شبكة همس الشوق - عرض مشاركة واحدة

7 - 8 - 2015, 11:33 PM

تابع.....

هتان & فيصل راحوا للبحر ...... قرب وقت الدوام ينتهي ....
فيصل : ماني مصدق ان يومي كله كان معك انت ...
هتان : هههههه ما استانست معي ...
فيصل : قاعد اعد الدقايق عشان افتك منك ...
هتان : قول قرارك طيب ...
فيصل : بسألك مره ثانيه ... اذا وافقت على طلبك .. اكيد رح تنسى وليد ؟
هتان : اكيد و بحلف لك بعد ...
فيصل تنهد : اوكيه بوافق ما عندي حل ثاني ..
هتان استانس و صرخ : يييييييييييييييييس .. ( يهز فيصل مع كتوفه ) اخيرااااا بنرجع زي زمان ....
فيصل : هيه هيه هيه .. ما بنرجع زي زمان .. ما عمري رح ارجع زي زمان لا تتأمل ...
هتان : المهم انك وافقت تخاويني .. بعد شوي بينتهي الدوام .. و ساري الكلب تحداني امس ابيك تعزز لي ...
فيصل : ماني برايح تفحيط ....
هتان : اجل موافتك على ايش بالضبط ؟؟!
فيصل انقهر : تبي ترجعني لنفس الطريق ؟
هتان : وش فيك ؟.. اياامها كنت مبسوط و فااالها ع الاخير ..
فيصل : اللحين انا تغيرت ..
هتان : ما عليك اذا شفتني افحط بتتذكر الايام الحلوه و بتحن لها حتى رح تجيني بنفسك و تطلب مني السياره عشان تفحط ...
فيصل : كل تبن بس مستحيييل ..
هتان : هههههه نشوف .. امش معي بس ...
فيصل : هتااانوه لا تجبرني على هذي الاشياء ...
هتان عصب : كانك تبي تحمي ولد خالتك اسمع الكلام .. انت تعرفني انا ما عندي ذا الكلام الفاضي .. و انت وافقت تصرف كنك خويي حتى لو ما تبي ..
فيصل تحمل يا فيصل عشانها .. كلها سنه و بينتهي هذا كله ... اهم شي حنان تكون بأمااان ...

نواف سحب على مدرسته ... مع ذلك صحا من الساعه 9 .. و قعد للظهر مع نفسه يفكر بكل شي .. و وده يتكلم مع أي احد يمكن يرتاااح ..... بعد صلاة لظهر دق على خالد .. كان في كليته توه طالع منهاا ... طلب منه انه يمره البيت ....
وصل خالد بعد نص ساعه و قعد مع نواف بالحديقه ...
خالد : من دقيت علي و انا مشغول بالي .. وش صار ؟
نواف تنهد بضيق : تعبت هذا اللي صار ...
خالد : و اش اللي متعبك ؟
نواف : كل شي .. كل شي تعبان منه ....
خالد : نوووواف صارحني .. اش حصل لك ؟
نواف : حمد يكرررررهني ....!
خالد : اللحين بس هذا اللي صار ؟!
نواف : خالد لا تحسسني كأني سخيف و ما عندي سالفه ...
خالد ابتسم : وش تبيني اقول لك ..؟
نواف : ما اادري بس ........
خالد : يااا نواف ليش هذا الولد عالق بمخك كذا .. انسااااه و قضينا ...
نواف : والله العظيم لو يطلع بنت لا اتزوجها و لا رح اتزوج غيرها ...
خالد : هههههههههههههههههه الله يهديك .. و ان كان ولد .. لا تقولي بتسوي له عملية تغيير جنس ...
نواف : هيييه انا متضايق و انت تطقطق علي !
خالد : هههه اعذرني بس كلامك ماله أي منطق ...
نواف : لازم تثق فيني و في كلامي .. شوف انا قلت له يوريني هويته و الى اللحين ما جابها .. يعني الى اللحين انا متأكد انه بنت ...
خالد : و ان جابها ؟!
نواف : ما اظن ان عنده هويه اصلا .. قلت لك احساسي ما يخيب ...
خالد : والله ما ادري ... انت و تفكيرك ...
نواف : خلاااص انسى ...
خالد : اللحين داق علي و جايبني و بالاخير تقول لي انسى ...
نواف : انت قعدت تتمصخر علي ...
خالد : هههه والله ما كان قصدي بس سالفتك صارت نكته ..
نواف : اييه اضحك اضحك الشرهه ع اللي يقولك ..
خالد : خلاص خلاص ما عاد بضحك .. بس متشوق اعرف نهايتك مع هالقصه ...
نواف : قريب بتعرف .. انا اللحين متحمس اكثر من قبل اعرف هويته الحقيقيه ...
خالد : الله يعينك على تفكيرك ...
وصلت الجوهره للبيت جايه من جامعتهاا .. انتبه فيها خالد ... ابتسم يوم شافهاا و صار يناظرهاا و هي داخله للبيت .. الى ان اختفت عن انظاره ..
نواف : هييييييه .. خف على اختي شوي ..
خالد : ههههه آسف ..
نواف : اش رايك تتغدا عندنا اليوم ؟
خالد : لا ما ابي اثقل عليكم ..
نواف : اقول تعرف تنطم .. قال اثقل عليكم قال ..
خالد : هههه شكلك ما رح تخليني ارجع البيت ..
نواف : تغدا معنا بعدين سوي اللي بتسويه ..
خالد : أمرك يا سيد خالد ..
نواف : على بال ما يجهز الغدا خلينا نلعب بلاستيشن شوي ..
خالد : اجل من اللحين انت مهزوم ...
نواف : ههههاي قابلني بعدين ..

