شبكة همس الشوق - عرض مشاركة واحدة

4 - 8 - 2015, 03:10 PM

بـــــــــــــــــــــــــــــارت [31]

هتان : طيب طيب يلا حرك خلنا نمسك الخط ..
عساف : يلااا .. تسابقني ع الخط ؟
هتان : متعديك من اللحين ..
عساف : هههههه نشوف ..
راح ركب سيارته و مشوا ع الخط السريع طالعين للرياض ..

فيصل ركب مع نواف بسيارته و وقفوا شوي قدام بوابة المدرسة .....
نواف : اللحين قول لي كيف انخطف من قبل ؟
فيصل حكى له كل الساااالفه ...
نواف : ورى ما علمتونا ليه سكتوا ؟؟
فيصل : ذاك اليوم رجعه للبيت ما كان فيه داعي نعلمكم ...
نواف بعصبيه : لو دريت ما كان خليت الكلب هتان عايش ...
فيصل : اللي صار صار خلنا اللحين نشوف وينه ...
نواف : و ترى مو متأكدين ان هتان خطفه .. يمكن صاير معه شي ثاني ...
فيصل : انا متأكد محد بيسويها غير هتاان ...
لف فيصل ع الشباك يفكر اش يسوي .. لفت انتباهه شي مرمي ع الارض ... نزل بسرعه من السيارة ..
نواف بصراخ : خييييير وش فيك ؟!
فيصل ما رد و راح مسك الشي اللي شافه ع الارض .. نواف نزل يشوف وش سالفته ...
فيصل لف ع نواف : هذي غترة حمد ...
نواف : غترته ؟!
فيصل وقف و يهز بكتوف نواف : هذي غترته متأكد .. اكيد اخذوه غصب .. تكفى لازم نساعده ...
نواف ابعد ايدينه : انا اكثر واحد ابي اساعده بس ماني عارف كيف ... ( بعد تفكير ) .. امش معي و وريني الاماكن اللي يفحط فيها هتان بالعاده ..
فيصل : اييييه صح يمكن نلاقيه ..

ركبوا بالسيارة و بدأوا يدوروا ....

بسيارة هتان ....
مشاري : اخيرااا طلعنا من الشرقيه و صرنا على خط الرياض .. ( قام يصفق و يصفر ) ..
هتان : يااا ورع الولد نايم ورى لا تزعجه ...
مشاري : هههههههههه خله يصحى يستانس معنا ...
هتان : ههههه نااادر صحييه ...
نادر قاعد يتأمله : حراااام خله ينام ..
هتان رفع حاجب : اييييييييش ؟!
نادر : لا و لاشي ...
قعد يصحيهاا ما صحت مفعول المنووم كان قوي عليها ...
مشاري : اممم شكله ما وده يشاركنا وناستنا ...
هتان : اتركه الى وصلنا بنصحيه غصبا عنه ..
مشاري : اقولك ما عندك اغاني مسرعه .. تصلح ع الخط ...
هتان : أي شوف بالدرج .. عندي واجد ...

داروا كل الاماكن اللي يعرفها فيصل و اللي توقعوا ان هتان ممكن يكون فيهاا و ما لقوا احد ...
نواف : صار لنا ساعتين ندور بالشوارع .. ما استفدنا شي .. خلنا نبلغ الشرطه ...
فيصل : قلت لك الشرطه بتعقد الموضوع .. اخاف يروح حمد للسجن بتزوير ( و المشكله ما عندها هوية ولد يعني لو درت الشرطه بتروح فيهاا .. يااا ربي وش السواة )...
نواف : طيب ما تعرف احد يعرف هتان ؟ .. يمكن يعرف هتان وين ..
فيصل يفكر : آه صح تذكرت واحد اسمه عادل .. يمكن يعرف شي .. بس رجعني الشقه اول عشان جوالي ...
نواف : اوكيه ......

