شبكة همس الشوق - عرض مشاركة واحدة

11 - 8 - 2015, 05:20 PM

بـــــــــــــــــــــــــــــارت [50]

هتان ~ معليش ياا فيصل حبيب قلبي سامحني لاني بسحب عليك و اروح كله منك لو قعدت معي بالسيارة وش كان بيصير ....!
مشاري : هتااااااان انتبهه فيه دوريه قدام ..
هتان يتلفت حوله : لحظه ما شاافوناا .. فيه امل نطلع اصبر ..
مشاري : والله مدري وش تخطط له بس تكفى إلا السجن ..!
هتان : خلك رجال و اسكت ... و كلم الشله يلحقوني .. و بنطلع من هنا و بتشوف ...
سووها صدق و طلعوا من المكان لاحقتهم الشرطه بس ما قدرت .. المهم قدروا يطلعوا ...
مشاري : هههههههههههههههاااي والله انك ذيب اخو ذيابه ..
هتان : هههههه ادري ..
مشاري : شف عساف وش مرسل ع البيبي .. طايح فيك غراميات ..
هتان : غصبا عنه .. انا مطلعكم من مصيبه ..
مشاري : أي والله جربعتهم ..
هتان : .........................

بعد ما نزل فيصل من سيارتهم .. راح و قعد وسط الحضور .. ماله مخرج من ذاك المكان اصلا كان زحمه و حتى لو حاول يطلع لازم سيارة توديه و هو ما يعرف احد في ذاك المكان .... كان قاعد لحاله و بعيد شوي عن الناس .. فجأه جااه واحد بسيارته فتح الشباك .......
**** : ياا انت ...
فيصل باستغراب : انااا ؟؟!
**** : ايهه انت .. اهرب من هنا الشرطه محاصره المكان ...
فيصل انصدم : اييييييييييييش ؟؟؟ من جدك انت ؟؟
**** : بالله في احد يمزح في ذي الامور .. فيه ناس انصاادوا ..
فيصل بدا يخاف : وش اسوي ؟؟ انا ما ابي انمسك .. لاني ما سويت .. والله اني جيت هنا مغصوب ..
**** : انت هدي هدي .. و امش معي انا اعرف طريق بيطلعنا من هنا بسهوله ... يا الله اركب ..
فيصل يتلفت : يمكن هتان يدورني او شي ...
**** : قصدك راعي الددسن البيضا السيارة المصدومه ؟؟
فيصل : اييهه تعرفه ؟!
**** : لا شفتك نزلت من سيارته .. هذا طلع من المكان ..
فيصل : انحاااش يعني ؟!
**** : ايه .. يالله بسرعه اركب ما عاد في وقت ...
فيصل ركب : مشكووور لانك تساعدني ..
**** : حنا في الخدمه ..
فيصل : ما عرفتنا على اسمك يا الطيب ؟
**** : معك حسام ..
فيصل : و النعم فيك انا فيصل ..
حسام : ينعم بحالك .. تشرفنا يا فيصل ..
فيصل ما ادري ليه احس اني شايفه من قبل : غريب احس شكلك مو حق هجوله ومن ذا الكلام ..
حسام : أي بس اتفرج ..
فيصل ~ بعد محتار ليه ساعدني لكن ما يهمني اللحين .. المهم اني اطلع من ذي المصييبه اللي بلاني فيها هتان .. لااا و سحب علي بعد .. الكلب الواطي .. انا اوريه ...

