شبكة همس الشوق - عرض مشاركة واحدة

11 - 8 - 2015, 05:03 PM

..............
حنان دفته عنها و عطته كف بأقوى ما تملك من قوه ...... ثم صرخت عليه ...
حنان : حقيييييييييييييييييير ...
حطت يدهاا ع فمهاا و طلعت من الغرفه ركض .. بالكاد تمسك نفسهاا لا تبكي ..
امهاا انتبهت عليها لما راحت غرفتهاا .. خاصه لما حنان سكرت الباب بقوه و قفلته على نفسهاا ... راحت لها تدق ع الباب تشوف اش فيهاا ...
ام حنان : حناان يمه خوفتيني وش صار لك ؟
حنان : يممممه ما صار شي حابه اقعد مع نفسي تكفين لا تزعجيني ..
ام حنان ~ دام قالت لا تزعجيني اكيد صار شي مضايقهاا مره ..

أماا حنااان دخلت الغرفه و هي معصبه من حركة فيصل .. وقفت قدام مرايتهاا .. و خربت شعرهاا .. غيرت ملابسهاا و لبست تي شيرت وجينز وسيع ...
حنان يدها ع فمهاا و تبكي ~ كيييييييف تجرأت يااا فيصل والله ما اسامحك ع الحركه هذي .. انت مو حبيبي انت مو حبيبي >> صارت تكرر الكلمه في دماغهاا ..
ثم مسحت دموعهاا و طلعت من الغرفه للحمام –الله يكرمكم- تغسل وجهها و تمسح المكياج ....

أم حنان راحت غرفة فيصل تسأله اش صار لقته قافل الباب هو الثاني .. و هي راجعه شافت حنان طالعه من الحمام –الله يكرمكم- مسكتهاا ..
ام حنان : حنااااان خوفتيني وش فيكم انتي و فيصل ...؟
حنان : صدقيني ما في شي .. بس كل واحد حاب يقعد لحاله ..
ام حنان : اكيييييد ماا في شي ...؟!
حنان : اكيييييدين .. حتى بعد شوي رح نطلع نتمشى ..
ام حنان تنهدت براحه : الحمد لله خوفتوني عليكم .. ( ثم ناظرت حنان من فوق لتحت ) .. ليش بدلتي ؟؟؟ يا زينك من شوي كنت قمر .. لااا و غسلتي المكياج بعد ...
ام حنان : تعرفين ما ارتاح بذاك االشكل .. انا سويت كذا عشان اقهر سعد و سعود و خلصت ...
ام حنان : و الحريم اللي بيجوا ؟ كان ودي يشوفونك كاشخه خصوصا انك متزوجه ...
حنان ابتسمت غصب : مو لازم اصلا بنطلع انا و فيصل .. عن اذنك يمه ..
حنان مشيت و هي تتمتم ~ وش قلت انااا ليش بطلع مع فييييصل .. بعد اللي سواه ؟!.. حقيييييييير كم مره اقول له ماني زوجته .. ليش ما يفهمني ؟! .. اللحين احس بالذنب احس اني خنت وليد .. كيف بناظر وليد بعدين ..!

أماا في غرفة فيصل ... كان متمدد على سريره و يضحك بهستره .....
فيصل ~ هههههه سويتهااا و ربي سويتهااا .. و على شفاااتهاا آآآآآه احبك ورب الكون احبك .. خلاااص انتي زوجتي و لي حق فيك ما عاد اضمن نفسي كانك قربتي مني مدري وش بيصير ههههه .. ماااني مطلقك ي حنااان اموت و لا اطلقك ......

