شبكة همس الشوق - عرض مشاركة واحدة

11 - 8 - 2015, 05:26 PM

في الشقه .. بعد ما طلع وليد من غرفة حنان .....
حنان ~ آآه ياا قلبي ما بخلص دراسه الا و الجلطه جايتني جايتني .. ( حطت يدهاا ع شعرهاا ) .. ههه فديته ما فيه أحن منه .. يا جعلني ....
مسكت جوالهاا ..
حنان ~ ياا ترى وش يسوي اللحين ؟! .. اناا بس مقهوره منه .. بدق عليه و اشوف يمكن يرد علي .. طيب طيب مو اللحين اخليه شوي بذاكر كلمتين بعدين ......

أماا وليد كان بالصاله متمدد ع الكنبه ... فجأه ابتسم و قعد يفكر .....
وليد ~ هههه احب اشوف وجهه مرتبك .. ههه و لا يوم حطيت يدي ع شعره ... هههه ( تنهد بتعب ) آه بس ..
دق جواله و قطع افكاره .....
وليد : الووو .. هلااا مااجد ..
ماجد : هلااا وليد .. اخبارك ..
وليد : بخير دامك بخير يا الغالي .. بشرني عنك و عن الدراسه ..
ماجد : الحمد لله اعجبك ..
وليد : ههه بالتوفيق .. كويس انك دقيت كنت ناوي اتصل بك ..
ماجد : عشان السفره صح ؟!
وليد : و صار عندك خبر بعد ؟!
ماجد : توني والله طالع من اجتماع مع ابوي و ناس من شركة عمك .. و جانا الخبر انك بتطلع مع صقر للندن .. و اول ما طلعت من الاجتماع دقيت عليك على طول ..
وليد : شفت كيف .. انا و صقر .. اقولك مرني بعد العصر اذا تقدر .. عشان نتكلم اكثر في الموضوع ..
ماجد : ان شاء الله ابجيك ..
وليد : و جيب كتبك معك عشان تذاكر ..
ماجد : هههه ان شاء الله ..
وليد : يا الله مع السلامه ..
ماجد : ....................