طلعوا من المدرسه .. و كل واحد راح لبيته .. حنان راحت مع السواق ..
وصلت البيت .. راحت ركض على غرفتها تدور فيصل .....
وليد : يااا ولد وش فيك ؟
حنان بخوف : فيييصل .. فيصل وينه ؟
وليد باستغراب : مو داوم معك ؟؟؟!
حنان : يعني ما كان بالبيت !؟
وليد : صحيت الساعه 7 ما كان فيه احد بالبيت غيرري ..
حنان قعدت ع الكنبه و هي ميته رعبه : يعني وين رااااااح !؟
وليد : فهمني وش صاير ؟
حنان : طلعنا من البيت مع بعض بس انا رحت بالسياره و هو مشي على اساس نتقابل بالمدرسه بس ما جا ...
وليد : همممم يمكن راح بيت اهله ..
حنان : صصصصح يمكن .. ما فكرت ... اللحين بدق عليهم ...
راحت ركض لغرفتها اخذت الجوال و دقت على امهاا ...
حنان : الوووو ...
ام حنان : هلا والله هلا بحنان ..
حنان لازم اشوف لي طريقه اسألها بدون ما تحس : هلا فيك يمه .. كيفكم و اش اخباركم ..؟
ام حنان : الحمدلله بخير .. انتي كيفك و كيف فيصل ؟
حنان سألتني عن فيصل يعني مو عندهم ؟ : كلنا بخير ... امممم
ام حنان : فيك شي ياا حنان ؟
حنان : لا لا بس فيصل ما مركم اليوم ؟
ام حنان : لأ ما مرنا .. عسئ ما شر ..
حنان : ما شر يا يمه .. كلمني و قالي انه عندكم اجل يكذب علي .. يمه تتوقعين انه يخونني ؟!
ام حنان : ههههه تغارين عليه ؟!
حنان : ايييه اغااار .. بس هذا كل الموضوع ..
ام حنان : يا بنتي يمكن كان بالسوق يشتري لك شي بيسويه لك مفاجأه .. مستحيل يخونك .. توكم متزوجين ما صار لكم ...
حنان اللحين بصرف امي : اييييه صح يمكن بيشتري لي هديه لاني تفوقت بالرياضيات امس ... حتى انه سألني اش تحبي اكثر شي من الهدايا ...
ام حنان : هااا شفتي كيف ظلمتيه ..
حنان تسلك : صح صح ظلمته .. يلا انا لازم اسوي الغدا ..
ام حنان : و سلمي ع فيصل ...
حنان : ان شاء الله ..
حنان زين مني اني قدرت اتصرف مع امي و ما اخليها تحس بشي .. بس اني اغار عليه !!! ههههه ما عمري رح اغار .... طيب هو مو عند امي اجل وينه ؟؟!
طلعت للصاله ماكلها القلق اكل ....
وليد : وش صار ؟
حنان : مو عند الاهل ...
وليد : طيب انت ليه قلقان و خايف عليه كذا ؟
حنان : هذا فيصل كيف ما اخاف عليه ..
وليد : ههه عارف انه فيصل .. بس خوفك عليه ما تحس انك تبالغ ؟...
حنان : .........لارد
وليد : وااااضح انك تحبه ...
حنان بسرعه : لااااا انا ما احبه ... اقصد ايه احبه لانه اخوي ...
وليد : هههههههه طيب انا عارف انك تحبه كأخ ... و لا انت قصدك شي ثاني !؟؟
حنان : ايييه كأخ يعني اش ممكن يكون !؟
وليد : ان شاء الله بيرجع ...
حنان معقول يكون زعلان مني عشان كذا يسوي فيني هالحركه .. ما يدري اني رح اقلق عليه ! .. وينك يا فيصل وينك !؟

