سمرت بصحبة حروفا لقوافي
احملها تناهيتي الخــــــــــــــــوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما ظهر واظهر بخافي
والى منى عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشافي
ألا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الأشواق دافي
وخبرصاحبي عن حال خله
ترى امشي على الاشواك حافي
ولو ممشاي في جمر يفيده
مشيت بجمره و كنه عوافي
ولكن وش يفيده لو ذبحني
ومن يوصف جماله عقب قافي |
|