شبكة همس الشوق - عرض مشاركة واحدة

8 - 8 - 2015, 11:35 PM

تابع.......

بعد سهرته مع ماجد رجع للبيت .. متأمل انه يلقى حمد ( حنان ) صاحي عشان يكلمه بخصوص ريهام .. الاكيد ان لا حنان و لا فيصل كانوا صاحيين لان الوقت اصلا متأخر .....

وليد معليه بحاول اقعد الصباح و اكلمه قبل لا يروح المدرسه .. ريهام و اعرفه مطفوقه ما تصبر ... ( تنهد بتعب ) يا ترى اللي اسويه صح و لا غلط ! .. ههههه طول عمري اسوي كذا ما عمري تسائلت ااذا اللي اسويه بحياتي صح و لا غلط .. اهم شي اني مبسوووووووط ..

و في صباح يوم الاثنين .. صحت كالعاده جهزت نفسها و اليوم كشخت بلبسها شوي .. صحيح فيصل يتضايق لما تكشخ .. لكن تعب من كثر من نصحهاا لكن هي ما تسمع له ..... طلعت للمطبخ تسوي فطور خفيف على عجل ... كانت تدندن و تقلي بيضه ...

وليد دخل بهدوووء و سحب كرسي بهدوووء و قعد يسمع دندنتها .... ثم بدا يطبل باصابعها ع الطاوله هنا انتبهت حنان و لفت عليه ...

حنان باحراج : ولييييييييييد ! من متى و انت هنا ؟

وليد : توني جيت ...

حنان متفشله : سمعتني ؟

وليد : هههه و اذا .. ما شاء الله عليك صوتك حلو يصلح تكون مغني ..

حنان اللحين هو يمدحني و لا يتمصخر علي !؟ : مـ ما انتهبت يومك دخلت ..

وليد : مو مشكله .. بغيت اكلمك بموضوع اذا خلصت ..

حنان : خلصت .. بس اذا تبي فطور اسوي لك ...

وليد : لا ما ابي شي مشكور .. تعال اقعد هنا خلنا نتكلم قبل يجي فيصل و يسوي سالفه لأنك تأخرت ع الدوام ..

حنان سحبت كرسي و قعدت : وش موضوعه ؟!

وليد ابتسم بخبث : انا كلمت بنت عمي عنك ..

حنان انصدمت : ايييييييييييييش ؟! اش قلت لها ؟!

وليد : انك تحبهاا .. و هي تقبلت حبك .. و ودها تكلمك ..

حنان اكييييييييد يمززززززح : تكلمني ؟!

وليد : ايييه انت مو تحبهاا ؟! و لا كنت تكذب علي ..؟ خلاص افترقنا انا و هي .. بعدين هي اول ما شافتك حبتك .. يعني انبسط هي تبادلك نفس الشعور ..

حنان تحاول تستوعب : انت تتكلم جد ؟!

وليد : هذي المواضيع ما ينمزح فيهاا .. ادري انك من الفرحه منت قادر تصدق ... صدق يا عم .. حبيبتك تحبك وش احسن من كذا خبر على الصبح ...!

حنان إلا وش اسوء من كذا خبر على الصبح يعني السالفه جد : بس انا .. ما .. ما .. كنت ..ما كنت اقصد كذا ...

وليد : ما فهمت عليك !

حنان يا ربي وش اقول له .. يعني اقول له اني ما احبها و كنت اكذب عشان انت تتركها .. ما غير بفضح نفسي .. اكيد رح يسألني ليش تبيني اتركها بعدين اش رح ارد عليه اش بجاوبه اش بقول له ..

وليد : يااا هووووه وين سرحت ... اكيد تفكر فيهاا !

حنان غطت وجهها بكفينها : المطلوب مني اللحين !؟

وليد : هههه لهالدرجه مستحي .. ما ألومك .. هي بتدق عليك و انت كلمها .. لا تستحي منها قول كل اللي بخاطرك ..

حنان اوووف احس اني برجع كل اللي اكلته على هالصبح .. كيف كيف كذا ؟!

وليد : يلا انا اخليك بروح اكمل نومي .. و لا اوصيك على بنت عمي .. تراي أغليها و ما ارضى احد يزعلهاا .. خلك كويس معها ..

