شبكة همس الشوق - عرض مشاركة واحدة

11 - 8 - 2015, 12:59 PM

بـــــــــــــــــــــــــــــارت [41]

رامي : ما لنا غيرك وش نسوي...

هتان : امش يا مشاري خلنا نشوف...

مشاري : يلاااا

راحوا للمكان اللي صاير فيه الهواش ... حنان منحشره بالزاويه من الخوف و قدامهاا راجح قاعد يهزأ بشلة هتان .. و الدحمي و نواف يسااندوا رااجح .. اما فيصل كان فوق بفصله مع عمار.. لما سمعوا بسالفة الهوشه طلعوا من الصف و طلوا من ع السور يناظروها من فوق....

عمار : ما ودك تنزل ؟

فيصل : لأ...

عمار : مو خايف على ولد خالتك ؟؟!

فيصل : معليك راجح معه...

عمار : شف شف هذا الكلب هتان وصل..

فيصل ضرب ع السور بقوه : النذل اتفقنا انه ما يقرب حمد و شوف شلته وش سووا !؟

عمار : جبان وكذااااب من يومه ... ما ادري كيف انت وثقت فيه...

فيصل : وش اسوي ما كان عندي حل...

عمار : اللحين ما ودك تنزل تجيب ولد خالتك قبل السالفه ﻻ تكبر؟!

فيصل ابتسم : خله شوي يتروع ... ( مو قليل اللي سويتيه فيني يا حنان.. ..)

وصل هتان & مشاري لمكان الهوشه...

هتان : هييه هييه انت و ايااه سلااامات...

: انت الللي سلامااات جااي مدرعم وش تبي ؟!

هتان : مين ذا الورع اللي ينافخ ؟!

مشاري : هذا متعب اخو عزوز...

هتان يقرب منه : اجل انت راعي المشاكل..!

عزيز : هتان معليك منه حسابه معي بالبيت .. ما كان يسوي ذي الحركات مدري اش جاه!

متعب بصراخ : وش دخلكم فيني وش تبون ؟؟

هتان : اقول على تبن بس و خذ اخوياك ذا السلاتيح و يلا انقلعوا على فصلكم..

متعب : من انت عشان تتأمر ؟... محد ببينقلع غيرك...

هتان : قد ذا الكلام ي الورع .. قسم بالله ان حطيتك براسي مير تندم...

واحد من اصحاب متعب : ترى يا عيال هذول الشله هم اللي بدوا .. احنا ما قلنا شي قاموا طبوا علينا خاصه ذا راعي الكارتيه...

مشاري بنظرة اللي مو مصدق : يعني انتوا ابد ما سويتوا شي ؟!

: صدقنا ما سوينا شي..

هتان نظره على حنان : امممم انتوا فاارقواا و انا بتصرف مع هذول....

نواف بهمس : هيييه يا دحييم سحبوا علينا و صاروا يتهاشون فيما بينهم..

عبدالرحمن : ههه امحق شله بس ! .. الحمدلله و الشكر...

راجح : شبااااب خلووناا نمشي...

حنان يمه يمه وش صار ؟! كل شي صار بسرعه...

جوا بيمشواا......

هتان : على وين ان شاء الله ؟!

راجح : بغيت شي يا هتان ؟

هتان : ما تفاهمناا..

راجح : ابعد عن طريقنا احسن لك .. و علم شلتك الدلوخ هذول ما يعترضون لنا مره ثانيه...

مشاري جا بيتكلم سكته هتان...

هتان : المره ذي سمااااح بنترككم تمشوا .. مو عشان خششكم .. عشان فيصل بس..

مشوا عنهم و ما ردوا على كلامهم .. و هتان عينه على حنان يناظرها بحقد و هي ناظرته بخوف .. ما كانت نظراته طبيعيه الى ان اختفت عن انظاره...

هتان : هههههههههههههههههههههههه ههههههههههههههههه هههههههههههااااااااي...

مشاري : بسم الله عليك .. وش جاااك ؟!

هتان : ههههههههههههه ياااخي احس اني مرووووق و مكيييييييييييف ع الآخييييييييييييير ...

مشاري : مكيف و لا ثلاجه كااااااااااااااك كااااااااك...

هتان : ههههههههههههههههههههههه تنكت هاااه..

مشاري : هههههه غريبه ما خميتني بكف ليش اني طقطقت عليك...

هتان يهزه مع كتوفه : ياااااااااخي احس اني مبسووووط و مرووووق ..(ناظر السما ) .. احساااااااااس جمييييييييييييييل...

مشاري : ؟؟؟؟؟؟؟؟؟؟؟؟؟؟؟؟

هتان : اقول يا المشمش خطرت في باااالي فكره جهنميه .. ان ما خليت وليد(حنان) هذا يختفي عن وجه الارض ما اكون الزعيم هههههههههههههههااااااي...

