شبكة همس الشوق - عرض مشاركة واحدة

11 - 8 - 2015, 05:22 PM

أما الجوري راحت فوق غرفة الجوهره على طول ..... اول ما فتحت الباب ركضت لها الجوهره و ضمتها و هي تبكي ..
الجوري : ياا بنت هدي نفسك ..
الجوهره تشاهق : ماا ابيي طيب .. ما .. ما اقدر .. ما ابي .. اتزوج خلاااص ..
الجوري مسكتهاا مع اكتافهاا : طيب اهدي لا تبكي .. والله لو تستمرين كذا لا ابكي معك ..
الجوهره تحاول تهدا : لااا لا تبكين .. شوفي لي حل ..
الجوري : خليناا نقعد و خذي نفس .. بعدين نتكلم ..
قعدت شوي تهدي في الجوهره الى ان هديت .. ثم .......
الجوري : انا قلت لخالد ..
الجوهره : تمززززززززحيين !
الجوري : لاا والله جد قلت له .. لازم يدري .. و اذا كان يحبك صدق هو بيتصرف ..
الجوهره : لاااااااااااا ما ابي خالد يتدخل ..
الجوري : ليييييييش ؟! ما هو يحبك !
الجوهره : اش بيسوي يعني ؟!
الجوري : يتقدم لك .. خلااااص سالفتكم طالت ..
الجوهره بضيق : نسيتي اختي ..!
الجوري : اناا اقول .. خليه يتقدم لك و خلي اختك تصير قدام الامر الواقع .. اش ممكن تسوي الى تقدم لك خالد !؟
الجوهره : مقدر .. حرااام اكسر قلب العنود .. رح تكرهني طول عمرهاا و انا ما ابي ذا الشي ..
الجوري : لااا تعقدينهاا ياا جوج تكفين ..
الجوهره : هو بكيفي ! .. هي معقده من اصلهاا .. وشش السواة .. من اختار طيب .. اختي و لا خالد ؟؟؟
الجوري : اسمعي صوت قلبك .. و معليك من احد .. بعدين العنود مراهقه اللحين الى كبرت و كبر عقلها رح تفهم ..
الجوهره تنهدت بضيق : هذي لحالها كوووم و مسألة زواجي اللي مدري منين طلعت كوووم ثااني !
الجوري : و انتي صادقه .. بس مدري ليه عندي احساس ان خالد بيتصرف ..
الجوهره : اسبوعين يااا جوااره .. اسبوعين على ملكتي !
الجوري : بيمديه ان شاء الله يتصرف .. قال بيكلم ابوك .....
الجوهره : ايييييييش لاااا تكفين ابوي ما عنده ذي السوالف و الحب و الخرابيط و لو درى اني احب احد ممكن يذبحني ..
الجوري : هذا ولد عمك مو غريب .. و بعدين تطمني انا قلت لخالد لا يسوي شي الا و يقولك عليه ..
الجوهره : صحيييح انتي متى امداااك تعلمينه بالسالفه ؟؟؟!!
الجوري : و انا جاايه شفته تحت و قلت له ..
الجوهره : اهاا شكله بالمجلس عند اخوي ..
الجوري : ايي صح بعدين راح المجلس .. ورى ما تقابلينه اللحين و تكلمينه ؟
الجوهره : جواااره مالي خلق مزحك ..
الجوري : بس انا ما امزح ..
الجوهره : لااااا اجل جنيتي ..
الجوري : هههههه طيب اضحكي ..
الجوهره : لااا ..
الجوري : تكفين تكفين اضحكي ابي اشوف ضحكتك الحلوه ..
الجوهره : اناا اللحين متضايقه .. ليه اضحك ..؟
الجوري : هههههههههههههه طيب صيري مو متضايقه و اضحكي ..
الجوهره غصب ضحكت : هههههههه يقطع ابليسك ...
الجوري : ايوووووه كذاا ياا حلووه ..
الجوهره : ........................

