شبكة همس الشوق - عرض مشاركة واحدة

19 - 12 - 2014, 04:33 PM

وريف: اش صاير؟؟؟
لمياء: ما ادري عامر صوته معصب وكأن فيه مصيبه يبينا نطلع
شيماء: اجل يالله نطلع
لميس : الله يستر

طلعو كلهم وعامر باين من شكله معصب
لمياء: عامر فديتك وش صاير؟؟
عامر : عمي رفض عبدالرحمن
شهقت لمياء... الصدمه الزمتها السكوت
شيماء: وليش ان شاء الله
عامر يضغط بيده على الدركسون: يقول اذا تزوجو اللي اكبر منها تتزوج هي
وريف: مو منطق هذا.. هذا نصيبها والبنت تبيه
عامر متفاجئ: تبيه؟؟
وريف: ايه تبيه خطبتها خالتي وهي وافقت
لمياءانقهرت على لميس وانقهرت على اخوها وانقهرت من افكار عمها الرجعيه وبكت

لميس نزلت بالصاله تبي تفهم وش السالفه
الا على دخلة ابوها
لميس استحت من ابوها أكيد عرف بخطبتها
ام هاشم: وش صاير ياماجد عسى ماشر.
ابو هاشم ببرود: خطبو لميس لعبدالرحمن ورديته
لميس شهقت : وليش ترده قبل حتى تشاورني
ابو هاشم مستغرب.. اش فيها ذي فصخت الحيا: من متى الحريم لهم كلمه
انصـــــــــــــــــــــــــدمــــــــــــــــــــ ـــــت لميس
مو هذا ابوي اللي دايم يحن علينا
ام هاشم بزعل: اجل من اللي له كلمه .. هي اللي بتزوج مو انت
ابو هاشم: اذا تزوجو خواتها الاكبر منها ذيك الساعه ازوجها عبدالرحمن
ام هاشم : ماجد وش انت قاعد تقول؟؟؟ يعني تبي الولد ينتظر لين خواتها يتزوجون .. ماهو ملزوم ترى
ابو هاشم: اذا ما انتظر غيره اولى
لميس اللي دموعها قامت تنزل على خدها: انا غير عبدالرحمن ماني متزوجه ولو تنطبق السما عالارض ماتغصبوني على شي ما ابيه .. وانا اكرهك يالظالم
طلعت لميس تركض وشافتها وتين كانت حالتها مو طبيعيه
وتين : لموسه وش فيك؟
لميس تصارخ: انقلعي عن وجهي اكرهكم كلكم اكرهكم
وتين وقفت محلها شسالفه ؟؟ هذي اش فيها؟؟ انهبلت؟
نزلت تحت تبي تفهم شسالفه

فهد:انا ابعجل عرسي من وتين
عامر : انا ابخطب ميان
ثامر: وانا ليان
هاشم: لا ياشيخ انت واياه؟؟ مزاد صار ماعاد هم خواتي
مالك: ياشباب انا مقدّر انكم تبون تساعدون عبدالرحمن بس انتو بتحلون مشكله بكارثه..
سعد: تهقون عبدالرحمن بيرضى باللي نسويه؟؟؟ عبدالرحمن عنده كرامه
عامر: ااااااه مسكين عبدالرحمن
هاشم: شباب تصدقون..
الشباب: وشو؟؟
هاشم بألم: عبدالرحمن كان مشتري الدبل
الشباب: اييييييييييييييييييييييييييش؟