نجي للبر .. وصلوا للمخيم لقوا كل الامور جاهزه و عال العال .. و الحارس ما قصر قايم بواجبه على اكمل وجه .. و من جه ثانيه هتان و مشاري وقفوا بعيد يراقبوونهم ...
بالمخيم ............
وليد : هاا شبااب وش رايكم ...؟
ماجد : ما يبي لها كلام روووعه .. ازين من مخيم العام ..
نواف : ما كنه كبير ؟
وليد : أي لان العدد زاد ذي السنه ...
نواف يفكر حنان بتكون معهم : ايييييه زاااااد فله والله فله ..
ماجد : كله تمام نبي نحطب بعد ..
وليد : و لا يهمك الحطب بيجيبونه بكره الصباح ..
نواف : يعني على جيتنا بيجيبونه ..!
وليد : ايييه احنا ما بنستخدمه اساسا إلا بالليل ..
ماجد : عادي ما عندك مشكله متى ما جابوه يجيبونه ..
نواف دخل جوا الخيمه يخطط لأماكن النوم ...~ هنا بحط فرشي وانام و جنبي بتكون حنان .. اووف فيصل ذا لازم ابعده بأي طريقه ... نشوووف !
شوي و جااا وليد و ماجد .. وقفوا ورى نواف اللي كان منسجم بالتفكير و التخطيط .....
وليد من وراه : بوووووووو ..
نواف نط تروع : هيييييييييييييه خييييييير ..!
وليد & ماجد : ههههههههههههههههههههههههههههههههههههههه ..
نواف بعصبيه : سلاااامات داخلين تقل حراميه و مسوي بتفزعني !
وليد : ههههههههه افزعتك و خلصت ...
ماجد : ههههههههههههههههه أما تخاف لا احد قالك بوووو .. ههههه ...
نواف : كل تبن انت و اياه .. ما خفت بس لاني ما انتبهت تروعت ..
وليد : ههههههه ايييه يا الذيب ندري ..
نواف : سماااجة ! ... ( جا قدامهم ) بعد انت و اياه .. ( مر من وسطهم ) ..
ماجد : وش فيه لا يكون زعل ؟!
وليد : هههه و ان زعل مع نفسه ...
طلع برى يكمل تخيلاته ... يتخيل النار شاعله و هم متجمعين حولهاا .. تخيل حنان تجي تقعد جنبه و تهمس له بردانه ... و بدون تردد يروح يضمهاا >> ههه عليه تخيلات مدري وش تبي ! ..

عند هتان & مشاري ...
هتان : اجل بيخيمون هنا ؟
مشاري : هذا الواضح ..
هتان : هممم يعني لو انتظر شوي ممكن فيصل يجي ..
مشاري : أمااا تنتظر !!! و اذا ما جاا ؟!
هتان : عاادي وش ورانا ؟!
مشاري : اذا انت ما وراك شي انا وري ...
هتان : لااا يااا شيييخ ! وش عندك ؟
مشاري لف عنه : عندي شغل مهم ..
هتان باستهزاء : اكشششششخ وش شغله ياا طويل العمر ..
مشاري : وش عليك ابي ارجع قبل اذان المغرب ...
هتان : وش علي ؟! علي ملابس كااااااك كاااااااك ..
مشاري : والله مالك داعي ..
هتان : هههههههههههه وش ذا الشغل اللي بيكون اهم من خويك ...
مشاري : مو بلازم تعرف كل شي ..
هتان : والله ما ارجعك لين تقولي ..
مشاري : تسويهاا اذا ما سويتها ما تطلع هتان .. خوينا يزيد بيجي من الرياض بعد المغرب و اتفقت اشوفه ..
هتان رفع حاجب : اللحين هذا الشغل المهم ؟!
مشاري : أي هذا بتوصلني و لا كيف ؟!
هتان : خلااااص بوصلك لا تموت علينا ...
كانوا بيمشوا انتبهوا على وليد و شلته ركبوا سيارتهم ........
هتان : لحظه شوووووف كأنهم بيمشون ؟!
مشاري ناظر جهتهم : أي والله .. على بالي بيخيمون !
هتان : الظاهر ما لنا إلا نسأل حارس خيمتهم .. اصبر شوي الى ان يحركوا ..
مشاري : اوكيه بنصبر ...

