شبكة همس الشوق - عرض مشاركة واحدة - رواية فرسان على جمر الغضى للكاتبة وديمة العطاء

27 - 5 - 2015, 05:35 PM

على المسا رجع فهاد وهو مرهق وتعبااان من بعد ماهااام على وجهه بالسيووح القريبه كان منهد الحيل ويده من بعد ما طواها وغسلها بالغدير مافتحها نزل من فرسه وعينه عند البيت المبنااي قريب من بيت ابوه من الخلف

ربط فرسه وتوجه له وده يشوف ان كانت تدري بالي يريدونه وتفاجئ بعااايض مار من قدام البيت وحس بالجنانوه ركبته وكاد انها شافته ووكاد هالحيين متامله انها تاخذه من بعد ماتتطلق

كانت العمه جالسه والمها بالشق

فهاد وهو يناظر عمته وماهو متخيل الي تريد اتسويه تذكر يوم كانت تحاول تمنعه من شوفتها "من ذاك اليوم ياعمه وانتي تريديها

فهاد:مسيج الله بالخيير يا عمه

العمه رفعت راسها وتفاجئت بشكل فهاد الي ماكان لابس الغتره

العمه:فهااااد ....وش صااايريا فهااد ابوك الشيخ صارله شي

فهاد وعيونه تدور شخص ثاني بالبيت:للا يا عمه ابووي بخيير وطايل اخوووي عنده

العمه:الحمد لله ...وانت يا ولدي وش فييك؟

تعداها وجلس بالداخل:مافيني شي ياعمه ودي اتريح

قربت العمه وهي تناظر يده:وش صاايرليدك

فهاد:جرح بسيط

العمه:زييين يا ولدي عاايض ويين عنك

فهاد وهو يحس بنااار شابه فيه:توني يا عمه شايفه وهو طالع من اهنيا

العمه:اييه هو حجى معي من قدام البيت ان كنت ارييد شي قبل لا يمسي

سكت عنها ومارد

العمه:وش راايك ترووح وتمسي عنده

فهاد:ما ودي اناااام ودي اتعلل ...المها ويين

العمه :وكاد انها ناامت

فهاد:ماهقوتي ياعمه انها تنام هالحيين المها يالمها

العمه:يا ولدي انت وش تريييد اترك الحرمه وكاد انها ترييد تنام هالحيين وبالصبااح ان كان ودك تسالها عن شي تكون هي صاحيه

فهاد ابتسم:عمه ان كان ودج تمسي ببيتج ترااج مرخووصه الليله انا ودي اناام اهنيا

كانت المها تسمعهم وتحس بقليبها وده يطلع منها والي زاد كل ذا هرجه الي يقوله وده ينام اهنيا ...كانت تحس بيديها بدت تعرق وهي تفركهن ماتدري وش اتسوي

جاها صوته يناديها وبدت ترجف

فهاد وقف وطل عليها والعمه واقفه وراه تحاول تمنعه باي طريقه وماتعرف وشلووون

العمه:يا ولدي وش الي قاااعد تسويه

فهاد :ودي اشووف ان كانت ناايمه

طلعت المها وقربت منهم اخذ يناظرها وهو يحس انه غاب من المكان الي هم فيه ظلت واقفه تناظره وهو يناظرها العمه ماجاز لها الحال وقربت من المها

العمه:يا بنيتي ان كان ودج تنامي ناامي انا اظل جالسه معه

فهاد:للا يا عمه ودي اتعلل معها تعالي يالمها

جلس فهاد وهو ينظر لها وينتظرها تجي وتجلس كانت متوتره ونظراتها كل حين وجهتها للعمه قربت وجلست وهي نظرها لتحت

العمه تنرفزت من فهاد وجت وجلست بالمكان الي يفصلهم

العمه :وش علوومك يا ولدي ودك تقول شي

فهاد وهو ينظر لها بنظره:وش قلتي يا عمه؟

العمه:انت ليييه جاااي هالحييين ودك تقووول شي

فهاد:للا ودي اتعلل اهنيا

العمه:حنا مانتعلل حنا ننام من وقت لجل نصحى من طلعة الضوء

فهاد:زين يا عمه ترااج مرخوصه ان كان ودج تنامي

العمه:والمها يولدي تنام مبكر

ناظر فهاد المها بنظرة عتاب باين ان العمه بانيه عليها حصونها زيين وشلووون تبني حصونها وهي بعدها حرمتي

