخل
ميهاف رجولها مي قادرة تشيلها : تيب .. بس لا تتركيني .. امال لا تروحين معهم ابيك تجلسي معي
امال شدت يدها : يالله ميهاف دخلنا
عبد العزيز استغرب من الحارس الي ماسك الباب مفتوح ومشى له
عبد العزيز : ليش ما قفلت الباب بعد ما دخلوا