شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

2 - 1 - 2015, 03:34 PM

.. انتي مجنونه
.. ليش مجنونه لاني باجي اسلم على اهلي
.. بس تقولين نايف رافض انك تجين
.. مو لازام يرضى
.. لاتتهورين وتندمين بعدين
.. وش بندم عليه بييذبحني ولا بيطلقني خلي يسوي الي يبي
..ثلاث ايام ياساره سوو فيك كذا
.. انسان متخلف يانوف مدري كيف يقولون عنه محترم
..طيب وش سوا ؟؟
.. ارسلي السواق واذا جيت قلت لك
..ماقدر اطاوعك بالغلط
.. اسمعي ربع ساعه اذا ما ارسلتي لي السواق والله والله لا اخذ تاكسي واجي وعلي وعلى اعدائي
.. طيب اسمعي اتصلي عليه وحاولي بالهداوه
.. ههه ضحكتيني اصلا مااعرف رقم جواله
انذهلت نوف من الي تسمعه مهما كانت الظروف ما توصل لهالدرجه نايف المعروف عنه انه انسان محترم وساره مهما كانت عنيده ماتوصل انها تمشي بدون اذنه ومو معقول باايام قليله ينولد هالكره الي تحسه من اسلوبها بالكلام عنه .. طيب اكلم سلمان واخليه له
ثارت بجنون ماعاد تقدر على نفسها خصوصا ان جدالها مع نوف هو المتنفس الوحيد للضيقه الي هي فيها .. نوف مثل ماقالت لك ربع ساعه اذا ما..
قاطعتها .. خلاص خلاص الحين برسله وياخوفي عليك من عنادك
................................
الناس ي بسمة المجروح منخدعه
كم بسمة من وراها النار بانفاسي ؟؟
بعض المواجع لها ماتنع الفزعه
وبعض المواجع وجعها من ووجع ناسي
عودت نفسي على الصدمات والفجعه
ولو ست جمر الزمن ماينحني راسي

وقف يناظر بوجهها ألي يختفي وراى ابتسامته الم "حاس فيها فراق اهلها ماهو سهل والاصعب انها تحاول ماتبين له وتتحامل على نفسها

رفع يدها وحبها .. نوره حبيبتي ادري فيك متضايقه لانك بتبعدين عن اهلك
.. الف مره قلت لك ياسلمان انا معك لو تروح لاخر الدنيا
.. الله لايحرمني منك " الله يقدرني ارد لك تعبك ووقفتك معي
.. اولا انا ماشكيت ثانيا تعبك راحه
راقب عيونها الي تصارع دموعها بهااللحظه وكان راح يتكلم " حطت يدها الصغيره على فمه تمنعه لايكمل " رص يدها على شفايفه وشاف دموعها تنساب بهدؤ ابعد يدها وظغطها .. مع اني اكره دموعك لكن ابكي يانوره بدال الكتمان اريح لك واريح لي
ضمته ونثرت على كتفه دموعها الهاديه وهو مامنعها انها تفضي عبرات صدرها

.................................................. ......

بغرفتها لحالها مالقت احد يشاركها فرحتها المزيفه شيكت على اغراضها وقاست فستان المتكلف فيه وجلست على تسريحة غرفتها ومسكت المشط وقعدت تنزله على شعرها بعشوائيه وهي سرحانه لين نبهها الباب الي انفتح كلمت امها الي وقفت بالغرفه تتفرج على اغراضها .. وشلون تذكرتيني
.. انتي مانتي محتاجه احد
.. وهذا الي ذابحكم تحسبوني بموت اذا مااحد ساعدني انا فلوسي تخدمني
ناظرت للفستان على السرير .. ليش الفستان وزوجك مايبي زواج كبير
.. بلبسه لنفسي وللتصوير
جلست جنب الفستان .. ليش يانوال تنازلتي عن الزواج
.. مصاريف مالها داعي
.. بس هو قادر يسوي زواج كبير
.. مصاريف الزواج انا اولى فيها
.. كأنه يبي يعطيك منها
.. لا وانتي الصادقه بتصير كلها لي
ملت من الكلام معها قامت وتركتها مصدقه كذبتها على نفسها

.................................................. ...........................

