شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

30 - 12 - 2014, 03:12 PM

قامت نوف للمطبخ بعد ماجلست هدى بالصاله وجابت القهوه وقهوت هدى والي كانها تشرب سم من يد نوف لكن مظطره

..ماعليه خربت عليكم جوكم بس اخوي بيطلع وقلنا نجي معه قبل يطلع نزل امي بالمسجد وانا جيت هنا

..حياك الله مانتي غريبه

..مشكوره حبيبتي

..عن اذنك بروح اصلي

..اذنك معك وانا بعد بصلي بالمجلس الثاني

طلعت للغرفه وتركت هدى بالبيت تسرح وتمرح ماتثق فيها ولانست الي صار لكن عمر الحرص والتتبع ماينفع ولارح تحرص وتترك الاهم منها مده بسيطه وصل ناصر تنحنح حتى ينبهها لكن حس ان مافيه صوت دخل للصاله مالقى احد دخل للمجلس الثاني لقاها جالسه على الكنب ولاانتبهت له حست فيه وقامت قرر يرجع ..ماكنت ادرى ان فيه احد

واستدار ..صرت تتهرب مني وانت الي كنت تتمنى تشوفني او حتى تلمحني

بدون مايلتفت لها ..هذا ماضي وانا اعتبره مات

..لا مامات انت تبيه يموت صدقت نفسك انك تنساني و تعيش مع غيري

..انا فعلاحياتي مشت مع غيرك ومشت احسن من ماكنت متخيل

..لاتتسرع وتحبها لان قلبها ماهو ملكك

لف لها بغضب ..وش تقصدين ؟؟

..الكلام ماله داعي

كرهها تمنى انه يخنقها ..احترمي نفسك

..محترمه نفسي بس زوجتك الي مستانس عليها تحب ولد عمها نايف وبينهم علاقه

كان راح يتكلم لكن رفعت يدها بوجهه ..حاولت لكن اخته مارضت ويوم يئست منه لعبت على اخوه وزوجته اختها

مسك يدها وهزها بقوه ..انتي كذابه وحده مثلك حقيره ولايمكن اصدقها نوف اشرف منك ولاتتخيلين اني برجع لك اذا قلتي هالكلام

بهدوء ..انت اصلا ماعاد تهمني ولو تخطبني ماراح ارضى فيك لانك غبي وبسرعه ينضحك عليك والي قلته متاكده منه مثل ماشوفك قدامي

زوجتك يامحترم تحب واحد غيرك << صوت عالي من الكف الي عطاها وكل جسمها اهتز منه

..حقير ولاتهمني وراح تتاكد قريب انك مغشوش بها

..دزها بقوته وطلع للصاله وقف عند الدرج لكن تراجع ووطلع للباب كانت امه وخالته داخلات البيت

..وشونك ياناصر >>حقرها ولارد وراح يركض لسيارته ركبها ومشى

استغربت امه من حالته اكيد لان زوجته شافت هدى صارت بينهم مشكله هذا الي توقعته ماتدري ان الموقف اكبر من كل هذا وانها وصلت للقذف وللشرف ونوف ياغافل لك الله

..............................

أنا من داوى حزن البشر ونسى نفسه........

.وأنا من بكى حيل دون ماينسمع حسه....

البيت فاضي نوره راحت لبيت اهلها ونوف ببيتها وسلمان مسافر ابوها نايم وامها حالها مايعلمه الاالله تدور بالبيت مافي شي تسويه ملل قاتل جلست على عتب الباب الداخلي وركت ظهرها على الباب وسرحت الضيقه الي داخلها ترجمتها دمعه نزلت على خدها قامت مشت لداخل وفتحت على امها الباب لقتها مستلقيه على ظهرها ومغمضه عيونها قربت لها تشوفها مع انها مريضه نظرت الحنان بعيونها مازالت تميزها ناظرت ليدها هذي اليد الي يامامسحت على ووساتني وشالتني وحطتني تدحرجت على خدها دمعه وهي تشوف حال امها مسكت يدها بهدوء وحبتها وضغتطها فتحت عيونها وناظرت لساره وشافت دموعها تنهدت وغمضت دموعها وصار الدمع الحار مايتوقف على وجهها السمح وبصمت بكت معها بدون كلام كان كلام العيون يكفي وابلغ من النطق

................................................

