شبكة همس الشوق - عرض مشاركة واحدة

2 - 8 - 2015, 02:55 PM

بـــــــــــــــــــــــــــــارت [5]

بعد نص ساعه وصل المحااامي ........

وليد : شباب اعرفكم هذا محامي شركتنا و سكرتيري الخاص عبدالله .. عبدالله هذا حمد اللي كملتك عنه و هذا فيصل .. و الباقي تعرفهم ..
عبدالله : هلا فيكم تشرفت بمعرفتكم ..
فيصل & حنان : الشرف لنا ...
وليد : عطهم الشيك يا عبدالله ...
عبدالله : ان شاء الله طالع عمرك ....
حنان طالع عمرك !! شكله ولد تاجر بقوووه لا و تاجر مهم بعد و انا احسبه عادي .....
يقعد و يفتح شنطته اللي معه .. يطلع منها الشيك ..
عبدالله : هذا المبلغ اللي طلبته طالع عمرك ...
وليد اخذ الشيك ..
وليد : حمد تفضل و هذا المبلغ صار عندك ...
نواف يهمس لماجد : غريب هذا المبلغ حق ايش ؟ و ليه يعطيه لحمد ؟
ماجد : والله علمي علمك ... بس اعتقد انه مبلغ مقدم لشغل حمد مع وليد ..
نواف : اهااا يمكن ..
عبدالله وقف : انا استأذن تآمر على شي ثاني طالع عمرك ..
وليد : لااا يعطيك العافيه تقدر تروح ..
عبدالله : الله يعافيك طالع عمرك ....
راح المحامي ....

وليد : و اللحين اعطيتك المبلغ اللي يسدد دينك يا حمد .. لازم تنفذ اتفاقنا ..
حنان عفست وجهها بضيق : اكيد بنفذ ..
وليد : و ليش زعلان ؟
حنان : ماني بزعلان ..
فيصل : خلاص اذا خلصتوا لازم نمشي ..
نواف : ليه العجله اقعدوا نسولف ..
فيصل وش دخله ذا قال نسولف قال : ورانا شغل مبفاضيين ..
وليد ناظر نواف بخبث : خلهم على راحتهم اذا حابين يمشوا يمشوا ..
نواف ناظره بعصبيه : و انا ما قلت شي ...
فيصل : حمد يلا ... عن اذنكم ..
نواف : ع الاقل خلوني اوصلكم ....
فيصل : مشكوووور كثر الله الليموزينات ..
اخذ حنان و طلعوا ...
نواف : يا شينه ذا الادمي متكبر مدري على وشو ..
وليد : هههههه ما اشوفه متكبر بس انت معصب منه ليش انه ما خلاك توصلهم ههههه
نواف تذكر مقلب وليد : ايييييه صح يا الحيوان .. مسوي تمقلبني هااا .. ( وينط عنده قومه و مسك ذراعه صارت ملتويه ورى ظهره )
وليد بألم و ضحك في نفس الوقت : اااااااااااااي خلااااااااص والله خلااااااص ...
ماجد باستغراب : وش فيكم ؟ وش سوى لك يا نواف ....
وليد : هههههه ما سويت شي بس ارسلت مسج .........
نواف قاطعه : اقوووووول انطم و لا كلمه ... انا تسوي فيني كذا يا التبن ..
وليد : هههههههههه خلااااص خلاااااااص تووووبه ما تنعاااد ..
ماجد : ؟؟؟؟؟؟؟؟؟؟؟؟؟؟؟؟
نواف : اللحين بالله قل لي وش سالفة الفلوس اللي عطيتهم اياها ؟
وليد : فكني و اقولك ....
نواف : هذاني فكيتك يلا قول ..
حكى لهم كل شييييييي عن ابو محمد ...........

