شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

1 - 1 - 2015, 02:09 PM

تكلمت نوف اخيرا وهي تتنفس بسرعه كانها بتلحق النفس قبل تختنق ..امك اتصلت على

رجع راسه مره ثانيه وقطرات المويه تسلل على وجهه بسرعه ..ليش مارديتي عليها ؟؟

جاها شعور انها كانت سبب بحادث شنيع لولا ستر الله ..ماامداني ارد عليها

وهو منزل راسه طلع تلفونه من جيبه رفع راسه وفتحه تذكر انه ماكلمها من راح اكيد تحاتيه كان ناوي يتصل يريحها لكن سبقت واتصلت

فتح الخط تكلمت من حست انه رد ..ناصر ناصر وينك يايمه

حس بخوفها ..قريب يمه قريب

..ليه يايمه تسوي فيني كذا والله حتى النوم ماقدرت اانام من الخوف عليك

..لاتخافين ياالغاليه انا بخير

..ناصر يايمه انتبه من الطريق تراي استناك ترجع لي سالم تكفى ياوليدي مابي اخسرك والله لو يصير لك شي اموت

حارت العبره بحلقه ومنعته رجولته يظهرها كلام امه واليومين الي مرو عليه كانها سنه والساعه الي راحت كانها دهر

..ابشري يالغاليه نص ساعه بالكثير وانا عندك بس انتي جهزي القهوه

بكت هالمره ..ابشر يانظر عيني الله يردك لي سالم >>ماكانت تدري ان نوف معه حست من صوته انه ماهو مبسوط ولاسئلت عنها خافت تكدره وهو ماسك طريق

ودعته ودعت له يرجع بالسلامه وسكرت منه ونوف ماكلمته ولاكلمها

..................................................

..انتم وينكم ؟؟

..قريبن عشر دقايق واحنا بالبيت ان شالله

..الحمد لله على سلامتكم

..الله يسمك

..نوف حبيبتي ليش صوت مخنوق

..مافيني شي بس تعبانه من الطريق

..هانت مابقى شي وتوصلون بالسلامه

..ان شالله

..بكره ابيك تجين عندي مشتاقه لك

..اشوف يمكن ماقدر

..لا بنتظرك تكفين تعالي

..طيب ليش ماتجين انتي

..انا ماعندي احد ناخذ راحتنا اكثر

..حتى عندي ماراح يضايقنا خالتي بحالها

..خلاص بحاول

اوكي استناك

سكرت منها كانت تكلمها ويدها على فمها وبصوت واطي علشان مايسمعها توتر وقفلت اخلاقه هدى المكان بس صوت السياره تتعاداهم

......................................

وقفوا مع المهندس بالاراض كانوا متحمسين لكلامه عندهم افكار واحلام كبيره استعان باخوه لان عنده خبره بالxxxx والاراضي والبيوت انسان ناجح صاحب نظرة ثاقبه و خبره انهوا كلامهم واتفقوا وظل نايف ونواف جالسين على مقدمة السياره يتكلمون عن بداية الشغل

..انت الي عندك يكفي للبناء

..انا عندي مبلغ كويس وباخذ قرض على راتبي علشان اقدر اسوي أي شي واذا نقص شي مع اني اتوقع الوالد ماراح يقصر

...خلاص واي استشاره ترى انا اعرف ناس عندهم خبره بهالمجال

..ان شالله

..انت ماتبي تاخذ راي زوجتك بتخطيط البيت

..لاماعندها خبره ولا اعتقد انها تعرف بهالاشياء خلها بس تلتهي بنفسها

..غريبه مع اني اعرف ان البنات الحين يعرفون كل شي يمكن اكثر من بعض الرجال

..الاساره غير عنهم

..وشلون يعني ؟؟

التفت له وتكلم ..صدقني مدري وشلون !!!!

الف علامة استفهام صاريشوفها غموض يلف هالانسانه على ذكاء نواف يحس انه مافهمها

.................................................. ...........