حنان : روح بس نام ... ( وش ذا اللي قاعد يصير ؟! .. من جده تركها عشاني .. لا و يبيني احبها بعد انا ما توقعت ابدا انه يسويهااا .. وش السواة انا بنت و هي بنت .. يااااا ربي .. )

فيصل يصارخ من الصاله : حممممممممممد اخلص علي تأخرنا ..

غسلت بسرعه و طلعت من المطبخ ركض ..

حنان : دقيقه بس ألبس الشماغ ...

فيصل : بسرعه ترى الاستاذ حسن علينا بالحصه الاولى استعجل ...

حنان : يلااا جاي جاي ...

فيصل : بنروح مشي اوكي ..

حنان : اخاف نتأخر .. و فيزياء الاولى !

فيصل : معليك بنمشي سريع سريع ..

حنان : والله ما تجي بس يلااا ..

فيصل : تجي تجي ...

طلعوا من البيت .. وصلوا للمدرسه .. صحيح تأخروا .. لكن من حظهم ان الاستاذ حسن غايب ما حضر ...

فيصل : السلاااام .. ما شاء الله كلكم جيتوا ..

عمار : عليكم السلام .. انتوا متأخرين .. و ما تتأخروا الا بحصص استاذ حسن ..

فيصل : هههه وش نسوي ؟.. حظ و حظ زفت ..

عمار : لا حظكم زين اليوم انه غايب ..

حنان استانست لانه ما تطيقه : صحيح والله غايب ؟؟

عمار : ايييه تو الوكيل قال لنا ...

عبدالرحمن بهمس : هيييه وش فيك انت اليوم ؟

نواف : مالي خلق الدوام ..

عبدالرحمن : وش عندك مالك خلق ؟!

نواف نظره على حنان : ما عاد لي خلق أي شي بالدنيا ..

عبدالرحمن : خف علينااا ..

نواف : اوووف بحط راسي و انام لا تزعجني ..

عبدالرحمن : هالله هالله ناام كويس !

نواف مو وقتك انت بعد .. قسم بالله واصله معي .. ماني مصدق اللي حصل امس .. كيف بنسى .... لا حول و لا قوة إلا بالله ...

شوي و دخل مشاري و معه هتان ..... فيصل انصدم بوجود مشاري المفروض انه انصاد من الشرطه امس ! .. مع ذلك ما اهتم ..

مشاري لما درى ان استاذهم غايب .. بسرعه راح لصف هتان و جابه لفصلهم .. يعني هتان هرب من حصته ...

اول ما شاف هتان فيصل .. جا جنبه و حط ذراعه ع رقبته ..

هتان : اخبارك اليوم ياا الغالي ..؟

فيصل ببرود : الحمدلله بخير ...

هتان : تعال اقعد معنا ...

فيصل : طيب ..

الكل كان مصدوم الكل مفهي من اللي يشوفونه بالأخص حنان ...

عمار : وش قاعد يصير هنا ؟ فيصل ما تبينا نكفخه ...

مشاري : يااا عمي تكفخ مين انت ! خلك في حالك احسن لك ..

عمار : محد طلب رايك انت .. فيصل فهمني !

فيصل : مافي شي حتى تفهمونه .. انا و هتان اصحاب وقت الدراسه و بس .. كل المشاكل انتهت محد بيتعرض للثاني ...

حنان مصدومه من الكلام اللي يقوله .. الشخص اللي يكرهه .. كيف صار صديق له ؟! .. مسكته مع ذراعه و سحبته للزاويه ..

حنان بهمس : كيف انت صديقه ؟؟؟!

فيصل : اللي سمعته ما عندي شي زياده ع اللي قلته ...

حنان : انت يا اما انهبلت و انضرب مخك .. او في شي ما اعرف عنه ..

فيصل : لا ذا و لا ذا .. انا و هتان تصالحنا .. و انتهت المشاكل هذي كل القصه ..

حنان : خيييييييير ! .. هذا الحيوان اللي خطفني .. كيف ترجع تمشي معه طبيعي .. هذا اللي ضربكم و كفخكم ذاك اليوم .. كيف نسيت كل هذا ؟!

فيصل كل شي لاجلك نسيته اهم شي انتي ما يصير لك شي : المسامح كريم ..

