شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

2 - 1 - 2015, 03:37 PM

ياصدري اللي غزتك البارح الضيقه
لليوم وانته بوسط الضيق ياصدري

فــــــــــي جـــــده

بدر كان مقابل الاب توب وغارق بشغله وبنفس الصاله كانت مها جالسه والاملزمه بحضنها وهي تناظر قدامها وتحرك شعرها بالقلم
دخل مشعل مستعجل لكن هدا حركته يوم شاف السكون يلف المكان الا من صوت طقطقة بدر بجهازه مشى على اطراف اصابعه لين وصل عند مها وباعلى صوت ..بــــــــــــــــــــــــووووووووم
وقفت على حيلها وطارت الملزمه والقلم من يدها اما بدر رفع راسه بسرعه ما ارتاع لانه تعود على حركات مشعل
مها .. مشيعل حسبي الله على شيطانك وقفت قلبي
..هههههههههههههه شكلك يجنن وانتي خايفه
.. هين يامشعل ان ماقلت لابوي ماني مها
شاركهم بدر .. للحين ماتعودتي على حركات هالمطفوق
جلست .. حسبي الله عليك من ولد طيرت الي ذاكرته
.. عاد صدقتك انك تذاكرين انتي كنتي سرحانه شكلك وصلتي للرياض >> وهو يغمز بعينه
احرجها بكلامه او يمكن لانه عرف لها .. مشعل انقلع عن وجهي لا بهـ الي برجلي على راسك
.. افا مهاوي اخوك حبيبك لاني مزحت معك تسوين كذا
فتحت عيونها .. اخلص وش تبي ؟؟
.. ابيك تلعبين معي بلاي ستيشتن
.. تدري انك فاضي الناس على وجه امتحانات وتذاكر وانت بتلعب ذاكر يابابا بدال هالاستهترار
عرف انها ماراح تلعب معه.. اروح العب مع نجود هي الي ماتردني اما انت خليك سرحانه بحبيب القلب
ركض وهي وراه وبدر يضحك عليهم ... ههههههههه والله غير جوك مشيعل اشغلك شوي بدال مقابل هالكتاب الي مامنه فايده
جلست .. هالولد يرفع الضغط يخليك تعصب غصب
.. مها انتي لك كم يوم متغيره وش فيك بينك وبين فهد شي
.. الي بيني وبين فهد مشكله بسيطه كل يوم تصير يمكن انا الغلطانه يمكن هو الغلطان بس انا مشغلني نايف
.. نايف وش فيه ؟؟
.. مدري ماعاد مثل اول يتصل و يسئل حتى لما اكلمه احس انه يبي ينهي المكالمه بسرعه
.. تتوقعين غيره الزواج
.. لا لا نايف فيه شي مغيره قبل الزواج
.. يمكن مايبي يتزوج وابوي اغصبه
ابتسمت وسئلته .. انت لوكنت بمكانه بتواقف
هز كتفه .. مدري بس يمكن عشان خاطر ابوي بوافق
.. تدري يا بدر ان نايف كان رافض ويوم ابوي بغا يزوجك ساره وافق علشانك
رفع نظره لها وارمش بسرعه .. معقوله ماحد قال لي
.. عشان تعرف قيمته
.. انا عارف يامها نايف ماعتبره اخوي اعتبره ابوي
.. الله يوفقه ويعوضه خير ويقدره على تربية هاليتيم

.................................................. ..............
هامت بي الدنيا وضاقت في عيوني الامكنه
والفرح غايب وضايع في متاهات
ليت السعاده تقترب مني وتصبح ممكنه
ليت الحزن ماعانق جروحي ولالحظه يبين