وهو يسفط السياره بمكانها ويكلم بجواله .. اخيرا عبرتينا
.. كنت تعبانه شوي
.. لطيفه تكفين لايشيل قلبك علي
.. لا يانايف ماني شايله عليك بس انا موت نواف اثر فيني
.. اوكي ليش ماتزوريني بالبيت
ماردعليه لكن سئلته .. نايف تقدر تجيب متعب لي اشوفه
.. انتي تعالي للبيت وشوفيه
.. ماقدر اروح هناك
.. البيت بيتك وانا اخوك تعالي باي وقت
.. ارجوك يانايف انت اذا فضيت هاته لي
..خلاص ان شالله باقرب وقت باجيبه بس اوعديني تزوريني بالبيت
.. اوعدك
انهى المكالمه ونزل ودخل البيت شاف الشغاله بالبيت لكن ماسئلها طلع على طول للغرفه يبي يودي متعب للطيفه فتح الباب بقوه مو موجود فيها احد استغرب لاهي ولا متعب بس جوالها مرمي على التسريحه << تركت الجوال متعمده >> نزل يركض توقع انها سوت الي براسها بسرعه نزل للمطبخ وسئل الشغاله .. وين المدام؟؟
.. مدام روح
.. مع مين ؟؟
.. مافي يعرف
جنون الاراض تجمع قدامه " مشت شورها وتجاهلت نهييه لها ماجاب فايده ماتخيل توصل معها قواة راسها انها تعانده تحلف فيها بصدره
طلع يركض وركب سيارته .................
ماعاد لي قلبٍ ضلوعه تضمه ..
وش كثر راح من الشقى وش بقى كم ؟؟
اللي رضع من ثدي الأيام همه ..
يموت قلبه ما تعافى من الهم ..
ياليت لي جرحٍ وينشاف دمه ..
مير البلا من جرح ما شيف له دم..

خلصت مكالمتها ورمت الجوال جنبها وهي تتخيل كيف ممكن يكون شكل ولد نواف رعب من شوفته تعتقد انه حتى هالطفل ممكن ينطق ويعاتبها لانها كانت السبب بحرمانه من ابوه " بالمنديل الي بيدها مسحت اثار الدموع وقبل ترجع ترخي جسمها على السرير انتبهت لعبدالله الي كان قاعد يراقبها متركي على الباب ومكتف يديه .. من متى وانت هنا
افلت يديه من بعض ودخل لها .. من كنتي تكلمين" نايف !!
ناظرت ليديها الي تقطع المنديل بتوتر .. ابي اشوف ولد نواف
.. ليش ماتروحين هناك وتشوفينه
تكلمت ببرود ماغاب عن عبدالله الي تخفيه وراه .. المهم اني اشوفه هنا اوهناك مايهمني
عدى يديه من ورى رجولها الي ممتده على السرير واتكى عليها .. لطيفه انتي لازام تطلعين تشوفين الدنيا وتغيرين منظر هالجدران انتي من وفاة نواف ماطلعتي من البيت
.. وين تبيني اروح ؟؟
.. روحي لاي مكان لاهلي لبيت اخوك انتي حتى الروحه لجده تراجعتي عنها ولدك يالطيفه تمر اليومين والثلاث وهو ماشافك
سكتت تدور لنفسها عذر سئلها عبدالله .. وش الي غيرك مايجوزنوقف عند الحزن ونهمل انفسنا وننسى الناس الي تحبنا
رفعت راسها ودموع تتدحرج مثل الخرز على خدها.. عبدالله تكفى خلني بحالي
..الى متى وانتي دافنه عمرك بهالغرفه وتحاكين نفسك
ناظرت بتساول .. من تبيني احاكي
.. قولي الي بقلبك تكلمي انا اسمعك
هدت شوي ونزلت راسها ..وش اقول
.. لاتردين على باأسئله قولي الي بقلبك وش السر الي ماتبين او ماتقدرين تقولينه لاحد
ادهشها عبدالله بمعرفته لها لفت للجهه الثانيه ودفنت وجهها بالمخده وصوتها طلع رغم انها تحاول تحبس وناتها
لكن ماتكـــــــــــــلمت فضـــــــــــــلت الصمت
................................................

