شبكة همس الشوق - عرض مشاركة واحدة

#1 31 - 7 - 2015, 09:05 AM

طاغي حضور

الوقت يقلب وعــــــــــادات الليالي تدور
وابن آدم إنْ يرزَق فيرْزَق عــــــــلى نيّته
:
يا كم مليكٍ هبا هالله عيـــــــــشة قصور
واصــــــبح ولحْد إعترف في حق ملكيّته
:
وياكم.فقيرٍ يا دوبه لو يحصــــــّل فطور
واصـــــــبح كثير الغنى من عقب حاجيّته
:
الله ليامن رزَق يرْزقْك رزق الطـــــــيور
والله ليامن منـــــــــــــعي منعْك خيريّته
:
والناس للنّاس والخالق يحب الشـــكور
ولا يحب ا لأنــــــــــــاني مـــــــن أنانيّته
:
والا انت ياللّي تشــــار هني تراك امعذور
ماجاك رمح الزمــــــــــــان وجتْك جنبيّته
:
لو ذقت مـــــــاذاق خفّاقي فبعض ا لأمور
بتْعرْف كيف الرجل يفقد مـــــــــــــــثاليّته
:
الصدر ماهو على خبرَك وسيع امحشور
ترّك شـــــــــــــماله عقُب عانق حجازيّته
:
لنّ اغلب الناس بالواقع شــــبيهة عطور
يعجبك شـــــــــــــكله ولكن ويش ماهيّته
:
وانا انصــــدمت بكثير وكم ســــلعه تبور
بس أقتنع عن كثير الربح بشــــــــويّته
:
رجّال صـــــامل. ولا عشرين رجلٍ هذور
يغنيك. بالفعل لوكَثْرت حــــــــــــراميّته
:
على كثر ما قدرت اغْدر ســـريت امغدور
لني. مـــــــــــــاحب الغدر واكره زبانيّته
:
فْيا زارع الزرع قبل الزرع شوف البذور
اخـــــــــــــــاف تتعب على زرعٍ تشّح فيّته
:
والرجل صـــــقّار ربعه والرفيق امخبور
اللّي ليا انْخي. . بلســـــــــانه طرَت خيّته
:
وانااغلي من الرجال المستميت الجسور
المحتمي. والمثل يُضـــــــــرب من احميّته
:
وانا. اكره من الرجال العنصــــريّ النكور
اللّي تبيّن مع العــــــــــــــــــــالم حزازيّته
:
وانا لياجيت احب آكون طـــــاغي حضور
احسن من اللّي يجي مـــحدٍ درى بجيّته
:
امّا اني آجمّل إســــــمي لاانكتبلي ظهور
او يلعن آبو الظهــــــــــور وتنلعن مَيّته
:
رجّال والعقل في راسي وصوتي جهور
ويمناي من دون حقّي مـــــــاهي ابميّته

الموضوع الأصلي : طاغي حضور || الكاتب : همسة الشوق || المصدر : شبكة همس الشوق