بعد ماودعت اهلها حست بفراغ ووحشه تملئ روحها الرقيقه اهلها سافروا وساره راحت لبيتها وناصر مسافر اضافه على الحيره الي تعيشها خليط من اشياء مريره تصبغ حياتها رجعت لبيتها وجلست لحالها تلتفت عيونها بالصاله العريضه المتكلف بديكورها عواصف قويه من الغربه تهزها بعنف
اغرورقت عيونها وماحست الا بصوت جوالها رقم غريب لكن بدون تفكير ردت .. الو
.. السلام عليكم
.. وعليكم السلام من معي
.. انتي نوف ؟؟
.. من معي ؟؟
.. انا هدى
وقفت على حيلها .. خير وش تبين بعد
.. لحظه لحظه يانوف انا هالمره كلمتك ابي مصلحتك وابيك تسمعيني
.. ماراح اسمعك وبعدين وشلون جبتي رقمي
.. انا اخذت الرقم من خالتي
.. خالتي ! مستحيل خالتي تعطيك الرقم
.. تقدرين تسلئينها بس ارجوك يانوف اسمعي كلامي واذا مااعجبك سكري وانا راضيه
ترددت قبل تعطيها الموافقه والاذن بالكلام .. قولي الي عندك واختصري
..الي بقوله لك ان ناصر حبك بأخلاص واذا كان غلط هذا ماينفي حبه لك
.. هذا الي تبين تقولينه وبعدين وشلون استنتجتي يمكن هو الي قالك !!
.. ارجوك يانوف اسمعيني للاخر وتاكدي ان الي سبب المشكله بينكم ماهو اول كلام وصل ناصر وصله قبله كلام ورد عليه رد قاسي
.. من الي قال له هالكلام ؟؟
بخجل ردت لكن قرارها ماراح تتراجع عنه ..انا
ابتسمت بستهزاء .. وش الرد القاسي الي رد عليك فيه ؟؟
.. ضربني
وقف كل الي كان يتحرك بجسمها من هول الصدمه .. اضربك ؟؟؟؟؟
.. أي يانوف ضربني علشانك ولاني قلت كلام مو زين عنك وهذا الي خلاني اتاكد من حبه لك وانك انتي الي ملكتي قلبه
.. وش مصلحتك من الي كان يحرضك ؟؟
.. مالي مصلحه الا اوهام انه ممكن يطلقك ويتزوجني والي كان يحرضني احسن لك ماتعرفينه
.. طيب والحين وش المطلوب مني
.. يعني بعد كل هالي قلته ماتدرين وش المطلوب منك "سامحيني يانوف
سكتت تفكر بالكلام الي قالته ردت طلبها .. سامحيني يانوف
استنشقت شوية هوا .. الله يسامحك
.. صدق يانوف سامحتيني
.. لهالدرجه يهمك السماح
.. اكيد يهمني ويهمني اكثر انك تسامحين ناصر لانه كان ضحيه مثلك وتعذب مثلك
.. هدى انتي طلبتي اسامحك وعطيتك طلبك والي بيني وبين ناصر شي يخصنا احنا
.. صح بس لاني السبب بالخلاف ودي اكون سبب بالصلح
.. ممكن تسكرين الحين
.. آسفه لاني ازعجتك مع السلامه
وسكرت بدون ماترد عليها
رجعت لوضعها ولتاملاتها ولعالمها الموحش رغم الاناره الي اشعلتها هدى بكلامها بهاللحظه محتاجه شي ماتدري وشو محتاجه لاحد تكلمه وتفضفض له خطرت على بالها ساره لكن وين المسافه بينهم صارت بعيده ابعدها القدر

انا ليل (ن )فقد صبحه ...
انا اللي ضره الواقع وتبخر بالهوا حلمه

انا اللي عاش بالحاضر وهو مضا مأسور

من تركها" ليله مرت ماشافته اخذت متعب من الشغاله وجلست بغرفتها حست بشئ من الانكسار والاهانه ماتدري عن اهلها سافروا ولا لا انقطعت عن العالم من دخل نايف بحياتها" ماتدري عنه موجود ولا طالع تتحرى بأي لحظه يدخل عليها كانت حذره بتصرفاتها حتى بداخل غرفتها كأنه بسجن حست بطرق ناعم عرفت انها الشغاله
.. ادخل
تقدمت لداخل الغرفه وبيدها صينيه فيها اكل خفيف .. مدام انتا مافي اكل
ابتسمت لها وتكلمت بكلام مافهمته .. والله فيك الخير طلعتي احسن منه رحمتيني وهو مادرى عني
..نعم مدام
... لا مافي شي نزلي الاكل وخوذي اغراض متعب نظفيها
.. اوكي مدام
نزلت عندها الاكل وطلعت واتركتها لحالها بسجنها مع ولدها حطت راسها على طرف السرير الي وراها وصفنت بنهاية هالحال ولوين راح يوصل

................................................