انا بعمري ماجرحت انسان

واحب كل الناس واغليها

قلبي كبير وصدري الميدان

صابر على الدنيا ومافيها

صارت الدقايق عندها ساعات في اقل من نص ساعه انفتح الباب دخل ناصر كل علامات التعب بوجهه كانه متمرغ بتراب

فزت له وقلبها يرقص من الفرح لانها شافته ما عطته فرصه يرمي السلام ..هلاوالله هلا بوليدي >>مسكت رقبته وانحنى لانه طويل وقعدت تضمه كانها ماهي مصدقه انها تشوفه قدام عيونها ..هلابك يمه وشلونك

.. مادامني اشوفك انا بخير >>رجعت تضمه وهو مستسلم مهدود حيله من تعب اليومين الي راحوا حست ان الباب انفتح من وراه دخلت متغطيه وتسحب بيدها شنطه فتحت عيونها يوم كشفت وجهها كانت ماتقل عن حالة ناصر من التعب والارهاق ..السلام عليكم

تركت ناصر الي جلس على الكنب وهي مذهوله وبنبرة استغراب وبهدوء..عليكم السلام !!نوف ؟؟

تحس كانها جايه لمكان المفروض ماتجيه وان موقعها غلط محروجه ومقهوره وتعبانه والموقف الي صار بالسياره خلاها تلوم نفسها بعض الشي لانها بغت تتسبب على نفسها وعلى ناصر ..حياك الله يابنيتي

ردت رد مايحمل أي تعبير وبشرود ..الله يحييك >>قالت كلمتها وجلست على اقرب مكان لها حست فيها ام ناصر وقربت لها وحطت يدها على يدها الي كانت على طرف الكرسي ..وش فيك يانوف انتي تعبانه

رفعت راسها لها ورجعت شعرها ورا اذنها ..مرهقه شوي البارح مانمت

ناصر ماكان يشوف الا انهم سوو حادث ولارجعوا ولاراح يرجعون انبهتت ام ناصر كانت حالتهم غريبه فيهم شي ماهي حالة واحد يحب زوجته ورجعها بعد غياب شهور ونوف ماهي حالة وحده زوجها حارب كل شي علشان ترجع له انسدح ناصر على الكنبه الي كان جالس عليها لم رجوله ونزل عيونه كان النور يتعبه ..وش فيكم >>ناظرت لناصر ..ليش يمه ماتقوم تريح بغرفتك >>حرك جسمه وواجه السقف وحط ذراعه على عيونه ..لايمه خليني هنا ولا ماتبين اشرب من قهوتك

ضحكت له ..لاياوليدي بس شكلك تعبان >>رجعت لنوف..وانتي اطلعي يايمه بدلي وارتاحي >>رضخت لطلبها وقامت بتشيل شنطتها ..خليها يايمه انتي زين تشيلين نفسك انا برسلها لك مع الشغالات

بصوت واطي زين ينسمع ..مشكوره ياخاله>> وطلعت وام ناصر تراقبها وتراقب ناصر ومستغربه منهم

.................................................. ..

كثر نفسي واكثـــــر شويه بعد

والله اني يابعد عمري ابيــــك

من عروقي ومن خفوقي لك وعد

وسط قلبي ماحدن ...غيرك مليك

دخلو لغرفتهم بعد ماتغدوا يناظر لها تروح وتجي ومندمجه علشان تنوم بنتها قبل ماتنام وقفت فجئه يوم لقته مركز النظر عليها وقفت شوي وبعدين مشت يمه وقابلته على السرير ..وش عندك تلاحقني بعيونك

ابتسم لها بعذوبه وبهدؤ ..ليش يضايقك

ردت له الابتسامه ونزلت راسها ..لا

رفع راسها ..ماتتغيرين يانوره لازام تستحين لين نشيب

رفعت راسها ورجعت غرتها ورى ..وانت ماتحب هالخصله فيني ؟؟

حط يده بيد ها وهو متربع على السرير وهي قدامه ورجولها على الارض ..انا كل شي فيك احبه >>سكتوا يناظرون لبعض احرجها بنظراته واشاحت وجهها عن عيونه ..مشكوره حبيبتي >>طالعت له بتعجب ..على ايش !!!