عند هتان & فيصل .. راحوا للمكان اللي تعودوا يفحطوا فيه ... طبعا اول الواصلين كان هتان و فيصل ما كان فيه احد غيرهم ...
هتان : اذا جا التبن ساري ابي اوريك مهاراتي .. خلال السنتين اللي راحوا تعلمت تخميسات جديده .. انا متأكد انها رح تعجبك ...
فيصل : ما رح تعجبني ارتاح ...
هتان : هههه .. صدقني مبسوط لانك بتكون جنبي بتحدي اليوم ..
فيصل : و انا كاره نفسي لاني بكون جنبك اليوم ..
هتان : يااا رجاااال هونها و تهون .. تخيلني هيثم ..
فيصل عصب و مسكه مع ياقته و لزقه بالسياره اللي متسند عليهاا : اتخسي تكون هيثم .. و اذا تبي حياتك انتبه تجيب طاريه على لسانك مره ثانيه .. والله و الذي لا اله إلا هو لا امسحك من على وجه الارض ...
هتان يناظر عيون فيصل مشتعل غضب اول مره يشوفه كذا لدرجة انه خاف منه .. كل هذا عشان هيثم عشان واحد مات من سنتين !
هتان : خـ خلاص ما بجيب طاريه .. ارحمني !
فيصل تركه : المره هذي تحذير المره الجايه انت عارف اش بسوي ..
هتان : خلااااص يا ابو مااا صارت ...
فيصل : الى متى بنستنى هنا ؟ تراني زهقت ابي ارجع البيت ...
هتان : شوي و بيجون كل الشله ...
فيصل تنهد بتعب : متى اخلص منك بس !
هتان حز بخاطره لكن سكت ... متى متى بيصير في قلبك لي معزه يا فيصل لو شوي من اللي تملكه لـ هيثم .. هذا هو مااات انا بس .. بس ابي اصير مكانه ابي اصير بداله .. متى يا فيصل !؟

