شبكة همس الشوق - عرض مشاركة واحدة

2 - 8 - 2015, 02:50 PM

بـــــــــــــــــــــــــــــارت [4]

( سميه بنت جميله جدا ملامحها كيووت كانها طفله عمرها 17 سنه تدرس مع حنان بنفس المدرسه و هي صديقتها الروح بالروح و بنت جيرانهم .. شعرها طويل بني عيونها بنيه وساع .. طولها اقصر من حنان ب سم .. سوسن اختها عمرها 19 تخرجت من الثانوي .. هي كمان صديقه لحنان بس مش قد سميه مواصفاتها شعرها اطول من كتفها بشوي قاصته مدرجات لونه اسود مخصل اشقر هي بعد حلوه بس سميه احلى منها .. و عندهم اخ اكبر منهم اسمه صلاح خلص الثانويه توظف بالجيش على طول و عمره 21... بالاضافه الى ابوهم و امهم .. و هم جيران لام حنان طول الـ 18 سنه من اول ما سكنوا ..)

في صباح اليوم التالي ع الفطور في بيت حنان كانوا قاعدين كلهم ع السفره .....

ام حنان : ما قلنا لكم لا عاد تقعدوا مع بعض ؟

حنان : اللحين وش الطاري على ذي السالفه تو تذكرتوا اننا كبار ..

ام فيصل : احنا عندنا عادي لانكم زي الاخوان بس الناس بدت تتكلم ..

فيصل : وش يهم بكلام الناس ؟

ام حنان : خلاص اسمعوا الكلام يلا يا حنان قومي على غرفتك و بجيب لك الفطور لي عندك ...

جت بتقوم فيصل ناظرها : اقعدي لا تروحين ...

ام حنان تطالعه باستغراب : و ليش ؟

فيصل : يمه خالتي .. انا قررت اتزوجهااا ..

سعد & سعود اختنقوا بلقمتهم : كح كح ...

سعد يهمس لسعود : كيف يتزوجها و هي ولد ...!

سعود : هههههههه اووص بس ..

ام فيصل فرحت : بجد يا يمه ؟

فيصل : أي جد انا و حنان اتفقنا .. و نبي نملك بدون عرس و خرابيط ..

ام حنان : اصلا ما معنا فلوس حق عرس ..

فيصل : أي عشان كذا قلنا عزيمه بسيط او حتى بلاها اهم شي نبي نملك ..

ام فيصل : هذا احلى خبر سمعته اليوم ..

ام حنان : طيب قررتوا متى الملكه ؟

فيصل : نبيها بكره ...

حنان كانت تشرب موويه ما انبلعت من الصدمه : هااااااه بكررررررررررررره !

فيصل ناظرها بابتسامه خبيثه : وش فيك خير البر عاجله ؟

حنان سكتت ..

ام حنان : ما كنك مستعجل ..

فيصل : بصراحه في واحد اعرفه قال بيعطينا شقه نسكن فيها انا و حنان و بالمجان يبي يتصدق .. قال اذا ما عندك زوجه و ما تبي الشقه بعطيها لعريس ثاني .. انتوا وش رايكم ماهي فرصه ؟

حنان يا سلام عليك يا فصيييل رقعتها صح و ضربة عصفورين بحجر الشقه و الزواج ..

ام فيصل : يا سلاااااام شي حلو .. وش رايك يا وخيتي ؟

ام حنان : ماشي انا موافقه .. اهم شي حنان ..

حنان : أي أي انا موافقه ..

ام فيصل & ام حنان مستغربين موافقتها السريعه ....

سعد علا صوته معصب ببرائه : فيصل كيف تتزوج حمد ؟

سعود يضربه كتف بكتف و هو كاتم الضحكه : اسكت فضحتنا ..

فيصل فطس ضحك : هههههههههههههههههههههههههههههههههه ..

حنان حطت رجل على رجل معصبه و ساكته و تناظر سعد و سعود بحقد ..

ام حنان : هههه يا سعد يا يمه هي بنت بس دلوعه مسويه عمرها رجال ..