في بيت عمار ... راح الولد يجيب الغدا ... و فيه احد واقف على باب المجلس .. انتبه فيه فيصل .....
فيصل : ميين هنااا ؟!
.............. لا رد
فيصل : ميييييين ...!؟
جا عمااار و معه الغدا ......
عمار : هههه هذي دانه اللي واقفه ع الباب ..
فيصل : دانه ؟؟؟!
عمار : عمرهاا 3 سنين .. اللحين ما تذكرهاا ؟؟ .. جبتهاا لك و هي عمرهاا 4 اشهر ..
فيصل ابتسم : اييييييه .. دندووون كبرت ..!
عمار : هالله هالله .. دنوووو تعااالي ...
دخلت بسرعه و تخبت ورى عمااار ...
فيصل : هلاااا بدنوو هلاااا والله ..
متمسكه بثوب اخوهاا بقوووه ...
فيصل : تعاالي لا تخاافي ..
عمار : ههههه مستحيل تجيك .. ما شفت احد يستحي زيهاا ..
فيصل : لااا عادي كل الاطفال كذا ..
عمار : يا الله امش معي تغسل ايدينك قبل الاكل..
تركوا البنت في المجلس و جوال فيصل بعد كان في المجلس .. رن الجوال افزع البنت و في نفس الوقت انبسطت تموووت على شي اسمه جوال .. راحت له ركض و تحطه في اذنها و تقول الوو و هو يرن في اذنهاا .. و بدون ما تدري ضغطت ع الزر الاخضر ... و تقول الووو ..
حنان باستغراب : الوووو ..
دانه : الوووو ..
حنان زاد استغرابهاا : مييييين انتي ...؟ > طبعا بالجوال ما تميز هو صوت بنت صغيره و لا لا ...
و رجع فيصل مع عمار .. شاف دانه ماسكه جواله ... و قال بصوت عالي ......
فيصل : دنووو حبيبتي .. اخذتي جوالي ؟!
حنان ~ دنو حبيبتي !!!!؟؟؟؟؟؟؟
دانه ارتبكت و خافت .. فـ حطت الجوال ع الارض و تخبت ورى اخوهاا بسرعه ...
فيصل : ههههههه ما بسوي لك شي والله .. ( اخذ جواله من ع الارض لقى حنان ع الخط .. على طول قفل بوجهها .. )
عمار : معليش لعبت بجوالك عسى ما خربته بس ؟ ...
فيصل : لااا عاادي ما صار شي ..
عمار : يا الله تفضل ع الغدا ...
فيصل قعد ع الغدا و هو يفكر ~ اكيد حنان سمعتني و يمكن كلمت دانه .. وش بيخطر في بالهاا ياا ترى !؟
عمار قطع عليه تفكيره : نرجع لموضوعنا ...
فيصل : أي موضوع !؟
عمار : هتان الكلب .. تراك معطيه وجه بزياده ..
فيصل : اووووف ما احب اتكلم بذا الموضوع ..
عمار : يااخي والله انقهر من جواي الى شفتك تمشي معه غصب .. معقول نسيت اللي سواه فيك ؟!
فيصل : ما نسيت .. و لاني بمسامحه لا دنيا و لا آخره .. و لازلت مع وصية هيثم اني اتركه .. لكن الظروف و انا اخوك اجبرتني ..
عمار : دوووم تتعذر بالظروف .. خلك رجال و ما بيصير شي ..
فيصل : ههه المرجله ماهي بكل شي .. و انا بدوس على كرامتي بس حمد ما يجيه شي ..
عمار : يااا ذاا الحمد .. انت صالحه بالاول بعدين يصير خير ..
فيصل : طيب يصير خير .....

في الشقه حنان مصدومه و تناظر الجوال ......
حنان ~ دنوو و حبيبتي ؟؟؟! وش السالفه ؟! .. مااني فااهمه شي ! .. مين هذي اللي ردت على جوال فيصل ؟؟! .. فيصل مو كذا .. مو حق بنااات و من ذي السوالف ! معقول لقى له وحده .. ( طاحت دمعه حاره ع خدهاا مسحتهاا بسرعه ) .. وش هالدموع انا ما ابي ابكي .. ( زادت دموعهاا كل ما لهاا تطيح اكثر و اكثر و هي تمسحهاا ) و لييييييش الدموووع ليييييييش !؟
اخذت جوالهاا و رمته بقوه ع الارض .... ماا عاد ابي شي من الدنياا ابيه يرجع لي بس ! ( غطت ع فمهاا ) .. لأ مااااااااااا ابيه ..!
رمت نفسهاا على سريرهاا و هي تحاول تنسى كل اللي صار ..... و مع انها ما تبي تبكي الا ان دموعهاا ما رضت الا انها تنزل و نامت و هي على ذا الحال ...

و بعد صلاة العصر .. حضر ماجد للشقه زي ما اتفق مع وليد ........
وليد : حيااااك مجووودي تفضل ..
ماجد : زااد فضلك الله يحييك ..
وليد : وش تحب نضيفك ؟
ماجد : ابد سلااامتك ما ابي شي .. ( يتلفت حوله ) .. وين الناس ما اشوف احد و الشقه هاديه ...!
وليد : والله حمد شكله نايمه ما شفته من وقت .. و فيصل من امس ما رجع للشقه ..
ماجد : غريييب صاير بينهم شي ؟؟
وليد : علمي علمك حمد مو براضي يحكي ..
ماجد : ماا عليناا مالنا دخل .. و قولي كيف على سفرتك ؟
وليد : وش اقول بس .. تخيل آخرتهاا اسافر مع صقر .. شي-ن- يضيق الصدر ..
ماجد : شف اذا ما تبي تروح انا بروح عنك ..
وليد : تستهبل انت ؟! و دراستك ؟ .. انا ما جبت حمد يدرس عني من البدايه الا عشان هالسبب ..
ماجد : لكن و انا اخوك اعرفك و اعرف صقر منت متحمله ...
وليد : معليك بتهوون ان شاء الله ..
ماجد : على قولتك عسااها تهون .. ودي تصحي حمد ابسلم عليه .. من زمان ما شفته ..
وليد : صح هو بعد تأخر بالنوم مفروض يقوم يذاكر .. خلني اروح اشوفه ..
ماجد : طيب ...

