شبكة همس الشوق - عرض مشاركة واحدة

7 - 8 - 2015, 11:43 PM

تابع.........

في ستار بوكس .. وصل وليد مع ريهام و قعدوا .....
وليد : كيف الدراسه معك ؟؟
ريهام : تمام التمام ..
بعد لحظاااات صمت ........
وليد : رهوووم ..
ريهام : عيووون و قلب رهووم ...
وليد : فديت عيونك و قلبك ... تذكرين الولد اللي فتح لك الباب يوم جيتيني الشقه ؟
ريهام : أي اذكره مو حمد ؟
وليد : اييه حمد ... حتى سألتيني عنه كثير ذاك اليوم ...
ريهام : صحيح .. اش فيه ؟
وليد : اش رايك ... اش رايك فيه ؟
ريهام : كيووووووووت ...
وليد : ههههههه على طول كيوت ...
ريهام : ههه يب يب .. ظريف و حلو و خفيف دم بعد ..
وليد : امممم .. طيب اذا قلت لك انه يحبك ...
ريهام : اوووبس .. اوووماااي قووود .. يحبني انا ؟؟؟ متى امداااه ؟
وليد : هههههههههههههههه حب من اول نظره .. و انتي ما شاء الله عليك تدخلي القلب بسرعه ..
ريهام : حتى ولو يحبني .. مافي بالقلب غيرك .. بعدين انت ما غرت علي يوم قال لك انه يحبني ...؟
وليد : الصراحه ما غرت .. بالعكس احسه مناسب لك اكثر مني ...
ريهام : يا سخفك يا وليد .. ترى مزحتك ما تضحك ...
وليد : ههه ماني قاعد امزح .. اسمعي شوري .. اش رايك تعطينه فرصه يمكن تحبينه ... و اذا ما اعجبك انا موجود .. اش قلتي ؟
ريهام تفكر : بس .. يعني انت .....
وليد قاطعها : انا موافق .. ابي لك السعاده ... انتي جربيه ما رح تخسري شي ...
ريهام : امممم دامك قلت كذا .. ما رح تزعل علي اذا حبيته و تركتك ؟
وليد : اذا حبيتيه اكثر مني معناته انا ما استاهلك ...
ريهام اقتنعت : تيب بجربه و اشوف ...
وليد ابتسم بخبث .... اللحين بس بدت اللعبه الحقيقيه هههه .......
طلع البي بي و صار يراسل ......
وليد : رهوووم عطيني دقيقه بس براسل واحد من اخوياي بشي مهم ..
ريهام : خذ راحتك بيبي ...
وليد ابتسم لهاا ....
قعد يراسل نواف ....: "مساء الخير "
نواف كان في بيت خالد و كان معهم سامي قاعدين مع بعض سوالف ....
نواف : " مساء النور ..."
وليد : " كيفك ؟ "
نواف : " ينعن اوم الذرابه .. انا عارف ما ارسلت لي الا ان وراك شي .. ريحني و قول "
وليد : " هههههههههههههههههههههه احييك على ذكائك "
نواف : " –فيس لاحد يكلمني- "
وليد : " هههه بغيت اقولك .. اني انا طلعت من الشقه مشوار مهم و فيصل بعد عنده مشوار يعني حمد بالبيت لحاله و انا طالع شفته زعلان و مبين انه يخاف يقعد لحاله ...."
نواف حقير وليد ليش يقول لي عنه ؟! : " وش اسوي له ؟؟؟! "
وليد : " قلت اذا تقدر تقعد معه لغاية ما نجي ..."
نواف يا ليت بس ....: " لااا ما اقدر هو زعلان مني و انت عارف السبب "
وليد : " طيب هذي فرصه تتصالحون انا اقول لو تروح و تحلون الموضوع بينكم قبل لا يكبر "
نواف : " ههه هذا اذا فتح لي باب الشقه اصلا "
وليد : " معليك انا مخ فكرت فيهاا .. حطيت مفتاح احتياطي للشقه تحت السجاده اللي عند الباب "
نواف : " مخطط لكل شي ما شاء الله عليك "
وليد : " اكيد لاني مخ –فيس يضحك- .. المهم بتروح له و لا اكلم الدحمي ؟ "
نواف : " إلا ذا الدحمي لا يدري "
وليد : " ههههههه افهم من كلامك بتروح ؟ "
نواف : " ان شاء الله شوي و اروح "
وليد ابتسم بخبث ... عندي فضول اعرف اش رح يصير بينهم ....
ريهام بملل : ما خلصت ؟؟؟ احس اني زهقت ...
وليد : إلا خلصت .. طيب قومي نتمشى ...
ريهام : ييييس يلااااا ...

