شبكة همس الشوق - عرض مشاركة واحدة

11 - 8 - 2015, 05:21 PM

قبل نشوف حنان و فيصل .. نروح بيت اهل نواف .. بالتحديد اخته الجوهره .. من بعد كلام ابوهاا ضاقت بها الدنيا .. كانت تنتظر الى ان تطلع الجوري من كليتها و تدق عليهاا .. المفترض انها طلعت لان الوقت قرب على العصر .. دقت عليها بعد تردد ..........
الجوهره : جوووااره ألحقيني ..
الجوري بخوف : بسم الله عليك احد صار له شي ..؟!
الجوهره تبكي : محد صار له شي .. بس ......
الجوري : طيحتي قلبي تكلمي بسرعه ...
الجوهره : ابوي يبي يزوجني ...
الجوري بصدمه : اييييييييييييش ؟!
الجوهره : هذا اللي صار .. و انا مقدر ارفض ..
الجوري : مين عريس الغفله هذا ؟!
الجوهره : ما سألت لانه ما يهمني .. انا خلاص ما ابي اتزوج لا خالد و لا غيره ..
الجوري : ياا حبيبتي هدي .. خالد ماله دخل .. انتي اللحين لا تبكي .. شوي و اكون عندك ..
الجوهره : أي بسرعه تكفين تعالي ..
الجوري : ابدل و اجيك ما رح اتأخر ..
الجوهره : بستناك ...

من جه ثانيه في غرفة نواف ... توه صحى من القيلوله ... ناظر الساعه ..
نواف ~ باااقي شوي ع الاذان ..
رجع تمدد مره ثانيه على سريره ...
نواف ~ اللحين الى متى بقعد زعلان من وليد ؟؟ .. صح غلط علي .. بس هو ما يدري ان حمد بنت .. انا تعبت و انا كاتم الموضوع .. ودي استشير احد .. ليه ما اعلم خالد بقصتها .. صحيح هو كتوم و اقرب الناس لي .. ودي افضفض .. و ما عندي احد غير خالد .. المشكله اني وعدت حنان ان محد يدري ... ( تنهد بتعب ) و وليد وش اسوي معه .. والله فقدته و فقدت الشقه .. انا لازم اكلم خالد يشوف لي حل...
مسك جواله .. و صار يرسل في البي بي لخالد .. طول خالد على بال ما رد ....
خالد : " هلااا والله نواف "
نواف : " هلااا بك خالد وينك ؟ "
خالد : " كنت مشغول شوي والله تو ما فضيت .. كيف اختبارك اليوم ؟ "
نواف : " تمام سهالات .. اقول خالد بغيت اطلب منك طللب "
خالد : " آمرني "
نواف : " ما يآمر عليك .. ممكن تمرني البيت اليوم ؟ "
خالد : " بس كذا ؟! .. ابشر ما طلبت شي "
نواف : " تسلم والله .. بستناك بعد العصر "
خالد : " اووكيه .. بس ترى ماني مطول عندك حدهاا ساعه .. اتفقنا "
نواف : " لأ ليييش ؟ "
خالد : " ما وراك اختبارات بكره و لا ؟ "
نواف : " اييهه صح .. بس ترى سهله الماده "
خالد : " و لو لازم تذاكرها زين .. "
نواف : " خلاااص زي ما تحب .. انت بس تعال "
خالد : " ان شاء الله ..."
استغرب خالد طلب نواف انه يشوفه .. كان متوقع ان فيه شي صاير مع نواف .. اصلا من زمان هو حاس ان في شي صاير بس ساكت ينتظر نواف هو يتكلم من نفسه ...

قبل نرجع الشقه .. نروح لهتان و شلته .. قدروا انهم يطلعوا من المكان و كلهم انحاشوااا .... و اخيرا وقفوا في مكان بعييييد عن الشرطه ونزلوا من سياراتهم .. ناظروا بعض ثم .. انفجروا ضحك ..
هتان : هههههههههههههههه شفتوا ههههههههههههه شفت كيف جربعناهم !
مشاري : ههههههههههههههههههههه والله انك شيخ الذيابه ..
عساف : ههههههههههه لبه انت ههههههه لبه انت بس يا الزعيم ههههههههه ..