لميس لها يومين مضربه عن الطعام مارضت حتى تفتح لوتين
لها يومين ماتدري عن الدنيا
ماتسمع الا صوت وتين اللي تطق لها الباب تترجاها ترد عشان تعرف انها حياه ما ماتت
اخذت جوالها واتصلت على لمياء
لمياء: اخييييييييييييييييييرا هلا لميس شلونك قلبي
لميس بصوت تعبان: لمياء ليش كذا؟؟ والله حرام
لمياء: لميس.. مو انتي اللي تضعفين.. طول عمرك كنتي اقوى من كل شي.. الله يخليك خليك قويه.. تكفين.. انتي تعبانه.. وعبدالرحمن له يومين ما ذاق الاكل ولا هناله نوم ولا يتكلم مع احد والله حرام ..
لميس: حرام .. قهر.. والله ظلم
لمياء: يمكن ابوك يغير رايه
لميس: ما اظن.. طولت لساني عليه وقلت له اكرهك يالظالم.. ابوي عنيد
لمياء شهقت: هيييييييييييه يالحماره ليش تسوين كذا ...
لميس: والله من قهري ((وصارت تبكي))
لمياء ماتوقعت لميس بيوم تبكي انصدمت من بكاها مالها الا تغير جوها
لمياء: يضرب الحب شو بيذل
لميس غصبن عنها ضحكت : فاضيه والله.. ماكنت اشوفك مع زياد يوم تتخصبقين
لمياء: بالله لاتذكريني .. كرهته كرهته من قلبي
لميس:مسكينه وريف الله يعينها
لمياء: امين
لميس بتردد: عبدالرحمن شخباره؟
لمياء: والله تعبان.. تعبان مره
لميس: لمو لو اتصل عليه اتطمن عليه عادي ولا عيب؟؟؟
لمياء ودها تضحك : يعني شوفي اذا بتتصلين وانتي بنيتك انه ولد عمك بس عادي .. بس اذا بتتصلين وانتي بنيتك انه خطيبك عيب
لميس بإندفاع: لا بنية ولد عمي
لمياء: ياكذاااااااااااااااااااااابه
لميس تفشلت: مالت عليك يالدبه
وقفلت بوجه لمياء الي جلست تضحك على لميس

لميس تغير جوها وفتحت الغرفه ولمحت وتين طالعه من الغرفه
وتين جات تركض : هلاعمررررررررررررررررررررررري
لميس تضحك وتضم اختها : هلا بك
وتين: شلونك يالحماره اقلقتيني عليك
لميس دمعت عينها : وتين .. والله محتاجتك

:يبه اسمح لي ...بس لا تنسى ان اكبر وحده وتين وللحين ماتعدت الاثنين والعشرين وهي مخطوبه لفهد وهي شارطه عليه ماتتزوج الا عقب الجامعه.. يعني بالعربي الطريق قدامها طويل..لميس دام انه جاها نصيبها خلها تروح.. محد بيدوم لها يبه.. خواتي بكره بيعرسون ويروحون .. وانا واخواني بنتزوج ونروح .. وانت بعد عمر طويل ماراح تبقى لها..
وش تبيها تزين يوم تلقى نفسها ضايعه ولميس طالعه عليك عنيده ان قالت كلمه ماتجنبها.. قالت لك مابي اتزوج الا عبدالرحمن
ابو هاشم: هالبنت خربتها بدلعي لها وتربيتي الغلط.. احسب اني ابرضيهم مادريت انهم جحده فيه بنت تقول لابوها ظالم واكرهك؟
هاشم: يبه البنت كانت زعلانه وهي اكيد اللحين ندمانه .. الله يخليك يبه لاتقطع رزقها
ابو هاشم : انا قلت كلمه وحده وما اغيرها

وريف توها مخلصه صلاتها دعت من قلبها ان ربي يوفق لميس وعبدالرحمن
طبقت شرشف صلاتها والسجاده وحطتهم فوق السرير
وفتحت القران تقرا شوي

ام زياد اللي كانت مستغرقه في طغيانها جاها اتصال من خارج المملكه
ام زياد: الو
: مرحبا
ام زياد سمعت صوت البنت شكلها شاميه: اهلين
البنت: حضرتك زوجته لأبو زياد؟؟؟
ام زياد بإستغراب: ايه نعم من انتي؟
البنت: مابعرف شو بدي قلك.. بس تعي للشام بأقرب فرصه ازا بتريدي
ام زياد: شسالفه؟؟
البنت: ابو زياد تعبان كتير .. وبدو يشوفك
ام زياد: تعبان؟؟؟ وينه هو .؟؟ وانتي من؟؟؟
البنت: انا... انا مرته
ام زياد بصرخه: وشهووووووووووووووو زوجته؟؟
وبسرعة البرق حجزت لها اول طياره على لبنان كان موعد الرحله بعد يومين
ام زياد متلهفه للسفر مو حبا في ابو زياد.. ولا خوفا عليه.. تبي ترد كرامتها.. وشلون هالشايب يتزوج علي انا ام زياد..
كانت بين افكارها وفجأه انفتح الباب
زياد استغرب وجود امه بالصاله: سلام
ام زياد: الله لا يسلمك انت وابوك
زياد: يمه وش فيه؟ ليش تدعين على ابوي؟
ام زياد: هالمراهق المتأخر متزوج لي شاميه زياد استغرب: افاااا من متى؟
ام زياد: وانا وش يدريني؟؟ بس الله وراه وعلمه شلون يستغفلني هذا هو طايح عندهم تعبان عساه مايقوم
زياد بفجعه: اييييييييييييييش ابوي تعبان؟؟؟؟ وين ومتى؟؟
ام زياد: ما ادري عنه