سووهاا فعلاً بعد ما مشى وليد و من معه راحوا للحارس .....
هتان : السلام عليكم ياا زول ..
الحارس : و عليكم السلام ..
هتان : آآ بغيت اسألك كم واحد بيخيم هنا ؟
الحارس : والله-ي- ما اعرف .. بس ازا داير تعرف زروري فيني اكلمهم و احكي لك ..
هتان : لااا يا زول ماله داعي تكلم احد ..
مشاري : شكل ذا الحارس الغبي ما يدري عن شي ..
هتان : خل اسأله ذا السؤال ان شاء الله يعرف ... ( ألتفتت للحارس ) طيب متى بيخيموا و كم يوم ..؟
الحارس : هسا حكوا لي حيقعدوا 3 ايام .. حيجوا بكره ان شاء الله ..
هتان ابتسم : لااا طلع منك فايده .. تشكرااااتي يا ازول ...
و حركوااا......
مشاري : طيب و اذا عرفت اش بتسوي ..؟
هتان : ودي أطب عليهم هنا بكره ..
مشاري : قسم انك فاضي ..
هتان : وراك انت مالك خلق شي .. بتخاويني بكره ولا لا ؟
مشاري : الى جا وقتها اشوف ..
هتان : عليك نفسيه اليوم ! .. المهم ان شاء الله يكون فيصل معهم ..
مشاري يهز راسه .... > طفش ههه ..
هتان : ما شفت خيمتهم كيف ..
مشاري : ايييه ايييه ..
هتان : خيمه فخمه مو خياامنا واضح عيال عز ..
مشاري : ايييه ايييه ..
هتان : وش فيك انت بس ايه و ايه .. قاعد اكلم نفسي انا ..
مشاري : ما فيني شي بس زهقت ابي ارجع ..
هتان : اووووووف هذا احنا راجعين .. توبه ما عاد اطلع معك و انت بنفسيه شينه ...
و رجعوا للحاره .. ما بقى شي على اذان المغرب .. مشاري على طول اخذ سيارته وراح لمكان اتفقوا هو و يزيد يتقابلون فيه ...

نرجع مره ثانيه لبيت اهل حنان .. دخلت غرفتهاا و هي متضايقه ....
حنان ~ كيف قلت لامي اني بطلع مع فيصل .. لا حول و لا قوة الا بالله كل ذا عشان لا تشك ... خل ابدل بس و ألبس ثوب رجالي ابي ارجع الشقه ما اقدر اناظر فيصل و لو قعدت هنا امي رح تلاحظ ... ياااا رب ..
بدلت ثيابها و لبست عباتها و طلعت لغرفة فيصل .. دقت الباب و قالت بسرعه ....
حنان : فيصل امش نطلع نتمشى ... ( ثم راحت تستناه بالحوش ) ..
أما فيصل كان متمدد على سريره قعد لما سمع صوتهاا .. ركض فتح الباب شافهاا راحت لبرى ... ما صدق معقوله تبي تطلع معه .. سكر الباب و رجع قعد على سريره يستوعب كلامهاا .....
فيصل قلبه يدق بقوه من فرحته و سعادته ~ مـ مـ ماااااااني مصدق اخيرا قبلت فيني .. معقول ! .. تبيني اطلع معها تبينا نصير لحالنا .. ههههههه كل هذا من تأثير البوسه ههههههه يا ليت سويتهاا من زماااان ....
بسرعه لبس و جهز نفسه و طلع و هو شااااااق الحلق من الوناسه ..... مر على امه و خالته بالصاله ...
ام فيصل : وش عندك كاااشخ !
فيصل : ابطلع مع حنان بنتمشى ..
ام حنان : و متى بترجعون ؟
فيصل : والله يا خالتي ما ادري ..
ام فيصل : خذوا راحتكم و استانسوا ..
فيصل : ان شاء الله .. يا الله مع السلامه ...
بعد ما راااااح .....
ام حنان : هههههه شفتيه كيف مستانس ..
ام فيصل : ههه أي والله بعد عمري ما قد شفته مبسوط كذا ..
ام حنان : الله يسعدهم يا رب ..
ام فيصل : آمييييييييييين ..