سعود يهمس لسعد : راحت علينا شف كيف تناظرنا يا تبن لو سكت احسن ..

سعد باستغراب : بس ما قلت شي غلط ...

فيصل عيونه دمعت ضحك و لازال يضحك ضحك متقطع ..

حنان ناظرته بقهر : ترااااك زودتها شب انت و اخوانك يا الحيوانات ..

فيصل كاتم ضحكته : خلاص سكتنا ........

العصر كان منسدح على سريره يناظر السقف يفكر بعمق ثم جته مكالمه كانت من وليد ......

وليد : الوو ...

نواف يتثاوب نعسان : هلا وليد ....

وليد : ههه شكلك ما نمت امس قاعد تناظر الصوره صح ؟

نواف ييه اشلون درى ذا والله انه ذكي يلعن ابو شكله : ههههه تستهبل انت وش اناظر فيهااا .. انا ما نمت لاني كنت اشوف فيلم ...

وليد ما صدقه بس سلك : ايه طيب وينك امس ما عاد رجعت ..

نواف : وصلت حمد لبيتهم و حسيت بتعب فرجعت البيت ..

وليد : سلامتك ما تشوف شر ..

نواف : ما يجيك الشر .. الا انت داق علي غريبه وش تبي ؟

وليد : لا بس انا و ماجد بالشقه نغير ديكور وش رايك تجي ..

نواف : لاااا مالي خلق .. اللحين انت سكنت فيها خلاص ؟

وليد : أي خلاص و بتبدا حياة الفله من السبت الجاي ..

نواف : ههههه معك حق ..

وليد : دامك ما بتجي يلا اخليك ترتاح بس حاول تمرنا بالليل ..

نواف : ان شاء الله لا فضيت مريت ....

بعد ما سكر من وليد .. فتح البي بي و ارسل لحنان ... طبعا كان ضايف نفسه اول ما شرا جوالها ..

نواف : "مساء الخير حمد هذا انا نواف "

بعد المسج انتظر ربع ساعه و لا رد ....

نواف صح نسيت ذا ولد فقر ما اتوقع انه يعرف يستخدم الجوال .. ( يطلع صورتها ثم تنهد ) يااا ناااس مهما دققت بملامحه احسه بنت .. بظل وراك لين اكتشف حيقتك ...

اندق باب غرفته ..... كانت الخدامه ...

نواف : اش تبين ؟

الخدامه : مستر خالد في الملحق يبغا يشوف انتا ..

نواف : طيب قولي له شوي و اجي ..

الخدامه : اوكيه سير ....

قام من سريره بتعب دخل الحمام -الله يكرمكم- اخذ شاور سريع ثم طلع لبس و اخذ جواله معه لعل و عسى ترد عليه حنان .. ثم نزل لولد عمه خالد .....

كانت بغرفتها قاعده تخطط اش رح تسوي .. فجأه دخل عليها سعود و اخوه سعد بدفاشه ...

حنان بعصبيه : خير خييييييييييير خير ان شاء الله وين داخلين انت وياه ..

سعود بخوف : بس بنقولك شي و نروح ..

حنان : اخلص علي وش تبي ؟

سعود : خاله ناديه قالت اقولك ان سميه و سوسن بيجوا بعد اشوي ..

حنان ابتسمت : سمسومتي بتجي يا لبببببه حبيبتي يا ناس بتجي ...

سعد ناظر اخوه : قلت لك انها ولد ....

حنان عقدت حجاجها و حذفته بمخدتها ثم صرخت عليهم : انقلعووووووووا برى يا الشيون ...

سعد & سعود طلعوا برى بسرعه و هم خايفين منها .... شافهم فيصل طالعين من غرفتها ....

فيصل : هههههههههههههههه شكل حموودي كفخكم ..

سعود : هههههه كله من سعد يتعمد يضايقها ..

سعد ببراءة : انتوا وش فيكم هي بنت و لا ولد ..؟

فيصل & سعود : هههههههههههههههههههه ...

