شبكة همس الشوق - عرض مشاركة واحدة - رواية فرسان على جمر الغضى للكاتبة وديمة العطاء

9 - 5 - 2015, 12:51 AM

عتيبه:تعالي واركبي

ابتسمت قوت ومشت رايحه عنده ركبت وراه وعاودت تمسك بسرج الخيل ابتسم من فعايلها وحرك الفرس رايح لوجهته الا انه حس بيها وهي تمسك فيه وهي تحاول تتغلب على النوم الي جاها بعدها حس براسها على ظهره وكانها نامت

عتيبه:والله اني مدري وش ورااج

عند اسفل المغاره اخذ عتيبه ينادي على رفيجه والي مسمي نفسه الشيخ

عتيبه:يا شييييخ يا شييييخ

صحيت قوت وابعدت حالها عنه

قوت:من الشيخ؟

عتيبه:رجال وحرمته ساكنين اهنيا

قوت:هو الشيخ الي يملك بالناس

ضحك عتيبه:ايييه هقوتي

الشيخ من فوق:من الرجاااال

عتيبه:عتاااااب يا شيييخ

نزل الشيخ وكان رجال قصير اشوي ومليان

الشيخ:عتاااااب يا مية هلا وسهلا حيالله بولد العطااااوي

عانق عتاب الشيخ وهو مبتسم وكان عناق حار

عتاب:حيالله بالشيييخ

الشيخ:الله ايحيييك يا عتاااب انا اشهد انك طولت الغيبه وشلووون يا رجااال تغيب كل هالمده عن حلالك

مسك عتاب الشيخ من ايده لجل يسكت وهو يلتفت لوراه لجل ينتبه الشيخ للبنيه الي معه

الشيخ:من ذي يا عتاااب انته اعرست

ضحك عتاب:هههه لا يا شيييخ ذي بنيه من الديره الي غزيناها اليوم

الشيخ ونظره عندها متعجب:وش قلت انا خبري قماد هو راعي السوالف ذي

مسك عتيبه الشيخ وسحبه معاه وهو يصعد للمغاره وياشر لقوت تلحقه

عتيبه:تعال يا الشيخ تعال وشلون ام صالح

الشيخ ونظره عند قوت وهو يلحق عتاب:هاااه بخير يسرك حالها هذا هي قدامنا تزين العشى

عتيبه نادى ام صالح وهو يدخل للخيمه المبنايه قدام المغاره

عتيبه:يا ام صالح

ام صالح:من اسمع هذا صوت عتاااب

الشيخ:ايييه يا ظبيه هذا عتاااب

ظبيه ام صالح:يا مية هلا وسهلا حيالله بولد العطاوي والله اننا اشتقنا حيييل الكم اجل وين اليث وقماد

ابتسم عتيبه الها وهو يقعد :كلهم بخير ويسلمو علييج وشلونج انتي وشلون صالح

ظبيه:صالح متولع بركوب المهره الصغيره الي جبتها له النوبه الي فاتت هو ذالحييين نايم ...اقووول يا عتاااب من البنت ذي

عتاب وهو ينظر لقوت الي كانت واقفه وتناظرهم:ضيفه يا ظبيه اكرميها

ظبيه:ابشر طال عمرك

راحت ظبيه تزين العشى وجلست قوت مكانها وظل الشيخ وعتيبه يسولفون ويا خذون علوم بعض

عتاب كان حاطط عند كل مغاره حد من الي يوثق فيهم ومامن المال والسلاح الي مخبنه فيها

عتيبه تذكر كلمتها يوم قالت له انه الشيخ الي يملك بالناس

عتيبه:اقووول يا الشييخ

الشيخ:ابشر طال عمرك

عتيبه وهو يحاول انه ما يضحك:اقووول يا الشيخ ودي اياك تملكني على ذالبنيه

تفاجئ الشيخ بطلب عتيبه وغمز له عتيبه بعينه

الشيخ:ايييه ايييه غالي والطلب رخيييص ابشر يا ولدي

قام الشيخ رايح داخل والتفت عتيبه للجنب الثاني بمحاوله منه انه ما يضحك

التفت لها وكانت مندهشه من كلامه

عتيبه:عندج مانع اننا نملك

قوت:هاااه ااا للا الي تشووفه الي تشووفه

عتيبه ووده ينفجرمن الضحك :زييين

دخل الشيخ وكان شايل قراطيس كثيره فتح عتيبه عيونه مستصيب من الي يسويه

الشيخ:هالحييين هالحيييين نملك قربو اهنيا

وقف عتيبه وقعد قدام الشيخ وعيونه تسال الشيخ عن هالقراطيس

الشيخ:تعالي يا بنت واجلسي اهنيا

قامت قوت وقربت منهم وجلست جنب عتاب

الشيخ قام واخذ يفتح بالقراطيس ويقرا منها

عتاب:ملكنا يا شيييخ واخلص

الشيخ:ايه ايه هالحييين هاات ايدك

مد عتاب ايده للشيخ

الشيخ:وهالحييين امسك بيدها

مد عتاب ايده لها وامسكت بيده واخذ بعدها الشيخ يقرا من القراطيس

الشيخ:مبااارك يا عتاااب مبارك هالحين المزيونه ذي صارت حرمتك

عتاب وعيونه ودها تدمع وهو كابت ضحكته

الشيخ:هالحييين ودك اتقوووم معي وتختار نعجه لجل اذبحها باكر واغديكم منها

قام عتيبه:زييين ياله بينا

التفت لقوت:خليييج اهنيا هالحين اعاود لج

طلع عتاب والشيخ الي انفجرو بضحكتهم قبل لا يبعدو