مشاري بحماس : وش هي فكرتك !؟

هتان : امش معي على برى هنا ما ينفع نتكلم....

مشاري : ما بقى شي و يدق الجرس...

هتان : معليييييك اسحب على ام الحصص اللي بقوله مهم....

مشاري : وش نسوي يلااا...!

مشى هتان بس قبل لا يروح ... لف على شلته و اللي معهم.......

هتان ابتسم بشر : انتم يا الزلايب حسابكم معي بعدييين ... ( ثم راح مع مشاري)

عزيز : عجبك يا التبن .. عجبك اللحين بيفصل علينا!

متعب : مع نفسه حبيبي .. ما يهمني..

عزيز ضربه ع راسه : اوريك بالبيت يا المشكلجي ... ما شفت تتهاوش الا على اللي هتان حاط عينه عليهم...

متعب : احسن .. ذاك الولد يقهرني مدري على وشو شايف نفسه...

عزيز صرخ عليه : و انت وش دخل اهلك تروح له ...؟!

متعب : كيفي ... و الحيوان اللي مسوي لي راعي كارتيه انا اوريه .. و لا انا يضربني ...

عزيز : تستاهل ما جاك ... عشان تترك اللقافه...

متعب مشى عنه و هي يتحلطم و متضايق لان راجح كفخه.......

عند هتان & مشاري....

هتان : اسمعني كويييييس و ركز معي...

مشاري : انا بقمة تركيزي انت بس قووول...

هتان ابتسم بخبث : ابي وليد(حنان) يختفي عن وجه الارض و انا بقولك كيف...

مشاري تحمس اكثر : اخلص علي و قووول تراااي بموت من حماااسي...

هتان : ههههه لا تموت لسا نبيك .. المهم ... تذكر المكان المخيف اللي رحنا هجولنا فيه العام ... يوم كان عساف معنا و غرزت سيارته و سحبناهاا تذكر ؟!

مشاري : ايييه مكااان يروع .. بغينااا نموت من خوفنا..

هتان ابتسم : حلوووو .. طيب تذكر الغرفه المبنيه هناك ؟

مشاري : أي اذكرهااا حتى كلنا يومها قلنا اكيد ذي الغرفه مسكونه .. شكلهاا يخوف..

هتان بشر : ابخذ وليد(حنان) و برميه هناك .. و ايش ما يصير له ما يهمنا .. اهم شي نوديه لذيك الغرفه و محد بيدري عنه...

مشاري : اووووه وش ذا الرعب .. من جدك انت!

هتان : هه هه هه اجل امزح .. ساحبين ع الحصه و جايبك هنا عشان امزح معك!

مشاري : لاا بس قوووويه .. اخاف يموت هناك و لا يصير له شي..

هتان : قلت لك ما يهمنا جعله يروح و ما عاد يرجع و لا عاد اشوف خشته...

مشاري بعد تفكير : والله اذا بتتخلص منه بعين و اعاون .. ( تنهد ) لكن و انا اخوك بنخسر واحد مزيون شي يضيق الصدر...

هتان : هههههههههههه .. اشوف فيصل احلى منه .. و هو اهم شي .. يمكن اذا تخلصنا من وليد(حنان) بيلتفت لي فيصل و ينساه....

مشاري ما ألتفت لك بعد موت هيثم تبيه يلتفت لك بعد ما يختفي وليد .. ودي اقولك ذا الكلام بوجهك بس اخاااف.....

هتان : هيييييه فكر بخطه تخلينا ناخذ وليد(حنان) بس بالليل .. عشان فيصل ما يحس ان احنا ورى موضوع اختفائه...

مشاري : و من وين بجيب لك خطه اللحين ..؟!

هتان : فكر يا الدلخ فكر...

مشاري : محد بيجيب لك خطه احسن مني اصبر شوي امخمخ و اطلع لك خطه بنت كلب ...

هتان : هههه يجي .. كذا تعجبني .. يلااا فكر...

اكيد سحبوا على حصصهم و قعدوا يفكروا .. هذي المره هتان جدي بموضوع انه يتخلص من حنان و بأي طريقه.....

نروح شوي لدبي .. عند وليد و ولد عمه صقر ... طلع وليد من الحمام-الله يكرمكم- بعد ما اخذ شاور ..المنشفه ع شعره يجففه ... وقف قدام المرايا....

وليد : اللحين ما لقيت إلا غرفه مشتركه !؟

صقر كان جاهز و قاعد على سريره حاط رجل على رجل و نظره على وليد : ههه مو لاني ميت عليك .. هذا اقرب فندق للشركه و احنا ما حجزنا من بدري يعني شي حلو اننا لقينا ذي الغرفه...

وليد : من الاخير لا انت تطيقني و لا انا اطيقك .. عشان الامور تمشي خلنا نتغاضى عن بعض...

