شبكة همس الشوق - عرض مشاركة واحدة

19 - 12 - 2014, 05:46 PM

وريف اللي طول الطريق تبكي وعبدالعزيز حارقه قلبه عليها وفجر مقهوره من حركة وريف ولا هي لاقيه لها مبرر عشان تتهمها بالغدر
وقف عبدالعزيز السياره ونزلت وريف وهي تشتعل نيران القهر بداخلها .. وقبل تصك السياره طلعت من شنطتها الورقه اللي كاتب لها عبدالعزيز فيها وشققتها بهدوء وعبدالعزيز وفجر يناظرونها
بعد ماخلصت نثرت الاوراق عالارض ودعست عليها ومشت للبيت
عبدالعزيز شاف الموقف حس قد ايش هو اعطى هالبنت أكبر من حقها .. شاف قد ايش سمح لها تهينه وتتطاول عليه .. الله يلعن أبو الحب اللي يخلي الرجال مخفه وريشه بيد البنت
ملعون أبو العشق دام العشق دلعّها
لاصارت البنت تامرنا وتنهينا
للرائع حامد زيد
’,
حرك عالبيت وبدون مايرد على فجر اللي عصبت زود يوم انها رجعها للبيت
’,
زياد: والله ياسلطان إنت رجال والنعم فيك .. بس هي مالها خاطر بالعرس
سلطان: قلها اذا تبي تكمل دراستها اخليها تكمل.. اذا تبي تكمل الماجستير والدكتوراه تكمل مافيه مشكله انتظرها لاخر العمر
زياد انحرج: والله يالغالي الظاهر مافيه نصيب
سلطان فهمها وبخيبة امل كبيره : زين .. الله يوفقها ان شاء الله
زياد: ويوفقك ان شاء الله انت تستاهل كل خير.. يالله مع السلامه
سلطان ماردّ بكلمه نزلت دمعه حاره من عينه وامه راحمه حاله من حبه لهالبنت
نزلت دانه ماسكه بيدها ورقه : هذا العنوان
سلطان بجررررح: ماعاد ينفع
دانه تخرعت : سلطان وش فيك
سلطان بكى وطلع من عندهم
بكى حب عمره
بكى حلم علّق عليه آمال واحلام
بكى قلب ينتظرها من كانت صغيره
بكى الحب اللي انخطف منه يوم تزوجت من جاسم
ورجع له مع ورقة طلاقها
بكى الدرب اللي مشاه عشان يوصل قلبها
بكى القصايد اللي كتبها لعيونها
بكى الدموع اللي نثرها من شوقه لها
بكى كل اغنيه تذكره بوريف
بـــــكــــــــــى وريـــــــــــــــــــــــــــــــــــــف
........................
..................
جاسم اللي توه راجع من عند الحلاق فتح باب البيت ودخل لهم بابتسامته الغامضه: السلام عليكم
سطام ومنال ونوال ونجد : وعليكم السلام
نجد: إكشششششششششخ وش هالحلا كله
ابتسم لها جاسم وناظر يدور أمه بس مالقاها: سطام وين أمي
سطام : فوق على ما أظن
جاسم : تعال أبيك
سطام: زين اسبقني وانا الحقك
دخل جاسم المجلس وفتح النور وجلس جنب الباب وهو يفرك يدينه
سطام اللي توه داخل : هلا سم امرني
جاسم : مايامر عليك عدو بس بغيت أسألك
سطام : اسأل
جاسم اللي شد على حواجبه : تزوجت؟؟؟
سطام انصفق وجهه متوقع هالسؤال .. بس ماكان محضر له جواب
جاسم بهيبته : اشفيك صرت أطرم .. جاوبني ايه ولا لا
سطام :امممم ما ادري
جاسم بكل شموخ : تستهبل انت
سطام : الصراحه البنت عقب اللي صار كأنها تعقدت ترفض أي واحد يخطبها
جاسم ابتسم : يابعد عمري
سطام حس بالمصيبه اللي راح تصير : بس يا جاسم البنت متعقده
جاسم رجع له نفس الوجه الغامض: سلطان خطبها
سطام: أكثر من مره
جاسم : هالولد مو ناوي يتركها بحالها .. انا اعرف أربيه
سطام : جاسم اسمح لي البنت ماهي لك
جاسم حمرت عينه : من يقول ماهي لي؟؟؟
سطام : انت مطلقها
جاسم : طلقه وحده بس ولا نسيت
سطام : لا مانسيت
جاسم : وحتى الطلقه ماكنت بوعيي وقتها ولا تستهبل انت يعني ماتعرف اللي صار لي
سطام : انا اعرف بس هي ماتعرف ولا اهلها ولا احد منهم
جاسم : انا ماقلت لك وصل لها الخبر
سطام : يا ابن الحلال البنت مارضت حتى تكلم سهى عشانها خطيبتي
جاسم إستغرب : أجل من وين تجيب أخبارها انت؟
سطام : أكيد من سهى بس عن طريق صديقة وريف
جاسم : للحين هم في بيتهم؟
سطام: لا صارت لهم ظروف
جاسم: وش هالظروف؟؟؟؟

