شبكة همس الشوق - عرض مشاركة واحدة - رواية وش حيلتي اذا الشوق صوبك دعاني كاملة

15 - 11 - 2014, 07:23 PM

وبعد العزا اصرت ام فيصل انها تروح لزوجها عشان ترافقه برحلته من المغرب للسعوديه بالسياره
أعدت لهم دول المغرب سياره مجهزه بخدمات طبيه ومعهم دكتور يرافقه ,, بس ينتظرون حالته تستقر عشان يبدون رحلتهم اللي حددوا مدتها 10 أيام تتخللها راحه بكل دوله يرتاح فيها ابو فيصل ويحرك رجوله,, ويرتاحون السايقين

وصلت ام فيصل للمغرب ومعها ولدها فيصل ,, وتوجهوا للمستشفى وكان اللقاء مرره مؤثر بينها وبين زوجها وبنتها
وبكت من خاطر على بنتها الغاليه حنان اخر عنقودها

وبعدها بيومين بدت رحلتهم من المغرب ابو فيصل وزوجته وولدهم سعود
اما فيصل وسعاد رجعوا بالطياره ,, بعد اقناع وعمى عين عشان توافق سعاد,, كانت خايفه ان الطياره تطيح فيهم

وبحمدالله وفضله وصلوا فيصل وسعاد بالسلامه,, وكان استقبال خالتها شيخه بالمطار وبناتها وفهد

وبعدها ب 12 يوم وصلوا ابو فيصل وام فيصل بالسلامه,, تأخرت رحلتهم شوي عشان ظروف مناخيه واجهتهم

رجع ابو فيصل بالسلامه بس مايقدر يحرك يده ورجله اليسرى بسهوله بسبب الجلطه اللي صابته ,, ويحتاج لعلاج طبيعي عشان يرجع مثل أول

اما ام ناصر وابو ناصر,, ام ناصر مسكينه فقدت ولدها الغالي,, وهالاحساس مخليها على طول تعبانه ,, وابو ناصر انكسر ظهره بعد فقدانه لطارق,, وحس بثقل على ظهره وحمل الله العالم اذا الزمن كفيل بحالتهم

اما نايف رجع من المغرب بخيبة الم,, واحساس فظيع بالضياع,, فقد اخوه اللي هو صندوق اسراره,, اخوه اللي ماعمره مر يوم ماكلمه او شافه,,حتى بعد ماتزوج كل يوم يكلمه بالجوال يتطمن على اهله وعليه,, اخوه الصغير ,,رجع بحزن وشعور قاسي انه ما قدر يلقى أخوه,, وشعور ثاني رجع معه هو شوقه لساره,, ايه كان زي النايم وصحى فجأه لما عرف عايلة سعود,, فجأه اشتاق لساره,, اشتاق لكلمة الو منها,, لو يسمع انفاسها ,, بس حس انه يبي يتطمن عليها,, نايف بعد حادثة طارق كل اللي يحبهم تطمن عليهم خاف يفقدهم زي مافقد اخوه بغمضة عين,, بس ساره شلون اوصلها,, حتى رقم جوالها العام ما اعرفه,, ما اعرف غير اسمها
يااااااااااااااربي رحمتك,,