حنان : منت طبيعي .. انت فيك شي غريب .. مستحيل اتحمل اشوفك تمشي معه و تخاويه .. ما اقدر اتخيل اصلا ..

فيصل : عادي مو لازم يعجبك ...

حنان عصبت : دام كذا لا اعرفك و لا تعرفني .. خلي هتان ينفعك ..

ثم مشت عنه و قعدت بمكانها و هي بمنتهى العصبيه و النرفزه .....

هتان : فييييييصل .. الجو هنا مخيس خلنا نطلع للحوش ...

فيصل : يلا اللحين جاي ...

هتان ناظر حنان المقهوره و المعصبه .. حس انه انتصر عليها .. هي ناظرته بقهر رد عليها بابتسامة المنتصر ....

عمار و راجح حتى نواف مصدووومين و ما استوعبوا اللي صار .. اما عبدالرحمن ما يعرف أي شي عن علاقة هتان و فيصل او عن الخطف اللي صار فما اهتم .......

ثم طلع فيصل ورى هتااان .. مشاري ظل بالفصل بأمر من هتان .......

و بعد ما راحوا ....

عمار : ماهو بصاااحي !

راجح : انا ما فهمت صراحهه ايش اللي صار من شوي ..

نواف : انتوا متأكدين ان هذا خويكم فيصل ؟!

عمار : غريب مو طبيعي .. اخر انسان ممكن يسامحه على وجه الارض هو هتان .. كيف صار يطلع معه كذا ؟!

نواف عنده فضول يعرف اش قالت حنان لفيصل : وليد(حنان) انت اش قلت له ؟

حنان بضيق : سألته ليش يمشي مع هتان .. ما اعطاني جواب مقنع .. تخيلوا يقول لي المسامح كريم !

نواف : جد شي غريب ...

راجح : انتوا ما انتبهتوا ..

عمار : على ايش ؟

راجح : مدري بس انا لاحظت انه متضايق من هتان مو حاب يروح معه .. حسيته مجبور ..

عمار : ايش اللي جابره !؟

حنان : مو مجبور و لا شي .. محد يقدر يجبر احد يصاحبه ..

عمار : إلا هتان كل شي عنده مقدرو عليه .. اصلا مافي تفسير للي صار الا هذا ..

حنان عن نفسي ما رح اكلم فيصل و لا رح اتقبل اللي سواه الى ان يقنعني بعذره ... هذا اذا كان عنده عذر اصلا !

فيصل طلع من الصف مع هتان .. طلعوا برى بالحوش بالساحه الخارجيه ورى ... كان فيصل مره معصب من كلام حنان و متضااااايق .. اكيد ما رح تكون راضيه و هي تشوفه يمشي مع الشخص اللي سبب مشاكل لها من اول ما دخلت المدرسه ...

هتان ناظره شافه كيف متضايق : وش فيك يا الخوي ؟

فيصل : و لا شي .. ليش طلبت اننا نطلع ؟

هتان طلع سيجاره : عشان هذي ...

فيصل : انا برجع للصف و انت دخن براحتك ..

هتان : لاااا وين ترجع .. انت خوويي لا تتركني .. هذا اتفاقنا ..

فيصل : هذا الاتفاق .. سبب لي مشاكل لو تدري ...

هتان بعصبيه : تقصد وليد (حنان ) .. دامك معي انساااه ..

فيصل : مو انت اللي تتحكم بمشاعري .. على كيفك انساه ! .. خلك في نفسك بس ..

هتان انقهر و سكت و قام يدخن ... ظلوا اثنينهم ساكتين و الجو متكهرب شوي ..

هتان عطا فيصل سيجارته اللي كان يدخنهاا .. ما كان عنده الا هي ...

فيصل : قلت لك ما ادخن .. ما تفهم انت ...!

هتان : انت متضايق اللحين جربها و صدقني ما رح تندم .. رح تنسى كل اللي مضايقك ..

فيصل اللحين صار مستحيل علي اني اتقرب من حنان .. طول هالسنه .. رح تكرهني لاني اماشيه .. ما رح تعطيني فرصه اني احبهاا .. و هي ما رح تحبني .. رح تستغل اللي صار و تتعلق بوليد اكثر .. انا .. انا مالي مكان في قلبهاا .. و مهما حاولت .. هي تصد عني ... حنان ما رح تكون لي .......!