دقايق قليله و وصلوا شلة هتان كلهم تفاجئوا بوجود فيصل مع هتان ...
مشاري ابتسم بخبث : نفذت اللي براسك يا الزعيم !
هتان رد له الابتسامه : خلااااص من اليوم و رايح هذا الزعيم ( حط يده ع كتف فيصل ) .....
فيصل : ماني زعيم احد و لا تناديني كذا .. ابروح السياره خلنا نخلص ابرجع البيت ...
بعد ما رااااااح ......
مشاري : وش فيه ذا نفسه بخشمه ؟
هتان : وش فيه يعني مجبور يسوي اللي اقوله له عشان وليد الزفت ....
مشاري : و انت اللحين سحبت على وليد ...
هتان : اييه ما عاد ابيه اصلا من الاول كنت بشبكه عشان اقهر فيصل ...
مشاري ابتسم : يعني اخذه لي ..
هتان : لااااا وين سلاااامات يا الاخو .. انا متفق مع فيصل محد يقربه .. عشان كذا فيصل وافق يخاويني ...
مشاري باحباط : اووووم القهر .. خلاص نشوف غيره ...
هتان : الزبده يا عياااال انا اليوم محد قدي .. انا اليوم مبسووووط و بفل امهااا .. ابي تشيجعكم .. عززوا لي و نبي ذاك التصفيق اللي يهز المكان بعد كل تخميسه .. اتفقنااا ؟
الكل : ايييييييييييه ...
هتان : كذااا يا الذيااابه ..
مشاري : هتااان جاك المخيس ساري ...
هتان : اللحين بنبدا ان ما علمتك يا ساري ..
مشى للسياره و شلته و ربعه يصفقون له و يصفرون ....
مشاري : و انت وش فيك زعلان ؟
نادر : متى بصير معزز هتان ؟
مشاري : هههههههههه هتان مو أي احد يخليه يركب جنبه .. بس اذا ودك بتوسط لك هههههه ...
نادر : كل تبن قاعد تتمصخر ...

بسيارة هتااان .......
هتان : وش تبي اشغل لك من اغنيه ؟
فيصل : لا تشغل شي ...
هتان : وش فيك انت لازم شي يحمس ...
فيصل : قلت ما ابي اسمع شي و لا ترى بنزل ..
هتان : اذا نزلت بينتهي الاتفاق ...
فيصل يااا ربي ما ادري اللي اسويه صح و لا غلط .. اصبر يا فيصل عشان حنان اصبر ...
هتان طلع سيجاره و قام يدخن : دقيقه و بيبدا السباق ...
فيصل : ...........لارد
هتان طلع سيجاره ثانيه : خذ ...
فيصل عطاه نظره : من متى انا ادخن !؟
هتان : جرب ما بيصير لك شي صدقني رح تستانس ...
فيصل : خلي الوناسه لك .. شكرا حالي كذا عاجبني ...
هتان : اوكيه يا قلبي اللي يريحك ..
فيصل اللهم صبرني بس !
بدا التفحيط ... فيصل ما كان عاجبه الوضع ابد .. كل هذا يذكره بهيثم .. متألم من جواته بشكل فظيع .. يحس انه خان هيثم .. للحظه كان رح يبكي من كمية الذكريات اللي تجمعت بعقله ...
فيصل بصراااااخ : ماااا خلصت ؟؟؟
هتان : بسم الله .. تونا بدينا ...
فيصل : خلااص ابرجع البيت تفحيط و فحطنا .. و انت لازم توفي بكلامك ..
هتان ابتسم : ما عمري خنتك ...
فيصل : وقف .. وقف وقف وقف ....
هتان : خلااااص درينا بنوقف ..
نزل من السياره و سكر الباب بقوه .. و كلم هتان من الشباك ....
فيصل : اذا ما نفذت اتفاقنا .. صدقني رح تندم ..
هتان : قلت لك انا ما اخونك ...
مشى عن سيارة هتان ....
هتان يا بعد حيي اخيرا رجعنا لبعض زي زمان ..آخ بس يا ليتك ترجع فيصل الزعيم اللي اعرفه ..
توجه بالسياره لشلته .......
هتان من شباك السيارة : مشااااري يلا تعااال ...
مشاري : مسرع راح ..
هتان : اييييه الاخ ما يحب التفحيط .. اخلص علي يلا تعال ...
مشاري : يلا جاااي جاااي ......
جا مشاري بيروح ..... مسكه نادر ..
نادر : تكفى قول له انا ابي اجي ..
مشاري بسرعه : بعدين بعدين ....
نادر اووووف ادري انه يصرفني و مستحيل يقول لهتان عني .. حقير مشاري ...

أماا فيصل طلع من المكان كله .. و اخذ له تاكسي و رجع البيت .....