صقر : عشان كذا اخلص .. مو حلو من بدايتهاا نتأخر عن الاجتماع...

وليد : 5 دقايق و بكون جاهز....

سكتوا شوي ثم.....

صقر : ريهام قالت لي انك عايش مع اثنين من اصدقاك بالشقه ... الغريب اني ما قد شفتهم...

وليد احسن شي صار انك ما شفتهم .. لو شفت فيصل عادي بس حمد .....: ما حصل نصيب نعرفك...

صقر : عادي ما يهمني .. أي احد من طرفك اكيد انه من نفس طينتك .. و انا ما احب طينتك..

وليد : مو مجبور لا تحبني و لا تحب اصدقاي .. خلك بنفسك و بس..

صقر : كلكم ما تهموني اللي تهمني اختي .. صايره تتكلم عن ربعك كثير..

وليد خاف لا تكون قالت له عن حمد .. : وش تقووول عنهم ؟!

صقر : مو لازم تدري..

وليد اووم السخااافه ليش يفتح معي السالفه اذا ما بيقول ...؟!

صقر ابتسم ابتسامه ما لقى لها وليد أي تفسير....

وليد قدام التسريحه يزين شعره و يناظره من المراياا .. ~ اش عنده مع ذي الابتسامه محسسني كنه عارف شي .. و لا ناوي على شي .. من يومي ما افهم ذا الصقر ... اسلوبه معي غريب .. صحيح انه يبين يكرهني و حاقد علي لكن من بعد كلام ريهام عنه قبل سنتين و انا محتااار.....

( نرجع لحظات للماضي نعرف اش صار بين ريهام و وليد بخصوص صقر كانوا بثالث متوسط وقتهاا وعايش ببيت عمه .. رجع من مدرسته تعبان و زي ما عرفتوا قبل كان

من مدرسته لغرفته و من غرفته للمدرسه ... طبعا راح غرفته ... لقى صقر مستنيه هناك .... مو اول مره تعود على ذا الشي..)

صقر : ليش تأخرت ؟؟

وليد : كنت مع ماجد..

صقر شد بشعره : كم مره اقولك بعد المدرسه ترجع للبيت على طول...

وليد : اترك شعري .. ماجد ما خلاني اروح الى ان اتغدا معهم...

صقر : ياا سلاااام ... مو مشكلتي ... امس تقول لي كان عندك واجبات قعدت تحلهم بالمدرسه و اللي قبله قلت الطريق زحمه و اللي قبله قلت اخذتك السوالف و كل مره تطلع لي بعذر .... ( دفه ع الارض ) .. خلني اشوفك تعيدها بكره والله ما ارحمك...

وليد اصلا كل يوم تقول ذا الكلام و ما تسوي شي ههه.......

صقر صرخ : فهمممممممت!

وليد بعصبيه : طيب طيب....

صقر : بعد شوي بيجهز غدانا ... اذا ما شفتك على الطاوله برى ما بيحصل لك خير...

وليد : قلت لك تغديت عند ماجد .. بعدين وش دخلك اكل و لا ما اكل كيفي..

صقر : مو بعشان وجهك ذا الخايس .. تجي تقعد معنا عشان ابوي .. خلني ما اشوفك ع الطاوله...

وليد بصوت غير مسموع : كأن عمي يهتم اصلا!

صقر : قلت شي ......؟

وليد : لأ...

ثم طلع صقر .. و ظل وليد يسب فيه.......

وليد شااايف نفسه علي كل يوم يضربني كل يوم .... و اذا عمي موجود يخلوني اكل معهم و اذا لا اكل تبن بالغرفه .... اوووووف يا ليت اطلع من ذا البيت و افتك منهم بس يتحكمون فيني......

اندقق باب غرفته......

وليد استانس .. هذي اكيد ريهااام!

ركض للباب و فتحه.....

ريهام : ممكن ادخل ...؟

وليد : اكيد ممكن ( مسك يدها ) يلااا تعاالي..

ريهام ابتسمت على عفويته....

وليد عبس وجهه : شفتي اخوك اش سوى فيني .. كل يوم يضربني بسبب او بدون سبب ...

ريهام : طيب تألمت ؟ جاك شي ؟ انجرحت ؟!

وليد مستغرب اسئلتهاا : لااا ما انجرحت و لا جاني شي .. بس ألمني لما شد شعري...

ريهام : ههههههه..

وليد : ليش تضحكين !؟ كل ما اشكي لك عن صقر تضحكين علي .. ليييييش ؟!

ريهام : ههههههههههه قبل لا تجي بشوي كنت قاعده مع صقر...

وليد قعد جنبها و صار يسمعها بتركيز....

ريهام : كنا نتكلم عنك...

وليد : ليش صقر يتكلم عني ؟ هو ما يحبني اصلا!

