لا باعك اللي بعت عمرك... عشانه
لا تنصدم منه ترى الناس اجناس
شخص(ن) تحبه.. ما يصون الامانه
وشخص(ن) يبادلك المشاعر و الاحساس
حط الذي ..شاريك قدر ومكانه
حطه بكف لحاله لا تحطه مع الناس
واللي ب دمه سار دم الخيانه
دوسه ترى قدره على الارض ينداس
خلك كذا وياه حقد ولعانه
وما غير ربك بس هو يقطع الراس
من هو يحبك بس اطلب حنانه
ومهما تفارق بس لا تشعر بياس
ومن يشتريك اليوم.. صونه صيانه
واللي يبعيك في ثرى القاع ينداس