فيصل : حبيبي مو لازم تعرف .. وين امي و خالتي ؟

سعود : بالمطبخ يجهزوا حلا و قهوة لان بنات جيرانا بيجوا بعد شوي ...

طلعت حنان من غرفتها ...

حنان تناظر سعد و سعود : انتوا باااقي هنا يلاااا انقلعووووا ع الحوش العبوااا هناك و اذا جوا البنات خلوني بس ألمح واحد منكم هنا ...

ناظروها برعب ثم هربوووووا منها بسرعه .....

فيصل : هههههههههه ما تغيرين عادتك اذا ما صارختي ما ترتاحين .. صح حمووووو ..

حنان تناظره بغرور : كييييييييفي ! ...

فيصل : يلاا انا بطلع مع اخوياي .. اذا راحوا الحريم دقي علي ..

حنان : اييييه طيب .. لحظه .. رقمك ماني حافظته ... تعال غرفتي سجلي اياه ما ابي امي او خالتي تدري ان معي جوال .. بيسووا تحقيق لا دروا ...

فيصل : أي والله انك صادقه ... يلاااا ...

دخلت غرفتها اخذت الجوال شافت اشعار مسج بالبي بي .. نواف مفكرها ما تعرف لها بس هي تعرف له لان بنات جيرانها معهم زيه و معلمينها عليه .. فتحت المسج قرته بسرعه ثم سكرت ...

حنان : يلا ..قولي كم ......

عطاها الرقم ثم طلع .... قعد على سريرها رجعت تقرا مسج نواف ..

حنان ارد عليه و لا ما ارد .. بس رح يبان عنده اني قريت مسجه .. خل ارد ... بس قبل لازم اقفل غرفتي لا تصير مداهمه ....

حنان : " مساء النور هلا نواف "

كان قاعد مع ولد عمه خالد و مبين عليه النوم ....

خالد : اذا تعبان رح نام ...

نواف : لا عادي .. ما رح اقدر انام بذا الوقت ...(رن جواله مسج .. فتحه بلهفه حتى انه ابتسم )..

خالد باستغراب : اش فيك ابتسمت فجأه ؟!

نواف : هاااه ..

خالد : من قال هاااه سمع ..

نواف : قصدي و لا شي ...

خالد اش فيه هذا مو طبيعي .. لازم اخليه يحكي لي ...

نواف رد على حنان : " حمد اش رايك امرك و نطلع مع بعض ؟ "

عند حنان شهقت من الورطه : و يبيني اطلع معه ؟ هذا اللي ناقص ما غير يذبحوني بيذبحوني وش اقوله اللحين ...

حنان : " لا انا ماني بالبيت اللحين عندي شغل "

نواف : " قل لي انت وين و اجيك "

حنان وش ذي المصيبه .. و بعد تفكير : " انا رايح بيت عماتي و قربت اوصل ماله داعي تجي .."

ارتسم على وجه نواف الضيقه لاحظه خالد ثم رد : " اوك اللي يريحك "

خالد : خلصت ؟!

نواف حط جواله من يده : أي خلصت ....

خالد تنهد بتعب : انت من قبل دايم تحكي كل شي عنك بس اللحين احسك مخبي ..

نواف : لا ابد ماني مخبي شي ..

خالد : انا اعرفك زين ...

نواف : اووووووووف ما رح تتركني يعني لينن اقول هااا ..

خالد : هههه و انت بعد تعرفني زين .. و دامك تعرفني يلا قول ...

نواف : حمد شاغل تفكيري ...

خالد شهق مصدوم : ايييييييش ! بس هذا ولد ؟ وش شاغلك فيه ؟

نواف : بتصدقني اذا قلت لك انه بنت ..

خالد : اذا عندك اثبات بصدقك ..

نواف بحسره : مافي أي اثبات بس احساس ..

خالد : و ان كان احساسك غلط ؟!

نواف : ما ادري .....

جت الخدامه للمجلس .....

الخدامه : سير نواف ماما يبغا انت ...