في مكان ثاني قدام بيت اهل خالد ... فيه سيااارة كانت واقفه مقابل بيتهم ....
رائد : و تحسب اني نسيت اللي سوته فيني اصايل بنت الكلب !؟ .. والله ما ارتاح و لا يهدا لي بال الى ان اوريهاا ..
مشعل : يااخي هدي .. وش لك بالمشاكل ..؟
رائد : هذي البنت هي اصل المشاكل .. آآخ يااني مقهووور لان زواجناا ما تم .. ياااني فكرت بشغلات كنت .............آآآآه لييييييييييش كذا ..
مشعل : ههههه لو ما اعرفك كان قلت تحبهاا !
رائد : هئ قال احبهاا .. ودي اشوفهاا بس ..
مشعل : وش تبي فيهاا انت .. لا تورط نفسك معهم .. ما غير ابوك يسوي لك سالفه ..
رائد : مقدر مقدر مقدر لاااااازم أأدبهاا .. ما انسى اللي سوته فيني .. ماني ولد ابوي اذا ما رجعت لها اللي سوته فيني ..
مشعل : وش نااوي عليه ؟
رائد : لساا افكر .. ابي امسك عليهاا أي زله .. أي شي .. ابيهاا تصير خاتم باصبعي .. ابي اتحكم فيهاا .. فااااهم علي ؟
مشعل يهز راسه : اووووك و بعدين !؟
رائد : بس .. بعدين ابنبسط معهاا .. و اوريهاا نجوم الظهر .. اللي قاهرني و فاقع-ن- مرارتي منين اخذوا الاوراق اللي تدين ابوي !؟
مشعل يحك راسه : هههه والله مدري .. >> و لا كنه هو هههه..
رائد : معليه هي فازت بالجوله الاولى .. بااقي بنلعب جوله ثانيهه .. و نشوف سااعتهاا .. ان ما خليتهاا تبوس رجولي ما اكون رائد ..
مشعل : انت بس علمني وش ناوي عليه ..؟
رائد : اللحين ابحط ناس يراقبونهاا .. عساني اصيد عليهاا شي و اهددها فيه .. و بس اصير اهددهاا بتصير تنفذ لي كل طلباتي .. ( ابتسم بخبث ) ههه ممكن وقتهاا اخذهاا لشقه نتسلى مع بعض بعنف هههههههههههههههاااي ..
مشعل : والله انت تسويهاا !
رائد : مهما طال الزمن لا بد ما ترتكب غلطه و بس يجي ذاك الوقت انا بستغلهاا ..
مشعل : اييه فهمت عليك .. خلنا نمشي اللحين لا احد يشوفناا ..
رائد : اووكيه بنمشي ..
( ملاحظه / محد من عائلة مشعل يدري انه ملك على جود و انها صارت زوجته ! )