في الشقه .. حنان لسا قلقانه و خايفه موت عليه .. تدعي ربها ما يكون صاير له شي .....
وليد قاعد ع اللاب : ياا هووه اقعد دوختنا رايح جاي ...
حنان : طيب تأخر ...
وليد : قلنا لك بيجي .. انت بس اقعد ...
حنان : وش دراك انت وش دراك !
وليد : لا حول و لا قوة إلا بالله ...
اندق باب الشقه .....
وليد : روح شوف هذا اكيد هو .. لان مفاتيحه نساها بالشقه ...
حنان راحت ركض للباب و فتحته .. شافت فيصل ارتمت بحضنه و ضمته بقوه اول ما شافته .. و قامت تبكي بسكااات ... ما ينسمع إلا شهقاتهاا ...
فيصل واقف بمكانه مصدوم .. حنان تضمه حنان تبكي عليه وش صار بالدنيا ! هذا اللي كان يدور في باله ...
فيصل مسكها مع اكتافه : ليش تبكي ؟؟؟
حنان تضرب ع صدره : يااا حقييييير وين كنت وين ؟
فيصل : اهدااا ... خلاص لا تبكي ( يمسح دموعها ) ...
حنان : ليش سويت .. فيني كذا ؟ ليش خوفتني .. عليك ؟ يعني انت .. تعاقبني .. لاننا تهاوشنا .. امس !؟
فيصل : لا لا ابدا مو عشان كذا .. انا اسف ما كنت ادري انك رح تخاف علي كذا .. و ما كان معي جوال ... خلينا نروح غرفتنا و بفهمك كل شي ..
وليد كان واقف ورى الجدار متكتف و يسمع كلامهم ....... ثم رجع لشغله ..

حنان : احكي لي ......
فيصل : يعني و انا رايح للمدرسه .. قابلت .... قابلت واحد اعرفه من زمان .. و كان يبيني اخدمه خدمه بسيطه .. و رحت معه لـ ... لـ ... لمكان شغله و ساعدته شوي ....

حنان : مع اني احس ما فهمت شي ..
فيصل : باختصار ساعدت واحد اعرفه ...
حنان : طيب كان شفت لك حل و كلمتني .. طول اليوم و انا افكر وين ممكن تكون ... خفت موووت ليكون صار لك شي ....
فيصل قعد جنبها : بس تدرين انا طول الوقت كنت متضايق .. لكن لما ضميتيني كل همي و كل ضيقي انزااااح ما تتخيلي اش قد ارتحت .. و لما بكيتي عشاني عرفت ان لي مكان بقلبك ...
حنان : لا تصدق عمرك .. انا ما بكيت عشانك ...
فيصل : ههههه اجل ؟!
حنان حست باحراج : يعني مدري كذا .. غصب بكيت ...
فيصل : هههه لا تعاندي نفسك و اعترفي ما فيها شي ...
حنان : اقول اقول خلاااص انسى ..
فيصل مستحيل انسى اللحظه اللي ضميتيني فيهاا .. اول مره ادري اني غالي عليك كذا .. و ادري انك اللحين تحاولي تغيري الموضوع .. يا حنان فيك عناد ما شفته بأحد !
حنان : صح الغدا.. انا سويت غدا ..
فيصل ابتسم : اخيرا حسيتي على دمك و رحتي المطبخ ....
حنان : طيب طيب اخر مره ادخل المطبخ ...
فيصل : ههههه خلااااص امزح والله امزح ...
حنان ابتسمت له ثم طلعت تحضر الغدا ....
فيصل اليوم بس عرفت اني مستعد اسوي أي شي عشانك .. انتي و بس احبـــــــــــــك دائما دائما دائما بظل احبـــــــــــــــك..