بعد ماوصلت لبيت اهلها وسئلتها امها عن حالها ترددت تقول ولا تسكت لكن لاحظت نوف الي تأشر لها بانها تسكت ولانها ماتبي تضايق امها قررت تسكت وتواجه نايف بشجاعه اخفت عن امها وضعها مع نايف واختلقت كم كذبه دخلت ام سلمان تدفع كرسيها بيدها لغرفتها حتى تصلي
اخيرا انفردت بساره وبدات اسئلتها بعجل قبل تنكسر خلوتها ... يالله الحين تكلمي قولي وش الي صار
نزلت بيالة الشاي من يدها .. وش اقول وش اخلي طلع انسان ثاني غير الي نعرفه
مادخل كل هالكلام راس نوف مستحيل نايف يكون بهالصوره البشعه اكيد في سر "خافت تكون ساره استفزته بشي اوغلطت عليه
.. طيب ماسئلتيه يمكن عنده سبب وبعدين ياساره قدري ظروفه صعب عليه ....
تكلمت بسرعه .. بس هو صعب عليه انا اشوف الموت كل يوم ودي اتراجع
صدت بوجهها ولفتها نوف لها .. الغريب ياساره انك ماقلتي لامي مع ان الي يسويه شي يستاهل انه ينسئل عنه
.. انتي نبهتيني لاتكلم قدام امي
.. لا انتي مايهمك اذا حطيتي براسك شي
عرفت ان نوف وصلت لشي داخلها .. اخاف ياخذ متعب عيونه تقول انه ناوي على الشر وانتي شفتي كيف باايام قليله صار الي صار
.. طيب من ناحية متعب
على طول عرفت وش تقصد .. هذا الي مجنني اشوف الحنان بعيونه لما يناظر لمتعب لكن نظرته تتغير اول ما يحط عينه بعيني
.. اكيد في شي وشي كبير وانا عند رايي نايف انسان زين
حدقت فيها وهي تتكلم عنه خافت تشوف نظره ثانيه بعيونها وهي ماهي محتاجه ضيقه زياده "لكن مالقت نفس البريق الاول لما تتكلم عنه والي صارت تحسه بنبرة صوتها وهي تتكلم عن ناصر .. هذا رايك فيه من زمان !
فهمت مقصدها بدون لاتفصح.. حتى لوكنت اكرهه وكان عدوي كلمة الحق باقولها
..تصدقين حسدتك انه ماصار من نصيبك تعتقدين يانوف اني تسببت ان جروح تتفتح صار فيني الي صار
حست بمعانتها وعرفت انها ماهي مقتنعه انها شالته من راسها .. ارحمي نفسك من الوساوس يمكن هذا الي مخليك ما تقدرين تقبلين العيشه معه تكـــــــفين ياساره انسي وارحميني وارحمي نفسك ماتعرفين اختك رجال صار زوج اختي اعتبره اخوي وبعدين افهمي قلبي مافيه الاناصر ولايمكن يوسع احد ثاني معه
.................................................. ................