..على كل شي على اهتمامك بامي وابوي ووقفتك مع خواتي انا مقدر لك يانوره يكفي انا وعدتك تزورين امك وماقدرت وحتى ماتكلمتي

..سلمان حبيبي لاتقول كذا امك وابوك انا اعتبرهم امي وابوي وخواتك خواتي هذولا بنات عمي يعني ماله داعي الشكر وزيارة امي ان شالله بس تفضى ماراح تقصر اكيد بتوديني وبعدين يكفيني انك مقدر

..ان شالله بس انا عندي فكره ببالي اذا ظبطت يكون حظي من السما

هزت راسها باستفهام .وش هالفكره

..لا لا ماراح اقولك لين يتم كل شي

قامت من عنده ..براحتك

مسك يدها ..وين ؟؟

..بروح ابدل بنام تعبانه

..اوكي وانا انتظرك

ضحكت عليه ومشت من عنده وهو بسرعه خبط جسمه على السرير وحط يده تحت راسه

من كثر ما احسك بصدري وابيك

خايف اتنفس ويبعدك الزفير

ومن كثر ما احبك وخايف عليك

حتى من روحي على روحك اغير

لقى نفسه نايم بالصاله كانت امه مطفيه الانوار ومغطيته قعد وابتسم وهو يشوف القهوه قدامه زي ماهي امه ماصدقت تشوفه تخاف عليه من النسمه ومع ذلك ربته تربيه قليل من ينجح فيها رغم الدلال والعز والغنى ومع انه وحيدها كانت تتبع معه سياسة الوسطيه

تذكر نوف والسياره والسفر اشيا كثيره تزاحمت براسه قرر ينفضها ويونس امه بعد الضيق الي عاشته بغيابه قام وشغل النور كانت بالمطبخ على طول حست به وطلعت له وانبسطت وهي تشوفه مرتاح شوي ..صح النوم

..صح بدنك وين كنتي >>وهو يمشي يمها

..كنت بالمطبخ باشرف على عشاكم

قام ورفع يدها وحبها ..مشكوره يمه تعبناك معنا >>وحط يده علىظهرها ومشى لمكانه

..تعبك راحه اذا ماتعبت لكم من اتعب له

..تسلمين يمه بس انا متى نمت؟؟

.. والله خبري بك شربت اول فنجان بعدها مدري متى نمت

..ههههههههه من التعب يمه يومين ما نمت

بعد ماكانت تضحك تغيرت ملامح وجهها للجديه ..وش فيكم يايمه مانتم عاجبيني

صد عنها للجهه الثانيه مايحب يضايقه يكفي الي شافته ..مافينا شي بس تعبانين وكنا رح نسوي حادث لولا ستر الله

ضربت على صدرها ..حادث وشلون وليش ماقلت لي

..يمه الله يهداك شوفينا مافينا شي الحمدلله جت على خير

..الحمدلك ياربي الي مافجعتني

..الحمدلله >>تلفت بالمكان ..نوف مانزلت ؟؟

..لا والله من طلعت مانزلت حتى الغدا مارضت تتغدى

سكت وكملت امه ..نوف ماهي مرتاحه للرجعه انا حاسه فيها

هز راسه..اي جت مجبوره

..مجبوره !!ومن الي جبرها

..ابوها

..لاحول ولاقوة الا بالله

..هي الي حدتني ولا انا كنت بستنى قلبها يلين

..والله مسكينه هالبنيه تكسر الخاطر

..يمه انتي معي ولا معها

..انا مع الحق الي شافته كثير عليها حاولت تصبر لكن خيبها حتى الصبر والحين ترجع غصبا عنها

جمع يديه وحطها بين عيونه واتكى عليها..ماقدامي الاهالطريقه بعد ماني راضي بهالاسلوب بس شاسوي

مسحت على رجله ..ماعليه ياوليدي ان شالله الايام بتلينها وتطيب جروحكم بس تحمل ياناصر

