عندي أمل مهما ولهت وتباطيت
أن قلبي أقرب له من أقرب ظلاله
غايب وخلا بالحشى ديره وبيت
هـــذي فنـــاجيلـه وهــذي دلالــه
كن فقد صوته كل ما أصبحت وأمسيت
شــايب وفاقد شوفة اغلى عياله
لايحسب أني كل ماغاب سجيت
مـــدام قلبي يوم حبه وفــى له
مهما فعل مهما حصل ماتخليت
عنه ولا عن حب رجوا وصاله
أربه يجـــرب غلاتـــه يابلفيت
ماذاق قطع الوصل بيشين حاله
والله ماهو بشلاله يروح و أبيت
على هماج الحزن فاقد زلاله
خفت أني مخطي في حقوقه وزليت
وفليت كـــل أرشيف عمري قبالــه
أشوف وش سوى وأنا وش سويت
هـــذاك هو قفى بقلبي وشالــــه
يمـــر بالي ب الثواني ويــاليت
أدري أنـــا كم مـــره أمر بالـــه
لو مـــاهو بغير العرب ماتجريت
لكنــه بكـــل الوصايف لحالـــه
هو الوحــيد اللي على مــاتمنيت
ماجاز لي غيره ولا أبغي بداله
أي والله أني مشتحن له وعانيت
خلــوه يعذبني ترانـــي حلالــه
الظاهر أني قبل أعرفه ما حبيت
عنــده حكــي مافيه مخلوق قاله
إليـــا دعاني من صميمـه ولبيت
ضــم العروق وقــال لي كلها له
لمواصله في كل حــزه مواقيت
وماعاد جات بنفس وقته رساله
بعــده يعومسني وأنا ماتناسيت
عنـدي أمــل أني بشوف أتصاله
|
|
|