طلع للحوش عند حنان اللي كانت مستنيته ....
فيصل ابتسم : حـ .....
حنان قاطعته : بسرعه خلنا نطلع .. ( رمت الشيله على وجهها و طلعت )
فيصل مستغرب ~ وش فيهااا ؟! على بالي انها مبسوطه و تبي تطلع معي !
المهم لحقهاا على برى .. صارت تمشي و هو يمشي وراهاا ..
فيصل : حنااااان ....
حنان : لا تكلمني امش و انت ساكت ...
فيصل : ليش طيب ؟!
حنان : و مسوي نفسك ما تعرف ليش !
فيصل : عشان اللي صار ! بس انتي زوجتي !
حنان : كل تبن يا حقير لا تقول زوجتي ..
فيصل شكلها مره معصبه : اذا انتي زعلانه مني كذا ليش طلبتي تطلعي معي ..
حنان : وااضحه لاني زعلانه منك ما ابي امي تدري عشان ما تقلق .. لو قعدت بالبيت كان لاحظت ...
فيصل نزل راسه للأرض ~ وانا مبسوط على بالي قبلت فيني اخيرا .. طلعت بتطلعني من البيت عشان تاخذ راحتها بزعلها مني .. آآآه يااا حناان اصلا لو ما سويتي كذا كان استغربت ...
صارت تمشي و هو وراهاا .. ثم راحت للمكان المعتاد اللي تبدل فيه و تطلع على اساس انها ولد ...
فيصل : ليه فصختي العباه ...؟!
حنان : بنرجع الشقه ..
فيصل : خلينا نتمشى .. يمكن تروقين ..
حنان : معك انت بتنسد نفسي .. انا حتى ماني قادره اناظرك ..
فيصل مسك ذراعها : اسمعيني يا بنت الناس انا ما غلطت انتي زوجتي و انا احبك ...
حنان سحبت ذراعها بقوه و مشت عنه و لا ردت عليه .. و ظلواا ساكتين طول الطريق ..
و وصلواا لباب الشقه ....
حنان لفت عليه : معك المفتاح شكلي ضيعته مره ثانيه !
فيصل : أي معي ..
كانت واقفه قدام الباب لما قرب منها على اساس يفتح الباب .. هي لا اراديا بعدت عنه > صارت تخاف يقرب منها ...
فيصل حز بخاطره : ادخلي ...
حنان : بـ بعد عشان ادخل ..
فيصل بعد عن الباب : تفضل يا سيد حمد ..
حنان عطته نظره و دخلت ... ما لقت احد بالشقه .... و قالت بصوت خافت : غريبه محد موجود !
فيصل سمعها : احسن عشان نقعد لحالنا ..
حنان ضمت ايدينها لصدرها .. و ناظرت فيصل بحقد .. ثم ركضت للغرفه و قفلت الباب وراهااا ...
فيصل ضحك على شكلهاا .. ثم قعد ع الكنب بتعب .....
فيصل تنهد ~ بصبر عليك مهما طال الوقت مصيرك معي انا انا و بس .. و ان زعلتي و ان صديتي و ان حقدتي رح تنسين لانك حنان و لاني غالي بقلبك اعرف ذا الشي و متأكد منه ....
اذن المغرب و طلع فيصل للمسجد ... بس حنان سمعت الباب يتسكر طلعت من الغرفه ...
حنان ~ اوووووف احس اني اختنقت .. و فوق هذا جيعانه ... > راحت المطبخ تشوف لها شي تآكله ...
انفتح باب الشقه خافت على بالها فيصل رجع .. بس كيف و المسجد توه ما خلص صلاه ... شوي و تسمع اصوات شباب الشقه ...
نواف : أمااا مسجدنا ما خلص صلاه ..!
ماجد : أي مسجدنا يطول ..
وليد : ههههه المسجد اللي بالمحطه بخمس دقايق خلص ...
ثم راحواا للصاله ....
نواف : كأني لمحت غرفة حمد مشغل فيها النور ..
ماجد : غريب انا متأكد اني اطفيت كل اللمبات ...
نواف يمكن رجعت حبيبتي .. : بروح اشوف ..
راح ما لقى احد بالغرفه .....
ماجد : هااا بشر !..
نواف : محد ...
وليد : هههههه تتوقعون شقتنا مسكونه ...؟!
نواف : بااايخه ما تضحك ...
شوي و سمعوا صوت الغرفه تسكر بقوه و انقفل الباب ..
نواف شهق : هئئئئئ وش ذا ؟
وليد فطس ضحك : ههههههههههههههههههههههههه قايل لكم > يدري ان حنان موجوده شافها بالمطبخ ...
ماجد : بديت اخاف بصراحه ...
وليد : هههههههههههه مجووودي تخاااف !
نواف : دامك قاعد تضحك اكيد عارف شي .. مين في بالشقه ؟!
وليد رفع كتوفه : مدري ..
نواف طنشه وراح للغرفه يدق الباب : مييييييين في هنا ...؟
حنان هذا نواف وش يبي ذا بعد !؟ .. ما رح ارد عليه ...
نواف : قاااعد اسأل مين في .. اذا ما تكلمت بكسر الباب لا تخليني احلف ..
حنان اوووووف ما بغينا نفتك : هذا انااا وش تبي ياا نوااف ...؟! ( ردت من ورى الباب ) ..
نواف استانس ~ حبيبتي هنا : حموووودي ياا فديتك انا متى جيت ؟ .. اقول افتح الباب خلني اشوفك ..
حنان : امعصي افتح لك الباب فاارق عني ترى مزاجي منتهي ..
نواف : يااا حبيبي والله لا اخليك تروق و مزاجك يصير اووكيه بس افتح الباب ..
حنان : ياااخي انت ما تفهم .. ما ابي اشوف خشتك فااااااااااااااااااااااارق ..
نواف يدق : فك الباب طيب ..
حنان : ...............لارد
نواف : ترى بكسره ...
حنان : ...............لارد
نواف يهزه بقوه .. و حنان خااافت ... وليد و ماجد جوا يشوفوا ايش السالفه ...
وليد : وش فيك ناوي تكسر الباب ؟!
نواف : طلع حمد اللي بالغرفه ..
وليد : أي ادري ..
نواف : و ليه ما تكلمت .. يااخي انت انسان تافهه ..
وليد : هههههه حرام ألعب معكم شوي ...
ماجد : خوفتنا تقول ألعب ...
وليد حط ذراعه على رقبة ماجد : ياا رباااه مجوودي تخااف !
ماجد : اسكت بس فضحتنااا ..
وليد : ههههههههههههه عااادي لا تستحي ما فيها شي الى خفت ..
نواف يكمل هز بالباب .. شكله صادق ناوي يكسره ..
ماجد : و انت وش فيك على الباب ؟!
نواف بكذب : هذا حمد يبي ينتحر .. سااعدوني نكسر الباب ...
حنان من داخل سمعته ~ سلاااااااااماات وش يحس فيه ذأ على كيف اهله أبي انتحر !
وليد خاف : من جدك انت ؟؟؟؟!
نواف : أي بسرعه خل نلحق عليه ...
ماجد بعدم تصديق : أماااا و ليه ؟!
نواف : مدري تعالوا ساعدوني ...
حنان من ورى الباب صرخت : ياااا هيييييييه لا احد يكسر الباب .. هذا نواف يكذب .. خلوووني في حالي يا ناااس ...
وليد و ماجد ناظروا نواف بعصبيه .....
نواف : وش اسوي ما رضى يفتح لي الباب ...
ماجد مسك نواف و سحبه ع الصاله .....
نواف باستغراب : وش فيك انت ؟
ماجد : انت اللي وش فيك ليش ناشب له كذا !؟
نواف : والله بس ابي اكلمه ..
وليد تكتف : تكلمه هااا .. طيب هو ما يبي يشوف احد ليش مُصر تكلمه ..
نواف : كذا بس .. مافي أي سبب ..
ماجد : هين ياا نواف ...
نواف : وش فيكم علي ...؟
وليد : انت شوف تصرفاتك بعدين اسأل ...
بعد دقايق جا فيصل ...... لقى الشله متجمعين بالصاله ... بهدوء قعد معهم ....
نواف يناظره باستغراب : ما ودك تروح غرفتك ؟!
فيصل : ليييهه قاااعد على قلبك انا ؟!
نواف : لا ابد بس اسأل ...
فيصل مسك جواله و طنشهم ...
نواف ابتسم بخبث ~ شكله متهاوش مع حنان .. يييييييييس هذي فرصتي اتقرب منها و اخليها تكرهه ..
أماا ماجد حس ان فيصل متضايق حب يفتح معه سالفه ......
ماجد : هاا فيصل كيف استعداداتكم للتخيم بكره ؟
فيصل بدون نفس : مو بطالعين لأي مكان ...
نواف بصدمه : اييييييييييييييييش ؟؟؟؟!!
وليد : على هونك لا تنفجع انت .. اكيد بيطلعون .. هذا بياع كلام ..
نواف تنهد براحه : اشوا على بالي ..
فيصل لف بعصبيه : من بياع كلام يا حمار ..
وليد : انا حمار ؟!
فيصل : محدن غيرك ... طلعه مافي فهمت .. و انت على وشو استانست ليه تبينا نطلع معكم ( يقصد نواف ) ...
نواف عصب : محد يبيك انت اقعد لا تطلع بس ولد خالتك بيطلع .. و غصبا عنك ...
فيصل هدا نفسه و قال : نشوف يا انا يا انتوا ... ( ثم قام طلع من الشقه )
و بعد ماااا راااااااح ...
نواف : وش فيه ذا النفسيه !؟
ماجد : انتوا عصبتوه على طول انفجرتوا عليه ..
وليد : إلا هو قنبله موقوته بأي لحظه كان بينفجر .. الحمد لله و الشكر يطلع زعله علينا سلااااامات ..
نواف : اجل يقول حمد مو بطالع .. مو بعلى كيفه بيطلع من فوق خشمه ..
ماجد : و انت ما هامك غير حمد إلا تبييه يطلع .. وش اقول !
نواف : خلك ساكت لا تقول شي ...
وليد يناظر نواف .. خايف ان اللي هو قاعد يفكر فيه صحيح ....