محتاج لك ماهي مثل كل مره

هالمره أكبر من سهر ليل واحساس

..مايصير يانوره انتي تعبانه لازام تروحين للمستشفى

..فهد الله يخليك اتركني على راحتى انا زينه واذا بغيت اروح بقولك

..ليه يابنيتي حرام تسوين بنفسك كذا مانتي خسرانه شي لو تطمنيني عليك

ببكى ..يمه قلت لكم مافيني شي انتم ماتفهمون وراحت تركض

..انا خايفه عليها البنت ذبلانه

..يمكن بينها وبين سلمان مشاكل

..كل الناس يصير بينهم مشاكل مايسوون مثلها هالبنت بتذبحني

..يمه الله يهداك لاتخافين هي تعرف مصلحتها انتي بس لاتضايقين نسفك وخليها على راحتها

..الله يجيبك ياسلمان يمكن يقدر عليها

.....................................

وين أبمشي وأنت في كل الدروب ! !

وليه اعاتب والقصايد تشرحك ؟ ؟

السكوت أفضل وسيله للهروب . .

لا غدى عندي كلام ٍ يجرحك

بعد دوره في الشوارع خلاص تعب من التفكير وقف فجئه لدرجة انه طلع صوت للسياره

خلاص ياناصر وشلون تصدق هدى وانت عارف انها تبي تخرب حياتك

بس كانت متاكده من كلامها

لا لا نوف اكبر من كذا مستحيل تكون من هالنوعيه

كانت اول ماتزوجنا دايما تفكر يمكن صحيح تحب غيرك

من ترديد هالكلمه بباله نفض راسه وغرس يده بشعره

اعوذ بالله من الشيطان الرجيم بحاول اضبط اعصابي لين اتاكد من الصدق او الكذب

اخذ قرار انه يكون مثل نوف اقوى من الغيره الي ممكن تخرب عليه وحاول يقنع نفسه ان هدى بتنتقم منه

........................................

مشغول باله يتصل على جوالها من يومين ومسكر واتصل عل تلفون البيت الشغاله تقول نايمه خايف عليها حالتها ماتسر كانت تعبانه بالمره <<الله ياسلمان كنت تشوفها وانت عندها ماسئلتها <<لام نفسه<< تعرفها لايمكن تتكلم لاحول ولاقوة الا بالله انا وش يصبرني خمس ايام بعد

..................................

الى الان مقابله امها كل ماشافتها تجدد المواجع ترجع بها الذاكره ليوم موت متعب الى الان صوت امها وصراخها ماراح عن بالها ودموع ابوها حالة سلمان ونوف كل هالتفاصيل تعيشها بنفس اللحظه

مد يده وحطها على كتفها ..ادعي لها يابنتي

رفعت راسها شافت الحنان بعيونه ..انا محتاجتها يبه

..كلنا محتاجينها بس الله يعينها

قامت ورمت نفسها بحظنه وبكت من جديد وهو يمسح على راسها حضنه دافي وآمن ..الله يخليك لي يبه

رحم ضعفها ووحدتها البيت فضى عليها صارت وحيده وهذااقسى شعور يحسه الانسان

.........................