كل ماضاقت بعيني يامعيني ابتسمت وصارلي ليلي نهاري
فلا سكت تروح بالطيش تحكيني رجعي بطبعك وباسلوبسك حضاري
ماذبحني فيك الا انك تبيني وماسحرني الاحكاك الاستعاري

دخلت عليها ام ناصر بعد مشوارها " استغربت من وضعها لامه جسمها الصغير على الكرسي الهزاز بزاوية الصاله وحاطه راسها بين رجولها وتهز نفسها بحركه هـــــاديه مسحت شعرها لانها توقعت ضيقتها بسبب سفر اهلها حست بها ورفعت راسها .. سافروا اهلك ؟؟
هزت راسها .. أي اليوم
جلست مقابلتها وابتسمت .. عشان كذا ضايقه
بللت شفتها اليابسه .. خالتي انتي عطيتي هدى رقمي ؟؟
.. أي والله يابنتي ليه هي ضرتك بشي
..لا لا ياخالتي هي اتصلت تعتذر
..زين والله خفت تأذيك بس حلفت انها ماتبي الشر عاد انتي حره تتصرفين معها بكيفك هذا قرارك بس يابنيتي ترى المسامح كريم
تنهدت من الاحساس الغريب .. الله يسامحها " وين كنتي؟؟
.. طلعت عند جيراني البيت صاير فاضي من بعد سفر ناصر وانتي تطلعين لبيتك اهلك واجد
..خلاص الحين سافروا بجلس في البيت ماراح اطلع الا للجامعه "وبرقت عيونها بدموع ساحت بسرعه من الحراره والضياع الي بداخلها
.. انتي ببيتك وبين اهلك البيت بيتك يانوف واحنا ضيوفك
.. تسلمين ياخاله الله اعلم بحالي لولا وجودك >>
.. بس مابي اشوف دموعك ابي اشوف نوف الي اعرفها لا تضايقين نفسك يايمه مصيرهم ان شالله بيرجعون
..احس الحياه مممله مالها طعم بعد اهلي وبعد ناصر حتى ساره انشغلت بحياتها صارت بعيده عني
.. ان شالله عن قريب تتصلح الاوضاع >> قامت ام ناصر للتلفون الي نبهها صوته رفعت السماعه .. السلام عليكم
ناظرت لنوف بابتسامه مافهمت معناها .. وعليكم السلام هلا والله بهالصوت
..هلابك يالغاليه وشلون صحتك يمه وشلون ابوي
..بخير جعلك بخير نبي بس شوفتك
.. الله كريم " وش اخبار نوف ؟؟
.. انا اقول هالاتصال عشان نوف كأنك حاس
خاف يكون فيها شي .. ليش يمه وش فيها
.. لا يايمه لاتخاف مافيها الا العافيه بس متضايقه لان اهلها سافروا
.. طيب يمه تقدر تكلمني ؟؟
قررت ام ناصر تحطها قدام الامر الواقع لعل كلامه يريحها واحساسه انه قريب منها يريحه .. أي يايمه تقدر بس لحظه شوي
عقدت حواجبها وهي تسمع ام ناصر وتشوفها جاي والتلفون بيدها مدت لها السماعه وهي تدري لكن سئلت .. من ؟؟؟
ابتسمت لها خالتها وهي تراقب عيونها الي تراوغ .. هذا ناصر يبي يكلمك كانه حاس فيك
قعدت بسرعه تناظر بعيونها التعبانه بين السماعه وبين ام ناصر احتارت ماتدري كيف تتصرف ترفض ترد عليه وهي تحس فعلا انها بحاجه لقربه وانها تسمع صوته يمكن اكثر شي تتمناه بهالوقت ارتفعت يدها بربكه للسماعه واخذتها وبصوتها ذو النبره الهاديه .. الو