و دق الباب مره و مرتين ... ما جاه رد .. فتح الباب و دخل .. كانت مرميه على سريرهاا و ضامه اللحاف لصدرهاا و وجهها مغرق بالدموع .. قرب منهاا بخطوات هاديه .. قعد على ركبه بالارض و قرب وجهه منهاا .....
وليد ~ و تبكي !؟ .. لا ابوووه من بكاااك و انا حي ..
بحنيه مسح دموعهاا باطراف اناملهااا ... و قعد لحظات يتأمل ملامحهاا .. طاحت خصله من شعرهاا على وجهها .. ابتسم على شكلهاا البريء و رفع الخصله عن وجههاا .. ثم حط يده ع خدهاا......
وليد : حموووود .. حموودي يا الله اصحى صارت الساعه 5 ..
حنان : خلني ياا فيصل ..
وليد فيصل هااا ! : حمووود هذا انا وليد اصحى .. > للحظه حس بقهر لماا طرت اسمه و هي نايمه ...
حنان تفرك عيونهاا و لما فتحتهاا تفاجئت بوليد وجهه قريب منهاا قعدت على طول ....
وليد : بسم الله وش فيك كنك ارتعبت ..
حنان : هااا .. لا بس .. وين .. اقصد .. كم الساعه !؟
وليد : قربت تصير 5 ..
حنان نطت بسرعه من سريرهاا : وش هذا ليش محد صحاني .. ما ذاكرت و ما صليت ...
وليد : هدي هدي بيمديك ..
حنان تذكرت مكالمتها لفيصل .. لا شعوريا صارت ترجف و مرتبكه كثير ... حتى ان وليد لاحظ ..
وليد : حموود انت بخير ؟!
حنان : ءء .. انا . .( تفرك جبهتها ) .. بس مصدع شوي ..
وليد : انت مصخن ؟!
حنان : لا لا .. ما فيني شي ..
وليد : انت ترجف و عيونك حمرا .. انت كنت تبكي قبل لا تنام ؟ > مع انه يدري انها كانت تبكي بس حب يسمع منهاا ..
حنان حست انهاا رح تبكي فركضت على طول للحمام –الله يكرمكم- ..
وليد : حمد ؟؟؟؟؟؟؟؟؟؟!!!!
حنان واقفه ع المغسله و تناظر نفسهاا بالمرايا ~ وش قد اكره نفسي .. ليييييييش ابكي على انسان اصلا ما يهمني ؟! انا احب وليد و ابي وليد ليش مقهوووووره من فيصل ؟! ليش ماا يفاااارق عقلي و تفكيري .. ليش يااا دموعي تنزلين عليه تكفيييييين ليش ؟!
قعدت تغسل وجههاا اكثر من مره ..
دق الباب عليهااا ....
وليد : يااا حمد ترى بديت اقلق انت مو طبيعي ...
حنان تسندت ع الباب و بصوت مبحوح : اناا بخير ما فيني شي ..
وليد صوتك كذا و تقول ما فيك شي ! : طيب ماجد برى وده يسلم عليك اذا خلصت تعال ..
حنان : ان .. ان شاء الله ... > و قعدت تعاتب نفسهاا ......!