قعدت تستمع لامها وهي تكلم خالتها وتحاول تلقى كلام يدمح الي صار ودها تعرف وش صار بينهم
.. والله ياام ناصر مستحيه منك ومدري وش اقول
قبل تسترسل بموشح الاعتذار قاطعتها .. لاتقولين ياختي الكلام الحين مامنه فايده بنتك غلطت واظن الغلطه الي سوتها للحين ناصر يدفع ثمنها
خاب املها ظنت انها بعد مده من الانقطاع راح تنسى وتسامح .. عارفه انها غلطت وهي معترفه وودها تسامحينها
.. اسامحها على ايش ولا ايش على الي سوته بناصر ولا نوف ولا انها كانت سبب انها سقطت هدى تحملت ذنبهم كلهم يوم خلت حياتهم شتات ماهم عارفين كيف يعيشون
رفعت عينها لهدى الي تترقب ردة فعلها .. لهالدرجه هنت عليك انا وبنتي يام ناصر تبيعينا
.. انا مابعتكم انتي اختي وبتظلين اختي مهما صار وقلبي وبيتي مفتوحه لك بأي وقت بس هدى ....... وسكتت
.. هدى وش فيها ؟؟
.. مثل ماهي بنتك وتحبينها بعد ناصر ولدي وودي يرتاح بحياته
..بس ياام ناصر ..... وقبل تكمل انسحبت السماعه من يدها
ام ناصر على الجهه الثانيه حست انها سكتت فجئه جاها صوت ثاني .. الو
عرفت ان هدى مصره على استرجاع الوصل بينهم وخافت انها تكون المعبر الي من خلاله توصل لناصر .. نعم ياهدى وش بغيتي
.. خالتي انا ندمانه على الي سويته ومو هاين على مقاطعتكم انتي وامي بسبتي
.. بس انا ماقطعتها وتقدر تزورني باي وقت
.. بس انتي ماتبين تجين عندنا
.. المهم انا نشوف بعض
كملت هدى الكلمه الي ماقدرت ام ناصر تقولها .. والاهم انك ماتشوفيني
.. انا ماقلت كذا !!
.. ماقلتيها لكن قصدتيها اخبرك شجاعه ياخاله ليش التردد ؟؟
.. هدى قولي وش عندك
.. ابيك تسامحيني ياخاله واوعدك انها اخر مره
.. اطلبي السماح من ربك اول شي وبعدين من الناس الي ضريتهم
.. صدقيني ياخاله انا تبت والي صار ماراح يتكرر
.. وش الي يثبت لي ؟؟
.. انا بثبت لك بس عطيني رقم نوف
تفاجئت ام ناصر من طلبها وشهقت بخوف من نيتها .. وش تبين فيه ؟؟
.. بصلح غلطتي
.. مستحيل اعطيك رقمها انا ماراح اامن لك وبعدين مثل ماوصلتي رقمها اول مره وخربتي حياتها اظن الاصلاح اولى انك تطلعينه بطريقتك
.. اول شي هي غيرت رقمها وثاني شي انا طلبته منك انتي لاني صادقه بنيتي قدام ربي وقدامك وان صارشي بتعرفين ان رقمها معي وانا المسؤله عن الي يصير
كأن ام ناصر اقتنعت ببعض كلامها رغم مايتخللها من الشك .. طيب راح ارسل لك الرقم بعد شوي واعتبريها اخرفرصه وان سويتي شي ثاني لي كلام ثاني
..مشكوره ياخاله وهذا الي ابيه منك وان شالله اثبت لك حسن نيتي
.. زين ننتظر ونشوف و ان اذيتيهم ياهدى انسي ان لك خاله
.. اوعدك ياخاله والحين خوذي امي بتكلمك
.................................................. ....

وقف قدام الباب وده ينزل ويسحبها من قدام اهلها لكن اشياء كثيره كانت تمنعه اولها احترامه لابوها واخوها وللبيت الي ياما احتضنه واكل وشرب فيه مقهور مخنوق xxxxx مايدري كيف تطلع له يفكر وش الاسلوب الي لازام يتبعه معها انسانه عنيده لأبعد درجه وممكن تسوي شي ينقلب كل شي عليه واهلها اكيد بيكونون معها وهو مايبي يخسرهم انبسط يوم شاف سلمان طالع من البيت نزل ينبهه بوجوده لان السياره بعيده شوي
ابتسم سلمان وهومقبل عليه وماد يده لمصافحته .. السلام عليكم
.. وعليكم السلام هلا والله
.. هلابك
.. اقلط تقهوى الوالد بالمجلس
.. اعذرني عندي شغل بس ياليت تنادي الاهل يطلعون >> نايف الى الان من صارت زوجته مانطق اسمها يحس انه ثقيل بلسانه
.. تو الوقت وانا اخوك ليش مستعجل ؟؟
.. ماعليه بس وراي شغل بكره وبنام بدري
.. براحتك بدخل اناديها >> دخل سلمان ونايف واقف ينتظر ويدعي انه يضبط اعصابه ويتحكم بنفسه لين يوصل البيت " فكر يتركها لكن تراجع لان هذا الي هي تتمناه قرر يأدبها ويعرفها على نايف الي صنعه موت نواف .......

