شبكة همس الشوق - عرض مشاركة واحدة - رواية فرسان على جمر الغضى للكاتبة وديمة العطاء

8 - 5 - 2015, 02:26 AM

قامت شوق وحاولت انها توقف على ظهر الفرس لجل تخلي الفرس تمشي بها وهي واقفه قماد انجن من الي تسويه ووقف بسرعه وتداركها قبل لا توقع وطاحت بحضنه على الارض انقرفت شوق منه ومن ريحته الي كانت بسبب المرعى

اعتدلت شوق بسرعه وكانت معها جربة مي صغيره معلقه على طرف واحد من اكتافها نزلتها وبدت تضربه بيها

حط قماد ايديه حاجز من ظربها وهي تضربه وتسبه

شوق بقهر:كله منك انت..انت الي خوفت الفرس وش الي يخليييك تنط قدامها هاااه

قماد وهو يحاول يتفادى الضرب:يا عمه ياعمه هونج بي انا والله مقصدي انج ما توقعي

شوق:انت هبييل هبيييل ماتفهم والله اني اشتكييك عند الشيخ ابوي

قامت من بعد ما فكت حرتها بيه بالضرب ومشت للفرس

قماد كان نفسه يضحك بصوت عالي مير انه كتم ضحكته وهو مبتسم من تحت لثامه

ولانه كان قريب من الفرس وجالس على الارض اول ما شافها جت تركب الفرس ظرب برجله رجل الفرس الي رفعت حوافرها لفوق ورجعت شوق وطاحت مرتن ثانيه بحضنه وهو كان يريد ذا

ثارت عليه ازود وجلست وهي تضربه ازود بالجربه

شوق:الله يوخذك الله يوخذك

قماد ما زاال يحاول يصد الضرب الي يجيه:يا عمه هونج علي انا ما سويييت شي

شوق:انقلع انقلع من قدامي الفرس ما ودها فييك

قماد ولازال حاطط ايديه متفادي اي ضربه منها:زيين زييين يا عمه

قامت شوق وهي مقهوره منه وظلت تناظره بغيظ

قماد سحب حاله وهو يزحف على ورا

قماد"يا ويلي ويلااااه وش هالبنيه والله انها ناويه تهبلبي اجل انا قماد تضربني بنيه ...ماعليه اضربيني وسوي بي الي ودج اياه

راااضي يا بنت الشيخ

ركبت شوق الفرس وركضت بيها لبعييييد وقماد صار يلحقها حاولت انها تهلكه مير هي تعبت وهو بعده ماتعب

رجعت بالفرس وعاودت للديره وهو يركض وراها وقبل لا يوصلو الديره بمسافه وقفت شوق والتفتت له وهي مقهوره منه حييييل

شوق:شالي .....شفت شالي وييين

وقف قماد يلهث من التعب وهو متساند على ركبه بيديه:للا للا يا عمه

شوق:وشلووون وشلووون هالحييين ادخل الديره من غير شالي اسمعني زييين تعرف المكان الي وقعت فييه

قماد:ايييه

شوق:اجل عاود اهنااك وهاات الشال

قماد:ماقدر مقدر يا عمه انهد حيييلي

نزلت شوق من الفرس:خذ الفرس ورح جب الشال

قماد:ييييه يا عمه وانا وش يعرفني بركوب الفرس

شوق بغيض تحاول تكتمه:اسمعني زييين هالحييين تركب الفرس وتروووح تجيييب الشال

قماد:يا عمه

شوق وهي تضربه بنبته اقتلعتها من الارض:اركب الفرس اركب

قماد:ايييه زين زيين هالحييين اركبه مييير يا عمه وشلووون يركبووونه

شوق:اهنيا اهنيا حط رجولك وخذ ثقلك لفوق

قماد وهو متوهق كيف وده يركب الفرس..حط الرجل الثانيه وارتفع وركب الفرس بالعكس تحركت الفرس وانبطح عليها وهو متشبث فيها ورجوله واصله لرقبة الفرس

قماد بصراخ:يا ويلي ويلاااااه ياعمه ويييينج وش الي يصيرلي

شوق ما قدرت تمسك حالها من الضحك وصارت تنط على الارض وهي تضحك بصوت عالي والفرس رايحه به للمكان الي كانو بيه كان قماد يناظرها لانه جالس بلمقلوب ومبتسم

قماد"يالبي هالضحكه ...وش علييج اضحكي

من كثر ما ضحكت على شكله جلست على الارض

وصل قماد للمكان الي بيه الشال وخذ الشال وعاود وهو معتدل بالجلسه الا انه منبطح على الفرس ومتمسك بشعرها

اول ما وصل عندها رمى حاله على الارض وقعد يتوجع

شوق:والله انك مهبووول

خذت الشال واخذت تلفه على راسها بعدها ركبت الفرس وراحت تاركتنه وراها سند قماد راسه على ايده وهو يناظرها تبتعد للديره

قماد:يا ويلي ويلااااه والله انها دلوووع ويحق لها الدلع مير اصبري على وانا اورجيج الدلع وشلووون