عند فيصل و حنان بالشارع .....
حنان : اللحين اش نسوي ؟
فيصل : ما يبغا لها كلامي نرمي الشيك بوجه هذا اللي اسمه ابو محمد ..
حنان : صح والله .. بس تعااااال ما عندنا رقمه و لا نعرف له مكان ..
فيصل : أي واالله .. اسمعي بعد ما لازم نصدقه يمكن يطلع كذاب ..
حنان : حتى انا قلت كذا .. و فكرت فيها وش رايك نقول وليد يكلم المحامي حقه يشوف لنا الاوراق اللي معه اذا صحيحه و لا لا ..
فيصل : فكره معقوله .. خلاص بعد ملكتنا نشوف ...
حنان : هيييييييه مصدق نفسك اشوف ..
فيصل : ههههههههههههههههه انتي اللي مصدقه نفسك ..
حنان يوووووه صح تذكرت سميه .. اش بسوي .. هئئئئئئئ ليكون امي قالت لامها عن الملكه .. ياااااا ويلي ويلااااه ان قالت لها ...
فيصل : وين رحتي ؟
حنان : هاااه لا و لا مكان ..
فيصل اش في وجهها انقلب كذا توها كانت تضحك و ما بها شي ..
حنان : يلا وقف لنا تاكسي خلينا نرجع البيت تأخرنا و فوتنا صلاة العشاء ...
فيصل : اوك اللحين بوقف تاكسي ..
في بيت ام صلااااح >> جيران حنان .. كانوا قاعدين بالصاله سوسن & سميه & امهم سوالف ...
ام صلاح : سميه ما عزمتك حنان على ملكتها بكره ....
سوسن يوووووه ليه يا يمه قلتي لها شكلها ما كانت تدري ...
سميه بالبدايه فرحت : اماا انخطبت متى و ليش ما قالت لي ؟
ام صلاح : غريبه ما قالت لك تونا درينا اليوم قالت لنا امها .. اصلا عادي اللي خطبها فيصل ولد خالتها ...
سوسن لااااااااا ليش قلتي يا يمه لييييش ( تناظر اختها كانت ساكته ماهي مستوعبه ) ...
سميه تحاول تبتسم : عن اذنكم بروح غرفتي ...
ام صلاح : سوسن وش فيها اختك ؟
سوسن قولي وش ما فيها : ما بها شي يا يمه انا بروح اشوفها ..
دخلت غرفتها وقفت قدام الشباك و قامت تبكي من قلب ماسكه على فمها بقوه عشان لحد يسمعها .. دخلت عليها سوسن و كانت متأكده انها تبكي ربتت على كتفهاا ....
سوسن : حبيبتي تكفين لا تبكين ...
سميه تشهق بكي : كذبت علي .... قالت بتساعدني ...
سوسن : انا مثلك انصدمت ....
سميه : ليش ما قالت لي بوجهي .. اذا كانت تحبه ليش ما قالت .. ليش ما علمتني عن ملكتها .. بعد كل العشره اللي بينا تطلع كذااااابه !
سوسن : خلاص لا تبكين لا هي و لا فيصل يستاهلوا دمعه من عيونك ..
سميه تضم اختها و تبكي .....