نرجع للشقه ...... وليد خلص شغله و راح غرفته يرتااح شوي .. و لازالت حنان تذاكر بالصاله ....
حنان ~ اذن العصر و صليناا و فيصل ما طلع من الغرفه حتى ما صل بالمسجد ! .. خايفه يكون صاير له شي .. ودي اروح اشوفه و ما ودي .. احترت بصراحه .. هو يكرهني ما يبي يشوفني .. بس ذا القلق اللي فيني عليه مدري وش يبي !؟
من كثر ما فكرت فيه ما ركزت على المذاكرة ...
حنان ~ خلااااص قررت بروح اشوفه و اللي فيهاا فيهاا ...
جت و وقفت عند باب الغرفه توهاا بتفتح الباب الا و فتح فيصل .....
حنان ارتبكت : ءءء ...
فيصل كان ماسك كتابه و لابس لبس طلعه .. ناظرها شوي كان بيعتذر بس غير رايه .. بعدين مر من جنبهاا ......
حنان لفت عليه : فيـ ......... > كانت بتناديه بتسأله وين بيروح .. بعدين قالت لااا هو غلطان و خافت يهاوشهاا فسكتت ..
فيصل طلع من الشقه بكبرهاا .. حنان اخذت كتبهاا من الصاله ورجعت للغرفه تحاول تنسى هالبلاوي كلهاا و تذاكر لها كلمتين .. الوقت يمر و هي حتى ما فتحت الماده الثانيه لسا ...
المصيبه الاكبر في جوالهاا اللي ما سكت من كثر ما يوكز ........
حنان ~ مين هذا بعد ؟؟ يمكن يكون فيصل ليش لأ ...
فتحت الجواال لقت شخص ما تعرفه ....
حنان : " مين معي و اش بغيت ؟ "
**** : " انا نواف تكفين لا تحذفيني .. كل ما حذفتيني بغير بني و اضيفك "
حنان : " اوووف زهقت منك –فيس معصب- "
نواف : " بغيت بس اقولك لا تشغلي بالك فيني انا و وليد .. رح نتصالح قريب "
حنان : " اذا خلصت انا مشغوله ابي اذاكر .. اقولك شي لا عاد تكلمني فاهم و لو ما توريني وجهك يكون احسن .. لانك زودتهاا معي لا تحسب اني نسيت "
نواف : " طيب انا آسف و لا تزعلين "
حنان : " اعتذارك ما يودي و لا يجيب .. بروووووب "
نواف : " لحظه ... وكز!!! ... وكز!!! ..............."
قفلت الجوال و رمته بعيد ... ارتاحت بس انهم بيتصالحون .. و رجعت تكمل مذاكرتهاا ... المهم شكلهاا بتجيب العيد باختبار بكره ..

نروح لفيصل .. اتفق يقابل عمار في بيتهم .. و يذاااكر معه .. و طبعا عمار داري ان فيصل ما حب يجيه الا و صاير معه شي ...
عمار : يمممه خويي فيصل بعد شوي بيجني بالمجلس بنذاكر سوا .. لا تخلين و لا وحده من خواتي تطلع ..
ام عمار : ان شاء الله يمه .. و بقول لخواتك يسوون لكم شاي و قهوه ..
عمار : طيب و خلي محمد يجيبهاا للمجلس ( اخ عمار عمره 13 سنه بثاني متوسط ) ...
ام عمار : ان شاء الله ..
اندق باب بيتهم .. وصل فيصل .. سلم على ابو عمار على طريقه ثم راحوا للمجلس ....
عمار : اول شي بنتقهوى و نعين من الله خير بعدين تحكي لي وين رحت مع هتان بعد دوام اليوم ..
فيصل : يااخي انا جيتك ابي نذاكر سوا .. مو نسولف ! ..
عمار : علي ذا الكلام ..؟ كان رحت لحمد اقرب لك مني ..
فيصل تنهد بضيق : متهااوش مع حمد انا اصلا ..
عمار : آفاااا و ليه ؟
فيصل : السالفه طويله ..
عمار : اجل اصبر لين تجي القهوه و تحكي لي كل شي ...
و جت القهوه و سلم فيصل على محمد و تقهوى و الامور ماشيه ..
عمار : يا الله سولف لي و انا اخوك ..
فيصل : يااخي ضايقن صدري و ما ودي اتكلم عن حمد .. خله يومين و نتصالح من حالنا ...
عمار : طيب ما بضغط عليك .. بس هتان !
فيصل : اووه ذا الكلب كان بيورطني في مصيبه .. لولا الله ثم الرجال الطيب .. كان انا اللحين بالسجن ..
عمار : توك دريت انه كلب .. هذا مو كلب و بس هذا سلوقي راعي سحبات .. بس انت الله يهديك ما تفهم الا تخاويه ..
فيصل : والله انت اكثر واحد عارف ليش انا مخاويه .. و اكثر واحد عارف قد ايش اكرهه ..
عمار : ايييه حالتك حاله انت و اياه .. المهم علمني وش صار بالضبط ...
حكى له كل السالفه و كيف انهم هربوا من الشرطه .....
فيصل : و بس هذا اللي صار !
عمار : الحمد لله انك رجعت و لا كنت اللحين بالتوقيف ..
فيصل : أي والله .. تتوقع هتان واللي معه انصادوا ..
عمار : ياا جعلهم تقفطهم الشرطه و لا عاد يطلعونهم قل آمين ..
فيصل ابتسم : هه آمين ...
عمار : اسمع بكلم راجح بعد يجي عشان نكتمل و نذاكر سوأ..
فيصل : ههههههه قصدك نسهر سوا .. مستحيل اقتنع ان شله يجتمعون معناه يذاكرون ...
عمار : ههههههه لااا حرااام بنذاكر ..
فيصل : خلاااص دق عليه ... والله اني ما فتحت شي خلني ألحق على عمري الوقت يمشي ..
عمار : و مادتين الله يعين .. ( مسك جواله و كلم راجح يمرهم ) ..