توقع انها ترفض تكلمه بس تمنى يحسسها بقربه وبالامان الي فتقدته صارت وحيده ويبي يكون لها مثل ظلها الي مايفارقها ويبي حبه واحساسه يطوي كل المسافات ويوصل لها .. مساء الخير
نوف كانت تستمتع بهالاحساس وتطرب اذنها وروحها بصوته .. مساء النور
بصوت شجي كان يعبر عن كل احساسه بدون مايوصفه .. وشلونك يانوف اشتقت لك
لامست كلمته كل شي منها عقلها قلبها حستها مثل البلسم الشافي الي ابرى كل عللها لكن الى الآن ماتقدر تفصح انصدمت وتخاف تجود له باحساسها ويخذلها وهي ماعاد تتحمل .. الحمدلله بخير
من جهته عارفها وعارف انها تقسى على نفسها بس حب يكون هو احن عليها من نفسها .. امي تقول انك زعلانه لان اهلك سافروا
سكتت وماردت ولانه عرفها تاكد انها تسمعه بس تسكت .. اهلك ماهم بعيد اذا احتجتيهم وصدقيني انا بعد اقرب منهم بس اشري " انتي ببيتك والي تحتاجينه بيوصلك
مسحت دمعتها بطرف اصبعها .. انا ابيهم قريبين مني ماني محتاجه الاقربهم >> وقفت عند هالكلمه
كان وده تعبر عن شوقها له وحاول يفتح صندوق صدرها بكلمته .. انتي متى امتحانتك
تاكدت ان ورا سؤاله هدف .. بعد عشر ايام" ليش ؟؟
.. ابد هانت مابقى الا مده بسيطه وتروحين لهم
عرفت مغزاه من الكلام وزلقت من لسانها كلمه عجزت لا تتحكم فيها .. بس انا ودي اشوفك
انبسط من كلمتها بس استمر معها .. دامك زوجتي وعلى ذمتي حتى لورحتي باجيك واشوفك وتشوفيني قبل لـ .... وقف عند كلمتها وقبل تلاحظ .. والحين ابي منك تشدين حيلك وتنجحين ولا تضيعين ترم كامل بسبب كم يوم
اسئلته شي بسرعه خطر على بالها .. الي يشوفك توصيني على دراستي وعلى نفسي مايقول تبينا ننفصل
عرف مراوغتها وعرف انها بدت تلف وتدور وتحاول توصل له شي بشكل غير مباشر .. لاتقولين تبينا انتي الي طلبتي الانفصال وانا وعدتك انفذ لك كل الي تبين ولاني للحين احبك وكل ألي سويتيه ماغير هالحب بقلبي ورغم كل شي اتمنى لك الخير
قرر يوقف هو هالمره لانه كل مره هي تطلب نهاية النقاش ..والحين انا بسكر بتجيني الفاتوره ضربه " يالله مثل ماوصيتك لاتفكرين باي شي الابدراستك واهتمي بنفسك
الجمها كلامه وحست انها بشكل او بأخر خذلها بعد مااكتشفت موقفه مع هدى وانه مد يده عليها على شانها وهو تاكد من انه نجح معها فكرت شوي باالاهتمام بصوته وتذكرت االانفصال طلبها وان اتمامه وعده لها ابتسمت رغم الدموع وقامت من مكانها تذاكر وتتناسى كل شي على القليل هالفتره
..........................................