فيصل اخذ منه السيجاره بدون تفكير و صار يدخن ....

هتان مبسوووط و هو يشوفه يدخن .. : كييييف جوك ؟!

فيصل بضيق : اسكت بس ...

هتان : هههه رح تروق اللحين .. و اذا السيجاره ما ساعدتك عندي اللي احسن منهاا ...

فيصل : قلت لك اسكت .. محد ببيوديني بداهيه غيرك ...

هتان منقهر من اسلوبه لكن متحمل و ساكت ...

فيصل : تصدق ماهو بشين التدخين !

هتان : ههه قلت لك .. انت رايق اللحين صح ..؟

فيصل تنهد : يعني .. ودي ارجع للصف ..

هتان : اوكي ارجع باقي اقل من 10 دقايق و تنتهي الحصه .. بس اذا ما عليك امر ممكن تقول لمشاري يجيني هنا ..

فيصل رمى السيجاره بالارض ثم مشى : طيب طيب ....

هتان اخذ السيجاره : يا حبني لك .. دخنت سيجارتي بدون تردد .. كذا انت تعجبني يا فيصل ...

دخل للفصل و شلته يناظرونه لسا مستغربين من اللي صار ... محد تجرأ يكلمه لان ما عندهم شي يقولونه اصلا ...

فيصل : مشاري .. هتان يبغاك برى ...

مشاري : اللحين رايح ..

قعد فيصل بمكانه جنب حنان .. هي لفت عنه ما تبي تشوف وجهه .. فيصل سكت ما كلمهاا و عاذرها على اللي تسويه ...عمار ما حاول يكلمه بالصف كان يخطط يكلمه لحالهم حتى يعرف منه ليش سوى كذا ؟!

طلع مشاري يقابل هتان .... وصل عنده كان هتان طاير من الوناسه و هو ماسك السيجاره ...

هتان شافه من بعيد : مشموش .. حرك بسرعه تعاال ..

مشاري : وش فيك علي هذاني جاي ...

هتان : ياااخي والله اني مبسوووط ..

مشاري : هههه واضح عليك .. ليش ماسك سيجاره مطفيه ؟

هتان : هذي السيجاره ذكرى بحتفظ فيهاا ..

مشاري مستغرب : كيف يعني ذكرى ؟؟!

هتان يقرب السيجاره لوجه مشاري : هذي اول سيجاره يدخنها فيصل من وراي ...

مشاري : ههه أمااا ..

هتان : ماني مصدق انه سمع لي و دخن ..

مشاري : ووه وش سويت في الولد ..؟!

هتان : ابد ما سويت شي .. بس للحين ما ارضيت غروري ودي ان فيصل ما يشوف احد غيري .. يااخي ودي لو مره بحياته يقولي هتان انا محتاج لك !

مشاري : انا فكرت فيهاا امس .. و لقيت طريقه رح تخلي فيصل خدام تحت رجولك ..

هتان : لاااا يا الخوي ما ابيه خدام .. كبيره عليه يصير خدام ..

مشاري : انت اسمعني بعدين قرر اذا عجبتك فكرتي ولا لا ...

هتان : هااتي اللي عندك ..

مشاري : خليه يصير مدمن ...

هتان : وش مدمنه ؟؟؟

مشاري : يعني وش مدمنه بالله عليك .. مخدرات ...

هتان : أمااا عاااد نوصلها للمخدرات !

مشاري : انت تعرف ان المدمنين يسووا أي شي تطلبه منهم .. يعني فيصل ما رح يتركك و لا لحظه بيظل وراك دام انك تعطيه اللي يبي ورح يسوي أي شي تبغاه منه ...

هتان يفكر و متردد : كلامك صحيح .. بس انا ما ابي اضره ...

مشاري : انت الوحيد المستفيد .. فكر زين ..

هتان : دام انه بيكون بين ايدي بفكر فيهاا .. بفكر صح ثم نشوف ..

مشاري ابتسم بخبث : ما رح تندم الى وافقت .....

هتان : امممم يصير خير ....

مشاري : صحيح نسيت اقول لك ..

هتان : وشو ؟

مشاري : نادر ابوه جا اليوم و سحب ملفه من المدرسه ..

هتان : ههه احلف !

مشاري : أي والله ..