وصلوا البيت .. راحت لامها على طول ...
حنان : يممممممه ...
ام حنان : و صمممممه اش تبين ؟
حنان : يمه ام صلاح قلتي لها عن ملكتي ؟؟؟
ام حنان : اييييه قلت لها و بتجي بكره ...
حنان بقهر : ايييييييييييييش .. طيب ليييييييييييييييييش ؟
ام حنان : وشو اللي ليش و بتتزوجون بالسر انتوا ؟؟!
حنان زعلت : خلاص خلاص ..
ام حنان : ؟؟؟؟؟؟؟؟؟؟؟؟
فيصل سمع كل شي و استغرب عصبية حنان ثم دخلت غرفتها على طول بدون أي كلمه ..
في غرفتها كانت ضامه مخدتها لصدرها .....
حنان يا الله يا ترى اش ردة فعلها اللحين اكيد مفكرتني خدعتها و كذبت عليها .. اووووف هذا اللي كان ناقصني .. احسني شوي و ببكي ما رح اتحمل انها تزعل مني .... بدق عليها بفهمها كل شي .. بس اول لازم اخذ رقمها من جوال فيصل ....
اخذت الرقم و رجعت بسرعه لغرفتها ارسلت لها مسج ان هذا رقمها و صارت تدق و تدق لا رد ..قامت تبكي ..
اندق باب غرفتها .. وهي لا رد ..
اندق مره ثانيه برضو لا رد .. ثم دخل .....
كانت قاعده ع السرير دافنه وجهها بمخدتها و تبكي بصوت مكتوم ....
فيصل بخوف : حنااااان حمووو اش فيك ؟
حنان لا رد ..
فيصل شال المخده و شاف وجهها متغرق بالدموووع ......
فيصل : احد من الشباب الحقيريين سوا لك شي ..
حنان تهز راسها بـ لا
فيصل يهزها مع اكتافها : علميني وش فيك بديت اخاف ..
حنان تبكي و تتكلم : سميه زعلانه مني .. و ما عاد رح تكلمني ...
فيصل تنهد براحه : الله يسامحك خبصتي قلبي على بالي صارت مصيبه ..
حنان : احنا ما لازم نملك انا غيرت رايي ..
فيصل : هاااااااااااااه تمزززززززحين .. نسيتي انك موقعه مع وليد على ورقه ..
حنان : عادي نرجع له فلوسه لسا ما صرفناها .. بس سميه لا تزعل مني ..
فيصل : هدي .. انتي اللحين معصبه و هي ما رح تزاعلك للابد .. بس اش السبب اللي خلاها تزعل منك ؟ واش دخل زواجنا بالموضوع ؟
حنان : لانهاااااااا تحببببببببببببك ...
فيصل شهق مصدوم : هاااااااااا من متى ...؟!
حنان : من زمان و انتوا صغار ...
فيصل ما اصدق انها تحبني مو معقول ما ادري انا فرحان و لا ...
بعد دقايق هديت و صارت تفكر بمنطق ..
حنان يا حبيبتي يا سميه ارجوك سامحيني رح اتحمل كرهك لي لسنه بعدها رح تعرفين كل شي و زي ما وعدتك فيصل رح يكون لك ..

في اليوم التالي كانت الملكه كانت عزيمه بسيطه بحضور الجيران .. الا سميه و اختها ما حضروا .. حنان لبست نفس الفستان الفوشي اللي لبسته من قبل فردت شعرها و حطت مكياج خفيف و طلع شكلها مره خقه تغيرت 180 درجه .. راحوا الحريم و ام حنان و ام فيصل خلوا العرسان يقعدون مع بعض >> كنهم ما يعرفوا بعض ههه ..
ااول ما دخل فيصل خق عليها كان شكلها روعه : اللحين هذي القمر صارت زوجتي ...
حنان خربت شعرها : اووووف شكلي يجيب الهم .. اش هذا ..؟
فيصل : بالعكس والله طالعه حلوه ..
حنان : اقووول لا يكثر .. يلا انا بروح انام ..
فيصل : اللحين امي و امك خلونا لحالنا نسولف و انتي تبين تنامين ؟
حنان همست له : ليكون صدقت اني زوجتك ..
فيصل : هههههههههههه خلاص فهمنا يا حمد ..
حنان غمزت له : ايه كذا تعجبني ...
دخلت غرفتها خذت شاور سريع و رجعت شافت الجوال كان فيه مسج بي بي ..
نواف " مرحبا حمد كيفك و اش مسوي -قلب-"
ردت عليه " انا تمام انت كيفك "
نواف " بخير دامك بخير "
حنان " بغيت شي ؟ "
نواف " لا حبيت اسلم فيها شي ؟! "
حنان " لا ما فيها "
نواف " بكره وليد بيسوي حفله بشقته الجديده بمناسبة سكنه فيها و انت لازم تحضر "
حنان تبي تصرفه " لا معليش ما اقدر "
نواف " بس هو اكد علي لازم تحضر "
حنان " بس انا مشغول "
نواف " اقولك بعطيك رقم البن حقه و انت تفاهم معه ******** ضيفه عندك باسرع وقت "
حنان " ان شاء الله بكره بضيفه اللحين انا تعبان بروح انام .. تصبح على خير "
نواف " سلامتك من التعب .. وانت من اهل الخير .."
قفل نواف ثم تنهد بتعب .....

