شبكة همس الشوق - عرض مشاركة واحدة

8 - 11 - 2014, 03:41 PM

عبد العزيز ما انتبهه للصوت لان صوت امال التعبان مخنوق وهو يحسب اريام تبكي : ااااه .. والله لو تشوفينه وكل مكان بجسمه موصل بجهاز .. كان كرهتي الدنيا .. ااااه لو تشوفين حالته وهم يقلبونه يمين ويسار وهو بدون حركه ذبحني هالمنظر اليوم ذبحني تصدقين اليوم بعد ما رجعت من الطبيب رحت وزرته لحالي تصوري وانا رجل خانتني العبرة اخوي الي كله حياة ونشاط ..مثال للكمال في عيني .. يقلبونه عاجز عن الحركة انذبحت والله انذبحت هذا وانا رجل .. بس دموعي نزلت من غير شعور
امال تورطت بس شكله انسان محتاج وارسل الرساله بالغلط بس هي سكتت وخلته يكمل كلامه لانه باين عليه انه متأثر باخوه حسب ما عرفت من كلامه
امال بحزن : الله يصبرك اخوي .. ويقوم اخوك بالسلامه ويحفظه من كل شر .. وترى موعيب ان الدمعه تنزل من عينك .. هذا اخوك وانت باين من كلامك انك تحبه ويابخته ان عنده اخو مثلك يتمنى يعطيه من عمره .. مع ان الاعمار بيد الله وما يصير نقول هالكلام وحنا بشر ما لنا غير الدعاء
وانا عارفه ان حبك الكبير لاخوك هو الي يخليك تقول هالكلام بس حبيت ا قول لك ان الله يمتحن المؤمن والانسان ماله الا الصبر واحتساب الاجر
عبد العزيز الي بدء يستوعب الصوت الي مو صوت مريم ولا اريام جلس وشاف جوال لقى رقم بس وانفجع
عبد العزيز بتوتر وهو يفكر يمكن تكون عبير بنت عمه انها كلمته كذا مرة تسأل عن فيصل : انت عبير