نواف : غريب وش تبي .. عن اذنك خالد شوي ..

خالد : اذنك معك ..

بس طلع من هنا دخلت عليه من هنا تتغنج و تمشي بدلع و انوثه صارخه و لبس جريء .......

خالد شهق : هئئئ انتي مره ثانيه ....

سوت نفسها زعلانه : هييييه يعني منت حاب تشوفني يا حبيبي .. انا اشتقت لك انت ما اشتقت لي يا بيبي ..

خالد بقرف : و لا رح اشتاق لك .. كم مره اقولك يا العنود اني ما عمري رح احبك ترى تعبت منك لا عاد توريني وجهك ..

العنود بطولة بال : لييييش يا ألبي وش ناقصني اجمل مني مافي ليش ما تحبني ..

خالد : اقووول توكلي بس لا يجي اخوك اللحين و يوريك بذا اللبس طالعه قدامي و لا عباه و لا شي .. ترى كبرنا ..

العنود مدت البوز : مهما كبرنا بظل احبك ( تجي تقعد جنبه و هو يبعد عنها) ...

خالد بعصبيه : ياخي فيك جراءه ما شفتها بأحد ... كيف ترمين حالك علي ؟

العنود وقفت بعصبيه : اصلاااا انا عارف انك تحب الجوهره اختي مع انها اكبر منك .. بس ما رح اسمح انها تحبك .. انت لازم تحبني انا سمعت ...

خالد يطالعها مصدوم : وش دراك بالجوهره ؟

العنود : دريت و ما رح اسكت يا نكون لبعض يا ما تكون للجوهره ..
رجع نواف و انصدم يوم شاف اخته جا جنبها و شد بشعرها ......

نواف يصارخ : اش عندك هنا ؟

قام خالد يصرف : لا تفهمها غلط يا نواف هي دخلت بالغلط للمجلس ما تدري انه فيه احد ..

نواف فك شعرها : يلا انقلعي على غرفتك لا اشوف وجهك ..

عطت خالد نظرت حقد و راحت ....

خالد الله يهديك يا بنت عمي ما عمره الحب كان بالغصب بس كيف عرفت عن الجوهره اذا حتى نواف ما يدري ... لتكون الجوهره هي اللي قالت لها بس .... ( تنهد ثم قعد )

( دقيقه نعرف بشخصياتنا الجديده و هم اخوات نواف ،،

العنود / عمرها 16 سنه بأول ثانوي بنت جميله جمال صارخ بمعنى الكلمه .. شعرهااا بني طويل ناعم .. بشرتها بيضا عيونها بنيه وساع .. شخصيتها تحقد بسرعه و شايفه نفسها و اللي تبيه تسويه و عليها مكر و دهاء رغم صغر سنها ....

الجوهره / عمرها 21 بثاني جامعه .. هي جميله لكن اقل جمال من العنود قاصه شعرها فراوله مخصلته احمر عودي و طوله بعد اكتافها بشوي عيونها عسليه تذوووب احلى ما فيها عيونها .. شخصيتها طيوووبه كثير و على نياتها ما تشيل بقلبها على احد انطوائيه شوي تحب تقعد لحالها غالبا و حالمه كثير ...

عندهم اخ اصغر منهم كلهم عمره 15 اسمه نايف ...... )

البيت كان في حالة استنفار .... و في المطبخ ...

حنان : يمه الحرمه ام البنات بتجي و لا بس البنات ؟

ام حنان : والله مدري كلمتني سميه و قالت بنجيكم العصر قلت الله يحييكم ما سألتها ...

حنان : اممم .. طيب ...

ام فيصل : حنان تعرفي تطبخي ....

حنان : هههههههههههههههههههه لا ما اعرف و انتوا خليتوني ...

ام فيصل : ههه أي والله انك صادقه .. لازم نعلمها يا ناديه ..

ام حنان : هههه أي والله لازم من بيطبخ لفيصل بعدين ...

حنان لوت فمها : مووووووو لاااااازم يسوي لنفسه ..