طلع زياد من البيت بسرعة البرق وراح لشركة ابوه دخل المكتب
السكرتير: هلا بالشيخ زياد
زياد : افتح لي مكتب ابوي
السكرتير: ممنوع طال عمرك
زياد يصرخ: افتحه قبل انهي حياتك قبل عقدك
السكرتير خاف على وظيفته وفتح المكتب
دخل زياد وصار يبعثر بالاوراق .. يدور أي شي يدله على مكان ابوه بالشام واخيرا طاح عليه..
عقد الزواج.. ورسمي بعد..
ناظر بأحد الشهود اسمه
مروان كتب إسمه كامل وطلع للسكرتير
زياد: اسمع بسرعه طلع لي رقم هذا الشخص وعنوانه ان قدرت من ملفات ابوي اللي مخزنها عالكمبيوتر
السكرتير : ان شاء الله
بعد ماقرا الاسم ناظر بزياد
زياد: وش فيك تناظر شسالفه
السكرتير: بس هذا الشخص
زياد: وش فيه؟
السكرتير: اخو زوجة ابز زياد
زياد ولعت براسه لمبه: انت تعرفهم؟؟ تدل بيتهم
السكرتير بتردد: ايه
زياد: اتصل احجز لي مقعدين على اول طياره عالشام
راح زياد عالمكتب .. ليش ياربي يصير فينا كل هذا..
يارب المصايب على راسي تحاذف من كل صوب.. انا ماعاد اقدر استحمل
دخل السكرتير : طال عمرك مافيه حجوزات قبل الاسبوع الجاي
زياد : مالنا الا السياره يالله انزل معي نسافر على الشام
السكرتير : بس انا اهلي لحالهم
زياد: حتى انا اهلي لحالهم امش معي وانت ساكت
نزل السكرتير غصب عنه وحركو من الرياض على سوريا

وصلت أم زياد للبنان واتصلت على الرقم اللي جاها منه الاتصال
البنت: اهلين مدام
ام زياد مو طايقه تسمع صوتها حتى : انتي وينك؟؟
البنت: انا بدمشق
ام زياد قفلت بوجهها وحركت السياره اللي كانت تنتظرها على سوريا
زياد كان طاير بسرعته
السكرتير : الله يطول بعمرك تراي ما احب السرعه
زياد يصرخ: انكتم ولا كلمه

وريف تحس انها متضايقه اليوم فيها شي مو طبيعي ... سمعت صوت امها يناديها
طلعت بسرعه : هلا يمه امريني
ام وريف : وش كنتي تسوين؟؟
وريف: كنت اسوي بحثي
ام وريف: اجل روحي كمليه
وريف: لالا شدعوه انتي اهم .. بعد انا متاضيقه وودي اسولف معك
ام وريف: قلبي معورني يابنتي احس فيه شي بيصير
وريف:هااا.. لالا لا ان شاء الله لا يمه استغفري لا تحسين بشي
ام وريف: غصبن علي
وريف دمعت عينها: تذكرين يوم حسيتي وابوي توفى تكفين لا تحسين ابوس رجلك انا لا تحسين
ام وريف رحمت بنتها : ماعليك مني خرفت وقعدت س قولي لي شخبار الدراسه؟
وريف حالتها نقلبت بعد احساس امها بس ماقدرت الا انها تجاريها بالسوالف

يعد ساعه من السواليف .. ام وريف : تكفين ياوريف طفي النور أبي أرقد
وريف: افااا تناديني أسولف معك آخرتها تنامين وتخليني؟
ام وريف: اجل هونت
وريف: هههههههههه لا فديتك نامي وانا بعد بنام اللحين

طلعت وريف وقفلت نور الغرفه وارسلت مسج لفجر ((اذا تقدرين ادخلي الماسن اللحين))
ابتسمت فجر بعد ماقرته .. يالبى قلبها وحشتني ..
فجر: عن أذنكم بروح فوق شوي وانزل
سلمان: بس لا تتأخرين نبي نخطط وين نروح اليوم بمناسب وظيفة عزوز
فجر: اوكي