هتان : وش عنده ذا الشايب !؟

مشاري : ههههه يقول ما بيترك ولده بمدرستنا لان اصحاب ولده اصحاب سوء ...

هتان : ههههههههااي ما كنه يقصدناا !

مشاري : ههه ميه بالميه يقصدنااا ..

هتان : يلااا عاادي و ان راح نادر بنلاقي غيره ...

عدت الحصه الاولى ثم الثانيه ثم الثالثه .... بالفسحه .. هتان مر فيصل للفصل و طلع معه ....

عمار تكلم بصوت عالي حتى يسمعه مشاري : هههههه هتان سحب على شلته و صار يمشي مع فيصل ..

راجح : من جد ...

مشاري : اقول انت و اياه على تبن .. و هذا فيصل حقكم بتشوفون اش رح يصير له ...

عمار وش قصده ذا ؟ : هييييه انت و ش قصدك ؟

مشاري : ماني مجبور اعلمك يا الزلابه ....

راجح : لا ترد عليه ما عنده سالفه ...

مشاري : نشوف بعدين مين اللي ما عنده سالفه !

حنان كلام مشاري يخوف وش يخططون له !؟

نواف : ابروح اشتري فطور .. وليد(حنان) وش رايك تجي معي ؟

حنان صح ابشوف فيصل وينه واش يسوي مع هتان الحقير ......: اوكي بجي ...

نواف استغرب موافقتها السريعه .. و اعتقد انها سامحته .. و هي في الحقيقه كان كل اللي شاغل بالها فيصل واش يسوي مع هتان ....

عمار : نووووواف اشتر لي معك فطور ...

عبدالرحمن : أي وانا بعد ...

نواف : ابشروا .. و انت يا راجح ما تبي شي ..؟

راجح : لا سلامتك ..

طلعت مع نواف .. للساحه ....

نواف بهمس : حمد ..

حنان : هممم ..

نواف : انت سامحتني صح ؟

حنان : وش تتكلم عنه انت .. مو وقتك ترى !

نواف : اناا .....

حنان قاطعته : هذاك فيصل هناااك ..

نواف : أي و اذا !؟

حنان تناظر فيصل بقهر : شوف كيف قاعد مع هتان .. وش يحس فيه ؟

نواف : اتركه في حاله ...

حنان : كيف اتركه.. من جدك انت ؟ .. هذا ولد خالتي .. و يدري ان هتان الزفت اكبر اذيه لي .. يقوم يمشي معه و يسامحه على كل شي ...

نواف : وش نسوي له طيب ..؟!

حنان : لا تسوي شي .. محد طلب منك تسوي شي ..

نواف و هذا بيطلع عصبيته علي ... : انا بروح اشتري استناني هنا ...

حنان تسندت ع الجدار و نظرهاا على فيصل .. و هي تشوفه من بعيد مع هتان بدا الحقد و الكراهيه يتسلل لقلبهاا ...

من جهة فيصل كان منتبه انها واقفه مقابيله و عينهاا عليه ... اش قد كره نفسه بذيك اللحظه .. لكن متحمل و ساكت بالرغم من نظرات حنان له .. بما ان هالشي فيه مصلحتها رح يتحمل و يسكت .....

هتان : يا الحبيب وين تناظر ؟؟!

فيصل : مو شغلك ..

هتان ناظر وين ما فيصل يناظر : لا يكون بالك مشغول على وليد(حنان) ..

فيصل : و اذا ؟ بيزعجك ذا الشي ؟!

هتان : اكيد بيزعجني .. اذا انت معي لا تفكر إلا فيني ..

فيصل : من حضرتك عشان افكر فيك .. و بعدين لا تفهم وضعنا غلط .. انا ما جيت معك لاني احبك او انا راضي باللي يصير .. انت عارف و انا عارف اني معك بس عشان اتفاقنا .. و اتفاقنا عشان وليد (حنان) هذا اللي مو عاجبك ..

هتان : قول اللي بتقوله .. انا عن نفسي فاهم الوضع بطريقتي ... و هذا وليد (حنان) دامك معي لا تجيب طاريه .. و لا بينتهي الاتفاق ...

فيصل عصب : انت .. انت ... كيف تفكر ياخي !؟

هتان : هههه مو لازم تعرف ...