عند حنان بغرفتهاا ... كانت قاعده معصبه و لسا متضايقه من فيصل ابدا ما لها وجه تناظره من كثر ماهي مستحيه من حركته ... و مستحيه من وليد حبيبها اللي تحس انها خانته .....
جوالهاا قعد يرن مسجات بي بي و وكزات ما سكت ..
حنان بضيق ~ اووووووووف من ذا المزعج ... اعوذ بالله اذا ما رديت معناته خلاااااص .. هنا لا ينشبوا لك ... متأكده انه مو نواف و لا هذاك اللي اسمه روحي تحبك لاني حظرتهم .. اجل مين يكون !
مسكت الجوال و فتحته لقت قائمة وكزات ...
حنان : " نعم ! "
*** : " اخيرا رديت "
حنان : " مين انت و اش بغيت ؟ "
*** : " معك يزيد ذكرتني "
حنان باستغراب مين هذا ؟ : مين يزيد ؟! ما اعرف احد بذا الاسم "
يزيد : " افااا بتجحدني اللحين "
حنان : " لااا جد ما اعرفك "
يزيد : " بحاول اذكرك .. انا اللي اعطيتك جوالي يوم جيتنا بالاستراحه بالرياض "
تحاول تتذكر ما في غير مره وحده راحت الرياض لما خطفوها هتان و مشاري .. و تذكرت يزيد اخيرا .. بس من وين جاب بنها !؟
حنان هذا الشخص المخيف تذكرته اشك انه منحرف : " اييييه ذكرتك .. من وين جبت بني !؟ "
يزيد : " هههه جبته و خلاص "
حنان : " واللحين وش بغيت ؟! "
يزيد : " ابد وش رايك نطلع مع بعض ؟ "
حنان هذا وجهي اذا طلعت معك قال اطلع معه قال : " لا ما اقدر انا مشغول "
يزيد : " تكفى طلبتك لو ساعه "
حنان هذا ما يفهم : " معليش اعذرني .. انا لازم اطلع "
قفلت الجوال و رمته بعيد ...
حنان ~ ما ناقصني إلا يزيد .. من وين طلع لي هذا !؟ استغفر الله وش ذي المصايب ... اصلا بتركه الى بكره و اخذفه و احظره بعد هذي النوعيات ما احبهاا ...