بعدها بدقايق دق عليه خالد و قاله انه بيجيه البيت ..
لما وصل بيت نواف و اول ما دخل شافها قاعده بالحديقه تشرب كوفي و تقرأ كتاب لابسه حجابها .. راح لها بفرحه .....
خالد : مساء الخير ...
ابتسمت له : مساء الورد ...
خالد انتي احلى ورده : اش تسوي بهذا الجو مو برد عليك خاصه انه بالليل ..؟
غطت فمها بيدها و تضحك : هههه يعني خايف علي ؟
خالد يا فديييييت الضحكه يا نااااس : همممم اكيد ..
الجوهره تغيرت ملامحها الى جديه : خالد ..
خالد عيوون خالد و قلب خالد و روح خالد : امريني ..
الجوهره : ممكن تقعد شوي ...
خالد لعيونك لو تبيني طول العمر اقعد مقابيلك قعدت : اكيد ممكن ..
الجوهره : فكرت بكلامك اللي ذاك اليوم لما اعترفت بحبك لي ..
خالد بدا يتوتر من ذاك ما ردت له اذا هي موافقه عليه و لا لا ..

دقيقه نرجع للماضي شوي قبل شهرين بزواج اخت خالد الكبيره منار .. بعد ما راحوا المعازيم و ظل خالد و اهله و نواف و اهله .. خالد ارسل للجوهره مسج يبي يكلمها برى .. العنود لاحظت الارتباك على اختها و لحقتها ..
هناك خالد اعترف لها بحبه .. هي سكتت من الخجل ما ردت عليه و لا كانت تبادله بنفس الشعور في هاذيك اللحظه ..
اليوم الثاني قعدت اختها العنود معها ....
العنود : جوج .. ودي اعترف لك بشي ...
الجوهره : قولي يا عنووده هذاني اسمعك ..
العنود : انا بصراحه احب شخص و احبه حييييييييل ..
الجوهره غمزت لها : ههه ما شاء الله و مين هذا المحظوظ اللي اختي الحلوه صارت كبيره و حبته ...
العنود ابتسمت بخبث : ولد عمي خالد ..
الجوهره سكتت للحظه تستوعب ثم ضحكت بهستره : هههههه خالد !!
العنود : ايه خالد احبه موووت احس اذا ما صار لي رح اموت ..
الجوهره بطيبتها : بسم الله عليك وش ذا الكلام .. ( بعد تردد سألت ) طيب كلمتيه ؟
العنود : لاا ما كلمته ..
الجوهره : هو كلمك او اعترف لك ؟
العنود : لااا .. بس اكيد رح يحبني .. عشان كذا ابيك تساعدني والله والله اذا ما صرت له و صار لي بذبح عمري ..
الجوهره تتمالك نفسها : اش فيك يا بنت اش هالجنون كله ..؟
العنود : هذا الحب و سواياه ... بتساعديني ؟
الجوهره بقلة حيله : اكيد اختي حبيبتي بساعدها ..
العنود تقوم و تضمها و تبوسها : شكراااااااااا جووووج اللحين انا مره مبسوطه ...
الجوهره ابتسمت على فرحت اختها ثم تنهدت على قلبها ....
و من ذاك اليوم و الجوهره ما ردت خبر لخالد .. و اللحين جت اللحظه ..
نرجع للوقت الحاضر ........
الجوهره : انا اسفه ما اقدر اقبل حبك لي ...
خالد مصدووووم : ط ط طيب لييييييييه ؟!
الجوهره ابتسمت له بهدوء : هههه لا تنسى فارق العمر ...
خالد : مو عذر عاادي الفرق سنه .. اللخ يخليك فكري مره ثانيه..
الجوهره : انا اسفه ماله داعي افكر خلاص هذا قراري .. انا مو البنت اللي تناسبك ( تكلمت بحزن ) رح تلاقي البنت اللي تحبك صدقني ..
خالد بزعل : بس انا ما ابي الا انتي ..
الجوهره وقفت بتقوم تدخل مسك ذراعها : اش فيك ؟
خالد : تكفييييييين لأ لا تسوينها فيني ..
الجوهر نزلت راسها للارض بزعل : مع الوقت رح تنساني ....
سحبت ذراعها و مشيت عنه .. و هي تمشي كانت دموعها مغرقه وجهها هي ما تبغا تبكي بس دموعها من حالها تطيح تمسحها ترجع تطيح ..
خالد ناظر فوق شاف العنود بالبلكون حق غرفتها ابتسمت له و عرف انها هي ورى فراقهم ...
خالد انا متأكد انه انتي يا العنود ما ادري وش قلتي لها .. الله لا يسامحك من بنت و مفكرتني رح احبك .. اوريك يا العنود ....
راح لنواف بالملحق كانت نفسه بخشمه مره متضايق بعد كلام الجوهره طلب منه يطلع معه هو سامي يتمشون يمكن ينسى همه شوي وافق نواف و طلعوا للمول ...
اما نواف في المول كان طول الوقت باله مشغول و مو معهم .. و خالد اللي سرحان .... سامي تضايق على اخوياه و هو شايفهم بهذي الحاله بس ما بإيده شي ..