بحكم ان بيت راجح قريب من بيت عمار .. اخذ اقل من 10 دقايق و جاهم .. بعد الترحيب وسؤال الحال ..........
عمار : تصدقون يا عياال من زمان ما اجتمعنا كذا ..
راجح : ايييه كل واحد انشغل بنفسه ..
عمار : شف من يتكلم .. انت اكثر واحد مشغول عنا ..
راجح : وش اسوي والله المنتخب يحتاجني ..
عمار : ههه الله يوفقك ...( ناظر فيصل اللي يقال انه يذاكر و هو في الحقيقه سرحان ) .. يااا هوووه ( فيصل لف عليه ) .. ويييييييييين ( يأشر له بيده بمعنى وين ) ....
فيصل : ههههههه معكم يعني وين ؟!
عمار : لا والله ابد منت معنا ..
فيصل بفيس حزين : الشله ناقصه ...
عمار فهم قصده .. و حس بحزنه بس راااجح .......
راجح : نااقصه مييين ؟؟!
فيصل ابتسم ابتسامه بارده : هيييثم !
راجح تندم انه سأل : الله يرحمه ..
عمار يغير الموضوع : ياا عيااال عشاكم الليله عندي قولوا تم ..
فيصل : عن نفسي ودي انام عندك بعد ..
عمار : والله حياااك .. البيت بيتك ..
فيصل : لااا حبيبي صعبه ..
عمار : و لا صعبه و لا شي .. بيتي مفتوح لك .. و هذا مجلسناا تقدر تنام فيه قد ما تبي ..
فيصل : ادري والله انك راعي واجب و ما تقصر ..
عمار : خلاااص اجل تنام هنا .. و انا بجيب فرش و نفرشه بالارض و انا بنام معك بالمجلس هنا بعد وش قلت ..؟
فيصل يفكر ~ انام عنده و لا اعلم حنان .. خليهاا تحس بغيااابي .. يمكن تشتاق لي .. يمكن تعرف قدري و انها ما تقدر تعيش بدوني .. والله فكره .. خلني اعاقبهاا شوي .. اللي سوته فيني مو بقليل ...
عمار : ياا ابوي وين سرحت بعد .. نومتك عندي الليله ..
فيصل : خلاااص تم .. اعذرني كاني بضايقك ..
عمار : قسم بالله لو تقول ذا الكلام مره ثانيه لا اهفك بالدله على وجهك .. نسيت ايام المتوسط يوم كنت تنام عندي !؟ اللحين مسوي كبرنا و خلاص ! مناااك ياا رجااال ..
فيصل : ههههههههههه عصب عموووري ..!
عمار : اكيد بعصب يااخي انت ترفع الضغط .. خلك خلك على جنب .. و انت يا راجح وش رايك بعد تنام عندي ؟
راجح : لاااا معليش الوالده ما رح تنام الا لين اجي ..
عمار : ههه الله يخليها لك ..
راجح : آمين ياا رب ..
عمار : بس هااا العشا عندي و قول تم و تراني مصمم ..
راجح : دامك مصمم خلااص تم ...