وقف فهاد:زين يا عمه انا اجل بعد ودي انااام

مشي كم خطوه وكانت العمه تعتقد انه طالع الا انه التفت وهو قريب من باب الشق

فهاد:تراني انتظرج دااخل يا المها

المها اتسعت عيونها وهي تحس ببروده تسري بجسدها وقامت العمه وقربت من فهاد

العمه:انت وييين ودك تنام يا ولدي

التفت ليها فهاد :وش فيييج يا عمه ودي اناام بفراااشي ...اليوووم الحمد لله ابوووي بخيير وماعليييه شر

العمه بتوتر:للا انت لزوووم تنام عند ابوووك الشيخ

فهاد قرب راسه من عمته :اخوووي طااايل عنده

العمه:وش الي قااعد يا فهاااد تسويه انت نسييت انك قريب تطلق الحرمه

فهاد:بعدها على ذمتي يا عمه

العمه:والعهد الي تعهدت به وشرط الحرمه نسيته

فهاد:وش صااار يا عمه العهد بعده مثل ماهو وانا ما اخلييت بشرووطها ودام اني رجلها شروطها ماتمنع انها تنام بحضاني وهي تراها مهي باول مره

وجه نظره للمها:مهب صحييح يالمها

كان ودها الارض تنشق وتبلعها ولا تسمع هرجه ذا وش جاااه وش الي قاااعد يقوله

فهاد وهو يدخل للشق:ترااني انتظرج وانتي ياعمه مرخوووصه ان كان ودج تمسي ببيتج

خلع ثوبه وانكت بالفراش وهو يحس انه نفث شوي من الضيقه الي كابته على صدره

ظلت المها واقفه ميته من الخجل والعمه واقفه تتحرطم من الي يسويه فهاد وجاهن صوته وهو ينادي

فهاد:المها ودج تخليني انتظر كثييير

وقفت المها وقربت من الحاجز وطلت عليه وشافته متمدد بفراشها ويناظرها بنظره مافهمت وش يقصد فيها

المها بصوت يادووب فهم منه شي:انا جاالسه مع العمه

وقف فهاد وقرب من الحاجز وهو يناظر بعيونها :وش فيها العمه ترا البيت بيتها وهي قالت من قبل انك تنامي مبكر لييه السهر؟

وجهها احمر ازود وتحس ماتدري وش اتقول لهمير الي يصير والي يسويه مهب داخل بعقلها وش صااارله

وجه فهاد نظره للعمه الجالسه وهي تطحن بحالها

فهاد:يا عمه ودي اياااكي ترخصي للمها تراها مستليمه فيج

العمه بانزعاج اشارت بيدها انه خلها ترووح

ابتسم وناظرها:تعاالي

مشت المها وهي تحس باحراج كبير من العمه وقفت قريب من لفراش الي كان فهاد بوسطه

كشف طرف اللحاف ومد يده على جنب:تعالي

كان يطلب منها انها تجي وتنام جنبه

احمر وجهها واخذت تناظره باستغراب

فهاد بصوت هامس موجوع:ما ودج اتجيين

جلست المها على طرف الفراش بتوتر وهمست

المها:انت وكاد صابك بعقلك شي

تبسم وهو يرفع نفسه ويقرب منها وهو يتكي على يده ويناظرها

فهاد:ليييه وش جااج مني

المها:وش الهرج الي كنت تقوله قدام العمه

فهاد:اخطيت بشي؟

المها:انت وش الي يصير لك؟

فهاد:رجال ووده حرمته تنام بحضنه فيها شي

ارتبكت وزاد توترها والتفتت للحاجز الي يفصل بينهم وبين العمه

المها:وكاد ان عقلك مهب براسك

فهاد:هو بس عقلي الي مهب براسي

!! !!
!! !!
!! !!

قاراتي الغوالي استسمحكن فتره استراحه اسبوع اسبوعين لاني احس اني قاعده اغصب نفسيه على الكتابه ومش راااضيه بالي كتبته

باذن الله ارجع قريب وببارتات افضل محبتي وودي للجميع

محبتكم وديـــــــــــــــمه