ريهام : ليش تقول كذا ؟ .. ادري انه قاسي معك و يبين لك انه يكرهك .. بس في الحقيقه هو يحبك .. صدقني يحبك .. لما انت ما جيت كان قلقان عليك .. خاف يكون صار لك شي...

وليد ما صدق : ههههه كل يوم انا اتأخر ما خاف علي الا اليوم ؟!

ريهام : انت طالعت الساعه كم ؟! .. قربت تدخل على 2 و نص .. اليوم تأخرت بزياده ...

وليد : حتى ولو .. ما بصدق انه يحبني و خايف علي...

ريهام : عادي لا تصدق .. انا اعرف اخوي ورى ذا الانسان البغيض القاسي اللي بس يجرح و كلامه ما يثمنه ورى كل هذا قلب حنون و محد زيه هذا اخوي و انا كذا اشوفه ... و انا متأكده انه يحبك و يعزك و يغليك و يمكن يحبك اكثر من أي احد فينا...

وليد عصب : ليييييش تقولين كذا ليييييش تكذبين ؟! مهما قلتي مستحييل احب اخوك او حتى اصدق كلامك...

ريهام : انا ما اكذب و الدليل كل ما نقعد يتكلم عنك ... مره معجب بذكائك و اسلوبك و في نفس الوقت مكسور خاطره عليك لان ما عندك ا.........

وليد قاطعها بصراخ : ريهاااااااااام لا تكملين ... مستحيل اصدق كلامك .. اخوك اللي يمسكني ع الوحده .. و ما يصدق يلاقي فرصه يوقعني فيهاا .. اخوك اللي يتبلى علي قدام ابوك .. و متى ما حب يضربني على كيفه .. و انتي تدرين عن كل هذا و تقولين يحبني...!!

ريهام ابتسمت : هذي فلسفة اخوي في الحياه .. كيف اقولك .. يحس ان هذي الاشياء تثيره يعني يستمتع لما يسوي فيك كذا ... بس لا صار لك شي بتلاقيه اول واحد يوقف جنبك و يساعدك ... ما حصل بينكم موقف تحتاجه فيه و لا كان عرفت ان الكلام اللي اقوله صحيح...

وليد ايدينه ع اذانه مو حاب يسمع : اسكتي الله يخليك ... اقولك اطلعي برى غرفتي ... و غدا ما ابي سمعتي ... ( صرخ ) يلااااا اطلعي...

ريهام : تصدقني او تكذبني شي راجع لك .. صقر محتاج احد يفهمه .. كنت اتمنى انه يكون انت بس الظاهر مافي امل....

وليد : اوووووص اطلعي.....

ريهام حملت حالهاا و طلعت.....

بعد ما راااحت.......

وليد .. كذاااابه كذااااابه كذااااابه ... بعد كل اللي يسوونه فيني ... تبيني اصدق انه يحبني ... أي كذبه هذي ! ... ( صار يضحك بهستيريا ) اكيد هذي كذبتهم الجديده عشان يكسبوني في صفهم .. و عشان يقدروا ياخذوا مني فلوس ابوي .. بس على مين .. مو علي اناا ... أما انتي يا ريهام انتي تصيرين زيهم هذا اللي ما توقعته و صدمني........

( نرجع للحاضر .. يمكن ما ذكرت كم عمر صقر ... هو حاليا بعمر 21 سنه يدرس ادارة اعمال و يشتغل في نفس الوقت ما يحتاج اوصف لكم شكله اذا اخته جمالها ما ينوصف فيكم تتخيلوا كيف شكله .. بس الاكيد مو احلى من وليد^_* .... )

وليد بعد ما تذكر الماضي و كلام ريهام .. فكر هل ممكن يكون كلامها صدق !؟ ما يدري ليه تذكر كلامها بذيك اللحظه ثم لف على صقر : ليش تناظرني كذا و تبتسم !؟

صقر عينه ع الجدار اللي جنبه : ما كنت اناظرك!

وليد : وضعك مريب...

صقر انفجر ضحك : هههههههههههههههههههههههههههههههه...

وليد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صقر : هممم خلصنا بس تأخرنا ع الجماعه...

وليد : صرت جاهز...

صقر كيف تغيرت يا وليد و كبرت .. وين ذاك الولد الباكي المنعزل الوحيد ... اشتقت لذيك الايام كانت متعه ما اقدر اوصفهاا...

نرجع للمدرسه .... مشت الحصص ... و هتان & مشاري قاعدين بالحوش .. على السجاير .. يفكروا بعمق.....

هتان : ابي فكره تخلينا ناخذه و فيصل ما يدري انه احنا عشان كذا قلت لك نسويهاا بالليل ...

مشاري : لحظه فيه فكره في مخي قاعد اجمعهاا .. صبرك علي شوي..

هتان : من الفسحه و انا صابر عليك .. جمعهاا و اخلص..

مشاري : ههههه وراك كذا مطفوق اصبر ترى الصبر زين..