فيصل اللحين انا بقعد مع هذا المجنون سنه إلا .. يااا رب صبرني على عقلية هالانسان .. هذا اذا كان انسان اصلا ...!

هتان اجل ما رح تنسى وليد(حنان) هاااه .. الظاهر لازم افكر جدياً بكلام مشاري .. لانه مافي حل الا هذا ...

فيصل : قوم خلينا نمشي من هنا ...

هتان : ليش المكان حلو ؟

فيصل كيف بتحمل نظرات حنان لي .. يعني خلاص انتهى كل شي بيننا .. و بتقعد تناظرني كذا طول عمري ؟! كيف بتحمل ...؟

هتان : فيصل اش فيك ؟

فيصل : خلينا .. خلينا نروح لنفس المكان اللي رحناه الحصه الاولى ..

هتان استانس : ابشر ما طلبت شي ... حلو لما نكون لحالنا .. بعيد عن الازعاج ....

قام فيصل و قام معه هتان .. و هم ماشيين .. مروا من جنب شلة هتان ...

مشاري : اخوووص يا الزعيم شاااق الحلق و مستانس ...

عزيز : ههههه من قده اللحين سوا اللي براسه ...

عبدالرحيم : أي بس .. ما تحسون انه ساحب عليناا ..؟

مشاري : حلاله يا عم .. دامه مبسوط خله يسحب ..

عزيز : إلا اقول ... صدق نادر بينقل ...؟

مشاري : ايييه للاسف .. امس كلمني ..

عبدالرحيم : تتوقعون انه بيروح مدرسة عساف ..؟

مشاري : يمكن لان هذي اقرب مدرسه بعد مدرستنا ...

عزيز : والله ما ودي ينقل ..

مشاري : يااخي ابوه نفسيه ...

عبدالرحيم : طيب انت ابوك ما قالك شي ؟؟!

مشاري : لا ابد اصلا غاسل يده مني ههههه ...

عزيز : هههههه احييه صراحه على انه سكت لك ..

مشاري : احم احم هذا ابوي .. ودي اعرف عساف وش صار بينه هو و ابوه ..؟

عبدالرحيم : اليوم ان شاء الله نروح الساحه و نقابله ...

مشاري : يعني فيه تحدي اليوم ؟؟؟

عبدالرحيم : قريت بي سي بالبي بي امس .. فيه عرض تفحيط بعد المدرسه ... و اكيد عساف ما يفوت ...

مشاري : اوووه لازم اقول للزعيم .. هو اليوم مره فاالهاا اكيد بيحضر و يهجول ..

عزيز : يعني ما تتوبون !؟

مشاري : ههههههههاااااااي .. كيف نتوب عن الفله !؟

عزيز : هالله هالله لا تنصصادون !

مشاري : معليك .. خلاص صرت طااره .. محد بيصيدني امس كانت اول و اخر مره ...

عبدالرحيم : نقول ان شاء الله ...

طلعوا للحوش .. الساحه الخارجيه مره ثانيه ...

فيصل : هتااان عطني سيجاره ...

هتان : ما عندي .. هاذيك كانت اخر وحده ..

فيصل يهزه مع كتوفه : انااا مره ضاااااااايق ... و ابي شي يعدل مزاجي .. كيف ما عندك !؟

هتان : والله ما عندي .. من وين اجيب لك ..؟

فيصل : اووووف ما منك فايده ...

هتان حز بخاطره : اش رايك ... اش رايك نهرب من المدرسه و بجيب لك باكيت ...؟

فيصل : لا لا لا ما عمري هربت من بعد ما مات هيثم .. ما رح اسويها اللحين ...

هتان هيثم مره ثانيه حتى و هو ميت ما ارتحنا منه ... : وش تبيني اسوي عشان يتعدل مزاجك ...؟

فيصل : خلاااص خلنا ندخل داخل ...

هتان : اوكي يلا ...

في الشقه ...صحا وليد الساعه 9 طلب فطور .. افطر ثم قعد يراجع شغله ع اللاب .. الى ان اندق باب بيته ....

وليد غريب بذا الوقت مين !؟ ..

راح فتح الباب ......

وليد : هذا انت ؟!

ما رد عليه دخل للشقه و قعد ع اقرب كنبه ...

وليد : وش جايبك هالمره يا صقر ؟

صقر ناظر اللاب : شكلك كنت تشتغل صح ؟

وليد : سألتك سؤال ليه جاي ؟

صقر : سمعت انك بتروح لدبي بكره ...