في دبي .. خلص وليد اجتماعه مع الشركه .. و هم طالعين من الشركه ....
ماجد : اخيرااا خلصناا ...
وليد : هههه من جد كان الموضوع متعب .. بس تبي الصراحه انت صدمتني ...
ماجد استغرب : ليش ؟
وليد : كيف قدرت تقنعهم يشاركونا براس مال اقل من اللي كنا مخططين له بالميزانيه ؟
ماجد ابتسم : حبيبي سر المهنه ...
وليد : ههههههههه تعجبني والله ...
ماجد : احم احم شكراا ..
وليد : وين تحب نروح اللحين ؟
ماجد : ودي ارجع الفندق احط راسي و انام ..
وليد يناظر ساعته : اللحين الساعه 3 و نص العصر وقت طلعات .. خلنا نروح نتمشى بما ااننا في دبي ..
ماجد تنهد : يعني لازم ؟
وليد : ايييه لازم .. و نبي نصور و ننزل في الانستقرام عشان نقهر بعض الناس ...
ماجد : ههههههه قصدك نواف و الدحمي ...
وليد : ايييه عبدالرحمن قهرني قلت له تعال معنا لدبي رفض ...
ماجد : يمكن مشغول ..
وليد : ما عنده أي شغل إلا اذا تقصد مشغول بسهراته هذا شي ثاني ..
ماجد : هههههه و هو فيه غيرهاا ..
وليد فتح البي بي يشوف اذا عادل(هتان) رد على رسالته و لالا .... غرييييب ما قرا رسالتي الى اللحين ... اصلا انا خربت كل شي ...
ماجد حط ذراعه ع رقبة وليد : لا تزعل بتلقى مقالب غيره ( ويأشر على جوال وليد ) ...
وليد ابتسم له ....

نرجع لفيصل & نواف بالشقه ... اخذ فيصل جواله و قعد يدور رقم عادل ..
فيصل بانفعال : قهررر ما عندي رقمه ( مسحت كل شي يتعلق بهتان من بعد الحادث ) ...
نواف : ما تعرف احد عنده رقمه ؟
فيصل : امممم .. يمكن عمااار .. خل ادق عليه اشوف ...
نواف : يلا بسرعه ...
دق فيصل عليه رد عمار ع طول ...
فيصل : عمااار تكفى قول لي ان رقم عادل او هتان عندك ..
عمار : بسم الله وش فيك .. ليه تبي رقم الزفت هتان ؟
فيصل : الحقير خطف حمد ..
عمار انصدم : كيييييييييييييف ؟!
فيصل : تكفى ما عندي وقت لازم اعرف وينه هتان .. عطني رقمه او رقم عادل اذا كان عندك ..
عمار ما لازم يعرف ان رقم هتان عندي : هتان الكلب ما عندي رقمه بس عادل عندي .. برسله لك مسج .. بس قول لي اللحين انت وين و انا بجيك ..
فيصل : انا بالشقه ... يلا انتظر المسج ..
عمار : طيب .. انا جايك ..
قفل من عمار ..
نواف : لقيت شي ؟
فيصل : اللحين بيرسل لي رقم عادل .. ممكن عادل يعرف شي ..
نواف : ان شاء الله انه يعرف شي ...
بعد لحظات وصل المسج لـ فيصل .. ع طول دق على عادل ... و بدون مقدمات سأله ...
فيصل : عاااادل تعرف هتان وينه اللحين ؟
عادل : هذا انت يا فيصل ؟
فيصل : أي انا اخلص قول لي هتان وينه ...
عادل : انا سمعت كلام بس ما ادري اذا صدق او لا ..
فيصل بصراخ : تكككككككلم !
عادل : اعصااابك ماني مجبور اقولك ...
فيصل رمى الجوال ع الكنبه : نواف تكفى تفاهم معه انا واصل حدي ممكن اروح لمكانه و اذبحه خله يتكلم ...
نواف اخذ الجوال : انت روح الحمام -الله يكرمكم- غسل وجهك مررره معصب و بكذا ما رح تقدر تفكر ...
فيصل راح .. و نواف يكلم عادل ..
نواف : الو عادل معك نواف ..
عادل : مين نواف ؟
نواف : صديق فيصل .. اللحين مو مهم قول لي تعرف هتان وينه ؟
عادل : ليه مهتمين تعرفون مكانه ؟
نواف : تعرف و لا نشوف غيرك !
عادل : لا لحظه .. انا زي ما قلت لفيصل سمعت كلام بس ما ادري صدق و لا لا .. سمعت واحد من شلته يتكلم عن طلعه للرياض ..
نواف بصدمه : الله اكبر الرياااااااااااض مره وحده !
عادل باستغراب : ليه هو في شي ؟ .. و اش تبغون من هتان ؟
نواف : مو شغلك و يلا مع السلامه ..
قفل بوجهه ثم نادى فيصل ...
فيصل : عرفت شي ؟
نواف : طلعوا للرياض ...
فيصل بخوف : الريااااااااااض ! و حمد معهم ؟ .. كيف و ليش ؟
نواف : اسمع انا عندي فكره .. عطني مواصفات سيارة هتان و اذا عارف اللوحه بعد كويس .. انا اعرف شرطي مرور في الرياض كان صديق خالد من ايام الثانويه .. بكلمه و اعطيه المواصفات و هو رح يشوف ..
فيصل : اهم شي ما تبلغ عن اختطاف ..
نواف : لا لا بنقوله ان هذا خوينا و حابين نعرفه مكانه لا اكثر و هو ما رح يدقق ..
فيصل : طيب طيب انا بعطيك مواصفات سيارة هتان .. و اللوحه متذكرهاا ..
نواف : حلووو ....
فيصل : ......................