هتان : و هذا احنا صبرنا البكت بيخلص و انت ما خلصت...

مشاري : يااا هوو خلني افكر و لا ترى بسحب عليك..

هتان : كان فيك خير سوهاا..

مشاري صرخ : لقييييييييييييتهااا..

هتان فز : اوووووص عمئ فضحتنااا...

مشاري ابتسم بخبث : لقيت لك فكرتن بنت كلب اباا عن جد...

هتان بحماس : ههههههههههه لذي الدرجه ! وش هي ؟

مشاري : تذكر احنا ما كنا نراقب بيتهم اول يومين...

هتان : ايييييه...

مشاري : فيه احتمال ان هذا وليد(حنان) ما يطلع من البيت و انا بقولك كيف ... كذا مره شفنا فيصل يروح للمسجد و هو يقعد بالبيت .. و حتى هنا بالمدرسه ما يجي للمصلى .. ما لاحظت !؟

هتان يتذكر : بعد ما قلت لي .. إلا لاحظت ... كلامك صحيح .. بس وش بيفيدنا...

مشاري : يا الغبي ركز معي ... اذا ودك الليله قبل اذان العشا بشوي نروح نستنى عند عمارتهم .. اذا شفنا فيصل طلع لحاله للمسجد بنتأكد ان وليد لحاله بالبيت...

هتان : و بعدين ؟؟؟!

مشاري : نسأل الاستقبال عن رقم شقة وليد ثم نطلع له الشقه ... و لا تنسى ناخذ معنا سكين عشان نهدده فيها...

هتان : لااا ما يحتاج سكين انا عندي فكره احسن بتخليه ينزل معنا .. بس فيه مشكله وحده ... فيه واحد ثالث عايش معهم بالشقه .. ان كان موجود ما نقدر نسوي اللي انت قلته...

مشاري : يمكن ما يكون بالبيت او يكون طالع مشوار او يروح للمسجد مع فيصل .. خلناا نجرب حظنا ... بس قولي وش هي فكرتك الاحسن من تهديده بالسكين ؟!

هتان : هههه الى وصلنا هناك بتعرف.....

انتهى دوام هاليوم ... رجعوا البيت .. طبعا كل واحد رجع لحاله حنان مع السواق و فيصل مشي مع عمار....

عمار : الى متى بتكون هذي حالتكم ؟؟

فيصل : عن نفسي مستعد اسامحه و اكون معه طبيعي بس هو تتوقع بيتقبلني خاصه و انا اماشي هتان ....؟!

عمار تنهد بضيق : ولد خالتك معقد يااخي كيف تتحمله انت ؟.. والله لو انه انا كان فقعت وجهه ما قعدت اترجى فيه....

فيصل : ههههههههه على الضيق اللي فيني ضحكت .. تراه طيب بس يعاند
عمار : وش ذا العناد الليي فيه .. اقولك شي من اول ما شفت ولد خالتك ما دخل مزاجي ...

فيصل : ههه لييييش !؟

عمار : مررره خكري و مايع .... المرجله من طريق و هو من طريق...

فيصل كتم ضحكته : هو عاجبني كذا خله يا عمار لا تدقق...

عمار لوى فمه : قال عاجبه .. اتركه معي بس يومين و انا اعلمه كيف يصير رجال....

فيصل : هههههههههه ( سكت فيصل شوي راح فكره لبعيييييد) ...

عمار : يااا هوووه وين رحت ؟!

فيصل : قاعد افكر بهتان...

عمار : الحمدلله و الشكر ما بغيت الا تفكر بذا الغثه...

فيصل : ما فهمتني .. مشاري ما حضر الحصص بعد الفسحه اكيد انه مع هتان ما شفتهم طلعوا مع بعض على برى قبل لا تنتهي الفسحه ؟

عمار : إلا شفتهم .. و اذا يعني ؟!

فيصل : قلبي ناغصني .. عندي احساس انهم يخططون لشي .. اذا انت ما انتبهت انا انتبهت .. ما شفت هتان كيف كان يناظر حمد قبل لا يطلع....

عمار : أي والله ما انتبهت ... يعني كيف كان يناظره ؟

فيصل : ما اقدر اوصف لك بس ما ارتحت ... بعدين لا تنسى اني ضربته و سحبت عليه باقي الفسحه ... اخاف يسوي لحمد شي...

عمار : ايخسي يسوي شي .. ما يقدر تطمن بس اش رح يسوي يعني ؟

فيصل : والله هو خطفه من قبل صرت ما استبعد منه أي شي..

عمار : لا ان شاء الله مو بصاير شي..