هتان : ههههههه اعجبكم ...
مشاري : كفووووو والله .. بس كيف عرفت ذا الطريق ؟
عساف : أي والله محد خطر له ..
هتان : اش فيكم انتوا على بالكم بجي مكان ما اعرفه .. يا حبايبي حافظ المكان هذا زي ما انا حافظ اسمي ..
مشاري : يعني كنت تجي لحالك ؟ انا ما جيت معك الا مرتين هالسنه بس ..!
هتان : لا ما كنت لحالي .. كنت اجي مع الحب فديته ..
نادر بسرعه : ميييييين !؟
هتان : وش دخلك ؟؟
عساف همس : هههه لقط وجهك ...
نادر : طييييييير انت الثاني ..

مشاري كاتم ضحكته ....
عساف : يااا حمززززه تكفى شغل عراقي حزين مسرع فيني رقصه ..
حمزه : هههههههههههههههه ابشر ..
مشاري : الصوت بالله ع الآخر ..
و فلوووهاا عساف و مشاري يرقصون و الباقي يصفقون من الوناسه ماهم مصدقين انهم طلعوا من مصيبتهم .. أما اهتان مشغول باله في شي ثاني .. و لا هو بمعهم ...
هتان بعد تفكير : ياا عيااال .. يااا عيااال .. اهجدواا شوي ..
مشاري وقف رقص : قصر الصوت يا حمزه لا هنت ..
و قصر حمزه الصوت و الكل صار منتبه مع هتان ... اش بيقول ؟!
عساف : وش فيك خربت وناستنا ؟
هتان : اترك وناستك ع جنب انت .. ياا عياال فيصل .. فيصل مدري اش صار عليه ..
نادر ابتسم : هئ تلقاه في التوقيف اللحين ..
هتان عطاه نظره : محد سألك انت ...
مشاري : هههههههه معليش ندوووري متعود انت على القصف الجبهي ههههههااااااي .....
نادر : كاااك كااك مسوي ظريف !
عساف : اقول يا هتان ما رح تعرف اش صار له الا بكره ..
هتان : كيف يعني ؟
عساف : ما يبي لها ذكاء اذا جا مدرستكم معناه ما صار له شي و اسأله انت وين كان ...
هتان : و بصبر لين بكره ؟؟؟!
عساف : ما عندك حل يا الخفوق غصبا عنك بتصبر ..
هتان تنهد بضيق : الظاهر كذا ..
مشاري احاطه بذراعه : ورااك زعلان طيب ؟
هتان : و ما تبيني ازعل .. اذا انصاد فيصل هذا وجهي اذا عاد سمع كلامي و جا معي مره ثانيه ..
مشاري : حبيبي مو بكيفه .. انت تعرف نقطة ضعفه و بتقدر عليه و بيسامحك رضى و لا ما رضى ..
هتان : ياااخي انت وش انت .. ههه تبسط الامور على كيفك ..
مشاري : ههه ياا ولد سهااالات ..
عساف : اقوول ياا عياال خلوناا نمشي المكان مشبوهه فيه ..
مشاري : و هو صادق .. مشينااا ..

نرجع للشقه ... دخلت الغرفه و يدهاا على قلبهاا .. هي تعرف فيصل الى عصب ايش يسوي .. حتى ممكن يمد يده و كم مره سواهاا ... كان واقف على الشباك .. ابدااا ما لف عليهاا ..
حنان اش فيه يعني ما حس علي يوم دخلت ! خل اتنحنح يمكن يحس : احم احم ...
فيصل : .......................لارد
حنان اش فيه ؟! : فـ .. فيصل ..
فيصل : .......................لارد
حنان ليه ما يرد علي ؟! : اش فيك ؟؟ اش كنت تبي مني ؟!
فيصل : هذا و انا لسا ما طلقتك و عايشه جوك مع وليد ...
حنان ~ وش يقول هذا ؟ ..
فيصل لف عليها و عيونه ملياااااانه حزن : وين وصلتوا في علاقتكم ؟
حنان ~ لا يكون قصده اني انا و وليد ..............؟!