...........................................
تدري وش أسوّي الى أضناني الشـوق

..........أسـوي بعيـونـي كــذا وأتخيّـلـك

وأقربّك واتـوق .. واتـوق .. واتـوق

..........وأكثّـرك وأحلـف مـا عــاد أقلّـلـك

وأصوّرك في الموق .. وتكبر على الموق

..........وتطيح مع دمعي علـى ايـدي وأقبّلـك

وفي مكانه البعيد ووسط الكتب وهو يصارع الشوق بصمت ناصر الانسان الصامد امام عواصف الحب الي اجتاحت قلبه مر تين المره الاولى كان حب مراهقه برئ صغير ماكبر لانه مات في منتصف عمره والمره الثانيه حب ناضج صادق بداء ببرود واستوا على نار هاديه وصار باحلى نكهه
ترك كتبه الضخمه وحط راسه بين يديه وصورتها وابتسامتها تنرسم وسط الحروف المعقده
قام للكنب المطل على بلكونة شقته وهذا المكان الي يحب يرسم بخياله احلى اللوحات لها ويحاول يمرر بذاكرته صوتها ونبرتها الهاديه الي تعبر عن شخصيتها الهاديه المتزنه ضحكاتها صراخها كل انفعالاته احيانا الشوق يضنينا ونسلي انفسنا بالخيال
غمض عيونه يفضي مساحة عقله من أي شي ثاني لعل لهفة الشوق تبرد وضل على حاله مسترخي ورافع راسه لورى وطاير بذكريات عمرها قصير لكن طعمه الذ من الشهد
.......................................

بلعت ريقها من قال لها سلمان عن وجود نايف ماتعرف كيف غزاها شي من الخوف لكن كابرت ناظرت لاهلها المجتمعين وعيونها تراقبهم واحد واحد تكلمت ام سلمان الي ماشبعت من شوفها .. ليش ما قلت له يخليها شوي ما بعد شبعت من شوفها
.. قلت له بس قال مستعجل وراه شغل بكره
..الله يهداك يام سلمان ترى ماعادت بنتك الصغيره الي الي تنام بحضنك الحين صارت مره مسؤله عن زوجها وولدها >>لمعت دمعه بعينها وهي تشوف امها تكفف دموعها ونوف تنتقل بنظرها بوجيههم .. راح تظل ساره الصغيره وعمرها ماراح تكبر
بسرعه قامت من مكانها ونزلت بجسمها عليها وخطفت يدها وحبتها وحبت راسها وخدها .. بشتاق لكم يمه ياليت اروح معكم
مسحت شعرها .. لا يايمه روحي مع زوجك الله يوفقك
نوره من شافتهم ماحبت المنظر وبسرعه انسحبت لغرفتها تعبت من تكرار هالمنظر و عندها احساس ان ساره تعبانه من شي
اما ساره باستسلام قامت ..اشوف وجهك على خير يمه
شالت ولدها ومشت من وسطهم بدون حتى كلمة وداع يمكن لان اقسى شي لحظة الوداع
وصلت للحوش ونوف تتبعها بخطوه بعيده وصلت لنصه وشافت نوره تتعداها بسرعه لين وصلت قريب من ساره المقفيه وقفت على بعد خطوات منها وبصوتها المرتعش.. ســــ اره
استدارت لها بسرعه قبل ما تعرف من الي يناديها شافتها تقرب لها وتحط يدها على كتفها .. انتي اكثر وحده تعرف وشلون كانت حياتي مع سلمان
ناظرت بصمت نظرة استفسار عن مقصدها الي مافهمته او ش تطلب منها رصت على كتفها بزياده وناظرت لها وتكلمت بنبرة رجاء .. استفيدي من تجربتي ياساره
عضت شفتها وابتسمت مجامله وهزت راسها وحضنتها حضن سريع لانها شايله متعب ابعدوا عن بعض وبسرعه توجهت للباب قبل يغلبها قلبها وتتراجع كل هذا كان تحت نظر نوف الي استغربت من حركة نوره الي ماخطرت على بالها اكبر دليل انها قريبه بقلبها منهم مع انهم ماكانوا يقولون لها كل شي رجعت لنوف الي تعدتها بدون ما تنتبه ومسكت يدها ودخلت معها

...............................