رجعت العنود من مدرستهاا .. و هي داخله شافت باب الملحق مفتوح ..
العنود معقول عندنا ضيوف و بالظهر! .. ليكوووووووون ......... لاااازم اروح اشوف ....
راحت للملحق حتى تشبع فضولها و تتأكد من صحة تفكيرها ...
طلت من ورى الباب .. شافت خالد قاعد لحاله ......
العنود ياااااااي ونااااااسه حبيبي خالد موجود .. فديته يا ناس لازم اسلم عليه كيف حبيبي و ما اسلم عليه ؟!
دخلت للملحق بس قبل افصخت العباه و الشيله و ضبطت شكلها ثم دخلت .. خالد كان قاعد يشرب قهوته .. أما نواف راح يشوف الغدا اذا جهز بينادي خالد ... اول ما شاف العنود داخله للملحق غص بفنجال القهوه اللي يشربه و قام يكح ...
خالد : كح كح .. اعوذ بالله ...
العنود نطت جنبه : سلاممتك بيبي عسى ما صار لك شي ...
خالد يبعد عنهاا : خير وش جابك !؟
العنود : بيبي قلت اسلم عليك .. لا تكلمني كذا .. بعدين هذا بيتنا ...
خالد : يا بنت استحي على دمك و روحي غرفتك .. لو شاافك اخوك هنا .....
العنود قاطعته : ما رح يشوفني .. خليني اقعد معك شوي ...
خالد : يا العنود تعوذي من ابليس و امشي من هنا ..
العنود : نو نو حابه اقعد مع خلووودي ...
خالد صرخ : ياااا بنت !
العنود بجديه : اقوووول اسمعني زين ... اختي جاها عريس و وافقت عليه .. لا تتعب نفسك و تركض وراهاا .. هي ما تصلح لك لانها اكبر منك ..
خالد ما استوعب كلامهاا : تمززززززحين .. انتي تقولين كذا عشان تقهريني بس ...
العنود : هههه مع الايام بتشوف اذا انا امزح و لا صادقه ...
خالد مصدوم : لا مو مزح كذب .. انتي وحده كذااابه و تبين تفرقين بينا بأي طريقه ...
العنود : تشااااااااااو بيبي ...
خالد : تعالي هناااا .....
طنشته و مشت ..... دخل نواف ......
نواف : خااالد ... انت تنادي على احد !؟
خالد : هاااه .. لا لا ..
نواف : اجل ليه واقف ؟
خالد : لا و لا شي .. انا لازم اروح البيت ..
نواف : فيه شي صار ؟
خالد : لا مافي بس تعبان و ابي ارجع البيت ..
نواف : يا رجااال الغدا صار جاهز .. تغدا ثم روح .. يلااا حياااك ...
خالد والله بعد كلام العنود انسدت نفسي .. صدق الجوهره انخطبت !؟