العنود و شهد رجعوا بسيارة العنود للبيت ... و اصايل و اختها جود رجعهم تركي ... نزلت جود و دخلت البيت و ظلت اصايل مع تركي بالسيارة .....
اصايل : يلااا قول لي اش صار على الزفت رائد .. اكيد مات !
تركي : في الحقيقه طال عمرك .. هو ما مات .. يعني انقذناه ...
اصايل عصبت : ايييييييييييش !؟ مين قاااااالكم يا الزلايب تنقذوه ؟
تركي : بصراحه والدك هو اللي أمرنا ...
اصايل خافت : هئئئئئئئئئئئ ابوي ... ابوي عرف كل شي ؟!
تركي : أي طال عمرك ...
اصايل : يا الغبي يا الغبي ما انا قلت لك لا احد يدري .. وين عقلك !؟
تركي : انا اسف انا ما قلت له .. ما ادري كيف عررف ...
اصايل : يااا ربي ! .. من متى ابوي عارف ؟
تركي : من قبل يومين ...
اصايل : بديت اخاف اكثر .. يعني من يومين عارف و لا هاوشني و لا هزأني الوضع ما يطمن ... طيب طيب يلا انت ارجع الشركه ...
تركي : ان شاء الله طال عمرك ...
نزلت و دخلت البيت و هي تفكر بأبوهاا .. اش بيسوي فيها ع المصيبه اللي سوتهاا .. و السؤال الأهم ليش انقذ رائد ؟؟؟!
صعدت غرفتها على طول .. اخذت شاور و هي لسا تفكر بالموضوع .. جتها امهااا .....
ام خالد : اللحين لازم نتكلم الموضوع ما يتأجل ...
اصايل : يمه من الصبح و انتي وراي إلا تبين تكلميني بذا الموضوع ... ( قعدت جنب امهاا ) وش موضوعه ؟
ام خالد : في شخص تقدم لك .. و ملكتكم الخميس الجاي و الاسبوع اللي بعده الزواج ...
اصايل ما استوعبت من الصدمه : ههههههههههه يمه عن المزح ماني رايقه !
ام خالد بحده : مين قال لك اني امزح .. يا ليته مزحه بس هذي الحقيقه ...
اصايل وقفت بعصبيه : خيييييييييييييير ! ماني مواااافقه ... ملكه الاسببوع الجاي و اللي بعده الزواج وش تحسون فيه ؟
ام خالد : احنا ما نستنى موافقتك انتي لازم تسمعي الكلام و تقبلي بزواجك .. مافي حل ثاني ...
اصايل : يممممه فهميني وش نوع ذي المزحه !؟
ام خالد : قلت لك ماهي مزحه .. الولد اللي اسمه رائد اظنك تعرفينه .. اللي كنتي رح تقتلينه .. فيه مشاكل بين عائلاتنا لو ما انقذه ابوك باللحظه الاخيره كنتي رح تلحقينه ... على بالك عائلته ما رح يدرون انك ورى موته الى مات ؟!
اصايل بصدمه : لا تقولين لي ان العريس هو رائد ؟؟؟!
ام خالد : أي هو .. شرط علينا انه يتزوجك عشان ينسى اللي صار ...
اصايل : مستحيييييييييييييييييييييل بترموني للنار بإيدينكم خلوني اموت ولا اتزوجه ....
ام خالد : حاولت اقنع ابوك يغير رايه عن هالزواج بس ما قدرت .. انتي لازم تسمعي الكلام ما عندك حل ....
اصايل : ما رح اوافق ... ما رح اوافق ... ما رح اوافق ...!
ام خالد : قلت لك محد بياخذ رايك .. خلاص من لما انقذه ابوك اتفقوا .. مالك راي يا بنتي ... ملكتك رح تصير برضاك او بدونه .. والله انك مقطعه قلبي بس ما بيدي شي حاولنا نشوف لك حل ثاني لكن ما لقينا ..
اصايل : يمه الله يخليك انتي بس قولي لي اش ماسكين علينااا .. قولي لي كيف قادرين يهددونا .. علمني الله يخليك و انا رح اتصرف مع عائلتهم و للأبد ...
ام خالد : يا ليت لو اعرف .. حتى ابوك و عمك و عمتك محد يعرف .. جدك هو الوحيد اللي يعرف .. و حذر عياله لا يطيحوا بأي مشكله مع عائلة آل معاذ ... بنتي ارضي بقدرك و خلي الامور تمشي ...
اصايل : على جثتي اكون زوجته .. ان زوجتوني اياه مستعده اذبح نفسي بليلة الزواج قدام العالم ...
ام خالد : على بالك انتصرتي عليهم اذا ذبحتي نفسك ؟! .. اول من رح يكون مبسوط هو رائد ... اصوووله انا اعرفك ذكيه .. و ما ادري ليه احس نهاية هالعائلة على يدك .. عشان كذا ماني خايفه عليك قد ما انا خايفه على منار اختك ....
اصايل تفكر : اذا انتي يا يمه مقتنعه ان نهايتهم على يدي .. اوعدك ان هذا اللي رح يصير .. بس موضوع الزواج ... معليش ما اقدر ..
ام خالد : انتي اقعدي و فكري و شوفي لك حل قبل يوم الملكه ... ان لقيتي زين و ان ما لقيتي ما لك الا الزواج منه ...
اصايل : طيب .. طيب ابوي زعلان مني ؟
ام خالد : والله ما ادري يا بنتي .. هو زعلان و لا لا .. هو قالي على اللي صار بس كان مستغرب من اللي سويتيه برائد ...
اصايل : هذا رائد يستاهل هو اللي خطفني .. يمه كان رح ياخذ شرفي يستااااااااهل يمووووت ...
ام خالد : اللي صار صار .. فكري بالجاااي .. ابوك قلقان عليك من رائد .. حتى انه ما يقدر يواجهك ...
اصايل : يا حبيبي يا بابا .....