مرت ساعتين على خط الرياض لازالت حنان نايمه ....
هتان : الى الآن ماشيين تمام و ساهر ما لقطنا ..
مشاري : بس لازم نلزق ع اللوحه ..
هتان : شوف فيه محطه قدام بنوقف فيهاا ...
وصلوا للمحطه .... وقفوا يعبوا بنزين ...
هتان : انا بنزل اشتري سجاير ...
مشاري : انا بجي معك بشتري شوية اغراض ...
نادر : انا بعد ودي اشتري مشروبات ..
هتان : لااا كيف تنزل و هذا من يقعد معه ( يقصد حنان ) ..
نادر : ودي بأشياء اشتريها طيب ...
هتان : قول لنا و احنا بنشتري لك اياها ..
نادر : ابي 3 حمضيات و 2 بيبسي ..
مشاري : هههههه وش تبي بهذي كلهاا ..
نادر : نتسلى ..
هتان : طيب طيب يلا ...
اثناء ما راحوا .. حنان بدت تصحصح شوي ... ثم قعدت و مسكت ع راسها ...
حنان : وش ذا الألم !
نادر ناظرها : وش ذا الصوت النعومي ؟
حنان شهقت : هئئئئئئئئئئئئئئئئئئئئ اناااا وين ؟ ( تتلفت حولها بخوف )
نادر : آآآآش ..هذا وقت تصحى ...
حنان انفعلت و بدت تصارخ : تذذذذذذذكرت ...اخذتوني ...انتواا .. لا لا بتاخذوني للرياض ...
نادر حط يده ع فمهاا بقوه : آآآآآآآش عمى ان شاء الله .. خلك ساااكت ..
حنان تحاول تبعد يده من ع فمها ما قدرت .. فكرت تهرب من السيارة ... بس نادر كان ماسكها بقوه ...
نادر : اشوف ودك تهرب هاااه ..
حنان تضرب فيه و تدفشه .. ماااش ماا قدرت عليه ... لازال حاط يده ع فمهاا و ماسكها بقوه بيده الثانيه لدرجة لزقهاا بجسمه ...
حنان تهمهم ماهي قادره تتكلم بس تقوله اتركني يا حيوان ...
نادر : تأخروا هاذيل .. انت اهدا و لا قسم بالله لا اكفخك هناا ..
حنان خافت و هدت شوي .. انا لازم اهدا ما رح اقدر اقاومه هو رجال و انا .......... احس اني ببكي .. بس اخاف يكشفوني .. لازم اهدا لازم اعرف انا وين اللحين عشان اقدر اتصرف ...
حنان ابعدت يده من ع فمها غصب : لا تحط يدك خلاااص ما رح اصارخ ..
نادر : يعني هديت اللحين ؟
حنان : ايييه ما رح اسوي شي بس فكني لا تمسكني كذا ...
نادر : اذا هربت انا اللي بنتكب ...
حنان : والله ما اهرب بس فكني .. ماني مرتاح بهالوضع ...
كان ماسكها مع خصرهاا و مقربها له مره .. حتى و هي تكلمه لاف عنه لان وجهه قريب منها ...
نادر : هههههههههههههههههههههههههههههههههه ...
حنان استغربت و خافت ثم لفت عليه .. و بعدين رجعت لفت للشباك مره ثانيه : وش .. وش .. عليه تضحك ...!
نادر : ياااا ربي ع اللي يستحون .. قسم بالله كنك بنت ...
حنان بدت تتوتر : مـ ما استحيت من أي شي .. وش وش ذا الحكي ؟
نادر : خلني اجل على وضعي ما رح اتركك ..
وصل هتان و مشاري و معهم الاغراض ... فتح الباب اللي ورى عشان يعطي نادر اغراضه ...
هتان ابتسم : اووووه الحب صحى ..
نادر : ايييه و كان بيهرب ...
حنان ناظرت هتان بخوف : لا لا ما كنت بهرب ..
هتان : ههههه تعجبني ...
نادر : وراكم تأخرتوا بالبقاله ..؟
هتان : ياخي قابلناا الشله هناك ... و قاعدين يتحدون و المشكله اني انا سابقهم طول الطريق ..
نادر : هههههههههه اكيد تهاوشت مع عساف على مين الاول ..
هتان : ههه ما يحتاج اتهاوش انا الاول ... ( دقق على نادر اللي لا زال ماسك حنان ... و حنان اللي لافه للجهه الثانيه ..) اقوووول خلاص اتركه .. و لا عاجبك الوضع ؟
نادر : هههههااي وش اللي بيعجبني .. انا مسكته عشان لا يهرب .. ( تركهاا ) و اللحين هو على مسؤوليتك ...
مشاري كان عند العامل تبع البنزين يعطيه فلوسه : وش فيه ؟
هتان : ابد حبيبناا صحى ... و شكله اخيراا وافق يخاوينا ..
مشاري : أمااا .. اجل اكيد انه مبسووط ..
هتان طلع مفتاح سيارته من جيبه و رماه لمشاري : خذ انت كمل باقي الطريق ...
مشاري مصدوووم : هتااااااان .. يعطيني .. مفتاح .. سيارته ؟؟؟! وش صار بالدنيا ؟
هتان : بعطيك بس انتبه يصير شي بسيارتي والله لا تروح فيهاا ..