فيصل : الله يسمع منك و يطلع احساسي غلط ... ( لاني اعرف هتان زين خايف منه ... يااا رب سترك يااا رب تحميهاا من هتان و شره)

نروح للشقه .....الاكيد حنان وصلت قبل فيصل .. اول ما وصلت ع طول دخلت تاخذ شاور قبل لا يجي فيصل .. ما تدري ليه ذاك اليوم ما ودها تشوفه لدرجة تمنت انه ما يجي يمكن لانه ما فزع لها بالهوشه!....

طلعت للصاله....

حنان اوووف اخيرا لبست شي يدل على اني بنت وشلت ذا المشد الأليم اللي ع صدري ...>> لبست فستان قصير شوي لتحت الركب .. فستان زهري ناعم بأكمام قصيره كان مره كيوت...

مرت ربع ساعه و فيصل ما جا....

حنان غريب تأخر .... وش قصتي انا تو كنت اقول ما ودي اشوفه !.... ( مسكت الريموت و فتحت التلفزيون ) .. جافاني النوم و لا المفروض من اول ما جيت من المدرسه نمت ... معقول عشان وليد مو بالبيت ...! .. من جد الشقه بدونه و لا شي .... ( تركت الريموت فجأه و ركضت لغرفتهااا .. وقفت قدام المرايااا تمشط شعرها...) ما شاء الله شعري طاال .. المشكله ما جبت مكياجي و لا كان حطيت ابشوف شكلي كيف رح يصير .. يعني بشوف اذا بطلع احلى من ريهام ... وش زيني وش حلاااتي ليه حتى ما يحبني وليد !؟ .. فديته و فديت ضحكته اللي تذوبني تدوخني يا لبيييييييه اعششششقه .... ( تنهدت) .....

فتح باب الغرفه و دخل بدون لا سلااام و لا كلااام.....

حنان لفت بسرعه عليه : هئئئئئئئئئئئئئئئئئئئئ.....

فيصل وقف مكانه عند الباب مصنم و مفهي ...يعني خق على شكلهاا من زمان ما شافهاا لابسه بهيئة بنت......

حنان : يا التبن افزعتني دق الباب ع الاقل ... ( وش بلاه ذا مفهي عند الباب ؟!) وراك .. وراك تناظرني كذا ؟ ما عجبتك ؟! >> هي متعوده من اول ان فيصل يتمصخر عليهاا اذا حاولت تصير بنت و تكشخ زي البنااات....

فيصل ابتسم ببرود : بالعكس بكل حالاتك تعجبيني...

رمى كتبه على سريرها و فتح ازرار ثوبه و هو يناظر حنان.....

حنان متسنده على تسريحتهاا و ايدينها على ورى تحاول تستوعب الكلام اللي يقوله فيصل .. او ع الاقل تعرف اش قاعد يدور في باله اللحين لما شافها بالفستان.....

فيصل قرب منها بخطوات هاااديه .. و هي ثابته في مكانه على اساس انها قويه و ان فيصل مستحيل يسوي شي بغير رضاهاا .. غير انهم زعلانين من بعض......

حنان : لـ ليش تقرب مني وش بغيت ؟؟؟

فيصل ضرب بيده ع التسريحه بقوه افزعت حنان .. عينه بعينهاا قرب لإذنهاا و همس : احـــــــــــــبك...

عيونها ع الارض من الاحراج .. اختلطت مشاعرها .. على الكلمه اللي قالها .. قالها بصوت فيه بحه .. صوت خافت .. صوت هادي فيه من الحزن الكثير ... للحظه كان ودها تقول له و انا بعد احبك حتى بس تخلصه من الحزن اللي هو فيه .. الحزن اللي حسته بصوته .. لكن تذكرت وليد جا على بالهاا بذيك اللحظه تذكرت ابتسامته اللي تحبهاا...

فيصل رفع وجهها له باطراف انامله : ما ودي تشوفين احد غيري ... ما ودي تحبين احد غيري ... انا سامحتك و طول عمري بسامحك مهما غلطتي بحقي .. لاني احبك ما اقدر على زعلك..

حنان ليش يحبني ليش يقول كذا ؟!.. مع اني قلت عنه خاين و كذاب ليش متعلق فيني كذا ؟؟ ماني قادره افهم مع انه يدري اني احب وليد ...: لا .. لا تتكلم يا فيصل ... انا قلت لك لا عاد تكلمني دامك مع هتان ....و لا تنسى في انسانه غيري تحبك فكر فيها شوي...

مشت عنه مسك يدها بحركه سريعه و سحبهاا لصدره .. ضمهاا بقوه كأنها ضمت مفااارق له مده ما شاف حبيبه .. ما عطاها أي فرصه تتكلم او تفهم الموقف اللي هي فيه ... من قوة ضمته حست كانها بتدخل بين ضلوعه .. أي شوق هذاا ! أي حب هذا ! أي لهفه اللي انت فيها يا فيصل ؟! ..

