شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:51 PM

الجزء السابع

بالمستشفى

نايف: عسى أحسن الحين
سعود وهو يهز راسه بنعم
نايف:قوم أجل شف أختك ,,
سعود بدوخه: ان شاء الله
وقام سعود ومشى ,, والتفت لنايف
سعود: شكرن نايف
نايف ببتسامه حنونه: ماسويت شي يسوى,, تراك غالي
سعود اللي أستغرب هالكلمه بس ما علق: تسلم
اما نايف اللي فقد الكنترول بنفسه,, وش هببت انا وش اللي انت غالي,, متى المعرفه,, كله من سارونه هبلت بي,, زين ان سعود تعبان ما ركز

دخل سعود على سعاد اللي لقاها صاحيه
سعود: السلام عليكم
سعاد بصوت مبحوح: وعليكم السلام
سعود وهو يمسك يد اخته: وشلونك الحين
سعاد بدموع: أحسن,, ابوي وينه بروح أشوفه
سعود : بالعنايه مركبين عليه جهاز,, والحمدلله ابونا قوي ياسعاد,, ولازم نصير زيه
سعاد وهي تمسح دموعها: لولا الله ثم طارق كان ابوي الحين توفى
سعود: طارق اللمفقود
سعاد وهو متروعه: ليه هو مانجى
سعود: لا هذا اخوه جاي معي يدوره ,, ولا لقوا له جثه ولا حياه
سعاد ودموعها رجعت : يعني زي حنان
سعود وهو يهز راسه: ايه
سعاد: أثنينهم مايستاهلون سعود,, حنان كانت أقوانا,, ساعدتنا, كانت تقدمني انا وابوي عليها,, مدري شلون راحت مننا,, مدري حتى طارق كان معنا بس راح يجيب له حطام عشان يجلس عليه ولاعاد شفنااه
سعود اللي كان ضام اخته لصدره وهو يسمع منها: اهم شي انكم نجيتوا,, وحنان ان شاء الله بيلقونها
سعاد وهي تبكي: سعود لما طلعونا صار المووج عنيف,, مو زي لما طحناا في البحر كان هدوء بس لما جت الفرق فجأه صار زي الدوامه
سعود: الحمدلله على كل حال
سعاد: ابي اشوف ابوي
سعود: بكره ان شاء الله الحين مانعين الزياره,, انا بس دخلوني عشان اشوف اذا هو ولا لأ
ودق جوال سعود رساله
سعود بتكلمك امي قلها انكم طيبين كلكم حتى حنان
المرسل فيصل