جهزت غداهم و قعدوا ع الطاوله .....
وليد : وين كنت يا فيصل ؟؟
فيصل : مالك دخل ...
وليد : هههه .. لو شفت حمد بغايبك وش سوى ...
فيصل بفضول : وش سوى يعني ؟؟
وليد : لولا شوي كان رح يبكي ...
حنان منحرجه : وليد مالك داااعي ...
وليد : ههههه خله يعرف ان فيه ناس تحبه ...
فيصل يناظرهاا و هو مبسوط ....
حنان : هييييه قلت لك لا تصدق نفسك ..
فيصل خليني اعيش على امل انك تحبيني .. بكذا رح انسى بلاوي هتان و اللي اسويه مع هتان بكذا رح احس اني ماني ندمان على اتفاقي معه ...
وليد شافه سرحان : اووووه فيصل عاش جوه ...
فيصل : هاااه قلت شي !؟
وليد : ههههههههههه حمد وش سويت بولد خالتك ...؟
حنان ميته من الاحراج : هيييه فيصل اش فيك ؟
فيصل : مافيني شي انتو اللي اش فيكم !؟
حنان : طيب لا تسرح هذا وليد فاهم غلط ..
فيصل ناظرها و هو يبتسم : ما يهمني وليد ...
وليد : هذا و انا قدامك تقول عني كذا ؟!
فيصل : أي لانك ما تهمني ليش حتى اقولها من وراك ...
حنان تنهدت بصوت عالي : اللحين بتتهاوشون !؟
فيصل : هههه انا شبعت ... بروح انام اليوم تعبت كثير ...
حنان : عوااافي ..
فيصل : ع قلبك ...
بعد ماااا راااااح ...
وليد : فيصل متغير ...
حنان : كيف يعني ؟ انا اشوفه عادي ...
وليد : يعني مره مبسوط .. يمكن السبب لانك ضميته ....
حنان انصدمت : هئئئئئئئئئئئ كيف !
وليد : شفتكم هههههه ...
حنان اوووم الاحراج .. اشوى ان فيصل كلمني على اني ولد .. بس ما كنت اتمنى ان وليد يشوفني وش بيقول عني اللحين ...
وليد : اش فيك ترى عادي انت ولد و هوو ولد ...
حنان : اممم .. ما .. ما قلت شي ... ( مستحيه اطل بوجهه اوووف ) .. عن .. عن اذنك .....
وليد : هههههههههه استحى الولد ...
ركضت لغرفتهاا و جهها احمر من الاحراج ... لقت فيصل نايم و براحه بعد ..
حنان واقفه عند راسه : الحمدلله انك رجعت .. ( تنهدت براحه .. ثم قعدت ع الارض متسنده على سريره و ضامه رجولهاا لصدرهاا ) ... لما اختفيت صارت افكار تروح و تجي بمخي .. خفت اني ما عاد اشوفك مره ثانيه .. نسيت هواشنا اللي امس و نسيت اني زعلانه منك كل شي نسيته .. و تمنيت بس ترجع حتى اعتذر لك .. خفت مره .. مره خفت انك تروح و لسا كلمة اكرهك اللي قلتها لك عالقه بعقلك و تكون اخر شي تتذكره مني ... انا ما اكرهك .. كيف اكره اللي عشت كل عمري معه .. ضحكنا و زعلنا و بكينا و تهاوشنا و لعبنا مع بعض ... كيف بنسى هاذيك الايام كيف ! .. صدق ما عمري تخيلت حياتي بدونك .....
غرس اصابعه بشعرها و كان مبسوووط على كلامهاا ...
حنان لفت عليه : هئئئئئئئئئئئ انت صاااااحي !؟
فيصل : ههه ايه ...
حنان : من متى ؟
فيصل : تو صحيت من صوتك المزعج ...
حنان منحرجه : انت سمعت كل شي ؟
فيصل : أي كل شي ..
حنان قامت : ترى انا ما كنت اتكلم عنك .. كنت اقصد اخوانك ... انت .. انت تكذب ما سمعت اصلا ...
فيصل شافها كيف منحرجه و منفعله رحمها : امزح امزح ما سمعت شي ..
حنان تنهدت : كنت عارفه اصلا .. كمل كمل نومك بس... انا بعد بغير ثيابي و بصكهاا نومه للعصر .....
فيصل لييييييييش ماهي راضيه تقول ذا الكلام بوجهي .. اهم شي اني عرفت مشاعرها اتجاهي .. اللي يضايقني انها ماهي مشاعر حب ....

نرجع لساحة التفحيط .. انتهى الماراثون >> مدري ليه سميته كذا ^^ .....
هتان : كييييييف يااا عيااااال كسرت راااس ساااااري صصصصح ؟
الكل : اكييييييييد ...
هتان : هههههههههه لاني ماااااااره مبسوط كسرت رووسهم كلهم ..
مشاري : خلصنا طيب خلنا نرجع البيت ...
هتان : ايييه يلااا ..
نادر : يا الزعيم ابجي معكم ..
هتان : منااك بس منت بجاي روح على رجولك ..
نادر : لييييييييش !؟
هتان : مشموش امش ابيك بسالفه ..
مشاري : يلااا يا ششباااب مع السلامه ...
نادر : كذا يعني .. كذا يا هتان !
عزيز : ناادر امش تعال بسيارتي ..
نادر : مشكور عزوز ..
المهم راح مشاري مع هتان و نادر مع عزيز و طلعوا من المكان .....

