شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

10 - 1 - 2015, 07:37 PM

.................................................. ........

ليت العمر شريط تسجيل ويـنـعـاد
واعيد اجمل مامضى من ذكرياتي

.. اتصل على نايف يقول ابوك هنا ويبي يشوفك
بسرعه التفت لهدى الي تعرف خفايا هالسالفه .. ابوي
..اي طالب يشوفك ضروري
ابعدت ريان عن رجلها .. ومتى راح توديني لهم
..براحتك الوقت الي يناسبك
خووووف من المواجهه وقلق انها تنفضح ولقاء مع مها ونايف .. خلاص اشوف متى الوقت الي يناسبني واقولك
تعود على اسلوبها ماتتحمس لشوفة اهلهااو فيه سر ورا اتناعها عنهم وهو ماشي .. يعني ماتبين تروحين اليوم ؟؟
سكتت شوي ..لــــــــــ لا
تركهم وطلع بسرعه استدارت لهدى تستنجد فيه تبي من يشجعها ويعينها الحمل الي طبق على صدرها .. تتوقعين قالوا له مها ونايف
.. وش فيك تغير وجهك لو كانوا قالوا له راح يجي هو بنفسه "مااعتقد يقولون له اقل شي يخافون عليه من الصدمه
احتقرت نفسها تهرب من اقرب الناس لانها اذنبت بحقهم وخسرتهم بغبائها الي كانت تعتبره قمة الذكاء خسارتها لايمكن يعوضها احد عنها ن
افاقت من دورتها حول نفسهاا ..الهروب ماراح يحل المشكله انا لازام اواجه مصيري ودي اصير شجاعه هالمره

.................................................. .......
تكفا ياقلبي لايجي منك العيد
لاتروح لدرب الهوى ان كان نادوك
تبغىآ السلامه خلك لحآلكـ بعيد
لاتنخدع في حكيهم ولايغروك

وقف مقابلها وركز بعيونها ووجه سؤاله لها .. ابي منك قرار اخير
ابتعلت ريقها من رهبة الموقف .. وش تبيني اقول لك
...تعرفين زين وش ابي وتعرفين اكثر ان اساليب الهروب ماعاد تنفعك
لفت بجسمها عنه هروبا منه وسئلته سؤال يمكن ينسيه الفكره الي تخافها .. موقبل لا تقول لي وش بينك انت ولطيفه
ثبت كل مامنه فعلا نجحت انها تحد من الحاححه .. مابينا شي
التفت يوم حست انها كسبت الجوله لصالحها .. انت تو قلت عرفتني زين يعني تدري ان هالكلام مايمشي على " لطيفه لها علاقه بالي كنت تسويه فيني
.. وليش حكمتي عليها ؟؟
.. فكرت كثير مافي شي يجبرك عليه الا اذا ان فيه كذبه وصلتك عني ومااظن فيه احد له مصلحه الا لطيفه
.. لطيفه مالها مصلحه لاتظلمينها
.. لا انا ماظلمتها بس اذا كان ظلمها بس لي انا راح اسامحها علشان متعب وعلشان ابوه الله يرحمه وووو
ابتسم لانه عرف ليش سكتت ..كملي
راوغت بذكاء .. ماعندي شي اكمله راح اترك الماضي اسامحها علشانكم لكن حب مااقدر احبها لانه الشي الوحيد الي ماقدر اتحكم فيه ولو كنت اقدر اتحكم فيه ولو كنت اقدر ما سلمتك نفسي
اخيرا نطقت الكلمه الي يتمنى تقولها صحيح زل لسانها فيها لكن اكيد مفرده من مفردات قلبها الي تحرص على انها تدفنها
شخص بعيونها الي تتهرب .. يعني اعتبره قرارك الي كنت انتظره
حاولت تشيل نفسها وتترك لها المكان تحركت بعجله لكن سرعتها ما شفعت له عند يده الي قبضت عضدها الصغير سحبها عنده و؟؟؟؟؟؟؟؟

اليوم فقط سأبدا رحلتي معك واكون نصفك وتكون نصفي وتكمل معي طريقي الذي لم يبدا الا ويدي بيدك
فامسكني حتى لا اعود للضياع وكن بجواري لا اريد ان اخاف طموحي الامان بين احضانك واملي الحب الذي لم اجده الا برفقتك
ودعنا نجعل من الماضي حطاما حتى لايحطمنا
دعني اغفو قريرة العين ثم انام ملئ جفوني ثم احلم باني اعيش واقعي

.. فهد امي تبيك توديها للسوق
تافف بضجر منها تحجج بامها عشان تروح معهم .. امي ولا انتي ؟؟
قربت له .. يعني انا مااني اختك
.. اختي على عيني وراسي بس متزوجه رجال طول بعرض مايقدر يوديك !!
.. سلمان من جا هنا وعنده ضغط بشغله ومايفضى
.. وقلتي سواقي الخاص يوديني
.. انا مابي شي بس ميلاف تبي فستان لزوج خالها
.. الظاهر انتي وبنتك غاويات تمشورني
..يالله عاد فهودي ولا كلمتين باذن امي تقلب عليك الدنيا وانت تعرف ام فهد
..لا والي يرحم والديك الا امي مااني ناقص تجهزي وانا اوديك من عيوني
..ههههههههه تسلم عيونك يالله انا جاهزه
.................................................. .