نروح لفيصل بعد الغدا عند عمار .. طلع من بيته و كان متفق مع عمار انه رايح للشقه و بيصالح حمد ( حنان ) .. لكن في الحقيقه فيصل ما كان مخطط يصالحهاا ابد .. و بالرغم من كذا مشتاااق لهااا مووووت و وده يسولف معهاا و يضحك معهاا لكن يكااااااااااااااابر ..
فراااح للبحر قعد مقابله شوي ......
فيصل ~ وش تسوين بغيابي ياا حنااان ؟! اصلا تفكرين فيني زي ما افكر فيك ؟! و لا مبسوطه اللحين مع وليد .. ههه اكيد مبسوطه مع وليد .. و يمكن ما عاد ودهاا اني ارجع ... ( تنهد بتعب ) وش ذنب اللي يحب شخص ما يحبه ؟؟؟! ..
اخذ حجر من ع الارض و رماااهاا بالبحر .. بذيك اللحظه تذكر هيثم ....
فيصل ~ ياااااااه اول مره جيت هنا مع هيثم بثالث متوسط .. يوم اهلنا دورونا و هزأوناا ليش جيناا هنا لحالنااا .. اتذكر وش قلت لي يا هيثم يومهاا .. اتذكر اليوم بكل تفاصيله ..
// نرجع شوي للماضي نشوف وش دار بينهم ...........
فيصل : اخيرااااا سوينااهاا و جيناا للبحر لحالناا ..
هيثم : شفت هذا من تفكيري .. شفت كيف انا ذكي ..
فيصل يلعب بشعره : هههههههه قسم بالله ذكي ..
هيثم ابعد يده : ترى بكسر يدك لا عااد تسوي كذا تحسسني كني ورع ..
فيصل : ههههههه يااخي احب ألعب بشعرك ..
هيثم : ترى بسويهاا و أحلقه ع الصفر ..
فيصل : لااا تكفى ..
هيثم : فيصل .. ليش كنت متضايق اليوم ؟؟
فيصل بضيقه : تهاوشت مع بنت خالتي ..
هيثم : هههههههههههه مو بأول مره دائما تتهاوشون ..
فيصل : لأ يااا اخي هي عنيده و ما تسوي الا اللي براسهاا ..
هيثم : طيب و على وشو تهاوشتوا هالمره ؟؟
فيصل : ع الجوال هي تبي تكلم صديقتهاا و ما كان فيه الا ريال رصيد و انا كنت محتاج اكلمك ضروري عشان نهج للبحر ..
هيثم : اممم يعني انا طلعت السبب في هواشكم ..
فيصل : لا لا مو انت مالك دخل انا كنت ابي الجوال و خلص الرصيد و عصبت علي و زعلت مني و قالت لا عاد اكلمهاا و صار لنا اللحين يومين ما نكلم بعض ..
هيثم : شف انت لو تطير للسما تراك تحبهاا و لا تنكر .. لك يومين و انت متضايق .. و كله عشانهاا ..
فيصل : اناا احب حنووو ؟؟؟؟!!
هيثم : ههههههه و تموت فيهاا بعد .. و اللحين تبي حل عشان ترجع تكلمهاا ..
فيصل : لااا خلاااص انسى ..
هيثم : لااا ماني بنااسي و انت لازم تصالحها و انا بقولك كيف .. الا زعلك ياا اخوي ما اتحملهاا ..
فيصل : جعلني ما ابكيك ياا هيثم ..؟
هيثم ابتسم : اسمعني روح و كلمهاا بشكل طبيعي صدقني بتلقاهاا نست كل شي ..
فيصل : بجرب و اشوف ..
هيثم قام و اخذ حجر و رمااه ... : شفت الحجر اللي رميته ؟؟
فيصل : اييييه ..
هيثم : هذا شااهد على قعدتنا انا و انت هنااا ..
فيصل : ههه احيااناا عليك حركاات ....