بسيارة هتان ......
مشاري : وش السالفه ؟
هتان : مافي شي بس ما ابي نادر يركب ...
مشاري : وش فيك عليه طيب ؟
هتان : كذا مزاج ..
مشاري : ايييه كسرت راس فصييييل من قدك يا الذيب ...
هتان : هههههههههههههه هذا الكلام .. انا هتان ان قلت شي بيصير ..
مشاري : بدينااا نشوف انفسنا اللحين ...
هتان : هههههه من حقي .. تدري لو كنت عارف ان وليد(حنان) رح يخليه يستسلم لي بسرعه كذا كان من البدايه هددته ...
مشاري : أي والله من جد ... تعبنا و اخذناه للرياض ...
هتان : عادي عاادي ما استانست يوم اننا خطفناه ....؟
مشاري : إلا كان مرررره ونااسه حسيت اني سويت شي جديد .. ودي نعيدهاا ..
هتان : هههه لا خلاص وعدت فيصل .. انا يهمني فيصل هذا وليد ما عاد يهمني ...
مشاري : مع انك كنت مبسوط فيه بالبدايه ..
هتان : مدري كنت احسبه يشبه فيصل و نفس اسلوب فيصل بس طلع ميح .. اهم شي فيصل رجع لي و طول السنه بيخاويني هذا احلى شي صار لي من توفى هيثم ...
مشاري : صحيح صحيح ....
ثم رجعوا لبيوتهم .......

في الشقه .. وليد خلص شغله اللي ع الكمبيوتر .. ثم تمدد ع الكنبه من التعب .. مسك جواله .. فتح البي بي و بدا يراسل ماجد ......
وليد : " مجووودي انت فيه ؟؟؟ "
بعد دقييقه رد عليه ماجد ......
ماجد : " هلا والله بوليد "
وليد : " هلا فيك .. وش قاعد تسوي ؟ "
ماجد : " ابد كنت بنام –فيس نايم- "
وليد : " اوكيه اذا صحيت كلمني "
ماجد : " ليه وش فيك .. اكيد ما ارسلت إلا انه في شي "
وليد : " اذا صحيت بقول لك "
ماجد : " على بالك بنام و بالي مشغول .. اخلص علي قول "
وليد : " والله يا ماجد احس اني هاليومين متضايق و بس افكر "
ماجد : " تفكر بأيش ؟ "
وليد : " بكل شي .. اقول لك على سر "
ماجد تحمس : " بسرعه قول "
وليد : " احس اني بديت احب "
ماجد : " هههههه أماا تحب ؟! –فيس يضحك- "
وليد : " أي طبعا منت مصدقني .. وجهي مو وجه واحد يحب ههه "
ماجد : " أي والله مصدوم .. اكيد بنت عمك "
وليد : " ما يندرى "
ماجد : " وش قصدك .. يعني مو بنت عمك ؟ "
وليد : " احب و خلاص .. ابخليك اللحين "
ماجد : " اوكيه يا روميو اذا شفتك بنتكلم "
وليد : " ان شاء الله "

وليد اممم نواف وش عنده الحاله حقته حزن و نكد عسى ما شر ...
وليد : " نواااااف "

نواف كان يقرا مسجاته لحنان و منزعج لانه محظور و فكر يشتري بلاك بيري جديد و يضيفها و يسولف معها بدون ما تعرفه .. بيسوي أي شي بس يتكلم معها ....
نواف صح صح ليش ما اسأل وليد عن حمد : " هلا وليد "
وليد : " ليش الحاله متنكد و حزين خير ؟ "
نواف : " الخير بوجهك .. قول لي كيف حمد ؟ "
وليد : " هههه على طول حمد .. حمد تمام .. عندي لك خبر بيزعلك خصوصا لانك تحبه "
نواف بدينا بسماجة وليد اللحين " وش هو خبره ؟؟ "
وليد : " ما ادري كيف اقول لك .. بس اكتشفت اليوم ان حمد يحب فيصل "
نواف يفكرني بطيح بألاعيبه هذي مره ثانيه : " أي صدقتك –فيس يضحك- "
وليد : " حمد ضم فيصل بقوه ليتك شفت المنظر "
نواف شكله ما يمزح : " انت قاعد تلعب علي صح ؟ "
وليد : " كان ودك تصدقني زين و ان ما ودك بعد عادي "
نواف ماني ناقص اقلق من فيصل بعد اكيد وليد كذاب كعادته : " سي يو –فيس معصب – "

فيصل هههههههه عصب .... انا بعد احس جاني النوم خل انام لي شوي قبل الصلاه .....

انتهى البارت