و مضى الوقت و حنان تنتظر بغرفتهاا .. ساعات تمسك جوالها تبي تدق على فيصل بس تتراجع .. متردده كثير لكنه تأخر ...
صلوا العشاء و الساعه قربت تدخل على 10 و هو للحين ما جا و لا في أي خبر عنه ...
كانت قاعده مع وليد طول الوقت .. و اللحين قالت له انها بتنام لكن في الحقيقه كانت بغرفتهاا و قلقانه على فيصل و تستناه يجي ...
حنان ~ ادق و لا ما ادق ؟؟! .. اخااف يكون صار له شي ... اوووف بديت اوسوس .. على كذا ما رح يجيني نووم .. و هو تأخر .. ويييييين راااااح ؟؟ .. يمكن في بيتناا .. لا لا مستحيل لو كان هناك كان اكيد امي دقت علي و سألتني ليه ما جيت معه .. طييييييب وييييينه يا ترى ؟! .. ( الجوال بيدهاا و حاطه على اسم فيصل باقي بس تضغط زر الاتصال ) ... ادق لالالا ما ادق .. إلاااا ادق .. لالالالا لا ادق .. خلاااااااااص بدق اووووووف ...
و دقت و دقت و دقت .. جواله رن شاف اسمهاا ابتسم بنصر ثم حطه صامت ورجع الجوال ..
حنان ~ لييييييه ما يرد .. اووك مسوي زعلان مني .. طيب الشرهه على اللي يدق ......( رمت الجوال و تمددت على سريها تفكر ) لأ يااا حنااان يمكن صاير له شي ... ( قعدت و شدت شعرهااا ) لاااااااااااااا اكره ذا التفكير .. ما ابي اوسوس .. و الوقت تأخر لازم انام وراي اختبار بكره ...
تحاول تنام بس الافكار السيئه و الوسوسه عن فيصل ما فارقتهاا .....

صباااح اليوم التالي ....
صحاا فيصل على صوت عمار و هو يصحيه .. للحظه نسى المكان اللي هو فيه ...
عمار : صباااح الخير ..
فيصل : هلااا صبااح النور .. ههه نسيت اني نايم عندك ..
عمار : هههههه على بالك انك نايم مع الحب ( يقصد زوجته ) ...
فيصل : ههههههه أي حب ( و انا انام بسرير و هي بسرير ! ) .. خلك من ذي السيره و قول لي وش هذا ؟
عمار : زي ما انت شايف فطور ..
فيصل : يااخي كل ذا الاكل من بياكله ...حراام عليك ماني مشتهي مع الصباح ..
عمار : لاااه لاااه وش تقوول انت .. تعوذ من ابليس و قم توضأ وصل الفجر ثم تعال تفطر ..
فيصل : على الطاري ليه ما صحيتني اصلي بالمسجد ؟
عمار : والله صحيتك بس ما رضيت تقوم ..
فيصل ابتسم : ايييه يااا اني نمت نومه يااخي مريحه لابعد حد ..
عمار : الحمد لله .. شي يسعدني ... >> طلع من المجلس ...
فيصل ~ الظاهر نومتي مع حنان في غرفه وحده ما كانت مخليتني انام براحه .. بس هناا و بعيد عنهاا نمت ... بس في الحقيقه اششششششششششتقت لهاا و لهبالهاااا .. ( فتح الجوال لقى 5 مكالمات منهاا ) .. ادق عليهاا و لا ماله داعي .. لا لا خلاااص ما انا رح اشوفهاا بالمدرسه بعد شوي ....
عمار جاب الشاي : انت باااقي قاعد .. يالله عجل باقي ساعه ع الدوام ..
فيصل : طيب هذاني رايح ...
قبل لا يطلع للحمام –الله يكرمكم- ألتفت لعمار و قال ......
فيصل : عمااار مشكوووور على كل شي .. والله انك اخو دنيا و لو ألف العالم ما بلقى زيك ..
عمار : حبيبي والله .. بس لااا عاد تشكر ترى احنا اخوان و انت قلتها بنفسك و الاخوان ما بينهم شكر .. وصلت المعلومه ؟!
فيصل : ههههههه وصلت ..

