شبكة همس الشوق - عرض مشاركة واحدة

8 - 11 - 2014, 03:36 PM

مريم : وكيف عبد العزيز وميهاف
ام فيصل : طيبين .. . وبس والله كا سره خاطري ميهاف
مريم بخوف : ليه يمه ايش فيها .. اكيد انها تصيح ليل نهار
ام فيصل : طول الليل اسمع بكائها وطول الليل تصلي وتدعيه بس لاشافته تكلمه كأنه يسمعها وتسولف معه كأنه يرد عليها انا خايفه عليها ..
مريم بقلق : ليه يمه الله يجزاها خير صابرة ومتماسكه ما شاء الله عليها
ام فيصل : اقول يا مريم تكلمه .. وتضحك شوي معه.. وتبكي شوي .. وتهمس شوي تصدقين يا مريم انها تعطره كل يوم وتمشط شعره وتعامله كأنه يسمعها .. لدرجه انها تستأذنه اذا ناويه تروح مشوار او تبي تسوي شي
مريم بقلق : ايش يعني مي مستوعبه انه في غيبوبه _ وحبت انها تطمن امها _ اويمكن انها عندها ثقه كبيرة بان الله بيقومه بالسلامه
ام فيصل : والله انا خايفه انها لسه في الصدمه وما استوعبت الي يصير لها واخاف يوم تستوعب تنجن .. او يصير لها شي او تنهار عصبيا
مريم : لا ان شاء الله ما يصير الا كل خير يارب يقومه بالسلامه ويفرحنا فيهم يا رب
ام فيصل امين الا اقول يا امي لا اوصيك اليوم الجمعه لا تنسين تفتحين بوابه القصر وتوزعين على المحتاجين زي العادة
مريم : لاتوصين حريص حتى البيوت الي متعودة ازورهم واعطيهم ما راح انساهم
ام فيصل : الرسول صلى الله عليه وسلم يقول داوء مرضاكم بالصدقه وان شاء الله يتقبل ويرفع البلاء عنا
مريم : اللهم صلي وسلم عليك يارسول الله وانت بعد يامي اكثري من الاستغفار .. وقول لا حول ولا قوة الا بالله
ام فيصل : الحمد لله على كل حال حنا راضين بالي صار ومحتسبين عند الله .. وان شاء الله ان ما نتسخط ..
مريم : الله يكون في العون اقول امي اريام تبي تكلمك
اريام : هلا مامي كيف حالك وكيف حال فوفو وحشني موت الله يقومه بالسلامه
ام فيصل بهم : الحمد لله انت ايشلونك حبيبتي
اريام : انا بخير .. كيف حال ميهاف
ام فيصل : كلنا بخير .. دعواتك يااريام ان الله يقوم فيصل بالسلامه
اريام بهم وحزن : اميين كل ليلية ادعيله يا مامي وراح نجي الاسبوع الجاي نزوره
ام فيصل : انتبهيى لنفسك ولامك ما اوصيكي عليها يا اريام