جلس بالصاله يقرا الجريده انتبه على الصراخ الي طالع من غرفة لطيفه وقبل لايقوم طلع ريانه حاط يده على عيونه قام له بسرعه وشاله
.. وش فيك حبيبي ليش تبكي
تكلم ببراءه .. ماما هاوشتني
.. ليش وش مسوي
بلجهتة الطفوليه ... ماسويت شي بس طلعت معها على السرير قالت لي روح عن وجهي
هز راسه على حال هالطفل الي يتمته امه من حنانها .. خلاص انت روح الحين وانا بعدين بوديك لبيت عمك تلعب مع عيال عمك
ابتسم وانفلت من يده وراح للشغاله الي صارت ام له بدل امه الي اهملته زياده
اما عبد الله دخل عليها بغرفتها وكالعاده ماتبي تجلس مع احد او تشوف احد
وقف قدامها وسئلها .. ليش زعلتي الولد
خزته بعيونها .. ازعجني وانا ما ني رايقه له
.. لطيفه انتي بااسلوبك تخسرين ولدك وتكرهينه فيك
.. يعني لاني خانقته ترى انا امه ومن حقي اادبه
.. بس مو كذا الولد ماغلط يمكن حاول يقرب منك لانه شافك تبعدين
.. عبد الله لو سمحت لاتكبر الموضوع انا ضايقه فيني الدنيا بدون شي
.. بس ريان ماله ذنب ولا يفهم هالاعذار
هزت راسها لان عبدالله دايما يضيق عليها بكلامه ويحسسها بفشلها .. خلاص رجاء سكر الكلام راسي بينفجر
.. طيب انا باخذه اطلعه يغير جو
.. وين بتوديه ؟؟
.. بوديه عند عيال اخوي يلعب معهم
تنهدت لكن ماعارضت مثل كل مره .. براحتك

.................................................
..الصدق لو يجرح ترى دايم اريح
قسوة وضوح ولاغموض يضيع ..

ركبوا السياره ومشوا وطول الطريق وهم ساكتين كل واحد منهم يظن انه بيرحم الثاني ويضبط اعصابه لين يوصلون البيت احسن ماتصير فضيحه بالشارع نايف كان يحاكي نفسه ويشاورها بالعقاب الي تستاهله وكيف يخليها تندم وخصوصا انها عرف عناادها اما ساره تفكر وشلون تعرفه قدره وتغير هالنظرات الناريه بعيونه
ماحسوا الا وهم عند البيت نزل ونزلت وراه دخلوا للبيت نايف وقف بالصاله يستناها تدخل وهي ابدا ماستقرت رجلها في المكان كانت ناويه تكمل طريقها لفوق من شافها تعدته صرخ .. وقفـــــــــي "" افزعها صوته لكن قدرت تسيطر على خوفها وتتلبس ببرود االاعصاب وتلتفت بحركه هـــاديه فورت دمه فيها .. نعم آمر بغيت شي
مشى لها وهو يصرخ على الشغاله وياخذ الولد منها شبطت فيه .. اتركه وين بتوديه ؟؟
.. هاتيه ولاتعاندين لاني ماخذه ماخذه
مازالت ماسكته بطريقه ماتروعه فيها .. اتركه باي حق بتاخذه مني !!
.. بحق ان بيننا حساب نبي نصفيه >> قدر ياخذه منها ويعطيها الشغاله الي اخذته وطلعت من المكان
.. انت وشلون تاخذه قلت لك ولدي مااسلمه لشغاله
.. اذا اخذت رايك تكلمي وبعدين هذا ماهو موضوعننا الحين
مشت من عنده ناويه تجيب متعب .. ماعندي موضوع ثاني اكلمك فيه متعب هو الشي الوحيد الي بتكلم عنه
مسك معصمها ولفها بسرعه جهته خلى جسمها يبترم وكانت راح تطيح لوماقدرت تتوازن باخر لحظه ..انتي من سمحك لك تطلعين من البيت بدون اذني "انا ماحذرتك !!
المتها مسكته ليدها .. أي اتركني كسرت يدي
لوا يدها زاياده يأكد لها انه ماراح يرحمها .. واكسر راسك >> صرخ .. ردي علي ليش طلعتي
تكلمت وهي تتئلم وعيونها بهروب وعوده عنه مره تحاول تخفي الالم ومره تحاول تبين انه قادره على مواجهته .. ماتقدر تمنعني عن اهلي انا قلت لك وانت رفضت
.. ومادامك عارفه اني رفضت ليش تروحين >> كان يكلمها ويحرك يدها بقوه وهي صابره عشان ما توريه لحظة ضعف عاشتها بين يديه
.. لان الظاهر لو باطيعك بكل شي بتحرمني حتى الهوا اتنفسه
قوا من هزه لها بيده وبيده الثانيه كان يأشر عليها .. اسمعي هالمره بمشيها بمزاجي لكن لو مره ثانيه تعتبين الباب احش رجولك حش
سكتت واكتفت بنظره تحاول تستخدمها كاآخر سلاحه لها قدامه فورته صرخ مره ثانيه .. فـــاهمه؟؟
بدا وجهها يتقلص وتبين علامات الالم عليها .. فاهمه بس فك يدي كسرتها
اخيرا حس بشي من النشوه لانه قدر يوصل ولو لشي بسيط من الي كان يتمنى يشوفه نفض يدها من يده .. انا كنت ناوي اذبحك واشرب من دمك لكن لا الموت راحه وانا مابيك ترتاحين
رفعت راسها بعد ماكانت تناظر ليدها الي صارت حمرا من لويه لها وتفركها .. فهمني وش تعاقبني عليه ماذكر اني سويت شي يستاهل كل هالعقاب
ابتسم لها قبل ما يلتفت .. قلت لك كفايه انا اعرف واعاقبك بقدر ذنبك >> كمل استدارته وطلع على الدرج " لكن قبل لايتوسطه سمع صوتها العالي ولحن الحقد والحيره تبرق بين حروفها .. اطلع من حياتي واتركني اعيش اربي ولدي انت ناسي انك ضيف غير مرغوب فيه وهالبيت بيت نوا .. >> سكتت قبل تكمل كلامها لانها تذكرت شي كانت ناسيته ووطت راسها يوم مال بنص جسمه وحط يديه على الدربزين
.. الظاهر انتي الي نسيتي ان هالبيت بيتي وانتي الضيفه الغير مرغوب فيها >> مشى وتركها تحسست اقرب مكان تجلس فيه
فعلا كانت ناسيه ان البيت بيته لكن ابدا مايبرر الي يسويه فيها في شي ورا قسوته عليها