هز راسه وحط يدينه على ركبته وقام ..انا بطلع اصلي وارجع اتعشى ذابحني الجوع

..يخسى الجوع انت صل وارجع وابشر بعزك وانا امك وجيب نوف

كان راح يطلع فوق لكن تذكر شي ..تدرين ان واصلها خبر اني بتزوج هدى

..الله عليها هالبنت مشقيه نفسها ومشقيه الناس

..انا الي بتفاهم معها

..خلها على انا حذرتها ومانفع معها بس انا بربيها

مشى من عندها وطلع بوهن لغرفته ومايدري هالمره كيف بستقبله ولا وش راح تسمعه

أحلامهمـ واجد / وحلمي أنا بس

صدرا عليه ابكي ولاأحس بالخوف

مااشوف / ماأسمع / ولاودي احس

دام الزمان اعمى وبيدينه سيوف

..هلايمه

..الحمد لله على سلامتك

..الله يسلمك

..افا يا نوف يهون عليك توصلين وماتتصلين على لازام انا اتصل

..اسفه يمه

..انا كنت اظن الناس كلها تزعل على الانتي كنت اظن الي بقلبك لي اكثر من الزعل والعتب

تحشرج الكلام بحلقها صار مثل السكاكين الحاده وماقدرت الاعلى جمله وحده ..ماني زعلانه بس مالي ثلاث ساعات واصله

..لا انتي زعلانه علينا يابنتي ماحنا اعداء لك انتي صغيره وبكره تعرفين انك عندنا اهم من كل شي

بصوت مجروح ..والله ماهو باين

..هذا ماهو كلامك يانوف انتي تغيرتي

..لانكم كلكم صرتوا ضدي رجعتوني له مثل الخروف ماكني انسانه يحق لي اعارض

..ابوك خيرك

مسحت دموعها بظهر يدها ..ابو خيرني خيارين احلاهم مر

حبت تخفف عنها الضيق وتبعثر الشعور القاسي ..انتي الحين ببيتك وعند زوجك حاولي تعيشين وتنسين ترى النسيان رحمه

..ماقدر يمه ماقدر ظلمني وجرحني اعتذاره للحين مابرى جروحي >>وقفت عند هالكلمه وناصر واقف عند الباب يسمعها تاكد انها صعب تلين بهالسهوله

..زين يمه الحين اهدي واذا شفتي نفسك تقدرين تتكلمين كلميني وروحي لاختك ولاخليها تجيك حاولي تنسين الحياه كذا وانا امك انا بسكر الحين

..انا اسفه يمه

..لاتعتذرين يايمه انا حاسه فيك وعارفه وشلون تفكرين يالله سلمي على خالتك

..الله يسلمك

سكرت الجوال ورفعت راسها طاحت عيونها الدامعه بعيونه وهو يرقبها قامت تبي تتعداه للشنطه الي وراه نزلت جسمها ومدت يدها تبي ترفعها مسك يدها وبصوتها المخنوق ..ناصر اتركني اطلع المكان الي انت فيه يخنقني

..خلاص يانوف ذبحتني دموعك ماقدر اتحمل

ماردت عليه بس تشاهق ..انتي شفتيني اتكلم مع وحده غيرك صمدتي ومانزلت دموعك ذيك اللحظه كثر دموعك يوم رجعنا لبعض

رفعت راسها ومازالت يدها بيده ..لاني تحملت بكيفي ماحد غصبني اجلس عندك

احرجته وماقدر يرد عليها ..والحين لو اشوفك متزوجها ماراح ابكي الا على كرامتي وعلى قلبي الي ضعف وحبك بيوم من الايام اما انت ولاشي ولاشي >>>مشت من عنده وحروفها الاخيره ترن باذنه

كانت تظن ان الي جاه كفاه لكن بس تشوفه تفنن بجرحه وهو لانه عاهد نفسه مثل ماضيعها بيلقاها ماهو ضعف او خوف ولكن حــــــــــــــــــب

تركها على راحتها قرر يدور مكان ثاني ينام فيه المهم انها عنده

مر هاليوم بدون مستجدات لاشي يذكر في حياة ابطالنا

ساره كانت تترقب رد نواف بعد مايعلمه نايف الي ماعطى الامر أي اهميه

هدى تحاول الا تصال بنوال او لطيفه وعرفت برجعة نوف

نوف وناصر على قد ما تعبهم الشوق لبعضهم الا ان موقف نوف جمد كل المشاعر داخله ماكان بينهم أي احتكاك يتحاشاها وتتحاشاه

قررت نوف ترجع للجامعه مع بداية الترم الجديد

والعجله تدور وتدور والحياه كما هي تعاندهم والايام لهم بالمرصاد
......................................