شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 07:10 PM

أما نايف اتصل بأخوه ناصر وعلمه باللي صار,, علمه ان اخوه لايزال من المفقودين,, وطلب من اخوه انه ينصحه وش يسوي,, يجلس ولا يرجع,, فماكان من ناصر الا انه قال له يرجع ,,لأن مافي فايده من جلوسه

توجه نايف للسفاره وأخذ شنطته لأنه مانام بفندق ماكان عنده وقت,, وحجز له على أقرب رحله للرياض

أما سعود
راح هو وأخته للجثث اللي لقوهم بالبحر ,, ولا عثروا على جثة اختهم ,, فرحوا وحزنوا ,, شعور متضاد وتوجهوا للدكتور المختص في حالة ابوهم,, ونصحهم انه مايركب طيارات او يصعد لأماكن مرتفعه زي الجبال او العماير الشاهقه,, ويحتاج فترة راحه مدة أسبوع عشان يرجع لبلده بواسطه السياره أبوهم مو محتمل الطياره

اتصل سعود على اخوه فيصل قاله ان حنان مفقوده,, الى أجل مسمى,, وأستسلموا لفكرة ان اختهم تحت رحمة ربهم,, وتقريبا تأكدوا انها ماتت,, لأن من صار الحداث لمدة 3 أياما السفن والطيارات ما وقفوا عن البحث ,, ونايف شاف بنفسه حرصهم وهم يبحثوون عن المفقودين

يعني توصلوا لنتيجه ان باقي الأسماء في الرحله اللي ماتم العثور لهم على جثه,, هم في عداد الموتى

في بيت ابو فيصل:

فيصل بعد ماتلقى مكالمة سعود الليخبره فيها ان حنان مفقوده,, قرر يخبر اهله بالخبر
فجمعهم بغرفهامه,زوجته,خالته شيخه

ام فيصل: فيصل ليش جامعنا وش تبي
فيصل ووجه ما يتفسر: كنت بقولكم على خبر,,وابيكم تتحملونه,, وتستوعبونه معي
شيخه : بدون مقدمات فيصل
فيصل: الله خلقنا لحكمه,, ان احنا نعبده,, ومتى ما شاء اخذنا ورجعنا له
ام فيصل وقلبها يرجف: اهلك صار لهم شي
فيصل: ابوي وسعاد طيبين,, ابوي تعبان شوي وبيتشافى
امه: وحنان
فيصل: .حنان غرقت في البحر ولا لقوا لها جثه.. تعتبر مفقوده والمفقود من القائمه يعتبر ميت