حنان~ ما كنت اعرف ان هذا غلاي عندك .. ما كنت اعرف ان قلبك صدق اختارني انا .. ليييييش انا بالذاااات !؟ ما ودي اجرحك ما ودي تعيش بحزن بس لازم تعرف اني .......: فيصل اتركني انا ما احبك انت..

فيصل ترددت الكلمه بمسامعه .....: ما رح اسمع كلامك .. ما رح اسمع الا نفسي...

حنان تضرب ع صدره : فـ فيصل .. انت .. انت .. تخنقني .. اتر .. اتركني....

فيصل : اشتقت لك...

حنان تكمل ضرب : فهمت بس اتركني...

فيصل : انتي زوجتي..

حنان وش يقول هذا ... وش فيه اليوم ؟ : انت .. مو .. طبيعي....

فيصل : خلينا كذا دقيقه..

حنان مهبول من جد .. اش فيه يتصرف معي كذا !؟ : فـ فيصل..

فيصل : لبييييييه...!

حنان استسلمت له اخيرا و وقفت ضرب ع صدره و صارت تبكي.....

فيصل تركها و مسكها من كتوفهااا : وش فيك ؟!

حنان : ما احب اشوفك حزين .. و اكره كوني الشي اللي بيسعدك .. لاني ما احبــ......

فيصل اصبعه ع فمه : آآآآآآآآششش .. ما احب اسمع ذا الكلام...

حنان مسحت دموعها : هو سؤال واحد ... يرضيك اني اكون بنظر اختي و صديقتي و حبيبتي كذابه و مخادعه و خاينه ؟!...

فيصل بضيق : متى بنخلص من سميه هذي .. مليون مره قلت لك ما احبهاا و لا يمكن ... مو غصب....

حنان عصبت : لا تحبهااا .. و لا تحبني .. و لا تحب احد ... خلك مع هتان و بس .. ما نسيت انك صرت صديق واحد نذل...

تركته و طلعت من الغرفه......

فيصل قعد على سريره و تنهد بتعب : ليتك تدرين بس ....خل اروح اتسبح ثم انام و انسى اللي صار احسن و لا اتذكر اللي يوم ضيمتها لصدري يا اني اشتقت لك يا حنان بالرغم من انك معي!.....

اول ما طلعت حنان من الغرفه تسندت ع الباب و قالت.....

" يا ليت ما كان لك وجود بحياتي .. ما كان احد مننا تأالم..."

العصر ... في بيت نواف ... نواف من بعد ما اكتشف ان حمد ولد كره الدنيا و ما فيهاا و صاير كئيب و منحرج من نفسه و متفشل و دائما منعزل بغرفته ... ما عاد عنده اهتمام بأي شي حتى فكر انه يرجع لمدرسته الاهليه ..... نترك نواف في حاله حاليا ... نجي عند اخته الجوهره ... كانت بالحديقه تذاكر لاختباراتهاا ... جت اختها العنود تسألها عن موضوع خطيبهاا....

العنود : عادي اقعد معك جوج و لا مشغوله...

الجوهره : لا حياااك حبيبتي اقعدي...

العنود : تذاكرين و لا مجرد تقرين كتاب ؟

الجوهره : لاا اذاكر .. اختباراتنا على وشك...

العنود : الله يعينك و يوفقك..

الجوهره : اجمعين يا قلبي .. انتي كيف اختباراتك ؟

العنود : الحمدلله تمام .. جوج..

الجوهره : عيونهااا..

العنود : تسلم عيونك .. بغيت اسألك اش قررتي بخصوص اسامه ؟

الجوهره : بصراحه.....

العنود بسرعه : اكيد موافقه .. لازم نعطيهم الرد اليوم او بكره بالكثير...

الجوهره : لا لا .. انا مو موافقه على احد...

العنود باستغراب : كيف يعني ؟؟؟!!

الجوهره : حابه اكمل دراستي .. اياً كان من بيتقدم لي ما رح اوافق..

العنود بانفعال : لا تكذبين علي .. انتي ما رح توافقين على اسامه بسبب خالد انتي تحبينه ....

الجوهره تفاجئت : مييييين قالك ذا الكلام ...؟! انا ما احب احد .. قلت لك اهم شي عندي دراستي .. بلييييييز لا تزعجيني بذا الموضوع....

العنود قامت و هي معصبه : طيييييييب...

بعد ما رااااحت....

الجوهره : ان شاء الله تكون اقتنعت....

و تأجل موضوع زواج الجوهره ع الاقل شوي......

بالليل .. بالتحديد قبل اذان العشاء بكم من دقيقه ... هتان & مشاري صاروا مقابل العماره اللي عايشه فيها حنان .. حاطين لثمه و قاعدين بالظلام حتى لا يشوفهم فيصل لا جا بيطلع للمسجد...

اذن العشاء .. شافوا فيصل متوجه للمسجد .. الى الان خطتهم تمام ...اول ما قامت الصلاه .. بدأوا تنفيذ الخطه....

