شبكة همس الشوق - عرض مشاركة واحدة - رواية ياغايتي لو كان لضلوعي لسان قالت تعال ارجوك محتاجه عناق

2 - 12 - 2014, 09:43 AM

خلصت من التحضير وحطت الاكل ع النار وطلعت تكمل التنظيف بس قبل اخذت بجامه ولبستها

بدت الدور الي فوق وكانت كل شوي تنزل تشوف الاكل

بعد 3 ساعات من التنظيف والطبخ طلع البيت يلمع من النظافه وريحه البخور تهبل

( سوت مكرونه عاديه لانها مو متعبه مره وهي يدها توجعها مافيها وسوت حلى قهوه وقهوه وطلعت من المطبخ )

راحت فوق ولقت غرفتبن قدام بعض دخلت الاولى ولقتها كبيره مره وعرفت انها حقته لان الي قدامها اصغر

نزلت مره ثانيه وهي تسحب شنطها بالم ومو قادره فجلست بنص الدرج وحطت راسها ع الشنطه بأتجاه الدور الي فوق

ومن غير ماتحس نامت

نص ساعه مرت وهي على حالها

الم يدها يكفيها

دخل البيت وهو تعبان من الشغل وريحه ونظافه البيت حسسته براحه كبيره

كمل دخول ولقى الشنط باقي موجوده ولف بيناديها بس شافها ع الدرج

ركض بخوف يحسب صاير لها شي بس مجرد نطقه بأسمها خلاها تصحى بفزع ناظرت فيه وحست كانه يبي يبتسم بس تتخيل اكيد مو جد

وقفت بسرعه : اسفه ماكنت بنام بس مادري <<اذا ماعرفتوا تتكلمون او تعلقون قولوا هالكلمه مثلي هع

سعود : روحي البسي عشان نروح المستشفى

هي من سمعت الطاري

نطت لتحت على طول وكلمته وهي تروح المطبخ : بحظر لك العشاء

وراحت ع المطبخ تحضر الاكل له هرب منه ومن المستشفى

اما هو عرف انها هربت منه طلع فوق واخذ له شور سريع وبدل ملابسه واخذ المفتاح والجوال ونزل

( طبعا بعد ماراحت المطبخ طلع كل الشنط معه )

وهو نازل كانت شايله الصحن وواضح من عيونها انها شوي وتبكي من الالم

نزلته وكانت بتمسك ذراعها لاكن يدها وقفته

( الحرق كانت من وسط الكوع الين فوقه بشوي )

سعود : لاتمسكينها بقوه باكل واتفاهم معك