فجر بعد ماوقفت السياره: عزيز تراي مو ناقصه يكفي ذي الغبيه واللي قالته لي ودني الصالون ابصبغ
عبدالعزيز بعصبيه : بتنزلين ولا أذبحك اللحين ((وبصرخه)) انزززززززززززززلي وهالصديقه ذي تنسينها للأبد هذي ماتستاهل احد يقدرها او يحترمها
نزلت فجر وهي ودها تفجر السياره واللي فيها

وريف اول مادخلت البيت مسحت دموعها لأن عبدالعزيز وفجر ومخططهم أحقر من إني أذرف دمعتي عشانهم
وجلست مع امها ولميس اللي كانت توها واصله من بيتهم

عبدالعزيز نزل من السياره واتصل على فيصل عشان يقوله شسالفه .. خاف يدخل جوا وأحد يسمعه عشان كذا فضل يكلمه برا
: اوووووه من زمان عن المقالب هههههههههه مشتاقه اسوي فيك مقلب
وريف: عشان ارده لك بعشره هههههههههههه
ام وريف اللي لاحظت وجه وريف: يمه وش فيك تعبانه؟
وريف بقلبها ((يوووه دايم كاشفتني)): لا يمه مافيني شي بس المشغل كان مقفول ورجعنا
لميس: هههههههه حمد لله والشكر وش هالمشغل المقفول بهالايام مايدرون انه موسم
وريف: اممم ما ادري عنهم اغبياء صح؟
لميس: صح

جاسم: وبعدين؟
سطام: وبعدين انقطعت اخبارها
جاسم: زين زين انا ابطلع تامرني بشي ؟؟؟؟؟؟
سطام : سلامتك

طلع جاسم من المجلس وهو مايشوف الدرب قدامه .. ليش صار فيها كذا وانا بعيد عنها ..ياقلبي ياوريف لا تظنين إني تخليت عنك صدقيني احبك ... وكل لحظه مرت علي وانا بالمستشفى احبك أكثر وأكثر .. كل ذكرى بيننا مانسيتها ... الله يلعن الظروف اللي ماخلتني اوقف معك واواسيك .. ااااااااااااااه يا روح روحي مشتاق لك

نجد: اصلا انا أشك إن هالآدمي يحب خخخخخخ
نوال : انتي كنتي صغيره وماتعرفين شي
نجد: وش اللي ما اعرفه
نوال: قبل يصير اللي يصير ويطلقها كان يعشقها يمووووت عليها
نجد بإستغراب : جاسم؟؟؟؟؟؟؟؟؟؟؟؟
منال: وحتى هي تموت عالارض اللي يمشي عليها
نجد: احلفووو
نوال: اصلا مو من قليل صار لهم السحر
نجد : يمااااه
منال: تخيلي يا نجد مره تهاوشو اسبوع شلون درينا
نجد: شلون؟؟؟
منال: هذا مريض عندنا وهذيك مريضه عند أهلها
نجد شهقت ودمعت عيونها : الله لا يوفق اللي فرق بينهم
نوال: اجل لو تدرين عن سالفة سلطان
نجد: من سلطان
نوال: هذا واحد يحب وريف من جيران خالها
نجد: ايه
نوال: لما عرف جاسم انه يحب وريف بغى يذبحه
نجد: يممممممه
منال: هههههههههههههه
نجد: بس جاسم مررره عصبي كيف يتعامل مع الناس
نوال تضرب صدرها من القهر: بلاك ماشفتيهم مع بعض
منال: والله والله ماتعرفين جاسم .. وش الرومنسيه .. وش الهدوء .. يصير معها قطوه
نجد: الله لا يسامح الكلبه الحيوانه اللي سحرتهم
منال: استغفري ربك الحرمه مالها اسبوع قاتلينها
نوال بحقد : الله يعز الحكومه اللي تطبق شرع الله
نجد: امين يارب ... احسن شي سوته بحياتها انها فكت سحر جاسم
نوال : الله لايرحمها كانت دافنه السحر بالقبور
نجد: يمااااااااااااااااه احلفي
منال: يابنات استغفرو خلاص هي لاقت جزاها بالدنيا وخلاص