في الشقه قرب العصر يدخل و للحين فيصل ما رجع .. بدت حنان تقلق .. المفترض انها بعد ما رجعت من الدوام تنام شوي .. لكن ما قدرت و ظلت قاعده بغرفتهاا تنتظر فيصل بقلق ....
انفتح باب غرفتهااا .. على بالها فيصل .....
حنان : فيـــــ ..... آه هذا انت !
وليد : كم مره اقولك اذا كنت لحالك قفل باب غرفتك ..
حنان : ماله داعي مافي غيرك بالشقه ..
وليد ابتسم : الخوف مني ..
حنان : كييييييييف ؟!!
وليد يضحك .. ثم قعد على سرير فيصل و تكتف ..
حنان : لااا جد وش قصدك ؟
وليد : كيف كان اختبارك اليوم ؟
حنان يعني بيصرف اللحين : حلووو ..
وليد : هالله هالله .. ابي درجات عاليه ..
حنان : تطمن انا قدهاا ..
وليد : فديييييتك والله ..
حنان كانت واقفه طبعا .. استحت من كلامه و ما ردت ..
وليد : هههه فديت ابو الخدود الحمر ..
حنان ارتبكت : وش .. وش تقول انت ..؟
وليد : ههههههه سلاامتك ما قلت شي .. اقعد طيب ليه واقف ..؟
حنان قعدت على سريرها ...
وليد : وين فيصل ؟؟
حنان : ما بعد يجي ...
وليد : ما بعد يجي من وين ؟؟؟
حنان : طلع مشوار مع اصحابه بعد الاختبار ...
وليد : اهاا .. بس ما كنه تأخر ؟
حنان : شوي و يجي .. ( راحت اخذت كتابها حق مادة بكره )
وليد : اووه شكلك بتذاكر اللحين ..
حنان : اييه ..
وليد : تغديت ؟
حنان : لااا ..
وليد : وش رايك ننزل المطعم اللي تحت نتغدا فيه .. و منها نستنى فيصل ..
حنان تناظر الكتاب ~ انا ما فتحت مادة بكره و اخاف ما يمديني ...
وليد : اش فيك .. اختبار بكره صعب ؟؟
حنان : لا لا خلاااص ياالله ..
قعدوا بالمطعم .. طلبوا اكل و تغدوا .....
وليد : هااه كيف الاكل ؟
حنان : حلوو .. الحمدلله شبعت ..
وليد : عوافي على قلبك ..
حنان : يعافيك ..
....: السلام عليكم .. انت هنا و انا ادورك ؟
وليد : وش جاااابك ..؟
سحب كرسي و قعد ثم ناظر حنان : مين الاخ ؟؟
وليد : انت وش جابك اللحين ؟ رد على سؤالي ..
حنان تناظر لوليد باستغراب : مين هذا ..؟
وليد : هذا ولد عمي صقر ..
صقر وهو يناظر حنان : شكله هذا من اللي ساكنين معك بالشقة !
وليد بدون نفس : أي هذا عايش معي بالشقة و اسمه حمد ..
صقر : و النعم فيك يا حمد .. من زمان ودي اتعرف على اللي ساكنين مع وليد بس كل مره اجي ما الاقي الا وليد بالحاله ..
وليد : اخلص علينا يا صقر وش تبي ؟
صقر : خلني اشوف هذا اللي اسمه حمد و اتعرف عليه اكثر .. خصوصا ان اختي دائما تتكلم عنه ..
حنان مستغربه وهي تناظرهم تحس انهم حاقدين على بعض .. لااا و صقر يبي يتعرف عليها بعد !!
وليد : يا ولد عمي اذا انت فاضي وماعندك سالفه فارق دام النفس طيبه ..
صقر :هههههه لا يا ولد عمي انا ابيك في موضوع مهم ..
حنان احس ان شكلي غلط وانا قاعده بينهم : عن اذنكم بطلع للشقة ..
وليد مسك يدها : لا اقعد .. اكيد هو يبيني في شغل ..
صقر : ايييه شغل ولا تخاف موعد زواجكم انت واختي نفسه ما تغير ولا راح نتناقش فيه ..
حنان ناظرت وليد بصدمة : عن اذنكم انا لازم اطلع ..
وليد تركها تروح لأن واضح انها مصدومة : وش جاب طاري زواج اختك اللحين ..؟
صقر باستغراب : ليش انا قلت شي غلط ؟؟!!
وليد مسك اعصابه : اخلص ليش جيت ؟
صقر : محتاجينك في الشركة ضرووري لازم تمرنا بكره ..
وليد : اذا بس كذا ماله داعي تعبت نفسك و تعنيت وجيت كان دقيت او ارسلت مسج ..
صقر ابتسم : و اذا انا بغيت اشوفك .. مو يمكن اشتقت لك ..!
وليد قام من ع الطاوله وسحب عليه ولا رد على كلامه ..
اما صقر اكتفى بابتسامه ...