مشاري يمثل الخوف : لااا اجل ما ابي اسوق تورطني معك انت .. سوقهاا مع نفسك ..
هتان : اممم لا خلاااص ما بسوي لك شي بس انتبه لسيارتي .. انا بقعد مع الحب ورى نسولف و كيذاا ..
مشاري : ههههههههههههه تسولفون هاااه ...
هتان : اقووول شغل السيارة بس و لا يكثر لا اجي اتوطى ببطنك ...
مشاري : ارحمممممني يا الحبيب ههه ...
هتان : طولت السالفه ترى ما تبينا نمشي يعني ؟؟؟؟؟؟
مشاري : خلني ألزق ع اللوحه اول .. يقولون ساهر قدام بعد 10كلم ..
هتان : اوك يلا روح ... ( ناظر نادر ) انت انزل اركب قدام ..
نادر : اوووكيه ...
ركب هتان مكانه .. و هو مبسووووط طبعاا .. حنان ما لفت عليه ابد ..
هتان : احم احم ...
حنان : ............... لارد
هتان : هييييه نحن هنا !!!
حنان ما ناظرته و لا ردت ...
هتان لف وجهها عليه : لما أكلمك رد ..
حنان معقده حجاجها بعصبيه : ليش سويت كذا ؟
هتان : اخيرا تكلمت .. انا ما سويت شي ...
حنان : رجعني بيتنا .. اللحين رجعني ..
هتان : همممم ما اقدر و لا انت غالي طلباتك اوامر ...
حنان بزعل : ليييييييه ما تقدر ... طيب خلني انزل بتاكسي و هو يوصلني ..
هتان : معك فلوس قيمة المشوار ؟
حنان تفتش مخابيها : مـ معي 20 ريال ...
هتان انفجر ضحك : ههههههههههههههههههههههههه ..
حنان بجديه : لا تضحك انا معي فلوس اكثر بس بشنطتي .. وينها شنطتي ؟
هتان : هههه تركناهاا ههههه في المدرسه ... ههههه اجل 20 ريال هااه ههههههه ..
حنان مستغربه ضحكه المتواصل : ما قلت شي يضحك ..
هتان : حبيبي باقي 170 كلم و نوصل الرياض اي تاكسي هذا اللي بيوصلك 230 كلم بـ 20 ريال ...
حنان فتحت عيونها ع آخرر شي : الرياااااااااااااااض ! يعني ( قربت وجهها للشباك تتأمل المكان شافت صحرا ) انت صدق خطفتني للرياض ؟
هتان : لاااه لاااه وش خطف و ما خطف .. ( طلع جواله و سمعها التسجيل ) .. هذا مو صوتك ؟
حنان و الصدمه ع وجهها : إلا ..
هتان : يعني انت جيت معنا برضاك ...
حنان : لاااااا انا ما ابي اجي معكم ..
هتان : حبيبي مافي شي يثبت اننا اخذناك غصب .. ما تقدر تشتكي .. بعدين شوف الامور من ناحيه ثانيه .. احنا رايحين ننبسط ما رح يصير لك شي ...
حنان : بس انا .......
هتان قاطعها بنبره حاده : و بعديييييين تراك بديت تغثني ...
حنان خافت و سكتت ثم لفت وجهها عنه ...
هتان فتح الشباك و نادى : مشااااااااري ما خلصت ...
مشاري : يلااا ثواني و بخلص ...
هتان : بسرررررعه تعدونا الانذال .. لازم نسبقهم ...
مشاري : ههه هذا همك .. يلاا اللحين جاي ...
خلص شغله و ركب السيارة و كملواا الطريق .......
هتان : يااا جميييييل عطني وجهه ...
حنان : ............ لا رد ..
هتان غرس اصابعه بشعرها بخفه : وراااااه الحلو زعلان ..؟
حنان لفت بعصبيه و شالت يده بقوه و صرخت : خييييييييييييييييييييير !
هتان : وه وه وه اش بلاك ؟
مشاري يناظرهم من المرايا الاماميه : هههههه وش سويت له ؟
هتان : هههه ما سويت شي .. هو مدري اش فيه خااايف !
مشاري : هممم يمكن تعرض لموقف ...
هتان : أماا اش موقفه ؟
مشاري : انت فاااهم قصدي ...
هتان لف عليهاا : هيييه وليد .. في احد تعرض لك من قبل ؟
حنان : .........لارد
هتان : اووووووووف .. مشااااااري انا اذا زهقت وش اسوي ؟
مشاري : اوووه تخوووووف ما ترحم ..
حنان تسمعهم و خايفه .... تخاف اذا تكلمت تنفجر بكي ...
هتان : و اذا احد ما رد علي وش اسوي فيه ؟
مشاري : لااا هنا ممكن تذبحه ...
حنان لفت بخوف : تذذذذذذذذبحه ؟!
هتان & مشاري : ههههههههههههههههههههههههههههههههه ....
حنان ليش يضحكوا .. انا متوتره و اعصابي ما تتحمل و هم فالينهاا .. اذا اذا وصلنا الرياض بحاول اهرب .. و بشوف لي طريقه اوصل لفيصل يجي ياخذني من هنا ......
هتان : بلاه نادر ماله حس ؟
مشاري : هههه هذا بسابع نووومه ..
هتان : هههههههه لقاها من الله انه يقعد قدام ...