ام فيصل : اذا من اولها كذا بانت تاليها ...

ام حنان : يا حنان الرجال يبي حرمه تهتم فيه و تطبخ له .. يبغالي اقعد معك و افهمك ...

حنان استغفر الله ماله داعي اصلا زواجنا على ورق .. تنهدت : ماله داعي يا يمه ... (اندق جرس الباب ) ... يلا بروح افتح شكلهم جوا ..

فتحت الباب و ضمت سميه بفرح بشوفتهاا و سلمت على سوسن و امها .. اخذتهم على طول على غرفتها ..

حنان : يا ليتكم تجوني كل يوم ....

سميه : ههههه و ليه ؟

حنان : والله طفشت ...

سوسن : بنات بطلع اقعد مع الحريم ..

حنان : ههههههههههه ما ترتاحي الا تسمعي سوالف الحريم ..

سوسن : ههههه وش ابي بسوالف البزرنه حقتكم ..

سميه تخصرت : لا والله اللحين صارت سوالفنا مبزره ...

سوسن : هههههههاي يب مبزره .. يلا يلا بلحق على سوالف الحريم ..

سميه : ههه روحي محد مسكك ...

راحت سوسن .. كانت سميه قاعده تفكر متردده تقولها عن مشاعرها و لا لا .. حنان لاحظت عليها التردد ...

حنان : سمسومتي فيك شي ؟

سميه : لا ما في ...

حنان : يلااا عاااد انا اعرفك زي ما اعرف نفسي ..

سميه خلاص لازم اقولها : صـ صراحه بعترف لك بشي ..

حنان تربعت و ناظرتها باهتمام : وووووش سويتي ؟

سميه : لا لا ما سويت شي غلط لا يروح فكرك بعيد ...

حنان : عيني بعينك ....

سميه لفت عنها باحراج : وربي ماااااا سويت ..

حنان : هههههه امدح امدح يلااا قولي ...

سميه تناظر الارض باحراج : انا ..انا .. صـ صراحه ..

حنان : همممم..

سميه : ا ا ا.. ( قالت بسرعه ) احب ولد خالتك بجنون ....

حنان شهقت : هئئئئئئئئئئ ..

سميه : بسم الله وش فيك ؟؟!

حنان تفكر بينها و بين نفسها .. ياا ربي اعز صديقاتي و اللي اعدها اختي تحب الانسان اللي بملك عليه بكره .. لو درت اكيد رح تزعل وش اسوي انا اللحين .. يا ليتك ما قلتي لي يا سميه .. الا هذي البنت ما ابغا ازعلها وش اسوي وش اسوي .. اقولها عن الملكه ولا لا .. ليش ما اسكت كلها سنه و يطلقني فيصل لازم ما تدري ما ابغاها تزعل مني ...

سميه باستغراب : حناااان انا قلت شي غلط ..؟!

حنان ابتسمت : ههه لا لا ما قلتي .. ما شاء الله كبرنا و قمنا نحب ...

سميه استحت : اممم انا من و احنا صغار احبه ...

حنان تنهدت : و ليش حبيته مع اني ما اذكر اني مدحته لك بالعكس ؟

سميه : ههههه اصلا كل كلامك عنه خلاني احبه زياده .. و كذا مع الايام قلبي تعلق فيه خصوصا ...........( سكتت تتذكر الموقف )

قبل كم من شهر من الان .... جتهم سميه زياره سريعه وقتها كانت حنان تعبانه بالسرير جت تتطمن عليها .. ثم كان طالعه بترجع بيتهم وصلت الحوش و هي لساق اعده تسكر بعباته و حتى شيلتها ما لبستها ... ثم دخل فيصل و شافها و ظلوا دقييقه يطالعوا في بعض .. حست على نفسها و طلعت بسرعه من الخجل .......

كانت تفكر : اش كانت هذي النظرات ؟ معقوله يبادلني نفس الشعور ؟ يا لبيييييييييييه بس والله احبه ...

