شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:04 PM

وسكر نايف وهو محبط مرررره ويحس انه عاجز ,, وجاه اللي ابد مو احسن من حالته اللي هو سعوود وهو يجر رجوله جر
نايف وهو يطالع سعود: ها بشر عسى اهلك طيبين
سعود وهو تعباااااان للخر: ه الحمدلله على كل حال,, اختي منهاره,, وابوي اذا عدى ذا اليوم على خير بيصحى ولايندرى هو بيرجع زي اول ولا بيجيه شي,, واختي الصغير وتخنقه العبره مدري وين أراضيها,, مدري هي حيه ولا ميته
وطاحت دمعه من عين سعود المحمره
نايف وهو قلبه يتقطع على سعود زود ماهو متقطع على اخوه: الله يجيب العواقب سليمه,, انت بس خلك قوي اللي هنا محتاجينك,, وأختك ان شاء الله بخير
سعود بإستسلام: الله كريم,, وتذكر فجأه انه ماكلم اهله ولا طمنهم

وفتح جواله بسرعه ,, لقى مسجات من خدمة موجود من فيصل وفهد
سعود:ياااربي وشلون نسيت ما اكلمهم
نايف: محنا بحول نتذكر,, اللي نشوفه ونسمعه هنا يضيق الصدر

واتصل سعود بفيصل ,, اللي من شاف رقمه رد بسررعه
فيصل: سعووود قسمن بالله مابقى علي غير دقايق وأستخف,, من متى الطياره هابطه فيكم
سعود بحسره: ياخوي ماني بحال اذكر,, قسمن بالله سجيت تو ما هجدت
فيصل بحذر: والعلم
سعود: ابوي حي ابشرك بس بالعنايه اذا عدى هاليوم على خير هو طيب,, وسعاد منهاره ,, شكلها متروعه من اللي شافته
فيصل وهو يقاطعه لانهم كانوا شاكين بحنان: حنان وش صار فيها
سعود:..

فيصل: سعود لاتقول حنان صار لها شي
سعود وهو يطالع نايف,, وماكان من نايف الا انه حط يده على كتفه,, : معليه بنلقاهم قله
سعود: مفقوده
فيصل بذهول: وشوو ش ش شلون مفقوده
سعود: يعني مايدرون لها خبر,, طمني عن أمي
فيصل اللي ما انتبه لسعود وش قال: يعني مالقوها ,, ولا غرقت ولا وش
سعود بقلة صبر وتعب: فيصل ارحمني انا نفسي ما ادري ,, اللي معها بالحادث يقولون نجت من الطياره ,, بس حركها الموج لما غفوا شوي
فيصل : لاحيل ولاقوة الا بالله,, يالله رحمتك,,يارب ترحم اوخيتي
سعود: اميييييي وشلونها
فيصل: على حالها بس أشوى شوي
سعود: فيصل انا تعبان,, ماني متخيل ان حنون بالحالها,, لو قالوا لي انها ماتت أرحم من اني اضرب اخماس بأسداس ولا ادري وش حالها
فيصل وهو يغمض عيونه: الله يطمنا عليها
سعود: مين
فيصل: طمنا على ابوي وسعاد اول ما تتحسن حالة احد منهم,, انا ماراح اتصل انت دق اذا استجد شي
سعود: ان شاء الله