في بيت الجيران ام صلاح .. ما قدرت تنام من البكي ...
سوسن : انسي يا حبيبتي انسي لا تعذبين نفسك ...
سميه بقهر : اليوم ملكتهم ..
سوسن مقهوره اكثر منها : ما توقعت كل هذا يطلع من حنان ..
سميه تروح لاختها و ترتمي بحضنها و تبكي .. سوسن تمسح ع شعرها ..
سوسن : خلااااص يا قلبي خلاص ...

اليوم الثاني اضافته حنان بالبي بي ... و فعلا قالها تحضر الحفله اللي بالشقه و بالمره تجيب اغراضها هي و فيصل و يسكنون اصلا باقي يوم واحد عن الدراسه .. راحت قالت لفيصل ...
حنان : هو يبينا نحضر لهذي الحفله وش رايك انت ؟
فيصل : انا ما ودي اكيد لان اخاف يكون في شباب كثير ..
حنان : لا انا سألت قال نفس القروب اللي ذاك اليوم اللي حكيت لك عنهم ..
فيصل : هممم خلاص نحضر الله يعين ..
حنان تذكرت : اه صح قال خلاص نجي نسكن عنده بكره الجمعه و بعده المدرسه قال لازم نجي ...
فيصل : اليوم يعني .. ؟!
حنان : ايييه اليوم .. حتى اني ضبيت لي اغراض ...
فيصل : ما شاء الله مجهزه حالك .. خلاص اجل انا بعد بضب لي اغراض و نطلع بعد المغرب ..
حنان : اووووكيه .. انا بروح اقول لامي و امك اننا طالعين من البيت ...