// نرجع للواقع ... بس تذكر فيصل اللي صار ذاك اليوم .. غط على عيونه بكفينه .. منهاا يضحك و منهاا يبكي ... و قال ....
فيصل ~ لو كنت معي اللحين كان قلت لي نفس الشي ؟؟!

في مكان ثاني ... بالتحديد بشركه ..... حسام كان قاعد مع مديره .. بكشف لكم من هو مديره و اذا تذكرون صارت بينهم محاثه في احد البارتات .. المهم مديره هو ابو فيصل ....
ابو فيصل : انا قريت تقريرك اللي امس .. لو فيصل دخل السجن ما كنت رح اسامحه ..
حسام : الحمدلله عدت ..
ابو فيصل : الولد هذا بيجنني .. غلطتي تركت امه تربيه .. نسى انه شايل اسمي ..
حسام : يعني تآمر اننا نجيبه ..؟
ابو فيصل : لااا مو اللحين .. عندي الف شغله و شغله غير اني اتعامل معه ..
حسام : بأي وقت احنا حاضرين ..
ابو فيصل : انا رح اجيبه عندي بس اخلص اموري ..
حسام : متى ما آمرت نلبي ..
ابو فيصل : حاليا استمروا في مراقبته .. و انتبهوا عليه .. خصوصا من اللي تخبرهم ..
حسام : ان شاء الله طال عمرك ..
ابو فيصل : و شي ثاني انتبه يدري انه مراقب ..
حسام : سمّ طال عمرك ..
ابو فيصل : تقدر تروح اللحين ..
حسام : ان شاء الله طال عمرك ..
ابو فيصل : حسام ...
حسام : هلااا طال عمرك ..
ابو فيصل : ناد لي معاذ معك ..
حسام : تآمر طال عمرك ..

برووب كل شي باااك الشقه ...
مسكت حنان نفسهاا اخيراا و روقت و تناست قصة فيصل ع الاقل بذا الوقت ..و بعد ما صلت العصر و خلصت طلعت للصاله .. سلمت على ماجد و بعد سؤال الحال .....
ماجد : تصدق لك وحشه ..
حنان : تسلم ما يوحشك غالي ..
ماجد : الله يسلمك .. ما ادري احس منت على بعضك ...
حنان : لااا انا كويس ما فيني شي .. و اللحين بروح اسوي لي عصير و بسوي لكم معي ..
ماجد : لااا تسلم ماني مشتهي شي ..
وليد بابتسامه : انا جيب لي معك دامك انت اللي بتسويه ..
حنان ردت بابتسامه بارده وراحت ......
ماجد : والله ماهو بطبيعي ..!
وليد : أي حتى انا لاحظت .. شكله مشتاق لفيصل !
ماجد : وش دعوووه لذي الدرجه .. انا احس انه مريض ..
وليد : والله مدري يمكن .. صحيح نواف بيجي بعد المغرب ..
ماجد : ما شاء الله بتجتمع الشله !؟
وليد : هههه ايييه و بتصير حفله بعد ..
ماجد : من جدك و لا تمزح ؟!
وليد : والله ان كانك تبيهاا مزح مزح و ان كانك تبيها جد جد ..
ماجد ؟؟؟؟؟؟؟؟؟؟؟؟؟!!!!!

بعد عدة دقايق جابت حنان العصير و عطت وليد .. ثم قعدت لحالهاا على جنب و مسكت الكتاب تذاكر .. و هم لازالوا مستغربين حالتهاا ..
و بعد المغرب على طول جاا نواف و معه خالد ....
ماجد : انت خلك انا بفتح الباب ...
وليد : اووك ..
حنان ~ اكيد هذا نواف .. : اقوول وليد ..
وليد : لبييييه !
حنان : ء ء بتتصالحون صح ؟
وليد : ان شاء الله انا وعدتك ..
حنان : طيب انا ودي ادخل غرفتي اذاكر .. ما ابي ازعاج .. بس ابي اتطمن انكم بتتصالحون ..
وليد : خلاااص روح لا تشغل بالك ..
حنان : طيب ..
اخذت كتبهاا و دخلت غرفتهاا و قفلت الباب بعد ....