بعد حوالي خمس ايام

رفعت راسها بعد ماخلصت امها من الكلام .. والكل يمدحه " هاه وش قلتي
حطت عينها بعين امها ..تعرفين يمه من الرجال الي تتكلمين عنه
..لا والله يابنيتي مااعرفه شخصيا بس ابوك سئل عنه ومدحوه له وقالوا انه ولد ناس زينين
.. عبدالله يمه الي لك ساعه تتكلمين عنه وتقنعيني فيه انا اعرفه اكثر منكم كلكم ولو انكم سئلتوني انا بعلمكم عنه
.. اسم الله عليك يابنيتي وش تخربطين منين تعرفينه
.. هذا زوج لطيفه بنت خالة نوال صديقتي
استغربت امها .. هذا هو انا قالوا لي انه متزوج وعنده ولد بس والله ماخطر على بالي انه هو
.. وهذا انتي عرفتي وش رايك ؟؟
.. اول قولي وش الي تعرفينه عنه
..كل الي قالوه عنه صدق رجال ماشالله عليه دين بار بامه حنون على زوجته وابو مثالي
.. اجل ليه يابنيتي يابي يتزوج
.. لانه مثل ماقلت لك بار بأمه وهي الي تبيه يتزوج
.. طيب وزوجته ؟؟
.. زوجته يمه ماتصلح تكون زوجه لرجال مثله لطيفه الله سخر له زوج تحسد عليه واخوان ماشالله عليهم وابو وخوات كلهم كانت هي عيبهم الوحيد اهملتهم كلهم وقررت تعيش لنفسها
.. ماكنك تبالغين يابنيتي حطيتي كل مسبات العالم فيها
.. لا ماابالغ انا عاشرتها مده اكتشفت انسانه غريبه تحسد حتى اخوانها
مطت شفتها مذهوله من كلام هدى ومستغربه معرفتها له .. طيب وش رايك
هزت راسها بتاكيد .. موافقه
.. وشلون وزوجته
.. لو اني ماعرفت انه هو ماكان وافقت عبدالله يايمه فرصه لاي وحده ناويه تعيش بظل رجال يكون لها ظهر تستند عليه وتقدر ترتاح وتأمن على نفسها معها انسان مخلص لابعد حدود الاخلاص ولطيفه ماقدرته وان شالله انا الي بقدره
.................................................. ..............

اليوم زواج نوال

حفله مختصره وضيقه جدا جدا عشا بسيط ببيت اهلها مافيه الا المعرس وعياله وابوها واخوانها
انتهت المراسم البسيطه وارسل واحد من اخوانها يقولها تطلع مرت من عند امها الي جالسه بالصاله وتبكي
.. ماراح تودعيني يمه !!
..ياخوف قلبي ان غيبتك ماهي طويله
.. انقهرت من امها .. الشرهه على انا الي جايه اسلم عليك >> وطلعت تجر فستانها
ناظرت امها لظهرها .. ماكان له داعي هالفستان كان وفرتي حقه مع الي وفرتي
التفت لها بقهر حتى امها صارت ضدها تاففت وكملت طريقها بدون حتى ماترد

...........................................
في الشرقيه اتصلت على ساره كلمتها ماحست انها مرتاحه وهي دايم تشيل همها بالذات لانها متهوره ولسانها يعجزها
جلست مده لحالها لين دخلت نوره وسلمان راجعين من السوبر ماركت يتقضون للبيت جلسوا معها ويسولفون وهي ماهي معهم
..اقول يمه كنك تعبانه
.. اكيد متصله بساره ونوف خالتي واعرفها
ضحكت عليها ..هههههه وش دراك ؟؟
.. ادري فيك من تكلمينهم تنقلب حالك ماكنا حنا عيالك بعد
.. أي يمه ترى نوره تغار ودايما تقولي انك تحبين ساره ونوف اكثر منها
فتحت نوره عيونها واشرت على نفسها ..انا ؟؟ متى قلت لك
.. ذاك اليوم قلتي حتى قلتي انها تحبهم اكثر مني
.. سلمان لاتقولني كلام ماقلته
..هههههههه ماعليك منه يانوره سلمان يمزح معك
حمر وجهها وحست انها بتبكي .. والله ماقلت ياخالتي يلعب عليك انا ماغار منهم بالعكس انا احبهم مثل خواتي
.. أي واضح
.. خلاص ياسلمان بكيتها نوره انا اعرفها ماتفكر كذا
.. الله وناسه من زمان ماشفتها تبكي
غلت امه بعيونها ..وش فيك صاير بزر وش خليت لبنتك
.. عن اذنك ياخالتي بروح لغرفتي>> وطلعت من عندهم تركض وسلمان مبسوط وهو يشوفها معصبه
قعد هو وامه الي هزئته على حركته مع نوره وهي عارفه انه يبي يستفزها
......................................

من حنانك سحابه..
ويموت قلبي ظامي بين اياديك ..