أما يزيد كان مع مشاري بأحد حواري الخبر ... قاعدين بسيارة مشاري ...
مشاري : قلت لك ما رح يرضى .. معذور والله ...
يزيد : ههههه قلت احاول معه يمكن يرضى ...
مشاري : صعبه يطلع معنا .. هذا الانسان اذا تبي منه شي لازم بالتهديد ..
يزيد : والله التهديد لعبتي .. لكن القهر اني مو عايش هنا و لا كان تفضيت له ..
مشاري : أي والله .. يا ليتك عايش هنا ..
يزيد : ما تنفع ليت .. من كثر طلعاتي للشرقيه اهلي شكوا بالموضوع .. شكلي بالايام الجايه ما رح اقدر اجي ...
مشاري : و اهلك متشددين ؟!
يزيد : يعني .. مو مره .. ليه ما تجوا انتوا للرياض ..؟

مشاري : وش اقولك .. بما ان هتان زعيمنا مع خويه فيصل ما رح يجي .. و انا مقدر اجي لحالي ..
يزيد : و باقي شلتكم وينهم ؟
مشاري : موجودين بس ما يطلعوا الا مع هتان ...
يزيد : هههه وش مسوي فيكم ذا الهتان ...
مشاري : ههههههههه ....
المهم مشاري قال ليزيد على ان وليد(حنان) و فيصل و شلتهم بيطلعوا يخيموا بالبر بكره ..... > مدري وش ناويين عليه ...

