شبكة همس الشوق - عرض مشاركة واحدة

8 - 11 - 2014, 03:35 PM

فهد حط راسه على يدينه وهو يفكر بهم في حالته الاستاذ فيصل واهله .. انا مستحيل اخيب ظن الاستاذ فيصل فيني .. مستحيل اضيع عائلته .. واسمح لهم بالتعامل مع المافيا .. لاني عارف ان المافيا تبتز فيصل من اربع سنوات لان فيصل ملياردير ويملك ثروة واموال راح يبتزوه .. والا كان موته من اربع سنوات لكنهم حبوا يستفيدوا منه وفايز النذل هو وراء كل شي
وقف ومشى لين النافذة وتنهد بقوة وهو يفكر كيف ان فيصل اخذ كل السيديات الي شالتهم ميهاف بالكيس .. وكان كلها فيها مقاطع لبنات .. رجعها فيصل للبنات الي لى ارقامهم .. والي ما لقى فيها رقم احرقها بس السؤال الي يطرح نفسه ايش هو السيدي الي تبيه المافيا والي تظن ان ميهاف اخذته لمى شافت البنت بالمقطع المصور وليش المافيا مصره على السي دي والبنت معا . وليش ميهاف خبت السي دي بين ملابسها اكيد ان السي دي يمثل شي لميهاف ..
انا كنت احسب ان الاستاذ فيصل يبي ميهاف لانها كانت موجوده مع مازن وهي الي اطلقت النار عليه بس السؤال الي يرجع من جديد ايش السي دي الي تبيه المافيا
الاستاذ فيصل وقف مع كل البنات الي كانوا موجودين ذيك الليله وبعد ما خرجوا من التحقيق رجع كل بنت لاهلها ومن غير انه ساعد الي كان محتاج منهم اما ميهاف ..كانت لغز كبير لي اعرف ان الاستاذ فيصل حافظ عليها اربع سنوات وما ناقش أي احد ابدا في موضوعها لدرجه انه كان معين لها فريق حراسه في فرنسا لمى كانت تدرس من غير ما تعرف اكيد كان خايف ان المافيا توصل لها . ولمى رفض يسلمهم البنت وقالهم انه ما يعرف عنها شي ولا عن السي دي الي معها حقنوه لانه مغتاظين منه بس لوضعه المادي ابتزوه وفيصل اكيد يعرف ان السي دي فيه ماضي لميهاف ..
المنطق يقول ان ميهاف اخذت السي دي خاص فيها زي السي ديات الي شفناها بس المشكله المقطع اثبت ان ميهاف ما ضربت مازن بالرصاص يعني ميهاف اخذت ا لسي دي وحسب السيديات الي شفناها كانت لمقاطع ..
يعني معقوله ميهاف الي انا شفتها بعيوني وعرفت كيف هي محترمه كان لها ماضي مع مازن او المافيا او ايش لسى مخبئ لك يافيصل
رجع فهد جلس على المكتب وهو يفكر كيف انه لازم يتواصل مع المافيا لان الاستاذ فيصل محتاج للماده الي يأخذها
وفي جهه ثانيه كانت مريم تتصل على امها تتطمن على فيصل
مريم : الو السلام عليكم
ام فيصل : وعليكم السلام
مريم ببكاء : كيف حالك امي .. وكيف حال الغالي
ام فيصل بحزن : الحمد لله .. والغالي الله يفرحنا بقومته بالسلامه
مريم : اميين يا امي والله ان الدنيا ما تسوى بدونه
ام فيصل : الله يعيننا على ما ابتلانا وما لنا الا الصبر والدعاء له ان الله يلطف بعمره