شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:04 PM

سكر السماعه فيصل وحالته اردى من قبل.. صدق ان ابوي واختي ناجين,, بس باقي نور وحياة البيت حنون
سلمى: فيصل ها بشر
فيصل وهو يتنهد : ه يا سلمى,, العلم جا
سلمى بخوف: و و و وش
فيصل وهو يطالعها بعيون ذابله ذباااحه: ابوي بالعنايه المركزه ,, وسعاد منهاره عصبيا و ..
سلمى بدموعها: وحنو
فيصل وهو يطالع تحت: حنو مفقوده..
سلمى بصرررخه: وشووووووووو شلوون يعني
فيصل: نجت من الحادث بس حركها الموج شلون مدري هذا اللي قاله سعود من كلام اللي معهم
سلمى وهي تبكي: ياويلي عليتس ,, ياويلي,, يارب تنجيها,, يارب تدل فرق الانقاذ لها,, يارب ترحمنا وترحمها,, يارب لاتفجعنا ياااارب

فيصل اللي ماقدر يتحمل حط يد على راسه وبكى بصمت على حال اهله,, ابوي بين الحيا والموت,, واختي مايندرى وش حالها
جاته سلمى وضمته لصدرها اللي هو كان محتاااج له ,, محتااج احد معه,, محتااج احد يهوون عليه,, كل مصايب الدنيا عنده تهون ,, الا ان اهله يصير لهم شي

رفعت راسه سلمى وهي تشوف وجهه التعبان: حبيبي لازم تصير قوي اهلك كلهم وسعود بعد يحتاجونك,, أنت أخوهم الكبير,, أنت سندهم ,, وان شاء الله عمي وسعاد بيقومون بالسلامه ,, وحنان بعد بنتطمن عليها,, بس أنت لازم تكون أقوانا فيصل

قام فيصل من الكرسي وضم زوجته اللي كل يوم يزيد حبها وفخره فيها
فيصل: الله لايحرمني منك ,,قومي نروح لامي أطمنها عن أبوي

طلعوا من الغرفه وتوجهوا للصاله اللي متمدده عليها ام فيصل وجنبها أختها شيخه تمسح على راسها
فيصل وهو يقرب من أمه: يمه
امه ببقايا عيون متورمه ومنتفخه من الصياح: طمن امك
فيصل ببتسامه: وتعطيني البشاره
امه وهي تقوم بسرعه: اعطيك عيوني بس قلي انهم طيبين
فيصل: ابوي بخير والبنات كلهممايدري ليه كذب
الام: ابي اكلمهم
فيصل: ابوي تعبان شوي بالعنايه ومعطينه مسكنات لانه تعب شوي,, وسعاد وحنان نفس الشي
سلمى تطالعه وعيونها تسأله:ليه كذبت يافيصل
فيصل لو قال لامه ان اخته مفقوده ان تروح بنفسها تدور بنتها أو تموت من الفجيعه,, خلنا على انها بخير ,, ولاتأكدو قلنا انها ماتت ,, كذا اريح لأمي
الام ووجها منوور وتضحك: ودني لهم,, ودني خل أشوفهم
فيصل وهو يمسك يد امه: ابشري يالغاليه ,, اول مايطمنا على صحتهم سعود نروح نجيبهم,,ها وش تامرين بعد
شيخه:الحمدلله على سلامتهم,, كابوس وكبس على صدورنا,,
ام فيصل وهي تطالع ولدها بنظرة تساؤل: انت ماتكذب صح
فيصل اللي راغ وجهه: لا لالا
شيخه اللي نغزها قلبها من فيصل: تطمني يا اختي والحمدلله على سلامتهم,, وفالهم العافيه يارب
الجم امين