هتان : يلا انزل بسرعه...

مشاري : طيب يلا...

طلعوا هم للعماره باستعجال قبل لا يخلص المسجد الصلاه لازم تكون انتهت مهمتهم .... على طول راحوا للاستقبال...

هتان بهمس : انت تعرف اسم وليد الكامل صح ؟!

مشاري : افاا عليك في فصلي و لا اعرف اسمه!

هتان : اخلص و اسأل الاستقبال عن رقم شقته...

مشاري : ابشششر اللحين....

راح سألهم و عطوه الرقم ... نسيت كم كان رقم الشقه اذا كنت حطيته اصلا ههه المهم .. عرفوا رقم الشقه و توجهوا للاصنصير... ما يخفى عليكم ان ذيلا السملّق ما عمرهم شافوا خير .. كانوا مبهورين بالفايف ستارز .. بحياتهم ما تخيلوا انهم ممكن يدخلوا مكان زي هذا.....

مشاري : وااااااااااااااااو وش ذا المكان ...؟ اللحين فيصل مع ولد خالته عايشين هنا ؟؟!

هتان : شفت كيف ! ( تنهد بضيق ) آه يا القهر يا ليتني انا اللي عايش هنا مع فيصل....

مشاري : ريح عمرك ... اللحين بنتخلص منه و بترتاح و تريحنا معك...

هتان : هههههه ايييه اخيرااااا...

مشاري : بس ما قلت لي كيف بنخليه يطلع معنا ؟؟؟

هتان : اذا وصلنا لباب الشقه بتشوف بنفسك وش بسوي...

مشاري : هههه بديت اتحمس..

وصلوااا للشقه المطلوبه .... جا هتان بيدق الباب...

مشاري : هيييه هيييه هيييه لحظه .. مهبول انت تدق بكل ادب...

هتان باستغراب : وش فيهااا ؟

مشاري : كيف يعني وش فيهااا .. هذا اذا شاف خششنا عند الباب امعصي يفتح...

هتان : معليك بيفتح .. و بيجي معنا انت بس شوف اش انا بسوي...

مشاري : يلااا ورينااا..

هتان : احم احم...

مشاري : وش تسوي ؟؟؟!

هتان : اجرب صوتي...

مشاري وش بلاه ذا .. اهل العقول في راحه .. خل نشوف اش بيسوي..

هتان دق بقوه ع الباب ضربات ورى بعض...

كانت قاعده بالصاله تحل واجباتهاا و تراجع الدروس....

حنان بسم الله معقول هذا فيصل ! .. يمكن نسى شي ... ( ركضت للباب ) .. بس ليه يدق بقوه و بسرعه كذا .. مستحيل يكون فيصل ما رح اغلط غلطت نواف ذاك اليوم و افتح الباب و انا ما اعرف مين! ...

هتان صرخ : وليييييييييييد افتح بسرعه .. الله يخليك بسرعه افتح...

حنان خافت ... هئئئئئئئئئئئئئئئئئئئ هذا .. هذا ما كنه صوت هتان !؟ ... (ردت عليه ) .. انت هتاااااااان ؟!

هتان : فك بسرعه يا تلحق يا ما تلحق ( صار يتكلم بحزن مصطنع مع شوية بكي كذبي ) .. انا كنت استنى فيصل تحت عشان اعتذر منه لان تهاوشنا اليوم بالمدرسه .. و هو مار بيقطع الشارع صدمته سياره .. دعسته دعس .. تغطى بالدم ... ناديته ما يرد علي .. كلموا الاسعاف بس هو لسا مرمي بالشارع و كله دم .. اخاف .. اخاف يكون مااات.....

حنان ميته خوف و مصدومه من كلامه ..: فيييييصل فييييييصل ... وينه وينه في ....؟

هتان : تحت بالشارع ... بسرعه انزل يمكن ما تلحق عليه...

حنان تبكي.. كله مني هذي غلطتي انا تمنيت انه ما يكون موجود .. فيصل .. فيصل بيروح مني و هو زعلان علي ... قلت له ما احبه و انا والله ما اقدر اعيش بدونه انا ما

اكرهه ... فيصل صار له كذا بسببي ..... ( مسحت دموعها بعنف ) لاااازم ابدل ثيابي باسرع وقت و اروح اشوفه ... فيصل لا تخليني لا ترووووح مني تكفى......

ركضت ع الغرفه و هي ترجف .. كل جسمه يرجفه من شعرهاا لأطراف اصابع رجولهاا...

حنان اهئ بسرعه يا حنان اهئ بسرعه ألبسي....

لبست مشدها بسرعه ثم كذا تي شيرت من فوقه الثوب و اخذت جاكيتهاا بيدها ... جت بتطلع من الغرفه تذكرت الجوال......

حنان جوااااالي اهم شي الجوال.....

اخذته معهاا و طلعت.....

يتبع........