فيصل : بس ما اكون خربت عليكم جوكم ؟ .. ادري .. شكلي انسان غثه .. محد يهمه وجودي .. انتي تحسين اني ناشب لك صح ؟ ودك الايام تمر بسرعه و تتطلقين .. ودك اليوم قبل بكره تكوني لوليد .. و انا .. انا يا حنان .. انا و لا شي .. بس تنتهي السنه نتطلق و اصير و لا شي بحياتك ..
حنان : ليش تقول كذا ؟
فيصل : هذي الحقيقه .. اللي انا قاعد اقوله هو الحقيقه .. تعبت اضحك على نفسي و اقول بكره بتحبني .. قد خسرت من قبلك ناس .. و للحين متعذب بغيابهم .. اش بتفرق لو خسرتك انتي بعد .. ما انا كذا و لا كذا متعذب ..
حنان : فيصل تكفى ...
فيصل : روووحي اقعدي مع وليد امسكي ايده عيشي جوك معه خلاااص سامح لك .. انتي مو زوجتي .. مو هذا اللي تبينه .. اطلعي مع الشباب زي ما تبين .. انتي خلاااص طحتي من عيني ..
حنان تجمعت الدموع في عيونها : تكفى لا تقول عني كذا .. و رب البيت ما غلطت مع وليد .. كنا قاعدين بس ..
فيصل رفع يده بوجههاا بمعنى لا تكلميني ....
حنان : فيييييصل لازم تسمعني والله ما صار بيننا شي الا انت ما ابيك تاخذ عني كذا فكره ..
فيصل : لا تترجيني انتي ما تحبيني و لا تبيني اش يهمكك فيه اخذت فكره عنك و لا لا ..
حنان : اكيد يهمني ....
فيصل قاطعها مره ثانيه .. و هو كله حزن : صدقيني ما عمري كرهتك قد اللحظه اللي شفت وليد ماسك فيها يدك و نظراتكم لبعض ..
حنان : يعني انت اللحين صرت تكرهني !؟
فيصل : اكرهك و بس ! ..
حنان تناظره بصدمه .....
فيصل : لا تناظريني كذا .. هذا اللي تستحقينه ..
حنان بزعل : اذا بتكرهني اكرهني شي راجع لك ..
فيصل ما عجبه ردها : اسكتي .. ما ابي اسمع صوتك ..
حنان : لكن انت ........
فيصل بضيق : اطلعي و اتركيني لحالي ...
حنان محجره الدموع : خلني اتكــ ...........
فيصل قاطعها بصراخ : اططططططططططططلعي ..
حنان خافت لما صرخ و خافت من نظراته ... سمعت الكلام و طلعت ..
فيصل ~ انا اذل نفسي لهتان و اسمح له يستغلني عشانهاا .. و هي تستغل عدم وجودي و تفلهاا مع حبيب قلبهاا وليد .. عناااد فيك ي حنان ماني مطلق و بنشوف يا انا يا وليد ....
ثم قعد على سريره شوي يفكر ... بعدين .........
فيصل ~ آآآآآآآه يااااا ربي اكذب على من ... ليش قلت لها اني اكرهها .. و انا عاارف نفسي اني بدونهاا مالي حياااه .. انا ما اكرهها هي انا اكره نفسي لاني تعلقت فيها كذا ... غيرتي من اللي حولهاا بتقتلني ...

حنان طلعت من الغرفه .. ما دخلت الصاله ابد بحكم ان وليد قاعد فيها .. كانت بالكاد ماسكه نفسها لا تبكي .. مغطيه ع فمهاا بقوه حتى لا يطلع صوت شهقاتهاا ..
كيف فيصل يفكر فيها كذا ؟! اش الكلام الجارح اللي قاله ؟! مستحيل فيصل يقول لها ذا الكلام ؟! يعني هو اللحين صار يكرهها خلاااص .. > هذا اللي كان يدور في بالها ..
كانت متسنده ع الجدار الفاصل بين غرف النوم و الصاله .. على امل ان وليد ما يسمعهاا .. الى ان تهدا شوي و تروق ...
وليد كان يقلب بالقنوات و فكره و باله مع فيصل و حنان .. ما كان مرتاح لوجه فيصل لما دخل .. فكر يروح غرفتهم يشوف اش القصه .. و سوااهاا ..