يوم راحت لقت امها و خالتها يتكلموا في موضوع شغل سمعتهم بدون قصد ...
ام حنان : يا الله ما ادري رح يمديني اجمع فلوس لابو محمد و اعطيه يوم الجمعه و لا لا .. اكيد رح يجي و يطردنا .. انا مع ملكة حنان نسيت موضوعه ..
ام فيصل : هممم اصلا ما اعتقد انه رح يمديك يا ناديه .. و ودي كمان ما تشتغلي هالشغله ..
ام حنان : والله الحاجه يا مها ...
ام فيصل : أي بس تبيعي و ببسطات بنص الشوارع !!
حنان شهقت من ورى الباب بصدمه : هئئئئئئ تبيع !.. ( دخلت لهم ) يمممه انتي من جدك ؟
ام حنان : يعني سمعتي ؟
حنان : أي سمعت و ياليتنيي ما سمعت .. بياعه بالشوارع ؟!
ام حنان : وش فيها ام صلاح تعرف وحده عندها بضاعه تبي احد يبيعها و ان بعتها كلها رح تعطيني المبلغ اللي ابيه ..
حنان : والله ما يندرى وش هي بضاعتها ! لا تشتغلين ...
ام حنان : محتاجين يا بنتي ....
حنان : يمه صديق فيصل اللي ساعدنا بالشقه عطانا المبلغ اللي يبيه ابو محمد بشرط ان فيصل يشتغل عنده مدة سنه ....
ام فيصل متفاجئه : هاااااااااه صدق يا حنان ؟
حنان : أي والله صدق .. يعني ماله داعي احد يشتغل احنا حلينا الموضوع ..
ام فيصل بفرح : بعد عمري يا فيصل والله انك رجال ..
ام حنان باستغراب : و متى صار ذا الكلام ؟
حنان : تقريبا قبل يومين ..
ام حنان : ورى ما علمتونا من ذاك الوقت ..؟
حنان تحك راسها : هههه نسيييييت والله ...
ام حنان : يا مال الزهايمر بس ...
ام فيصل : ندوووش بس لا تدعين على زوجة وليدي ...
حنان : هههه لا عادي يا خاله .. ندوووش تمون هههههه..
ام حنان : ههههههه يلا يلا روحي عند زوجك بس ...
حنان : همممم بس احنا بنطلع اليوم من البيت بنروح الشقه ..
ام حنان : بهذي السرعه .. بعدين خلونا نجي معكم .. ودنا نشوف شقتكم ..
حنان : ما نقدر والله (قامت تهايط على امها) الشقه اللي احنا فيها فخمه و حق ناس تجار و عند باب العماره حرس ما يدخلون الا اصحاب الشقق أي احد بيزورهم ما يدخلونه ..
ام حنان بتفكير : اهاااا السالفه تسذا يعني !
حنان كاتمه الضحكه : ايه كذا .. المهم احنا خلاص ضبينا اغراضنا و اللحين بيجي فيصل يعطيكم الشيك فلوس ابو محمد .. و بيوم التسليم بنكلم محامي يشوف اوراق ابو محمد سليمه و لا يكذب علينا ..
ام فيصل : أي والله زين ما تسووا يمكن يطلع كذاب ..
حنان يووووه لسا ما كلمت وليد ع المحامي ان شاء الله يوافق يعطينا اياه بدون مقابل >< .... بكلمه بالحفله اليوم ...

طلعوا للشقه كان الكل موجود و الجو جو احتفالات ... عرفوا فيصل على خالد & سامي & عبدالرحمن ... كانت لابسه تيشيرت سميك و من فوقه قميص خفيف و من فوقه جاكيت و جينز رصاصي وسيع ...
وليد : وش رايكم بحفلتي ...؟
حنان واااو مررره تجنن جايب بوفيه كببير و انواع االالعاب هذا العز و ما يسوي ....
خالد : صراحه روووعه .. يعطيك العافيه على هذي الحفله ..
وليد : الله يعافيك ...
وليد ناظر نواف ثم كلم حنان بخبث : اهم شي حمد عجبتك و لا ؟
فيصل اوووف بديناا اللحين .....
حنان ارتبكت : ايه حلووووه كثير ...
وليد ناظر نواف مره ثانيه : عيونك الحلوه حبيبي ...
فيصل عمى يعميك جعلك ما تشوف و يقوله لها قدامي حبك برص ان شاء الله ..
نواف بضيقه : وليد ممكن اكلمك على انفراد شوي ...
وليد وووه شكله عصب : اوك ...

راحوا غرفته في تلك الاثناء فيصل يكلم حنان ...
فيصل بهمس : انتبهي منهم هاذول الاثنين ما ارتحت لهم ..
حنان والله اني خايفه منهم : رح انتبه بس لا تقلق ع الفاضي ..

عند وليد و نواف ..
دفه ع الجدار و مسكه مع ياقته ......
وليد مصدوم : بسم الله انجنيت يا نوااااااف ؟!
نواف يصارخ : ليش تسوي فيني كذا .. انت تتعمد تضايقني ...؟
وليد : انت من جدك ؟ ترااااااااااه ولد !
نواف شد على ياقته : لااا تقوووول ولد .. انا متأكد ...
وليد تمالك نفسه : خلاص فكني ما عاد رح ازعجكم ..
نواف فكه ثم تنهد : انا اسف .. ( عطاه ظهره قام بيمشي ) خلاص سوي اللي بتسويه ما عاد يهمني .. انا راجع البيت ..
وليد : لااااا يااا نواف انا ما قصدت انك تزعل لا ترجع البيت تو السهره بدت ....
نواف بضيقه : مالي خلق ...
وليد بدى يفكر بسرعه : طيب طيب اسمع اطلع البلكون حق الغرفه اللي جنب غرفتي (الغرفه حقت حنان و فيصل اللي هي الجناح اللي بسريرين) شم لك هوى و ان ما ارتحت ارجع بيتكم ...
نواف : جد ضاقت نفسي و ودي ارجع ..
وليد بترجي و مكر : تكككككككفى نووووافي ...
نواف ابتسم اخيرا : ههه اول مره تترجى احد ..
وليد : هههه شفت كيف نزلت من قدري ... اجل يلا رح ...