عند فيصل و نواف .. كلموا الشرطي اللي بالرياض .. ما لقى الى اللحين أي سيارة بمواصفاتهم ... عمار وصل للشقه ...
فيصل : بما ان السيارة مو في الرياض ... في احتمالين .. ممكن يكونوا هنا بالشرقيه ما مشوا ... او يكونوا على طريق الرياض ...
عمار : كل احتمال أزفت من الثاني ..
نواف : وش نسوي اللحين مستحيل نقعد كذا و ننتظر خبر ..
عمار : وش تبينا نسوي ؟
فيصل : اذا عندك أي فكره قول .. احنا قلقانين عليه اكثر منك .. انت ما تعرف هتان و اش ممكن يسوي ..
عمار يهدي الوضع : لا تفكر بالاسوء ...
نواف : اسمعوا كلموا هتان نفسه و تأكدوا ..
عمار : هه كنه بيعلمنا هذا اذا رد علينا اصلا ..
نواف : جربوا منتوا بخسرانين شي ..
عمار يفكر بكلامه : ليش لأ ..
فيصل : بس ما عندنا رقمه ..
نواف : زي ما جبتوا رقم عادل جيبوا رقم هتان ...
فيصل لف ع عمار : عماااااار انت معك رقم هتان ؟
عمار بتردد : آ آ انا كنت بمسحه والله ..
فيصل : وش تقول انت مو وقته اللحين .. عطني الرقم ...
عمار : اوك ...
عطاااه الرقم و دق فيصل ع هتان على طووووول ........

