شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 06:53 PM

في الجزيره

جلس طارق طول ليله صاحي يحرس حنان,, وبنفس الوقت يخاف تجي سفن انقاذ وهم نايمين,, عشان كذا أصر انه ماينام

وعلى وقت الفجر بشوي تقريبا صحت حنان من نومها وظهرها يوجعها بسبب نومتها ع الرمل
قامت وهي تمد يدينها وتمسك ظهرها: ي ياظهري حشى نايمه على حصى
وتطالع البحر: أوووه للحين انا عاايشه وبالجزيره
جاها صوت طارق من ورى: طيب قولي الحمدلله
تخرعت حنان: بسم الله الرحمن الرحيم ,, خرعتني
طارق بإبتسامه مالمحت حنان غير بريق عيونه: بسم الله عليك
حنان وهي تحك راسها من الحيا: انت ليش جالس عندي
طارق وهو يقرب منها: حنان اولا انا سف,, ثانيا, حنا بمكان الله العالم وحده عنه,, ولازم مانختلف على اسباب تافهه,, اذا شفتيني معصب, لا تزيديني ,, اسفهيني لاتكلميني لين اهدا,, ثمن شبي فيني حريقه ان غلطت عليك,, بس لاتجلسين تراددين ,, انا كذا لاعصبت ما احب احد يرادد بالكلام,, شوفي ذا العله زياد طيرته ببوكس على وجه طيره لورى
حنان وهي مختبصه من قربه منها وصوته الخاثر : وو من ذا زياد
طارق: اللي لقيناه ع الشاطي
حنان: ايييييييه ,, خلاص بس انت مو تجلس تقط كلام علي,, انا في هالنقطه ما امسك نفسي
طارق وهو يتثاوب: لتس وعد ماعاد ازعلتس
حنان وهي تبتسم: زين,,
طارق: انتي شبعتي نوم
حنان : شكلي ايه
طارق: طيب انا بنام لي شوي انتبهي اذا جت سفن,, وانتبهي بعد لاتجيني حيه ولا عقرب
حنان: يمه عسى في حيايي وعقاارب
طارق: اكيد في هالاشياء ,, انا خلاص دخت بنام
حنان بخوف: وتخليني بالحالي
طارق : اخذي هالعصا لاجاتس احد افلقييه وصحيني
حنان بحمااس: يعني ذياابه
طارق: ان بغى ديناصور بس انا خلاص بنام اعوذ بكلمات الله التامات من شر ماخلق

وانسدح طارق ,, والتفت على حنان
: ماعندك شي اعصب راسي فيه
حنان : عندي هالحزام من قماش مو يابس
طارق: هاتيه خل اعصب به عيوني,, ما اعرف انام بالنور
حنان وهي متبنجه: طيب
وفصخت حزامها وعطته طارق ,, وحزم فيه عيونه وانسدح وغرق بالنوم

جلست حنان قريب من طارق,, فتحت لها جوزه وكلتها
وجلست تطالعه,, :وه بس ياحلوه مدري كم طوله كله كوم وهالحاجب المشقوق كووم ثاني
,, ياحلوه بس68
بعدها قامت حنان توجهت للبحر وهي تستنشقه وكلهااا حيويه: يااااااااااااااه شوفة البحر ترد الروح,, ماكنني طالعه من موت ولا أدري وش تاليها
رفعت بنطلونها ودخلت بالبحر تغسل رجولها وتلعب بالماي ,, وكل شوي تلتفت لطارق اللي كان نايم

وبعدها جلست على صخره ع الشاطي تتأمل البحر ونسيم البحر أطربها