استأذن نواف من خالد و سامي بعد محادثته مع وليد ... و هم استغربوا من نواف لانهم حسوا انه مبسوط و في بباله شي بيسويه ......
المهم وصل للشقه ودق الباب .... حنان كانت قاعده بالصاله تراجع كتبهاا .. لما اندق الباب توقعت انه فيصل بس استغربت .. معقول نسى مفاتيحه ؟
حنان فتحت الباب ... شاافت نواف شهقت خوف ثم سكرت بوجهه على طووووول لكن قدر انه يمسك الباب قبل لا تسكره و دفشه بقوه و دخل ...
نواف ههه لا زين ما احتجت للمفتاح الاحتياطي ...
حنان : انت وين دااااااااخل ؟! سلاااامااات يا الاخ ...
نواف ابتسم : انا داخل شقة وليد .. و لا يعني ممنوع ! .. بعدين كيف تسكر الباب بوجهي .. عيب يا حموودي عيب ...
حنان : مااا ابي اشوف وجهك .. وليد مو هنااا .. تقدر تروح ...
نواف : ادري ان وليد مو موجود .. انا جاي عشانك انت ...
حنان انا لحالي بالبيت و مع نواف .. عز الله رحت فيهاا : بعدين تعال هنا اش دراك ان وليد مو بالبيت ..؟؟
نواف : ههه هو قال لي انك تخاف من الوحده .. و قال لي اروح اقعد معك .. و نتصالح بعد ...
حنان : لا ما ني خايف من شي .. و لا ابي اصالحك انا كذا مرتاح .. يا ليت لو ما اعرفك بعد احسن ...
نواف طنش : الى متى بتخليني واقف ع الباب .. ( سكر الباب و دخل الصاله ) .... حمووود جيب لنا شي ناكله ... يعني حس و ضيفني ...
حنان والله ما اقعد معك دقيقه .. دخلت الصاله و صارت تلم كتبها اللي ع الطاوله اللي مقابله نواف .....
حنان وش ذي الناس ! : انقلع ضيف نفسك .. ما اتشرف بواحد مثلك .....
نواف مسكها مع ذراعها : لا تكلمني كذا ! .. انا ماني طالع اليوم إلا و احنا حالين كل المشاكل اللي بينا ..
حنان تناظر يده : اترك .. ما بينا أي مشاكل .. اتركني في حالي ...
نواف : هويتك ....
حنان : اييييييييييش !؟
نواف : هويتك جيبها اللحين ...
حنان خافت : قلت لك ماهي معي ...
نواف مسك يدها و صار يسحبهاا ......
حنان : اتركني وين ماخذني ؟
نواف : باخذك لبيتكم .. عشان تطلع هويتك ...
حنان : لأ لحظه ما ابي اروح .. اترك .. اترك يدي اتركني .. ( تحاول تسحب يدها ماسكها بقوه و يجرهاا معه ) ...
طلعوا من الشقه .. رماهاا بالاصنصير ...
حنان : انت كيف تتجرأ ماني رايح معك أي مكان .. خلني ابرجع للشقه ..
نواف : مالك رجعه الى ان اشوف هويتك ..
حنان يااا ربي وش اسوي اللحين من وين اطلع له هويه ؟ : ما بوريك هويتي ياخخي كيفكي ..
نواف دفها على جدار الاصنصير و حجزها بين ايدينهاا و عينه بعينهاا و قال بهمس : ترى اذا ما شفت هويتك فيه طريقه ثانيه رح تخليني اتأكد .. صدقني منت حاب تعرفهاا .....
حنان اقشعر بدنهاا حست برعب من اللهجه اللي يتكلم فيهاا .. واضح من عيونه يا يعرف يا يعرف ......
و نزلوا على تحت و هو ساحبها معه بالقوه .. دخلهاا بالسياره و تحركوووووا و هي لسا تفكر كيف بتتصرف .. اصلااا اذا وصلت بيتهم كيف بتدخل عليهم بلبس رجاالي ؟!!!!

