شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:51 PM

سعود:ليه يافيصل
سعاد: وشو
سعود: ارسل لي مسج يقول بتكلمك امي قلها انكم طيبين حتى حنان
سعاد وهي تشهق: والله ان تموت امي اذا درت ان حنان مش معنا
ويدق الجوال
فيصل يتصل بك
سعود: هلا
ام فيصل: هلا ابووي انت,, سعود وشلون اهلك
سعود :بخير كلهم
ام فيصل : ابي اكلمهم
سعود: عندي سعاد الحين ,,
مدري وش قالها فيصل مدري تدري عن ابوي ولا لأ
ام فيصل: وابوك وشلونه الحين
سعود: ان شاء الله انه بيكون أحسن
ام فيصل:عطني اختك
سعود وهو يمد الجوال لأخته
سعاد بصوت متقطع: يمه
ام فيصل: امي انتي,, أمي أمي,, الحمدلله اني سمعت صوتك يمه شلونك عسى ماتروعتوا,, عسى ماجاكم شي
سعاد وزاد صياحها لما سمعت صوت أمها: يمه يخوف مت من الخوف
ام فيصل وانهالت بالصياح: بسم الله على قلبك,, بسم الله عليكم كلكم,, الحمدلله الحين انتوا نجيتوا,, واللي صار مقدر ومكتوب ,, انتي بس سمي بالرحمن ,, عسى ماصار لك شي
سعاد بأسى:لا
الام: والله يوم شفت المنظر بالتلفزيون ماهقيت ان احد بحيا,, طمنيني على ابوتس ,

سعاد: للحين ماشفته بس سعود يقول انه طيب
الام: حنان وينها
سعاد وهي تطالع سعود وحاطه يدها على فمها ماتبي امها تسمع صوت الصياح
الام: الوو سعاد
سعود اخذ السماعه: هلا يمى
الام: شفيها اختك
سعود توهق: تعبانه شوي ,, وتوهم معطينها ابره مسكنه عشان رجلها توجعها شوي
الام بخوف: عسى بنتي مافيها شي
سعود: لا لا بس رجلها ر
الام: حنان وينها عطني اكلمها
سعود: حنان مش هنا,, في قسم الأشعه
الأم: ليه اشعه
سعود: مدري يمه يقولون يبون يتطمنون على الكل ,, تو سعاد طالعه من الأشعه
الام :طيب اول ماتطلع كلمني ابي اتطمن عليها
سعود وهو يحاول يلقى عذر: يمه الأرسال بالمستشفى ضعيف,, اول مانطلع من هنا اخليهم يكلمونك
الام: سعود,, الله الله بخواتك,, راعهم وابوك طمني عليه
سعود وحس ان الحمل زاد عليه: ابشري من عيوني الثنتين
الأم: الله يحرسك ويحفظك يارب ,, يالله فمان الله
سعود: مع السلامه

سكر السماعه وهو يطالع سعاد اللي تبكي على السرير,, ولما سكر طلعت صوت صيحتها
سعود: سعاد لاتبكين كذا,, بيلقونها
سعاد :مايلقونها مايلقونها,, البحر كان هاايج,, مدري شلون حينا وطلعنا ,, ماشفت اللي شفته ياخووووي ماشفت الموت قريب منك مابينك وبينه غير شعره
ه عليك ياحنان,, ىه عليك وشلون رحتي مننا,,وشلون حياتي بدووونك وشلووووووون
سعود وهي يضم اخته : خلاص خلااااااص ياسعاد قطعتي قلبي زووود ,,

وجلس سعود يهدي أخته لين هدت ,, وبعدها قال للمرضه تجيب لها شي تاكله
وجابوا لها شوربه وبالغصب شربتها عشان سعود عندها