فيصل دق على خويه عمار .. كان مره متضايق .. وده بأحد يتكلم معه .. و عمار ما قصر على طول جاه .. اتفقوا يتقابلوا بمقهى الحاره > مكان اللقاء القديم ..
عمار : احكي لي يا اخوي وش مضايقك ؟ لا تكون زوجتك !
فيصل : و فيييه غيرهاا !؟
ملاحظه / عمار الوحيد اللي يدري ان فيصل متزوج .. على اساس ان فيصل ساكن بنفس العماره مع زوجته بشقه و ولد خالته اللي هي حنان جارتهم ساكنه مع الشباب .. فيصل مفهمه كذا ... و مفهمه ان اغلب وقته يقضيه بشقة الشباب ..>> مخ ي حبيبي مخ هههه ...
عمار : وش صار هالمره ؟
فيصل : وش اقول لك ؟ للحين ما تبيني اقرب منهاا .. ياا اخي تكرهني .. و انا مليت ..
عمار : مسرع مليت .. توك ما صار لك من تزوجت .. تحملهاا اصبر عليهاا ..
فيصل : ياا اخوك كل يوم تقول لي ما ابيك انت مو زوجي .. والله انهاا تطعني مية طعنه لما تقول لي كذا .. وش ذنبي احبهااا ...
عمار : والله مدري وش اقول لك .. مالك غير الصبر دامك تحبهاا ..
فيصل : ابصبر و أمري لله ..
سكتواا شوي .. ثم حب عمار يلطف الجو .. واضح فيصل متضايق ...
عمار : فصوولي الى اللحين محد يدري انك متزوج صح ؟
فيصل : ايييه و لا ابي احد يدري الا بعد ما اخلص الدراسه .. انتبه تقول لاحد ..
عمار : لا تخاف ما بقول لاحد .. بس قعدت افكر .. اش بيصير في هتان لو درى ...
فيصل : مع نفسه و ان درى ..
عمار : ههههههه والله ياااهو بيتضايق ..
فيصل : جعله .. ما يهمني .. اقووول عمار .. ما تقدر تجي للمخيم بكره ..
عمار : والله صعبه و انا اخوك .. ابوي عنده موعد غسيل بكره ...
فيصل : ايييه الله يشفيه .. الود ودي ما اروح بس ولد خالتي أصر ..
عمار : و كم بتقعدون ؟
فيصل : ثلاثة ايام ...
عمار : و بتترك زوجتك ؟
فيصل ههه المشكله انها حنان : ابوديها لأهلهاا .. يمكن تتغير نفسيتهاا >> شااااطر في التأليف ههه ^
عمار : الله يكون بعونك ..
فيصل تنهد بتعب : آمييين يا رب ..

في الشقه ... نواف كان قاعد على اعصابه .. يبي يتأكد حنان بتطلع معهم للبر و لا لا ....
نواف : ياا شباب مقدر اقعد كذا .. ابي اسأل حمد اذا بيجي بكره ولا لا ...
قام بيمشي استوقفه وليد ...
وليد : تعاال هنا اقعد .. انا بشوفه ...
نواف كان بيتكلم قاطعه ماجد ..
ماجد : معليش يا نواف خل وليد يروح هو صاحب فكرة التخييم ..
نواف انقهر و قعد : اوووووك قعدناا ...