احتجتلك واللي خلقني لك احتجت احتجتلك بس للاسف مالقيتك

العصر

صوت التلفون بالصاله لكن فاضيه مافيها احد وهي في المطبخ تكلم الشغاله

..روحي شوفي التلفون

راحت وشالت السماعه ..الو

..وين مدام نوره

..مدام نوره نايمه

استغفر الله العظيم وشلون اكلمها

..طيب نادي ام فهد

..حاضر راحت لام فهد الي كانت مشغوله بتحضير الفطور

..مدام تلفون

..من الي متصل

..مدري رجال

تركت الي بيدها وراحت للصاله

..هلا

..السلام عليكم

..عليكم السلام هلا والله

..هلابك وشلونك ياخاله

..الحمدلله ياوليدي طيبه

..لوسمحتي ياخاله اقدر اكلم نوره

..والله ياوليدي نوره نايمه

..فيها شي كل ما ماتصلت تقول الشغاله نايمه وجوالها مقفول

..لالاتخاف مافيها الاالعافيه

ماصدقها حس ان ماتبي تقول ..مدري احس انك ماتبين تقولين

..والله يسلمان نوره تعبانه لاتاكل ولاتشرب وكل وقتها مقضيته نوم

..ليش ماوديتوها للمستشفى

..ماهي راضيه حتى فهد الي ماترفض له طلب ماقدر عليها صرت اعد الايام حتى ترجع يمكن تقنعها

..ان شالله ماراح اطول ثلاث ايام بالكثير بس تكفين ياخاله انتبهي له

..لاتوصيني عليها بعيوني

..في امان الله

..في امان الله

نزلت على نهاية المكالمه ذبلانه ووجهها اصفر وجسمها ناحل مافيها شي يدل على الحياه

..من كنتي تكلمين

فرحت انها شافتها نازله ..هذا سلمان

..غريبه وش عنده

..يتطمن عليك

..ههههههه يتطمن على سلمان خلاص ماعدت اهمه

..ليش يانوره تقولين كذا الرجال يحبك ويبيك

..يمه خلاص ماقال متى يجي

..يقول ثلاث ايام

..زين انا رايحه انام

ورجعت تسحب معها اوجاعها

................................................

مسكت المصحف وقعدت تقرا بصوت عذب

دخل شوي شوي بعد ماتعوذ من الشيطان <<يمكن احسن شي سواه انه طلع من البيت ولاتهور وتصرف تصرف لاتحمد عقباه

هي مندمجه بقريتها وهو يتاملها <<معقوله كل هالبراه والنقا تكون مثل ماقالت هدى مستحيل مستحـــــــــــيل هدى تبي بس تدمرني لكن ماراح اسمح لها

خلصت القرايه ونزلت المصحف شافته واقف ووجهه متغير قامت له ..ناصر وين كنت تاخرت

..نزلت للمعارض ادور سياره

..زين وان شالله لقيت السياره الي عجبتك

..لا بنزل بكره بعد ان شالله

مسكت يده ..طيب اجلس شكلك تعبان

جلس بدون مايتكلم كان ينفض الافكار من راسه كل ماتذكر كلام هدى ..تبي اجيب لك اكل

..لا لا بنام

..براحتك <<

.................................

. تعبان ) !! أدري فيگ واللـه أدري ..

لگن تگلم / قول .. شاللي متعّبگ ؟؟

ماعاد به شي ٍ على الضحگ يغري !!

ولا عاد أحس إني أنا أقرب حبايبگ

في بيت فهد الساعه 12ليلا

دق جرس البيت

..غريبه من بجينا الحين >>ونادت الشغاله تفتح الباب دقايق ورجعت وسئلتها

..من الي عند الباب

..هذا بابا سلمان

قامت بسره استانست برجعته واستغربة من سرعته ..طيب روحي دخليه بسرعه <<راحت مده ودخلت وهو يتبعها

..السلام عليكم

..وعلليكم السلام غريبه ياسلمان العصر كلتني بالشرقيه

..هههههه الشرقيه جدعت عصا ثلاث ساعات وانا بالرياض

..زين ياوليدي الحمدلله على سلامتك

..الله يسلمك ياخاله >>وهو يتلفت بالصاله ..وين نوره

..نوره نايمه بروح اقومها

رفع يده ..لالا ياخاله اذا سمحتي انا باطلع لها

..اي ياولدي البيت بيتك ماقدامك احد والطريق تدله

طلع على مهله ماصدق انه رجع لها وانه بعد دقايق بتكون تحت نظره

وبدون لايستئذن فتح الباب كل الانوار مشغله كانها كانت خايفه من الظلام

كانت نايمه على بطنها وشعرها مغطي على وجهها كله قرب لها شوي شوي وجلس على طرف السرير مسك كتفها وقلبها على ظهرها رفع شعرها بيده خاف من شكلها الي يشوفها يعتقد انها مريضه من زمان

