اذا حصل اي خلل في القير وذهبت للورشه غالبا يقولو انه يحتاج للتوضيب
السبب البعض منهم ما يقدر يحدد العطل ،، فيغير كل القطع الداخليه من
كلتشات وتروس وحساسات الخ
قد تكون المشكله فقط في حساس او انسداد داخل مجارى الزيت (بدى بلف) او
ما يسمى بمخ القير ،،
القير تعطلت السرعه الرابعه ..
لا تستعجل في الحكم علي القير انه يحتاج توضيب كامل
وفيه بعض الدلالات اللى تساعد علي معرفه ذلك
خذ عندك مثال :
تدعس بنزين والسياره ثقيله او ما تقوم
اما يكون الزيت ناقص ،،، او طرمبة الزيت تحتاج تغيير
كمان واحد ايقزامبل
القير يتاخر في التعشيق عند نقل العصا من الP الي ال D
السبب قد يكون الزيت ناقص
او الطنجره ضعيفه وتحتاج تغيير
مثال :
تاخير في التغييرات الشغله كهربائيه بحته اما من الحساسات
او من انسداد في المخ ،، والقطع الميكانيكه بتكون سليمه
الامثله اللى تدل علي ان القير ما يحتاج توضيب في بعض الحالات كثيره
ذكرت بعض منها
طيب لو ان القير فعلا يحتاج توضيب ،، وتوجهت لاي مركز خاص بالقيرات
وقال بنعطيك قير مجدد جاهز ساعه وتستلم سيارتك ،، طبعا بياخذو القديم .
ارفض ذلك ووضب القير الخاص بسيارتك ،،
لان قير سيارتك بيكون الاصلى والقطع اللي فيه اللي ما تتغير اصليه مثل العمود
ومجموعه التروس وعمود حامل الطنجره الخ ،،،
طبعا القير المجدد ممكن يكون منكسر فيه احدى الاعمده واستبدلوه بعمود تجارى
او يكون فيه ميول بسيط ويسبب رجه في السياره ،،
وهاتك تغيير كفرات وترصيص وغير عمود كردان ،، وبتخش في متاهات انت في غنى عنها ،،
وينطبق الكلام هذا علي السلف والدينمو والكمبرسر
هذا ما لدى واذا تذكرت شيئ ان شاء الله اضيفه