وليد : اكيد عمي هو اللي قالك ... طيب اش بغيت ؟

صقر : ابد لازم اسافر معك ..

وليد : ليش مو عاجبكم شغلي ؟

صقر : ابوي قال لي اروح معك .. يعني مو عشان خشتك .. رايح مجبور ..

وليد : اوك مافي مشكله .. عندك شي ثاني ؟

صقر : اييه اطبع لي حسابات الشركه اللي بدبي .. ابوي حاب يشوفها ..

وليد : دقيقه و تكون جاهزه الاوراق ...

صقر : بسرعه لاني ما اطيق اقعد بذي الشقه ...

وليد سكت عنه ... كان وده يقول له لا عاد تجي لاني انا بعد ماني طايقك .. بس ما وده يطول السالفه .. فقعد يطبع الاوراق و صقر يثرثر ع راسه ....

صقر : كيف كانت طلعتك مع اختي امس ..؟

وليد بدون نفس : زينه ...

صقر : ماني عارف اختي اش لاقيه فيك .. بس يلا حظ و نصيب ..

وليد : خلصت الاوراق .. تقدر تاخذهاا ..

صقر : زين خلصتها بسرعه .. ههه نشيط ما شاء الله عليك ..

وليد : أي اوامر ثانيه !؟

صقر : لااا مشكور يا ولد عمي .. اشوفك بالمطار ..

وليد : مع السلامه ....

مشى صقر ... و وليد متضايق لانه بيجي معه ما يقدر يتحمل اسلوبه مره غثيث ... لكن مجبور ......

نرجع للمدرسه ... دخلوا للساحه الداخليه .. لازال فيصل متضااايق .. و هتان يحاول يسعده بأي طريقه .....

هتان : اش رايك تجي تقعد مع شلتنا ؟... عليهم سوالف رح تموت من الضحك ..

فيصل : لا شكرااا ماني حاب ...

هتان : ههه اللحين يفكروني سحبت عليهم ..

فيصل : و انا بعد عمار و البقيه يفكروني ساااحب عليهم ...

هتان : خلاص انت روح لأخوياك و انا بروح لشلتي ...

فيصل طرت على باله ذي المزحه : ههههه مليت مني بسرعه ...!

هتان ظل يناظره مصدووم هو صدق قال ذا الكلام : افااا انا أمل منك .. اذا ودك اقعد معك قعدت معلي من شلتي ...

فيصل : اووووص بس كنت امزح .. لا تصدق .. انا رايح لصفي ... و انت اقعد مع شلتك شوي ...

مشى عنه فيصل و هو واقف مفهي .. مو مصدق الكلام اللي قاله فيصل حتى و ان كان مزح .. كلام فيصل خلااااه يتناقز من الفرح ... راح ركض لشلته واضح عليه السعاده ... و من فرحته قام يكفخ في شلته >> يعني مزح ..

مشاري : هيييييه قتلتنا ..

هتان : ههه وش اسوي ياخي مبسووووووووووووووووط ..

عزيز : و بتنبسط اكثر فيه تحدي اليوم ..

هتان : تحدي !.. اجل ابقنع فيصل يخااويني ..

مشاري : اكيد ما تفوت انت ...

هتان : يا لبه يا ناااس يا لبه .. زعيمي يجنن ..

مشاري : وش صار ؟ على هونك ..

هتان : ابد قام يمزح معي .. فيه تطورات .. كلها كم من يوم و يرجع فيصل اللي اعرفه ...

مشاري : على خير ان شاء الله ...

اندق الجرس معلن نهاية الفسحه ......

هتان مسك ذراع مشاري : ياااخي انت محظوظ معه بنفس الصف بادلني تكفى ...

مشاري : ههههههه وش ذا المزح الثقيل ...؟

هتان : هههه والله محظوظ ..

مشاري : اقول فكنا خلني اروح الصف قبل لا يجي الاستاذ ..

هتان : أي و سلم على فيصل ..

مشاري : الحمدلله و الشكر توك كنت معه ...

هتان : هههه يلا انا بعد بروح لصفي ... قهر ليتني ما رسبت ...

مشاري : ...............

انتـــــــــــهى البــــــــــارت