وصل فيصل للعماره ...
شكر حسام وصعد للشقة ...
حسام دق على شخص و قاله : " لااا الحمد لله عدت على خير ........ قدرت اني اطلعه .......... بيجيك كل شي في تقرير ....... صحيح لازم تبدا تفكر جديا فيها ............ سم طال عمرك ........ ان شاء الله دقايق و اكون عندك ........... في امان الله ...."

في الشقة الأوضاع متوترة بين حنان و وليد .. حنان اللي تحاول تفهم كيف وليد راح يتزوج ريهام وهو اصلا قال لها انه تركها ...كانت رح تتهور و تسأل ريهام بعدين قالت لأ .. لازم تسأل وليد بنفسه اول .. معقول كذب عليهاا ؟!
ما طول حتى جا وليد ...
وليد : حمممد معليك من كلام صقر ...
حنان : كييييف و انت كذبت علي !!! مو انت قلت بتترك ريهام ؟
وليد : هدي و اسمعني .. انا و ريهام اتفقنا نترك بعض بس اهل ريهام ما يدرون ...
حنان : كيف يعني ؟!
وليد : يعني اذا قرب الزواج ما رح نتزوج و بنحط اهلها تحت الامر الواقع ..
حنان : و ليش تسوون كذا ؟
وليد : لان مقدر على عمي .. مقدر ارفض له أي طلب .. على الاقل بهذا الوقت ..
حنان حاولت تهدي نفسهاا .. قعدت و هي معصبه .....
وليد : حمووودي لازم تثق فيني ..
حنان : اصلا .. اصلا ما عندي حل الا اني اثق فيك ..
وليد ابتسم : طيب هديت اللحين ؟
حنان : أي خلااااص ..
وليد : ودي اسألك انت عصبت لانك تحب ريهام و لا لاني انا ممكن اكون احبهاا ؟؟!
حنان : هااااااه ؟؟؟؟؟؟!
وليد : هههههه انسى سؤالي ..
حنان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!
وليد قعد جنبها و عينه بعينهاا : انا ما احب ريهام .. لان فيه وحده ملكت قلبي ..
حنان بقهر : مييييين ؟!
وليد : يهمك تعرف ؟؟!
حنان : ءءء اذا ودك قول .. دايما اسألك و انت ما تعلمني ..
وليد مسك يدها : اوكيه بصرااحه .............
دخل فيصل عليهم و قطع كلامهم .. ناظر يد وليد الماسكه يدهاا .. هي على طول سحبت يدهاا .. و فيصل مقهووور و معصب خاصه و وليد قاعد قريب منهاا ..
حنان بارتباك : هـ هلا فيصل ...
فيصل و عينه على وليد : حمممد تعااااال شوي ابيك .. > ثم راح غرفته ..
حنان ~ يمممممه فيصل معصب مووووت .. خااايفه اروح .. مره مره مره معصب علي .. واضح بينفجر من قهره ... بس انا ما سويت شي !
وليد يناظر حنان واضح مرتبكه : اش فيه فيصل معصب ؟
حنان حتى وليد لاحظ : مـ ما ادري ..
وليد : اذا ما ودك لا تروح ..
حنان اييهه عشان يفصل علي صح : لا لا عادي بروح اشوفه .. يمكن صاير معه شي ..
وليد : اووك على راحتك ..
قامت و هي ما ودهاا تقوم .. تكره تشوف فيصل في هالحاله .. صح انبسطت لما رجع بخير .. بس ما تمنت انه يشوفها قاعده مع وليد نفس ذيك القعده اللي ينشك في أمرها ! ..