راح نواف للغرفه اول ما فتحها ....
نواف ليكون هذي غرفة حمد بس ؟! اشوف في شنط هنا و اغراض .. امم يعني حمد رح ينام هنا .. خل اطلع اشم هوى بس ....
و طلع للبلكون .... رجع وليد للشباب ...
خالد بقلق : وين نواف و وش فيه ؟
وليد ابتسم له : مااا فيه شي لا تخاف يشم هوى هو اللحين ..
خالد : بروح اشوفه ...
وليد بسرعه : لا لا لا هو حاب يقعد لحاله ...
سامي يكلم خالد : ما ادري ليش انت قلقان ...
خالد لو تعرف ان حمد هو اللي شاغل باله كان قلقت زيي و اكثر : لا ماني قلقان ..
وليد طالع فيصل : فيصل تلعب معي قييييييم ..
فيصل كان بيقول لا بس حنان ردت : أي بيلعب ليش ما يلعب و بيهزمك بعد هههههه ...
وليد شكرااا يا حمد سااعدتني بخطتي كثير هههههه ...
فيصل همس لها : ليش قلت اني بلعب ما ابي ..
حنان : انت لازم تلعب و تبلع ذا الولد لاننا من اليوم و رايح بنعيش معه ..
فيصل تنهد ثم قام .. كلام حنان صدق لازم اتعود عليه ...
ماجد : شبااااااب متى بتاكلوا من البوفيه ...
وليد : عن نفسي مو جوعان ...
خالد : اذا جا نواف اكلت ..
سامي : و انا باكل مع خالد ..

ماجد : ههه و انت يا عبدالرحمن عندك احد بتاكل معه ؟
عبدالرحمن : ههههه لا مو زيهم لو باكل باكل بس مو اللحين ..
ماجد : و فيصل و حمد ؟
فيصل : انا عادي أي وقت ..
حنان : انا بعد ..
ماجد : طيب على راحتكم ...
بدوا لعب ثم لف وليد على حنان و قال .......
وليد بخبث : حمد رح غرفتكم رتب اغراضكم على بال ما نخلص قيييم ..
حنان بنيه طيبه : اوكيه ...
وليد ابتسم ابتسامه عريضه .....
عبدالرحمن لخالد : انا متأكد ان وليدوووه وراه شي .. اذا شفت هذي الابتسامه اعرف انه مسوي شي ...
خالد بخوف : يعني اش ممكن يكون ..؟
عبدالرحمن يتلفت حوله : بما ان نواف مو موجود اعتقد انه بيمقلبه ...
خالد شاف حنان رايحه غرفتها .. تذكر كلام وليد انه قاعد يشم هوى .. ليكووون وليد يكذب علي و نواف داخل غرفة حمد و فيصل .. و اللحين حمد راااااااايح هناااااااك .. وش قصته ذا وليد ؟

جا خالد بيلحق حنان استوقفه وليد ....
وليد : اه خاااالد اذا ما عليك امر تقدر تنزل البقاله اللي تحت و تجيب لنا حلااااو ....
خالد عرف انه يصرفه : اللحين ؟
وليد : أي والله يا ليت ...
خالد : ورى ما تروح انت .. انا بروح اشوف نواف ..
وليد : انا قاعد ألعب و اصلا نواف هو اللي قالي اقولك تشتري له ( يحك راسه بمكر ) بس نسيت اقولك ... تككككفى رح و اشتر لا يسوي لي سالفه ...
خالد يعض شفته السفليه قهر : اوك بروح بسرعه و اجي ...
وليد ابتسم : يسلموووووووا ما قصرت ...
خالد اوريك يا وليد الكلب ما ادري وش تخطط له .....
وليد انا ساعدتك يا نواف اللحين فرصتك تكتشف اذا هو بنت و لا ولد ههههههههه و ترتاح و تريحنا ..

