شبكة همس الشوق - عرض مشاركة واحدة

18 - 1 - 2015, 01:34 PM

جزء السادس
حسام دخل البيت الشعبي هو شعبي لا مايدري هو شعبي ولا طيني مايفرق لأنه ولد عز كانت جدرانه(الحيط) متهالكه والارض كلها تراب والفرشات قديمه وكل غرفه اسواء من الثانيه
يكلم روحه معقوله انا اصادق واحد زي هاذا معقوله اختي تعيش بهالمكان انا والله جنيت عليها ياليتني جيتك قبل ماتخطبها واشوف حالتك وبعدين يصير خير (هو صادقه لمدة خمس سنين كان بالرياض لأنه يشتغل في شركة أبوه وكان الكل يمدح باخلاقه وابو حسام كان يحبه لأنه مخلص بالعمل ومحترم للكل مايدرون ان داخله شيطان وانه عصبي ومايتحمل وحتى حسام مايدري عن اخلاقه شئ)

سلم عمران عليه

عمران:تو مانور البيت

حسام يناظر السقف المنتهي زمانه والانوار الخافته ويقول باستهزاء منور من دونا

عمران:وش فيك سلامات

حسام:انت ليش ماقلت لي ان حالتكم كذا

عمران بقهر:عن اذنك بجيب القهوه

جاب القهوه وعطاه قهوه

حسام:تعرفني ماشرب قهوه ابي شاي

عمران:طيب واحد ولا خلاص اصبلك

حسام:هاه انت متى تبي تاخذ اختي قصدي متى زواجكم

عمران:انشالله بعد شهرين

حسام:وليش العجله

عمران:لا عجله ولا شئ بس تشوفني عمري وصل 27 سنه إلي قدي تزوجوا وعيالهم بالمدارس

حسام:اممممممممم طيب وين بتسكن اختي

عمران حس ان فيه شئ غلط بيصير ضده هو يعرف غرور حسام:اكيد بنسكن هنا وبعد مايتحسن حالنا اشتري بيت جديد

حسام:لا

عمران:وش الى لأ

حسام:اختي ماتطب هالبيت وماتسكنه

عمران:يعني نسكن وين في بيتكم

حسام:لا ماتسكن في بيتنا دبر لك بيت يليق في اختي إلي مستحيل تقدر تعيش هنا ولا كل واحد يروح بطريقه( شرب الشاي )انتوا وش حاطين بالشاي وش ذا الطعم شكل الماء مو نظيف

عمران قام بعصبيه:مو على كيفك كل واحد بطريقه وبعدين انت جاي علشان تتمهزئ فينا

حسام قام:اختي مسحيل تعيش معك اقول طلقها بس لا اجرجرك بالمحاكم وانت إلي بتقعد فيها وترا المهر حقك بيوصلك بكره بحسابك
ولعلمك المهر تراي ماعطيته اختي لان بحسابها فيه دبله عشر مرات
وبعدين انا أول مره اسمع مهر بخمسه وعشرين الف وطلع وهو معصب

عمران:بالي مايردك

طلع عمران بسيارته الفخمه من ببيت عتيق وكانت وحده من بعيد تناظره وحده تتمنى تروح معه وتترك حياة الفقر إلي عايشه فيها وبتموت فيها
هاذي زينب أخت عمران إلي مو عاجبتها حياتهم هي تدري ان هاذا اخو عبير وقالت انا لازم اتمصلح مع عبير حتى اتزوج اخوها