ساره بغرفتها عايشه للملل والضيقه تمددت على الكنب ولفت رجولها على بعض وتناظر لديكورات الغرفه استرخت شوي وهي تلعب بطرف شعرها وتبرمه على اصبعها جلست بسرعه وهي تسمع صوت الباب ينفتح بسرعه .. خير وش فيك داخل بدون استئذان
ناظر لها بأحتقار .. ماني محتاج استئذن منك اذا بغيت ادخل >> وهو يتلفت.. وين متعب ؟؟
صغرت عيونها .. وش تبي فيه ؟؟
وهو يدخل للغرفه .. مالك شغل بسرعه جهزي اغراضه باخذه معي
.. وين بتاخذه ؟؟
.. انتي ماتفهمين قلت لك جهزيه من غير اسئله
.. ماراح اجهزه وماراح تاخذه
.. انتي ليش عنيده
.. يعني اذا خليتك تاخذه باعجبك
هزراسه بابتسامه .. ماراح تعجبيني مهما سويتي لاتحاولين
حقدت على نفسها لانها تعقتقد انه فهمها غلط بس هو عارف قصدها بس حور الكلام على كيفه .. مايهمني اعجابك بس متعب ماتاخذه
وقبل لايتكلم انتبه لجواله.. جهزيه على ماكلم واجي
.. هلا يبه
.. هلابك ياوليدي وشلونك وشلون متعب وامه
.. الحمدلله طيبيبن انتم وش اخباركم
..بخير اسمع يابوك اختك بكره الصباح طيارتها وابيك تستقبلها
.. منهي ؟؟
.. مها
.. ليش يبه وش عندها
.. انا ابيها تقعد عند ساره اعرفك بتكون دايما مشغول
.. زين يبه بكره ان شالله انا في المطار
.. على خير مايحتاج اوصيك اهتم فيها
.. توصيني على مها وصها هي علي
.. يالله في امان الله
..في امان الله
بعدمكالمة ابوه قرر يأجل الزياره لين تجي مها ويروحون مع بعض وقبل يطلع من البيت رجع فتح جواله وطلع الرقم "اتصال "

.........................................

طلع لغرفته بعد شوية استهبال على امه غير ملابسه ورمى نفسه على السرير فتح جواله بعد ماشاف الاسم
.. انت وينك ؟؟
..الناس تسلم اول
.. يوه فهد والله رايق
.. اوف الاخلاق تجاريه " انا البيت لاتقول لي ابيك لاني باانام
.. دجاجه انت الساعه ماصارت تسع ونص
.. مانمت الظهر ووراي شغل بدري
..لا بكره فض نفسك الصباح ابيك
.. ياكثر اشغالك وش تبي؟؟
.. مالك شغل انت فض نفس وانا بمرك الساعه ثمان بالبيت
.. طيب فهمني وين تبي تاخذني
.. تطمن ماراح اسوي لك شي بس خلك جاهز بدون كثرة حكي
.. اوكي الله يعيني عليك
.. يالله الحين انثبر نام>> وسكر التلفون بوجهه
هز يده .. هذا يكلمني كني اصغر عياله >> وهو يزين المخده تحته .. بيذلنا بهالنسب مايسوى علينا انثبر وانام احسن لي والصبح باشوف وش عنده >> قال اخر كلمه وهو يتثاوب ويتذمر مايدري نايف وش بيفاجئه فيه
.................................................. ...........................

واقفين عنده كلهم وهو يكلم نايف وبعد ماخلص .. انت من صدقك يابو نايف تبيها تروح
.. شايفتني فاضي امزح معكم انا حجزت لها وكلمت نايف يستقبلها
..طيب ليش يبه ؟؟
.. يعني ماتبين تروحين
.. لا موقصدي بس وش السبب
.. والله بدون سبب محدد هي خلصت امتحانات وبدال ماتقعد بملل وخوانها يذاكرون قلت تروح عند نايف ابيها تصير حلقة وصل بينهم لانها قريبه منهم اثنينهم
.. وبعد عشان تقرب من بعض الناس
.. مشيعل تعليقاتك الي زي وجهك وفرها لنفسك
.. ماعليك منه روحي جهزي شنطتك وراك سفره بكره بدري
.. اصلا احسن شي بهالسفره اني بريح عيوني من شوفته المتعبه للعين
.. لا وانتي الصادقه احسن شي انها للرياض بالتحديد
ودها تخنقه لكن محترمه ابوها ...سخييييييف
رفع لها حواجبه .. طالع عليك
.................................................. ...