دخلت الغرفه ....
حنان ( بكسل ) يوووه الاغراض مرميه بالارض متى بخلص ترتيب ؟ ( انتبهت على شباك الغرفه )غريب الشباك مفتوح مع ان الجو بارد ..يمممه ليكون في احد بالبلكون !
مشت ببطء تبي تطل تشوف مين في .. و تقرب و تقرب و طلت ...
حنان هئئئئئئئئ نواف هنااا .. الله يستر لازم اطلع بسرعه .. ما غير يذبحني فيصل ..
جت بتمشي و هي خايفه ما تبيه يشوفها .. مشت من السرعه و الاغراض اللي بالارض طاحت ....
حناان و هذا وقته اطيييييييح ! عساه ما سمع بس ...

سمع الصوت و طلع على طول يشوف مين .. كانت قاعده بالارض ماسكه على رجلها تعورها من الطيحه .. تفاجئ بشوفتها ركض لها ...
نواف : حمممممد ! تعورت انت فيك شي ؟
حنان : لا لا ما فيني شي طيحه بسيطه ..
كان قاعد معها ع الارض ضااااع بعيونها .. و هي مرتبكه و خايفه بنفس الوقت ... حاولت تقوم قام معها وقفت على رجل لان الثانيه تألمها .. كانت رح تطيح لولا انها جت بحضنه ...
نواف حتى بضمتك بنت وربي ..
بعدت عنه بسرعه ...
حنان كان خليتني اطيح احسن و لا انك تضمني : انا اسف ..
نواف لازال يناظرها و احسايسه و افكاره متلخبطه ...
حنان نظراته تخوف انا لازم اطلع : ما كنت ادري انك هنا خلاص خذ راحتك انا بطلع ....
جت بتمشي مسك يدهاااا ..
نواف : لااااا تروووووووح ...
حنان قلبها يدق خوف ..وش فيه هذا : امم اا اناا فـ فيصل يبغاني ...
نواف يسحبها لحضنه مره ثانيه .. همس لها بإذنها : انا متأكد انك بنت ..
حنان شهقت صدمه لكن تمالكت نفسها : انت تغلط انا ماني بنت ربي خلقني كذا الناس تحسبني بنت ...
نواف بعدها عنه بسرعه و رماها ع السرير ...
حنان يممممه وش بيسوي تكفى فيصل ألحقني .....
نواف يقرب منها بهدووووء : أثبت لي ...
حنان بققت عيونهااا بخوووف : كـ كيف اثبت لك ؟
نواف : افسخ التي شيرت بشوف جسمك .. احنا شباب و عادي اذا فسخت تي شيرتك قدامي و لا ...
حنان هئئئئئئئئئئئئئئئئئئئئ و اشـ واشلون افسخه .. فيصل تكفى ألحقني وش اسوي اللحين احس اني ببكي .. لا لا ما لازم ابكي عشان ما يشك ...
نواف متكتف و يناظرها : يلا انا استنى .. و لا تبيني انا افسخه لك ....
حنان لااا انا ببكي ببكي .. ابعد عني يا حقير طلعت على حقيقتك اللحين .. لحظه لحظه لازم ارد عليه : لاا لاااا تفسخه و لا شي ... اانا انا مو مجبور اثبت لك أي شي ( يا رب كلامي هذا ما يخليه يشك زياده ) ...
نواف رفع حاجبه : هههه هذا اولها مسوي تستحي ترى كلنا شباب و انا حاب اتأكد لا اكثر ...
حنان تحاول تضيع وقت : و وش بتستفيد يعني ؟
نواف : اذا عرفت بقولك ..
حنان خلص الكلام و اشلون اصرفه ذا ...
نواف : مو ناوي تفسخ .. يعني اجي ...

انتهــــــــــى البــــــــــــــــارت ...