شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:43 PM

وراحوا يمشون على الشاطي وحنان وهي تعبانه,,
حنان: اللحي شدراك ان احنا مو بنفس المكان اللي انطلقنا منه
طارق بحيره: مافكرت بهالسؤال
حنان وهي تنحني وترفع من بنطلونها اللي كله تراب من تحت : بليز فكر
طارق وهو يلتفت لها ويطالعها وهي تنفض بنطلونها وتكفسه وسطل على شعرها الفوضوي اللي طايح على وجهها :أي
حنان وهي ترفع وجهها وتغمض عينها لان الشمس بعينها: وش أي
طارق حس بعمره: احححم اقول شرايك بحط هالحصاااه وجنبها هالعووود ونخليه هنا لين نرجع له ان كنا بجزيره مصيرنا بنرجع له اما انكنا بديره بنلقى لنا احد
حنان بعد ماخلصت من كفس بنطلونها: يمكن حنا وين وش اقرب ديره اسبانيا
طارق: لالالالالالالالالالا اسبانيا انا كنت اطالع خط مسيرة الرحله طحنا بالنص يعني لو رحلتنا لأسبانيا كان 4 ساعات ونوصل ,, بس اتوقع جزيره
حنان وهي تحط حصاااه وجنبها عود: يالله خل نكمل بس بليز شل انت الجوز
طارق: هااتي
وشال الجوز وجلسوا يمشووون تقريبا نص ساعه وهم مره يسئلون بعض ,, ومره يطالعون حواليهم وفجأه لقوا واحد ممدد على الشاطي
طارق وهو يأشر لقدام: شوووفي
حنان: يووه وش ذا
طارق: انسان
حنان: ياخوفي جني
طارق::00003: وانتي ماعندتس سالفه الا يمكن جني

وراحوا يركضون له ,, وجلس جنبه طارق وكان منسدح على بطنه,, وقلبه على ظهره ,, وحط اصبعه على رقبته
حنان: حي
طارق : ايه
وجلس يضربه بشويش على وجهه
: هيه يالطيب قم
حنان : امكن جنبيweak up
طارق: لا سحنته عربي
وفتح عيونه الغريب وبوجه حنان منحنيه فوقه وهي واقفه,, ووجه طارق على الجنب
: ممين
حنان: لحظه خل افتح له جووزه
طارق : تعرفين
حنان : ايه ,, وفتحت الجوزه ورفعه طارق جلسه
وخذت حنان بيدها ورشت على وجهه
: ه ماي
حنان: ايه اشرب
طارق: وش هالرشه يامجرمه
حنان: عشان يركز
وجلست تشربه وهو يشرب شوي وينتثر منه شوي
طارق: شوي شوي سم بالرحمن
وكان وجهه تراب , فجلس طارق يمسح وجهه لين نظف,, وجلست تطالع حنان
حنان: عررررفته
طارق: منهو
حنان: اللي طحت جنب كرسيه باول هزه
طارق: بركاتك طحتي جنبه وصار تسذا
حنان وهي معصبه: يعني قصدك انا مقروده
طارق: مدري عنك ,, انا احس لو اني مو جالس وراك كان انا الحين لقوني,,
حنان وهو مفوووله: وليه ماتقول ماغرقت زي الباقي ,, ها قلي وين الباقين .. ليه ماشفنا احد