أماا حناان كانت فااااااصله مع ذا الصباح خصوصا انها ما نامت كويس ... لبست بسرعه .. و لازالت تفكر فيصل وينه و ليه ماا يرد ... طلعت من غرفتهااا ..
وليد : ياالله حيااك ع الفطور ..
حنان : مالي نفس بروح المدرسه ع طول ..
وليد : و ليه ضايق خلقك من صباح الله خير ..
حنان : مو ضايق و لا شي .. بس احس اني ما ذاكرت زين ...
وليد : بتتسهل ان شاء الله بتتسهل ... فيصل وينه ؟
حنان : ما جاا .. و مدري وين راح ..
وليد باستغراب : من امس و لا جااا !؟
حنان هزت كتوفهاا بمعنى مدري ..
وليد : شكلك قلقان عليه ...
حنان : مو قلقان كم مره دقيت عليه و ما يرد .. بيكون سخيف اذا يشوف رقمي و لا يرد ..
وليد : هههه شفت قلقان !
حنان لبست الجاكيت : اقووول بروح مدرستنا احسن ...
وليد : لحظه ..... ( ما ردت عليه و مشت بسرعه ) .. ورااه مستعجل .. كنت بقوله انه بدري على الدوام ..... طيب ما اقول غير الله معك و بالتوووفيق ...
حنان ~ عندي احساس ان وليد قصده يطقطق علي ..... ما عليناا بس فيييييصل وييييييينه من امس ؟؟؟؟؟!

و طلعت مع السواق و الى المدرسسسسه ... هي كانت اول الواصلين من الشله .. الظاهر من قلقها الزايد طلعت بدري .. لعل و عسى تلقى فيصل و هذا اللي كانت متأملته .....
دخلت المدرسه كانت شبه فاضيه .. البنت جاااايه بدررري مرررره ...
حنان ~ غريييب وين الناس ؟! .. ( تناظر ساعة يدهاا ) اووووف لاااااا باااقي بدري .. ياااا ربي وش احس فيه انا جايه بذا الوقت .. اخااف اقعد لحالي .. بقعد بالسيارة ع الاقل ...
طلعت لبرى ... للاسف ما لقت السيارة موجوده السواق مشي ...
حنان ~ لااااااااااااااااه .. وش السواة ؟!
الحارس من وراها : يااا ولد ...
حنان : بسم الله افزعتني ...
الحارس : ادخل للمدرسه ممنوع توقف برى ..
حنان : طيب اصلااا داخل قبل لا تقول لي ..
راحت و قعدت جنب البوابة الداخلية نفس المكان اللي قعدت فيه امس ع البلوكات ...
حنان ~ يااا لييييل الليييييييييل .. عسى ما يصير لي شي و انا لحالي بس .. كله منك ياا فيصل ... خل اذاكر لي بس كلمتين على بااال ما يجواا ...
و هي منسجمه بالمذاكره و قاعده تحفظ من قلب .. جاااهاا شخص من وراهاا و احاطهاا بذراعهااا و قرب لاذنهاا .. هي انفجعت من الحركه ......
..... : لبئ قلبك تذاااااااكر هاا !
حنان يمه مييين هذاااا ؟؟؟؟؟؟؟؟!

انتـــــــــــــهى البــــــــارت