لوللقلوب قلوب ماتجرح اقلوب
وٍلوٍللزٍمان احساس محد شكى باس
ياكيف رغبت قلبه بدموعه تذوب

بعد الوٍصل نحياء على هامش انفاس
نهدر اماني عمر والوقت محسوب
نبكي جفا ناس وناس تبكي جفا ناس

سمعت مكالمته مع ابوه ولا فهمت منها شي بس خمنت ان في احد بيجي من جده ما سوت الي قاله لها كانها ناويه تقهره
لكن قهرها يوم دخل الغرفه وبكل برود .. نومي الولد ماراح اخذه
ثارت منه بارد وهي تفور .. ومن قالك اني بخليه يروح معك
مشى لها .. بتخلينه غصبا عنك لو ابي لكن انا هونت من نفسي
غيض طلع منها بدون ماتحس .. اصلا انت انسان مريض ومرضك ماله علاج الا الحقر
حط وجهه عند وجهه .. من المريض !!
تكلمت بتحدي.. انت مافي غيرك
صفقه قويه حرفت كل جسمها خطف فيها فمها الي حطت يدها عليه تحسس المكان الي تخدر من ضربته وجهت له نظره حاره اكلته فيها ..جعل يدك للكسر ان شالله
طريقته الي يفضلها لوا يدها ورا ظهرها .. صدق ماتستحين وانا بربيك من جديد عشان تتعلمين تقصرين لسانك
وهي تتألم .. تحلم والله مامشي على كيفك لو تحرقني لو تقطع من جلدي لاعلمك منهي ساره
فورت دمه بعنادها يابي يهنها وهي تزيد بعنادها دفعها على الاراض بعد كف ثاني على خدها .. مايحتاج تعلميني اعرفها وحده حقيره ماتربت
صرخت بارضها .. انت الحقير
ركلها برجله على عضدها ..ولا كلمه مابي اسمع صوتك
.. ماتقدر انت ضعيف الرجال مايمد يده على مره
جلس قريب منها مسك ذقنهابقوه تحسه تكسر من .. ماراح يأثر كلامك فيني ولو الذبح مايريحك كان ذبحتك
اخذ الجوال الي طاح من جيب قميصها وطلع وهو ماشي اخذ منديل مسح دمها الي علي يده وهي بأرضها وتلمس شفايها الي صار الدم يصب منها
.................................................. ...

قام من النوم مصحصح دبر نفسه بدوامه واستئذن لبس وجلس ينتظر نايف يمره مثل ماتفقوا وقبل الساعه ثمان بدقايق اتصل فيه
.. جاهز
..اي انت وينك
.. دقيقتين انا قدام البيت اطلع
.. طالع بس لاتلطعني اخاف الشمس تخرب بشرتي وبعدين انت المسؤل
تكلم بملل .. اقول فهد انت مفطر على راديو
..ههههه حلوه بس ماقلت لي وين بنروح
..خلصت الدقيقتين وصلت اطلع وعن الهذره
.. طالع لك يالله
وفعلاطلع ولقاه يوقف بسيارته
.. صبح الخير
..صباح النور
.. نايف ترى ماطلبت منك شي بس علمني وين بتاخذني
وهو يلف السكان .. للمطار
.. ليه بتسافر ؟؟
..انت وش فيك صاير غبي
.. والله انا مثل ماانا بس انت الي صاير كبريت
.. ماني بستقبل رجال للمطار
.. وانا وش دخلني ساحبني معك
.. هذا عزيز عليك واكيد بتفرح بشوفته
سكت لحظه يفكر من يكون .. منهو
.. اذا وصلنا للمطار بتعرف
.................................................. .............