بعد صلاة العشاء ... هتان و كل شلته و معهم يزيد .. تجمعوا بالمكان اللي نووا يفحطون فيه .. مكان مظلم شوي .....
هتان : بتشقق من الحماااس ...
فيصل بصوت غير مسموع : يا جعلك تتشقق و افتك منك ...
هتان : فيصل يلااا تعال اركب جنبي ...
فيصل : الشي اللي اكرههه بيصير .. لا حول الله بس ...
هتان : اقول امش و لا يكثر ....
الكل ركبوا بسياراتهم .. الحضور كان مقبول و لازالوا الناس يتوافدون .. بدأها يزيد بتخميسات خرافيه > لانه ملك الهجوله على قولته ^^ ... و تحمس معه عساف و صار يحده و يحاول يقلد حركاته ... و هتان دخل بالنص بينهم ... و الجمهور يصفر و يصفق على كل حركه ......
فيصل : هتان شوي شوي .. يعني لازم اجي معك اووووووف منك...
هتان : يااا لباااك ياا فيصل .. لو ما كنت معي ما هزمتهم ...
فيصل بعصبيه : خلاص وقف .. انا ما احب اعيش الموقف مره ثانيه ..
هتان : ليش اوقف و احنا مبسوطين ؟
فيصل : محد مبسوط غيرك ...
هتان : يا االوليف لا تصير قاسي علي ههههههههههههههههه ...
فيصل : ..........................