حنان تأشر قدام عيونهاا : هييييييييييه وين رحتي ؟ كملي خصوصا ايش ؟

سميه : ذاك اليوم يوم كنتي تعبانه ...................(قالت لها القصه )

حنان : ههههههههههههههههههههههههه ...

سميه رفعت حاجب : ليه تضحكين ..؟

حنان : ههههه فيصل هههههه ما عمره هههههه شاف بنت ههههههههههه ..

سميه بغرور : احسسسن ان شاء الله ما يشوف غيييييري ...

حنان دمعت من كثر الضحك : ما اتخيل شكله و هو يطالعك من جد ما شاف خير ههههههههه ..

سميه تتصنع الزعل : يلااا عااد بس اللحين بتعلقين ...

حنان : لا لا خلاص سكت ههه

سميه : اللحين بتساعديني عشان يدري عن مشاعري ..

حنان اه بس : اكييييييد بسااااعدك .. ( حنان يا ربي بس كيف رح اساعدها لو درت اني بملك عليه و بكره رح تكرهني ياا ربييييه ..)

فيصل كان قاعد مع خويه عمار بكوفي بحارتهم .....

فيصل : ولد خالتي رح يدرس معنا ذي السنه ...

عمار : ما شاء الله شي حلوو .. ليش احسك مو مبسوط ؟؟؟

فيصل : خايف عليه يا عويمر ...

عمار باستغراب : ولييييييه ؟!

فيصل ابتسم : ههه لانه حليووو ... و بمدارسه اللي قبل كان يعاني من التحرشات ..

فيصل يهيء خويهه لشوفة حنان و يقول ذا الكلام عشان يحميها معه ..

عمار : وووه ليه هو مررره خقه ؟

فيصل : اذا شفته احكم بنفسك ..

عمار : ههههههههه طيب ..

فيصل : اسمع الموضوع جدي .. و بطلب منك طلب ..

عمار : امر..

فيصل : ما يامر عليك .. انا بأتمنك عليه لازم نحميه .. انت تعرف مدرستنا فيه مشاكل و عارف انت من اقصد ..

عمار : اييييييييه فهمت عليك في ذي انت صادق .. طيب خله يشوف له مدرسه غير هذي ..

فيصل : هو انتقل لبيتنا يعيش معنا و هذي اقرب مدرسه للبيت ..

عمار : اهاا .. خلاااص لا تخاف ما رح يصير له شي ..

فيصل : ان شاء الله ..

دق جوال فيصل و المتصل وليد .....

فيصل : هلا وليد ...

وليد : امم متى بيمرني حمد ؟

فيصل عصب : وش تبي فيه ؟

وليد اش فيه كنه عصب : ما ابي شي بس اتفقنا امس انه يمرني ..

فيصل تذكر كلام حنان يوم قالت له امس انها لازم تمر وليد عشان يعطيها الشيك ...

فيصل هدأ : اييييييه صح .. خلاص متى انت تحب نمرك ؟

وليد : اووه بتجي معه ؟

فيصل : وليه السؤال ؟ فاضي ما وراي شغله اكيد بجي ..

وليد : طيب حياك ما قلنا شي .. خلاص انا بجيكم بمقهى النت اللي ألتقينا فيه اول مره بعد المغرب .. من هناك باخذكم على شقتي ...

فيصل : اوكيه اتفقنااا ....

فيصل ارسل مسج لحنان ... " جهزي حالك بنروح مقهى النت بعد المغرب بنقابل وليد عشان الشيك .."

حنان قرت المسج ... و سوسن دخلت غرفتهم ....

سوسن : يلا سميه امشي امي قالت بنرجع البيت ..

سميه : يؤؤؤه غريبه بدري ...

سوسن : بدري من عمرك نبي نسوي عشا دق علينا صلاح و قال في ناس عزمهم ع العشا ...

سميه : اهااا الله يعين على صلااح و عزايمه اللي ما تخلص ..

حنان تنهدت براحه الحمدلله بتروح في وقتها كانت شايله هم كيف بروح بعد المغرب و اخليهم ..