...........................................

بعد ماترك ريان مع عيال عمه مر امه الي فاجئته بالخبر الي قالته له وحطته بحيره رافضومقتنع بنفس الوقت راحم لطيفه وراحم نفسه محتاج زوجه تعوض النقص الي عمر لطيفه ماحاولت تكمله متردد وحاب يرضي امه

.. خلاص انا خطبت لك وماعاد لك عذر
.. وشلون يمه بدون ماتقولين لي
.. لو باقولك راح ترفض وتطلع بحجه جديده
.. كان مصبره شوي يمه مايصير تخطبين بدون علمي لازام اكون مقتنع
.. انت ماانت مقتنع بفكرة الزواج كلها وماراح توافق على أي بنت الا اذا بتحرج امك مع الناس
جلس على الكنب مقابلها وفرك عيونه .. ومن هي البنت ؟؟
فرحت وهي تحس انه استسلم ورضح للامر الواقع .. هذي وحده قالت لي عليها وحده من معارفنا تقول بنت مؤدبه وحلوه وتناسبك انا قلت لها تكلم امها وتاخذ لي موعد
ناظر لها بشك.. وشلون يعني تناسبني
وقفت عند اصعب نقطه بالموضوع .. اااا البنت مطلـــــقه
.. مطلقه ؟؟
انطلقت بسرعه بالكلام .. أي ياوليدي تزوجت ولد عمها وماتوفقوا وطلقها
..وليش طلقها اكيد في سبب
.. زوجها كان صايع وسكير وكان دايما يضربها
.. يايمه مو كل شي نسمعه نصدقه يمكن العيب منها هي
.. انا متاكده من الكلام واقدر اجيب اسم طليقها وتقدر تسئل عنه وعنها ياوليدي انا اخترت لها لك لانها حملت من قبل وسقطت وان شالله الله يرزقك منها
.. بس لطيفه يمه ماودي ازعلها
.. انت ماقصرت معها تحملتها سنين واذا هي تحبك بتضحي مثل ماضحيت انت جا الوقت الي تشوف نفسك ياوليدي
جلس مقابلها وفرك عيونها ..خلاص يمه كملي الي بديته
اخيرا نطقها نطق الكلمه الي تمنت تسمعه سنين كانت عارفه انه ماراح يغضبها ومن زمان كانت تقدر تسوي هالشي لكن تريثت لعل وعسى يهتدي من نفسه .. الله يكتب الي فيه الخير
.................................................. .....................