ما امدى طلع من الصاله الا شاف حنان قاعده بالارض ضاامه رجولهاا و جههاا على رجولهاا .. تيقن انهاا تبكي ... راح لهاا بسرعه .. مسح ع شعرهاا و قال بهدوء قااااتل ......
وليد : حمممد وش فيك ؟
حنان سمعت صوته و بدون ما ترفع وجههاا زادت بكي ....
وليد مسك ذراعها : قوووم معي ..
حنان قامت و وجهها مغرق بالدموع .. على طول مسحت دموعها بكم الثوب ..
اخذهاا للصاله ..
قعدت و قعد جنبهاا و علامات الاستفهام مرسومه على وجهه ...
وليد : علمني وش صار ؟
حنان لفت وجهها ما تبي تتكلم ...
وليد : اكيد فيصل قالك شي .. لاااا و يمكن مد يده عليك .. ما استبعد انه يسويهاا ما هو سواهاا من قبل ..
حنان ناظرته و بعيونها دموع و هي تهز راسهاا بمعنى لا ...
وليد : ما ودك تقول لي وش صار ؟
حنان ناظرت الارض : يكرهني !
وليد يحاول يفهم : اش قصدك ؟؟؟؟!
حنان : هو قال .. انه .. يكرهني ..
وليد : و هذا اللي مضايقك ؟ .. لهالدرجه تحبه ؟
حنان سكتت ما كان عندها رد .. هي كانت مصدومه كيف انه يكرهها ! ..
بسرعه ضمهاا لصدرهاا و همس بإذنهاا ......
وليد : و ان كان يكرهك ... فـ انا احبـــــك !
حنان ما استوعبت الموقف اللي هي فيه و لا استوعبت كلام وليد .. كل اللي كانت تحس فيه هو حرارة جسم وليد اللي ضامها بقوووه .. كنه يقول " انتي لي مو لفيصل ! " ......
وليد : انسى فيصل ....
حنان من جاب اسم فيصل على طول بعدت عنه .. و ناظرت الجهه الثانيه و هي محرجه من وليد .. كان كل تفكيرها ما تبي فيصل يشوفهم كذا .. و حست بالذنب اصلا ..
أمااا وليد مستغرب منها و من تصرفاتهاا .. و هي في وسط تفكيرها حط يده ع كتفهاا .. انفجعت و ع طول حطت يدهاا ع صدرهاا ..
وليد : انت مو طبيعي !
حنان : حـ حاب اقعد لحالي اذا ممكن ...
وليد : يعني تبيني اروح ؟
حنان تفكر : لا لا .. خلاااص لا تروح انا بطلع من الشقه ..
قامت و لبست جاكيتهاا ....
وليد : تعااااال ما يصير تطلع لحالك ..
حنان : لييييييش انااا رجااال و بطلع ما فيهاا شي ..
وليد ابتسم : ههه طيب خلني اجي معك ..
حنان بعصبيه : لاااااا تجي لااااااااااااا تجي قلت بكون لحالي ....
وليد : طيب طيب لا تعصب اللي يريحك ..
و طلعت من الشقه .. وليد ما ارتاح انها تطلع لحالهاا .. مسك تلفونه و طلب من احد الناس الي يشتغلون عنده يراقبهاا ...

حنان نزلت لحد بوابة العماره .. محتاااره وين تروح ... لفت ع المطعم اللي موجود تحت العماره .. قاعده تفكر تقعد و لا تطلع برى .. لانهاا عارفه ان طلعتهاا خطر .. خصوصا انها ما تعرف أي مكان ... خلاااص قررت تقعد بالمطعم .......
حنان ~ لاااازم ما اطول وراي دراسه ...آه بس انسدت نفسي عن المذاكره و اهلهاا .. و لا هذاا كلام تقوله لي ياا فيصل ! ..اوووووف و وليد !؟ وش وضعه معي بالضبط ؟! بديت اخاف منه ساعات احس انه يعرف حقيقتي .. و سااعات يقنعني انه ما يعرف شي .. و احيانا احس انه يدري اني احبه .. و احياناا ما افهمه بس احس انه فااهمني ...( تنهدت بتعب ) ما عاد رح اكلم فيصل خليه يفكر زي ما يبي ...