سميه باست حنان مع خدها : يلا مع السلامه ....

حنان : مع السلامه يا قلبي ...

بعد المغرب ارسل لها فيصل " انا برى استناك يلا تعالي بسرعه "... لبست تي شيرت و بنطلون رجالي وسيع .. لبست جاكيتها .. ثم عباتها و جت بتطلع .......

ام حنان : على وين ؟

حنان : فيصل يستناني برى بنروح السوق ...

ام حنان : وش حقه ؟

ام فيصل : نااديه خليهم اللحين هم مخطوبين لبعض ...

ام حنان : ههههه أي صح نسيت .. خلاص روحي و لا تتأخري ..

حنان عطت خالتها بوسها ع الطاير ... طلعت .. و ركبوا تاكسي وصلوا للمقهى .. كان وليد و خويه ماجد قاعدين واصلين من بدري ...

فيصل & حنان : السلام عليكم ..

وليد & ماجد : و عليكم السلام ...

بعد السؤال عن الحال و الاحواااااال .......

وليد : حياكم تفضلوا ..

فيصل : لا لا احنا مررره مشغولين نبي نخلص الموضوع اللي جينا عشانه و نمشي ..

وليد : اه طيب اجل ماله داعي نقعد .. امشوا نروح الشقه ...

حنان بهمس لفيصل : لو تشوف شقته يا فصيييل قسم بالله تجنن ..

فيصل بدون نفس : اسكتي بس من اليوم و رايح بتبدا المشاكل ..

حنان بوزت .. دايم تخرب فرحتي اووف منك يا فصييل ..

وصلوا الشقه ... فيصل متفاجأ من جمالها و فخامة المكان .. حنان لاحظت عليه ..

حنان رجعت همست له : شفت قلت لك تجنن ...

فيصل : اوووص ..

قعدوا ع الكنب ...

ماجد : اش تحبوا نضيفكم ؟

حنان : ابي المشروب اللي امس ...

فيصل ناظرها بعصبيه : لا ما نبي شي ..

وليد : ههههه انت ما تبي كيفك بس خل حمد يشرب ... مجووود جيب له عصير فروتز التوت اللي امس ..

فيصل سكت و لازال معصب ...

وليد فكر بخبث رح ارسل لنواف و اقوله ان حمد عندي بالشقه هههه .. اجل مو بفاضي و ما رح يجي هاا .. اللحين نشوف ....

وليد " نوااافووه بقولك شي .."

نواف " خير وشو "

وليد " ترى حمد عندي اللحين بالبيت "

نواف امااا عنده شكله يستهبل معي اكيد يكذب " طيب و يعني ؟ "

وليد مسوي ثقيل هاااه " اقولك انه عندي انا و هو لحالنا "

نواف بدا يعصب شكله صادق " و اذا لحالكم ؟ "

وليد " بس اقووووول .. انت ما رح تجي "

نواف " وليش اجي ! "

وليد هههه اللحين اخليك تجي غصب " انا فكرت بكلامك انه بنت .. و بما اننا لحالنا قلت بتأكد من كلامك "

نواف شهق بصدمه هئئئئئئئئ وش قصده ذا !! " وش قصدك يعني وش بتسوي "

وليد ههه و طحت يا نواف " انت تعال وشوف بنفسك .. يلا بروح حمد يستناني بغرفة النوم -حط فيس خجلان- " ههههههههههههه قسم بالله طحت ..

فيصل يناظره باشمئزاز : عطنا الشيك و خلنا نتوكل ...

وليد خزه : أي بعطيكم بس استنا المحامي حقي يجيبه .. ساعه بالكثير و يكون هنا ..

فيصل : وليه داق علينا من بدري احنا على بالنا جاهز ؟

وليد : هذا اللي صار انشغل المحامي لا تقعد تحن ..

فيصل يعض شفايفه قهر ما يدري ليش وده يكفخه ... اللحين انا بعيش مع هذا بالشقه .. الله يسامحك يا حنان ع المصيبه اللي سويتيها ...