بصوت هادي ..نوره

فتحت عيونها بتعب شافته قدامها اخذت تتامله ورجعت غمضت عيونها

اعاد نداه لها هالمره صحت وايقنت انه حقيقه وليس حلم

جلست بسرعه ..سلمــــــــــــان

..وش فيك خايفه >>كانت ترمش بسرعه وتتلفت بارجا الغرفه حتى تتاكد من المكان

..متى جيت امي تقول انك بتجي بعد ثلاث ايام

..توني واصل ..ميل رقبته وقرب يدقق بملامحها ..وش الي سوى فيك كذا ؟؟

ماردت عليه ..ردي على يانوره

بعبره مخنوقه ..مافيني شي

اناعرفك يانوره قولي لي وش فيك وش الي متعبك

تهجد صوتها ..انت ليش رحت وخليتني كنت ابيك عندي

كلامها مثل السكاكين الي تنغرس بصدره ..وهذا انا خليت الي وراي ورجعت لك

بدت دموعها تنزل بغزاره ..انا كنت تعبانه وانت خليتني ورحت

مسك يدها ..انتي يانوره ماكنتي تتكلمين

..بس انت تعرفني حتى لوتكلمت

افحمته بكلمتها فعلاكان يعرفها ..طيب انتي الحين وش تحسين فيه

بكت مثل الطفله الخايفه الي فاقده احساس الامان ..انا خايفه ياسلمان خايفه يكون فيني مرض خطير

..لاتخافين ان شالله مافيك الالعافيه

تكلمت وصوتها يرتجف ..لاعاد تخليني

كانت قاسيه بكلامها عليه مايتخيل نفسه قدر يسوي فيها الي سواه

..ماراح اخليك بس الحين قومي البسي حتى اوديك للمستشفى

..لا مابي اروح

..ليــــــــــــش

..اخاف من المستشفيات

..لاتخافين انا معك بس يالله قومي >>قام من عندها وارح للشماعه وسحب عبايتها ولبسها وطلع ماعارضته مشت معه

كانت تتمنى تشوفه سلمان الي تعرفه سلمان الي خسرته ببعدها عنه وهويتمنى يشوفها نوره الي يحبها تبادله نفس الحب ولاتنغلق على مشاعرها

................................

سهره مغلقه لثلاثي الشر في بيت نوال

لطيفه كانت تتكلم عن زوجها

..عاند الدنيا كلها ورفض يتزوج على

تكلمت هدى ..طيب ليش يبون يزوجونه

..لانهم يعتقدون اني ماجيب عيال

نوال ..اذا كان زوجك معك ماعليك من احد

..بس هو يحرص على رضا امه واخاف هاالعجوز تجبره يتزوج

نوال ..عبدالله محبوب عند اهله واخوانه وبصراحه يالطيفه هم مايحبونك انتبهي منهم

..وش اسوي ماقدر امنعه اذا تكلمت باامه واخوانه يزعل

.هدى بعد صمت طويل تستفسر ..طيب هو معاملته معك كيف

..هو اذا ماجبت سيرة اهله معاملته حلوه

..خلاص لاتجيبين سيرتهم

..لازام احاول اهز صورتهم بعينه عشان يقلل زياراته لهم

استغربت من رجال بمواصفات عبدالله يتحمل وحده زيك ماتحب احد حتى اخوانها تحاول تضرهم ..خساره عندك رجال مثله

.................................................. ................

ليت كل دار تضمك ليتها صدري

ليت كل عين تشوفك ليتها عيني