طلبت لها عصير و قعدت .. صاكها الحزن ما غير تلعب بالعصير .. حتى ما شربته ...
فجأه جوهاا شخصين ...
شاب 1 : مسيت بالخير ي حلوو ..
حنان خافت : نعم ؟؟؟!!!!
شاب 2 : ههههههه ممكن نقعد معك ؟ و نتعرف عليك ..
حنان محتاره تسوي نفسهاا رجال و تقعد و لا تحط رجولهاا و تنحاش .. في كلا الحالتين ما انتظروا ردهاا سحبوا كراسي و قعدوا معهاا ..
شاب 1 : وش اسمك ؟
حنان ~ لاااه اذا كذا بستين داهيه الرجوله و اهلهاا ناس ما تريح والله ما اقعد معهم و لا دقيقه ...
جت بتقوم واحد منهم مسك يدهااا .....
شاب 2 : على وين ياا حبيبي ما تعرفنا !؟
حنان تسحب يدهاا ماسكهاا ما تركهاا : خـ خيييير انت .. اترك لا اصرخ و ألم الناس ...
شاب 1 : هههههههههههههههههههااي تصرخ ! ليش انت بنت ؟؟؟؟!
حنان ~ هئئئئئئئئ يعني ما كان لازم اقول كذا ؟ يعني كشفني لا لا ما كشفني وش اسوي طيبب ....
وقتهاا الشخص اللي أمره وليد بمراقبة حنان دق على وليد و علمه بالوضع ثم سأله ايش يسوي معهم و كيف يتصرف .. وليد قال له لا تسوي شي انا بجي ...
شاب 2 : اقعد ياا ولد ....
...... : السلااام شباااب ..
الاثنين يطالعونه باستغراب ...
..... : حمد هذول اخوياك ؟!
حنان : لااا ما اعرفهم ..
..... : طيب يا اخ ليش ماسك يد خويي .. لااا و قاعدين على طاولتنا بعد !!
شاب 1 : هذا خويك هاااه ! ..
شاب 2 : معليش فكرناه لحاله .. و حنا ماشيين اللحين ..
شاب 1 : بالاذن ياا حلوو ..
ثم راحوا ...
حنان : مشكووور يا صقر ..
صقر : ولوو حنا بالخدمه .. اللي يعز على وليد يعز علي ..
حنان : تسلم .. بس غريب على بالي رجعت بيتكم !
صقر : كانت عندي شغله اسويها هنا و لما جيت بطلع انتبهت عليك لاحظت انك متورط معهم قلت اساعدك ..
حنان : أي والله سااعدتني كثير .. فجأه جوني مدري اش يبون ..
صقر : هههه انت ما شاء الله عليك مزيون .. و من يشوفك يقول بنت مو ولد .. و هالايام الناس تحب المزايين ..
حنان مافهمت : ؟؟؟؟؟؟؟؟؟؟؟؟؟؟!
و جاا وليد .. كان خايف يكون صار لـ حمد شي .. و آخر شي توقعه انه يكون صقر هو الشخص اللي قصده حارس حنان لما قال لوليد انها متورطه مع شباب ...
وليد : انت وش تسوي هناا ؟ و ليه ما رحت بيتكم ؟
صقر : ههه وراك معصب ياا وليد ؟
وليد : وش تبي بحمد ؟
صقر : ما ابي منه شي .. شفته صدفه ..
وليد : حمد يا الله نرجع ..
حنان ~ وش فيهم هالاثنين بعد ؟!
صقر : ههههههههاااي معصب عشانه ؟؟؟؟؟؟؟؟؟!
وليد : صقر لا تتدخل .. و انت يالله بسرعه ..
صقر : هههههه اوووكيه ولد عمي ..

حنان قامت معه .. و هم يمشون .....
وليد : ليييش قعدت مع صقر و اش كان يبي منك ؟
حنان : صقر في الحقيقه ساعدني ...
وليد باستغراب : سااعدك في وشو ؟؟؟
حكت له السالفه .....
وليد : اهااا كذاا الساالفه .. انا على بالي انه هو اللي ضايقك ..