كان لسا قاعد مع خالد ولد عمه .. انتبه فيه خالد انه تضايق من المسجات اللي قبل شوي ما حاول يسأله لان نواف بالعاده يقوله بدون ما يسأله ...

نواف الكلب وش ناوي يسوي .. طلعت حيوان يا وليد .. اللحين انا وش اسوي اروح لهم و لا ما اروح .. بس ... يااااا ربي و انا ليش مهتم .. يسوي اللي بيسويه انا مالي دخل .. لحظه لو طلع بنت صددددددق ! .. شكلي ما برتاح الى اذا رحت ...

خالد فهمه : نواف اذا حاب تروح لمكان روح ....

نواف : يا حبيبي يا خالد تفهمني بدون ما اتكلم .. أي والله ودي اروح ..

خالد : اذا تحب بجي معك ...

نواف : لا لا ابغا اروح لحالي مشوار سريع و راجع ..

خالد : اوك انا برجع البيت .. اذا رجعت ودك تكلمني دق علي ..

نواف : ان شاء الله ...

و راح بسرعه .....

ماجد يناظر وليد كان مبسوط : وش عندك مبسووووط ابسطنا معك

وليد : ههههههه اللحين تعرف ..

فيصل يناظرهم باستغراب مدري وش ورام من بلاوي ....

وليد : شبااااااب قوموا نلعب على بال ما يجي المحامي ..

فيصل بدون نفس : ماااا ابغااا ..

وليد : انت مدري اش فيك موع اجبك شي ..

حنان تصرفه : لا مو انه مو عاجبه .. بس انه تعبان شوي اليوم .. اذا تحب انا بلعب معك مع اني ما اعرف ههه ...

وليد : اوك يلا قوووم انا بعلمك ....

فيصل محد قالك دافعي عني تصرفاتك تقهرني .. اتمنى بس ما تحتكين فيهم كثير ..

عند ام فيصل و ام حنان .......

ام فيصل : وش فيك سرحانه ؟

ام حنان : يعني وش فيني افكر بمصيبة ابو محمد ..

ام فيصل : اييييييه باقي اقل من 5 ايام ...

ام حنان : ما رح نحط يدنا على خدنا الى ان يطردنا بالشارع .. انا قررت اني اشتغل ...

ام فيصل : ليكون الشغله اللي قالت لك عنها ام صلاح ؟

ام حنان : ايه هي مافي غير هالحل ...

ام فيصل : بسسسسسسس ....!

ام حنان قاطعتها : اذا عندك حل ثاني قولي لي ....

ام فيصل : لا والله ما عندي ....

نواف كان مسرع بسيارته .. وصل للعماره و صعد على طول و هو يفكر وليد اش قاعد يسوي مع حمد ... اندق الباب .... وليد ابتسم عرف انه هو ...

ماجد فتح الباب .....

ماجد : اوووه نواف !!

نواف : ماجد ؟! وش عندك هنا ؟

دخل نواف شاف وليد قاعد يلعب مع حنان و هو كاتم ضحكته .. و هناك قاعد فيصل .....

فيصل كملت الشله جاك الغثه نوااافوه ...

حنان يممممه وش جابه ذا ...

نواف اجل لحالك معه هاااااه ان ما وريتك يا وليدوووه هين انا تمقلبني ...

وليد ألتفت له كاتم الضحكه : اشوفك جيت ؟؟؟

نواف بقهر : ايييييه جيت واحد حيوان قالي ان الشقه فيها مصيبه و صدقت و جيت و طلع كذب بس ما عليك انا اوريك فيه ...

وليد ما تحمل و انفجر ضحك : ههههههههههههههههههههههههههههه ..

ماجد يناظرهم باستغراب : وش فيكم ؟

وليد : ههه ههه هههاااي ما في شي ...

ماجد سكت و وليد كمل لعب و نواف قعد و هو معصب ... بعد نص ساعه وصل المحااامي ........

انتهــــــــــى البارت