في الصااله ...بعد ما سلموا و قعدواا ..
خالد : ماا شاء الله ماجد هناا .. ما توقعت اشوفك بصراحه ...
ماجد : اييه كان عندي شغل مع وليد ..
خالد : اهاا .. امم احس اني جعت وش رايك ياا ماجد ننزل تحت نشتري لنا شي نآكله ..
ماجد استغرب طلب خالد بس سلك له : طيب يا الله ..
خالد يدري ان ماجد ما يعرف ان نواف و وليد متهاوشين .. و هم مستحيل يتصالحون قدامه .. سوا كذا عشان يتركهم لحالهم ...
و بعد ما راااحواا .....
نواف : آآ وين حمد ؟
وليد صاد عنه : وش تبي فيه ؟
نواف : اسأل بس ..
وليد : يذاكر بغرفته ...
نواف و وليد لفوا على بعض و بنفس الوقت قالوا ........
نواف : وليد اسمع !
وليد : نواف اسمع !
ثم اثنينهم ضحكواا على بعض ......
وليد : خلاااص انا آسف ما نبي نكبر الموضوع ..
نواف : و اناا بعد اسف ادري غلطت بس توبه ما اعيدهاا .. و على فكره ماني منحرف ..
وليد : هههههه طيب آسفين .. والله كسر خاطري حمد شايل همناا ..
نواف : ايييه صدقت .. عشان كذا اسأل عنه .. ابيه يتأكد اننا تصالحناا ..
وليد : معليك هو متأكد كلمني من قبل .. و انا وعدته بنتصالح ...
نواف : طيب تباااري فيفااا ..
وليد : والله شكلك مشتااق للهزيمه ..
نواف : ههههههههه نشوووف ..
وليد : و ترى وراك اختبارات لا تنسى ...
نواف : سهله الماده معليك انت بس باريني ..
وليد : طيب جبتهاا لنفسك ...
و بعد ربع ساعه تقريبا رجع خالد و معه ماجد .. شافوهم يلعبون مع بعض و صوت صراخهم واصل لبرى الشقه .. خالد استانس عليهم .. و ماجد كان عنده عادي لانه ما يدري بالسالفه اصلاااا ....

رجع فيصل للشقه اخيرااا .. و هو داخل سمع صوت ازعاجهم و ضحكهم و سوالفهم .. على طول خطر له ان حنان معهم و قاعده و مبسوطه ع الاخييير .. ما مر للصاله ابد على طول راح للغرفه و محد شافه .. فتح باب الغرفه ما انفتح .. الباب مقفل .. دق عليه .. حنان توقعت يا وليد يا نوااف ..
حنان : انااا اذاكر لا تزعجوني !
فيصل ~ تذاكر ! .. يعني ماهي قاعده معهم .. زين منهاا قاعده تذاكر و نسيتني .. و اناا عقلي ما يستوعب شي بسبتهاا ماهي راضيه تطلع من مخي ..
رجع دق الباب مره ثانيه ....
حنان عصبت : ماا تفهمووون قاااعده اذاكر ترى ازعجتوني ..
فيصل يدق و يدق ... لغاية ما قامت و فتحت ...
حنان و هي معصبه : قلنااا نذاااكر .. ( فتحت الباب ناظرته )
فيصل ببرود : معليش ازعجناك بس حتى انا ابي اذاكر كتابي هنا .. ( و مر من جنبهاا و دخل )
حنان ~ اسأله و لا لا .. طيب .. يعني وش اسوي .. احس اني مرتبكه ..
فيصل تمدد على سريره و مسك كتابه .. و حنان لازالت واقفه ع الباب ....
حنان ~ اذا ما سألته و هزأته بموووت .. لا لا انتبهي هو يكرهك !

انتــــــــــهى البــــــــــارت