حنان : صحيح انت اش دراك ان فيه احد مضايقني ؟؟
وليد : انت طلعت من الشقه معصب و انا كلمت واحد يراقبك .. كنت قلقان عليك ..
حنان ابتسمت شوي بعد ضيقتهاا .. و وليد انتبه على ابتسامتهاا ..
وليد : يااا لبييييه ياا ابتسامتك وحدهاا تسر الخااطر ..
حنان احمر وجهها خجل و حاولت تخبي وجهها عن وليد لانه دائما يلاحظ عليهاا اذا خجلت .....
و صولوا عند باب الشقه و قبل يدخلوون .....
وليد : حمووودي .. انت متأكد انك صرت كويس ؟!
حنان : ايييهه .. لازم اصير كويس .. عندي اختبار بكره و للحين ما ذاكرت شي ..
وليد : طيب .. اذا انت متهاوش مع فيصل .. ترى تقدر تاخذ غرفتي ..
حنان : هااا .. لا لا عاادي انا و فيصل دائما كذا نتهاوش شوي و بعدين نرضى ..
وليد : اوك على راحتك ...
ثم دخلواا الشقه .. بالنسبه لفيصل حاول ينسى و رمى حاله على سريره و غط في نوووم ......
حنان : بروح اجيب كتبي عشان اذاكر ..
وليد : طيب ..
راحت يم باب الغرفه .. ترددت في الدخول كثير .. بعدين دخلت و يدها ع قلبهاا .. شافت فيصل نايم ارتاحت .. ثم اخذت كتبهاا بسرعه و طلعت ..
وليد : حمووودي اذا ودك تقدر تروح تذاكر في غرفتي ..
حمد : لا عاادي مرتاح هنا ..
وليد كان قاعد على جهازه عندك شوية شغل .. و حنان في جهه ثانيه تذاكر .. فتحت الكتااب بعدين قفلته و رمته ...
حنان ~ وش هذا اغلب الاشياء اخذوها في ثاني ثانوي .. و انا ايش عرفني هذا الماده ما درستها بثاني ثانوي !
وليد : اش فيك ؟ تحتاج مساعده ؟
حنان : هاا .. لا لا الامور طيبه ..
وليد : اذا احتجت أي شي ترى ممكن اشرح لك ..
حنان : لااا مشكوور ..
وليد : العفوو ..
كان عندهم اختبار جيولوجيا ( علم الارض ) و نحو .. هي تقصد ان مادة الجيولوجيا متصله بجيولوجيا ثاني ثانوي و هي ما درستهاا ... لان الماده هذي موجوده عند الاولاد بس ! ..

بعد صلاة العصر ... الجوري وصلت بيت الجوهره .. و هي داخله شافت خالد هو كان بعد توه وصل ......
الجوري بعد تردد : خـ خااالد ..
خالد استغرب مين هذي اللي تناديه الصوت مو صوت الجوهره ! : هلااا ..
الجوري : هلا بك .. انا الجوري ..
خالد : اهاا .. هلا بك يا الجوري .. كيفك ؟
الجوري : الحمد لله .. اممم .. ( اقول له و لا ما اقول له .. لااا خل اقول له ) ..
خالد : معليش يا الجوري شكلنا غلط واقفين مع بعض ما ودي احد ياخذ عنا فكره ..
الجوري : ءء اييييه صاادق .. بس انا بغيت اقولك شي و امشي ..
خالد : طيب قولي بسرعه ...
الجوري : انت دريت ان .. ان خالي ( ابو الجوهره ) ناوي يزوج الجوهره ..
خالد مصدووم : اييييييييييييييييييييييييش ؟؟؟؟!!!!!!
الجوري : بعد اسبوعين ملكتهاا ..
خالد : ليييييش ما قالت لي ؟ بعدين .. بعدين هي ما لازم توافق .. الجوهره لي انا و بس ..
الجوري : هي توها درت اليوم و من ساعة ما قالها ابوها و هي تبكي .. ما يمدي تقولك شي .. انا بروح اشوفهاا اللحين ..
خالد : اسمعي .. طمنيهاا اني ما رح اتركهاا .. حتى لو اكلم عمي ..