مشاري بعد كان يفحط بسيارته و معه نادر ....
مشاري : هااا كيف ؟ عجبتك ذي التخميسه ..؟
نادر : حقت هتان احلى ...
مشاري : اصبر توني بديت ....
نادر : اقول مشاري ...
مشاري : هلا ..
نادر : انا اشوف هتان مره مبسوط اليوم ما عمري شفته مستانس كذا من لما دخلت شلتكم !
مشاري : اكيد مبسوط لان فيصل معه ...
نادر : و اذا معه ؟؟ فيصل ما يطيقه واضح عليه ....
مشاري : مدري ... هتان من المتوسطه و هو معجب في فيصل خصوصا لما كان فيصل زعيم ...
نادر : من المتوسط ؟؟
مشاري : بثالث متوسط فيصل بدا يسوق السياره ... تعلم على السياقه بأول و ثاني متوسط .. و بثالث كان احسن واحد يهجول .. عشان كذا كان الزعيم ...
نادر : ما اصدق ان فيصل كان كذا ! .. طيب ليه ترك الهجوله ؟؟
مشاري : صار حادث لصديقه و مات ...
نادر : اهاا عشان كذا ... طيب اش دخل هتان ليش تركه بعد ؟؟؟
مشاري : هذي ما اعرف جوابهاا .. بعد ما مات صديق فيصل .. في شي صار بينهم خلاهم يفترقوا ... بس ايش هو الله اعلم ... حتى انا و هو انا هتان ما رضى يقول لي ...
نادر عندي فضول اعرف اش صار بينهم .. يعني لو سألت هتان ممكن يقول لي ؟! .. سلااامات مشاري ما قال له بيقول لي اناا ...

اندق جوال مشاري ... كان واحد من شلتهم بس ما كان يفحط معهم ...
مشاري : هذا عبدالرحيم ... ( رفع الجوال يكلمه ) هلا عبيييد .. كيف المراقبه معك ؟ >> كانوا حاطينه عند مدخل المكان اللي هم فيه بالتحديد على شارع عام يراقب اذا جت شرطه شي ....
عبدالرحيم : هجوووووا ياااااا عياااااااااال الشرطه جااااايه .. 5 ددقايق و تكون عندكم ... الظاهر احد مبلغ عليكم ....
مشاري تروع : ابك يا ذا العلم ! .. ما يمدينا ننحاش ... دق على يزيد و قول له انا بكلم هتان هم يمديهم ينحاشون لانهم قريبين من المخرج .....
على طول دق على هتان و قال له و كذلك يزيد عرف .....

عند هتان بالسيارة .......
فيصل : شرررررررطه !! وش ذي المصيبه ؟!
هتان : معليك ما رح يمسكونااا ..
فيصل : يااا مجنووون وش ناوي تسوي ...؟
هتان : بلحق يزيد اكيد ما رح يسمح انه ينصاد ....
ابتعدوا شوي عن المكان و هتان كان يلحق سيارة يزيد يحاولوا انهم يضيعوا الشرطه .... فيصل لف على مكان التجمع فعلا شاف الشرطه ....
فيصل : الظاهر ان اخوياك انصادوا !
هتان ابتسم : عااادي اهم شي احنا طلعنا منهااا ...
فيصل : لاااا ما طلعناا في دوريه ورانا بس بعيده شوي ..
هتان : قلت لك ما رح يمسكونا و لا رح اسمح لهم اصلا ...
فيصل : من انت عشان تسمح او ما تسمح .. لا تقعد تسوي لي فاهم و تسَحب بالشرطه اذا لحقونا وقف على طول ....
هتان : مهبول انا اوقف .. لو علي عادي ... بس لانك معي ما اقدر ...
فيصل مستغرب : كيف يعني ؟
هتان : مستحيل اخليك تدخل السجن ...
فيصل : وش تقول انت ...؟؟
هتان : هههه السجن ما يناسب زعييمي ... معليك انا طااااره محد بيمسكني دامك معي ...
فيصل حط يده ع جبهته و تنهد بتعب .. ياا رب وش اللي قاعد يصير !؟
هتان و يزيد قدروا انهم يطلعوا منها ... بس المساكين مشاري & عساف & طلال انصادوا و اخذوهم الشرطه ع التوقيف ........

انتــــــــهى البــــــــــارت