راح وليد و دق الباب ....
حنان ~ لا حول و لا قوة الا بالله هذا النواف ما يفهم يعني .. ما ابي اشوف احد ... ( راحت وقفت ورى الباب ) ..
حنان : ياااا نووووواف لا تزعجني فكني ...
وليد : ههه هذا انا وليد .. ممكن تفتح الباب .. ابيك بموضوع مهم ...
حنان اتربكت ~ يااا ربي افتح و لا ما افتح .. و بعدين وش ذا الموضوع المهم .. احس اني توترت .. يااا ربي وش اسوي ...
وليد : حمووودي تكفى افتح الباب ادري ان ما ودك تشوف احد بس تحملني هذي المره ..
حنان تحمست ~ و تكفى تهز الرجاجيل ابفتح له و بس ههه المشكله ماني برجال ...
و فتحت الباب .... و دخل وليد ...
وليد : كيفك ؟
حنان قعدت على سريرها : آ آ بخير ..
وليد قعد جنبها : وش فيك قافل على نفسك مو بعوايدك ! فيه شي صار بينك و بين فيصل ؟ هو الثاني كان متضايق بعد ...
حنان : لا لا ما صار شي ...
وليد : عينك بعيني اشوف ..
حنان ~ مقدر يااخي والله اموت من التوتر ...
وليد : يا الله وقول لي الحقيقه ..
حنان : اش حقيقته مافي شي ..
وليد حط يده فوق شعرها : و لييييييه زعلاااان ؟!
حنان ارحمني قلبي بيطلع من محله > بالكاد ماسكه نفسها : ما ماني زعلان ابد ..
وليد : هممم طيب بتجي بكره للبر معنا و لا لا ..
حنان مرتبكه ع الآخير : آ آ اكيد ان .. ان شاء الله بجي ..
وليد يناظرها بتفحص : ليش وجهك احمر كذا .. و كل ما اقعد معك يقلب وجهك ألوان ..
حنان زاد ارتباكها : هاا لااا مو احمر .. هههه وش تقول انت ؟ > هسترت من زود التوتر ههه ...
وليد ناظر للسقف : هههههههههههههههههههههههههههههه ..
حنان مستغربه : لـ ليش تضحك ؟!
وليد : هههههههه انت ليش مرتبك كذا ؟!
حنان قامت حتى تضيع السالفه و تخفف التوتر اللي هي فيه ...
وليد : وين رايح ؟؟
حنان : بطلع برى ..
وليد : ليش ..؟ تضايقت مني ؟
حنان : لا لا .. احس بالعطش ابشرب ماي و برجع ..
وليد : حبيبي اذا تبيني اطلع قول لي عادي ماله داعي ذي التصريفه ..
حنان بسرعه : لاااا ورب الكون ما قصدت انك تطلع ...
وليد : هههههههههههههههههههههههه ..
حنان رفعت حواجبها : وش فيك بس تضحك ...؟
وليد : هههههههه يا اخي انت فله ... من عذر ما بطلع للبر اذا ما جيت ..
حنان : ههه طيب صدق بروح اشرب ماي و اجي ..
وليد غمز لها : يعني استناك هنا !
حنان وش قصده يستناني و يغمز ؟! .. ما يقصد شي اكيد و انا مو لازم ادقق على كل شي ......> ما ردت عليه و طلعت ..

بس طلعت دخل نواف للغرفه ....
نواف بعصبيه : ما شاء الله صوت ضحكك واصل لبرى ...
وليد : هههه و ليش انت معصب ؟!
نواف : مو معصب .. بس خلوني اقعد معكم مو حلوه تاركيني لحالي ..
وليد : مو لحالك ماجد معك ..
نواف : ماجد طلع من تو .. ابوه دق عليه ..
وليد : و انت ما ودك ترجع بيتكم ...؟
نواف : لااا عاجبتني القعده هنا ..
وليد : اقول يا الله قوم خل نطلع برى نقعد.. ماله داعي القعده هنا ..
نواف : و حمد ؟!
وليد : بنخليه يقعد معنا غصبا عنه .. و اذا كان فيه احد مضايقه يعلمنا ..
نواف : انا متأكد ان فيصل هو السبب ..
وليد : وليش واثق ؟؟!
نواف : محد غيره يقعد مع حمد دائما ..
وليد : خلنا نسأل حمد بنفسه و نشوف ..

بعد ما شربت و اخذت نفس .. طلعت إلا و صادفت فيصل داخل الشقه توه جاي من برى ... طاحت عينه بعينهاا .. صدت عنه بسرعه و مشت لحقهاا ..
فيصل : لحظه ...
طلعوا وليد و نواف متوجهين للصاله قابلوهم بطريقهم ....
وليد : هلا فيصل شكلك توك جاي من برى ..
فيصل : أي توني عندك شي ..
وليد : و انا قلت شي .. حمد يلا خلنا نقعد بالصاله نسولف ..
فيصل يناظرهاا : حمد لازم نتكلم اللحين ..
نواف : وش عندكم ؟
فيصل : وش دخلك انت !؟
وليد : امش يا نواف اذا حمد وده بيلحقناا ..
هالمره نواف سمع الكلام و مشى مع وليد .....
فيصل : اسمعيني لا تقعدين معهم ..
حنان : لا تكلمني فهمت لا تكلمني ... ( طنشته و راحت للصاله )
فيصل يشد بشعره ~ إلاااااااا تقهرررررررني ....

انتـــــــــــــهى البــــــــــــارت