الجوري : لأ انت لا تسوي شي قبل لا تقول لها .. اوكيي ؟
خالد : طيب اوكي ...

ضاق صدر خالد بعد اللي سمعه من الجوري .. راح لنواف اللي كان يستناه بالمجلس ...
نواف : يا الله ان تحييه ..
خالد بدون نفس : الله يحيك ..
نواف : وراك زعلااان ؟
خالد ابتسم غصب : مو بزعلان ..
نواف : طيب حيااك اقعد..
خالد : تسلم ..
نواف كان مجهز الضيافه .. مد له الفنجال : سمّ قهوتك ..
خالد : لااا مشكور ماني مشتهي شي ..
نواف : والله يا انت فيك بلا .. علمني و انا اخوك ..
خالد : صدقني ماا في شي .. ضغوط الدراسه و الشركه ..
نواف : ايييهه الله يعينك ..
خالد حاول ينسى موضوع الجوهره شوي : و انت وش مسوي مع هالاختبارات ..
نواف : ابد ماشيين و الاوضاع ان شاء الله انها زينه ..
و قعدوا سوالف الى ان دخل خالد في صلب الموضوع .......
خالد : اقول نواف ما تحس انك تغيرت ؟
نواف باستغراب : انااا ؟! .. بالعكس انا زي ما انا ..
خالد : يعني ما عدت تجيب طاري حمد و انه بنت .. و غير كذا اشوفك صاير مبسوط .. و عندي احساس ان فيه شي صاير معك ..
نواف : هههه اللحين لاني مبسوط فيهاا مشكله ؟؟!
خالد : لااا والله ما قصدت كذا .. جعلك دوم مبسوط بس علمني وش اللي باسطك !؟
نواف سكت يفكر ~ مستحيل اعلمه عن حقيقة حنان لاني وعدتهاا .. بس ....
خالد ربت ع كتفه : قوووول ..
نواف : اسمع انا متهاوش مع وليد .. و ابي الحل ..
خالد : دقيقه دقيقه .. و اناا اقول ليه صار لك مده ما تروح شقته .. قل لي وش السالفه من البدايه ..
نواف : هو في الحقيقه .. يعني هو فهمني غلط .. انا و .. انا وحمد كنا قاعدين مع بعض و .. هو فهم قعدتنا غلط و فكرني منحرف ..
خالد بصدمه : كييييييييف ؟! ..
نواف : و ربك ما سويت شي .. بس هوو .. يعني صاير ما ادري كيف اقولك يعني يهتم لحمد كثير .. و أي حركه اسويهاا يشك فيهاا مدري وش جاه ما كان كذا ..
خالد : شوي شوي علي خلني استوعب كلامك .. انت متهاوش مع وليد و السبب حمد !؟
نواف : اييه تقريبا كذا السالفه ..
خالد : لا حول و لا قوة الا بالله ...
نواف : تكفى ابيك تصالحناا .. لاني احس ان حمد متضايق من الوضع و زعلان لانه يحس انه هو السبب في زعلنا من بعض ..
خالد : والله واضح انه هو السبب من حقه يحس كذا .. و انتم وش صار فيكم .. اخبركم اصحاب ما يفرقكم شي تافه زي هذا ..
نواف : هذا اللي صار ما بيدنا شي .. اصلااا انا قايل ماني مسامح وليد الا الى ان يعتذر .. بس لعيون حمد بتنازل شوي .. فكرت كثير ما ابيه يحس بالذنب ..
خالد : لعيون حمد هاا ! ..
نواف : ههه ياااخي احساس انك تحس بالذنب لان اثنين تهاوشوا عشانك احساس مو حلو ..
خالد : طيب طيب فهمت .. بعديهاا لك و ما رح اسأل و لو ان فيييه اشياء واجد في بالي ابي لها اجابه لكن مو وقته اللحين .. أما وليد خلنا نروح له بكره اذا ودك او يوم الخميس عشان الاختبارات ..
نواف بسرعه : لااا عاادي نروح بكره ..
خالد : ههههه وش ذا الحماس ..
نواف : هه ياا اخوك ابي السالفه ذي تخلص ..
خالد : طيب اابشر على خير ان شاء الله ..
نواف : ......................