شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:03 PM

وجلس البحر يمرجحهم بخفه..ويهزهم كانهم عياله ,, وكأنه فرحان فيهم,, والطيارات تعبر فوقهم ,, ولاحسوا فيها
طارق من صفاته انه عصبي وحازم,, بس قلبه طيب

في مكتب السفير السعودي

نايف: اقولك واحد معهم يقول هم حيين بس حركهم الموج

السفير: انا فاهم,,والطيارات لساعتك ذي يطيرون فوق موقع الحادث ولا في أي أثر
نايف: اكيد يطيرون عن مسافه بعيده
السفير: مسافه متذبذبه ,, هذا غير السفن بس بمكان الحادث امواج خطره,, ولا اظن هناك احد على حطام او خشبه ,, ويحيا,, الموج وصل للهاليكوبترات اللي تقرب من المحيط,, بس لاتخاف حنا جالسين نسوي اللي نقدر عليه,, ودام ربك كاتب لهم الحياه بنلقاهم,, انت بس توكل على ربك ,, وثق فينا
نايف بقلة حيله: ونعم بالله,, بس وش اسوي قلبي مو طاايع ارتاح,, خااصه لما قال هالرجال ان اخوي حركه الموج
السفير: الله يقدم اللي فيه خير,,
نايف : مين,,

واستأذن نايف,, ويتذكر ان جواله ماقلبه دولي لازم يقلب يدويا ,, واكيد اهله الحين شابت شعورهم ,, وهم يحااتون
وبسرررعه قلب الجوال للشبكه الموجوده,, ولقى الرسايل لخدمة موجود,, ورسايل من خوانه واخوته طمنا,, تكفى لاتأخر
وأتصل باخوه ناصر
ناصر اللي اول ماشاف رقم نايف رد بسرعه: ها وش الاخبار
نايف وهو يلوم نفسه على تاخيره: والله الاخباره معلقه,, لاهو حي ولا ميت
لا له جثه,, ولا له نجاه,, مفقود وتايه باابحر
ناصر: وشلون
وقاله نايف كلام ابو راكان..
ناصر: لاحول ولاقوة الا بالله,, طيب متى نتأكد
نايف مدري لين يخلصون بحث,, انا يا ناصر مو مستوعب ان طارق مات.. انت تعرف انا احس فيه,, بس ما صدقت ولا حسيت اني فقدت اخوي,, انا متأكد الا واثق انه بالبحر هايم,, بس عسى يلحقون عليه الفرق
ناصر وهو حاس باخوه نايف اللي روحه بروح طارق: الله كريم,, يالله اول مايجي خبر كلمنا وانتبه لجوالك
نايف: ابشر,, وشلون ابوي وامي
ناصر بضيقة صدر: يدعون ربهم
نايف: الله يكون بالعون