بسيارة هتان .. دق جوااااااله ...
هتان : اووه هذا جوالي .. شفه بدرج السيارة ..
مشاري فتح الدرج و طلع الجوال : خذ ...
هتان ناظر الاسم اللي بالشاشه : أمااااااااااااااااااااااا ..
مشاري : وش فيك ؟
هتان : تخيل من داق علي ...
مشاري : مين يعني ؟
هتان : فيصل ..
مشاري انصدم : فيييييييصل ما غيره ..
هتان : ايه رقمه للحين عندي ... كنت اتمناه يدق .. بس وين .. اللحين ماني راد عليه ...
حنان : هذاااا فيصل اكيد قلقان علي .. تكفى خلني اكلمه ...
هتان : امعصي والله لو ايش ما اخليك تكلمه .. و ان بغيت انا اكلمه بكلمه و انت بعيد .. و لا احط لك منوم عشان ما يطلع لك حس ...
حنان : حرااام عليك ما تخاف يبلغ الشرطه ...
هتان : عادي يبلغ ما سوينا شي غلط احنا .. مشاري احنا غلطنا شي ؟
مشاري : لا ابد طلعنا نتمشى للرياض بس ..
حنان لفت للجهه الثانيه و قالت بصوت خفيف : الله لا يوفقكم ..
هتان حط يده ع كتفها بعصبيه : قلت شي ؟
حنان خافت : لاا ما قلت شي ..

يتبع