السلام عليكم ورحمة الله وبركاته
هالابيات كتبتها بفرحة عمري (ولدي )واتمنى تعجبكم
لباك ياللي يشرح الصدر طاريك
............وشلون شوفك يابعد كل غالي
يادنيتي هي دنيتي طعمها فيك
........ومن قبل شوفك مابهااللي هنالي
ماكنت احس بشي من قبل ماغليك
.......ولا كنت اشوف اللي اشوفه قبالي
ولاكان يعني لي على حاجتي فيك
..........غير الكدر والضيق كنه مجالي
واليوم مدري بدنيتي وش اسميك
.....وانت الزمن لاشفت ضحكك صفالي
ماعدت موطن هم وان ضقت اناديك
..............وينزاح كل اللي يكدر خيالي
اجلس معك واطرب على لحن اغانيك
.........ولاضاق بالي ..بس حضر قبالي
ياليتهم يدرون وش حال مغليك
................قبلك وبعدك ياسمو المعالي
يكفي سموك معتلي قلب مغليك
............ويكفي انا ماعدت بعدك ابالي
بقلمي السديم