..والله يمه متصاعب اقول لها وفكرت اكلم اخوها واخليه يبلغها بطريقته يمكن يقدر يهديها لو تثور
.. اكيد بتزعل بس راح ترضخ اذا شافت مافي فايده من الي تسويه
..ماودي اقول لها ولاودي تعرف من غيري
.. يايمه واجهها وهي معذوره بالي تسويه بالاول بس اذا فكرت بتتذكر ان زواجك صار شي اكيد
.. الله يعيني على مواجهتها
.. آمين يعني الملكه يوم الخميس
.. أي والزواج بعدها باسبوعين ماراح نسوي عرس حفله صغيره هنا بالبيت وخلاص
.. بكيفك بس يمكن البنت ماتبي
.. اذا اقتنعت فيني ماراح تهتم بشي ثاني وبعدين انا وهي ماهي اول مره نتزوج يعني لازام نختصر السالفه

وصلوا المطار وجلسوا ينتظرون الطياره فهد يسئل ونايف حاقره اعلنواالوصول وقف نايف وفهد يسوي زي مايسوي وهم ماشين ..ياخي احس شكلي غلط مثل الاطرش بالزفه
.. امش وانت ساكت وصلت الطايره
نفخ بتذمر منه صاير ماعنده وسط يا بارد ياثاير وقفو شوي مانتبه فهد للمره الي اشرت لنايف بيده لكن حس بنايف يوم رفع يده .. هاه وصل وينه
... وصل وصل
قربت لهم مها وهم واقفين على طول عرفها لانه مستحيل يخليه يروح يستقبل وحده من خواته وهو معه الا اذا كانت هي مدت يدها لنايف وسلمت عليه ارتبكت وهي تشوف فهد معه بصعوبه مدت يدها لانه تصاعبت انها ماتسلم عليه .. هاه عرفت الرجال الي بنستقبله
.. عرفت احلى رجال والله >> التفت لها .. الحمدلله على السلامه
بحرج منه وحيا من وجود نايف .. الله يسلمك
.. وش هالمفاجئه الحلوه وهالصباح الاحلى
دفعه نايف مع كتفه .. اقول ماهو وقت غزل امش نوصلها للبيت " مشو وهي تتبعه قرب فهد من نايف
.. اقول ابو نسب
.. اشوف صرت ابو نسب وش عندك وش تبي ؟؟
.. ابي سيارتك ساعه
.. وسيارتك !!
.. سيارتي عند البيت بنزلك عند بيتك وارجعها لك
.. خلاص نزلنا انا ومها وخذها ماتغلى عليك >> لانه حس وش يمهد له
.. لا ابيها ومها فيها اذا مها بتنزل خلها لك ماابيها
..هههههههه والله عارف حركاتك افكر من هنا لين نوصل البيت
تقدمت منه مها بسرعه ومسكت يده التفت لها .. نعم مها وش تبين ؟؟
..نايف ودي اشتري لمتعب شي تعرف ابوي ماقالي الامتاخر واماداني اسوي شي
.. خلاص امشي معي هناك محل هدايا نشتري الي تبين
.. فهد اسبقنا للسياره واحنا بشتري غرض ونلحقك
.. سواق عندك انا بروح تراها زوجتي يعني يصير اروح انا وهي بس وانت تسبقنا للسياره
.. لاحول ولاقوة الا بالله انا من زمان قلت انك بلشه بس ماحد صدقني خلاص امش معنا
ضحك عليه فهد ومشو لمحل هدايا لفت انتباها على طول دب كبير بلون سكري طلبت من البياع يعطيها اياها قرب لها نايف .. صغير يامها مايعرف هالاشياء
.. الصغير يكبر ان شالله انا عجبني وباخذه
مد فهد يده على لعبه وشغلها طلعت صوت عالي وقريع وازعاج وانوار ضحكوا مها ونايف .. ياقفك لقفاه
.. وش دراني قلت بجربها
تكلمت مها .. باخذها بعد الي بعمره يحب الاصوات والانوار
استانس فهد انها اعجبتها .. اقول مهاوي ماتبيني اطلع وحده ثانيه
رد عليه نايف .. اذا بتطلع بتحاسب
.. اذا مها تبي أي شي انا بحاسب عنه انت مالك دخل
اخذوا اغراضهم وطلعوا من المحل وفهد اشترى بوكيه ورد اهداه مها