شبكة همس الشوق - عرض مشاركة واحدة

11 - 8 - 2015, 05:31 PM

صبااح اليوم التالي .. الكل استعد لدوامه ... نبدأ من الشقه ......
حنان ~ غريب ما صحي لهالوقت .. اصحيه و لا .. اخاف يتأخر ع الاختبار .. اوووف لا صلاه بالمسجد و لا قام للحين .. باقي ساعه عن الاختبار .. عن نفسي صرت جاهزه بس هو .... اووووه ضاق صدري من ذي الحاله .. خلاص مقدر على كذا .. ابصحييه و بس .....
حنان : فيييييييصل .. فصيييييييل اصحاا ..
فيصل : خلني انااام ما نمت الليل ...
حنان ~ ما نام الليل ؟! .. الظاهر حبيبته شغلت باله .. : خلاااص كيفك ..
فيصل فتح عيونه ~ هذي حنان اللي صحتني و لا يتهيء لي .. ( قعد مصدوم ) إلااا هي .... ( طالع الساعه ) هئئئ بتأخر كل منك بسببك ما نمت ليلي .. ( قام بسرعه توضأ و لبس ثم صل الفجر بعدهاا طلع للصاله ..
كانت قاعده مع وليد يفطرون ..
وليد : حيااك ع الفطور ..
فيصل : مو بمشتهي ..
وليد : انت ما تعشيت امس و لا تبي تفطر .. مو بزين لك ..
فيصل ~ كنت اتمنى حنان اللي تقولي ذا الكلام مو بـ انت : خلك في حالك ..
وليد : الشرهه ع اللي يعطيك وجه ..
فيصل : انا طالع للمدرسه ..
و بعد ماا رااااااح ...
وليد : ما ادري انت كيف متحمله !؟
حنان : لا تاخذ على خاطرك منه .. انا متأكد انه ما يقصد شي ..
وليد : يااا بعد كل كلي هذا و انت متهاوش معه و تدافع عنه ..
حنان قبل لا يبان عليهاا الحيا : ء ء انا بعد لازم اروح ..
وليد : الله يوفقك و تجيب درجات عاليه ..
حنان : ان شاء الله بعد هذي درجاتك لازم تدعي لي ...
وليد : هههههههههههه ....

وصل فيصل المدرسه و عند البوابه قابل عمار اللي توه وصل ......
عمار : هلاااا والله .. هلاااا فصوولي ..
فيصل : بعينك لا تقول فصولي ما احب احد يناديني كذا ..
عمار : هههه ادري عشان كذا نادينك ..
فيصل : يااا شينك لا قمت تعاند ..
عمار يتلفت : وييييينه ؟!
فيصل : من ؟؟؟!
عمار : واضحه من اقصد .. حمد بعد من !
فيصل : بيجي مع السواق ..
عمار : و ليه ما جيتوا مع بعض .. لااا تقول لي انكم ما تصالحتوا للحين ؟!
فيصل : اقووول خلنا ندخل المدرسه و بس ..
عمار : هااااا هاااا صدق ما تصالحتوا .. لا ابوك من ولد ..
فيصل : قسم بالله ياا عمار النفسيه زفت .. لا تزيدهاا علي تكفى ..
عمار : تدري ليه النفسيه زفت .. لانك متهاوش مع واحد من اخوياك .. تدري كيف .. بعد الدوام تجون بيتي انت و هو و ما ابي أي اعتراض ..
فيصل : ادخل ادخل ... الى وقتهاا يصير خير ...
وصلت حنان بعده بدقايق .. و كالعاده مشت الامور بشكل طبيعي .. خلصوا الاختبار ثم طلعوا ...
حنان : هذا اول سيووووم يصير عندنا ماده وحده .. يعني اللحين نقدر نطلع صح ؟
نواف : اكيد نقدر نطلع .. اش رايك اوصلك بسيارتي .. انا و الدحمي جينا بسيارتي اليوم ...
حنان بتتكلم قاطعهاا .......
عمار : لاااا معليش انت بتجي معي البيت و فيصل بعد ..
نواف عقد حجاجه : خيييييييييييير !؟؟!
حنان : ليييه اجي ؟!
عمار : انت تعال و بتعرف .. ما اقبل أي اعتراض ..
حنان ~ بروح وش بخسر .. بروح لان فيصل بيكون موجود .. خل نشوف وش يبي ذا العمار ..
فيصل كان واقف ع جنب .. و كأن ماله دخل ...
عمار : شباااب فيصل و حمد بستضيفهم في بيتنا اليوم ..
نواف : طيب كمل جميلك و اعزمنا حنا بعد ..
عمار : معليش ابي هالاثنين بالذات في موضوع خاص ..
عبدالرحمن : اقول نوااف خلنا نمشي بس ..
نواف مشى و هو يتحلطم و مقهور من عمار ...
عمار : راجح انت تقدر تجي ..
راجح : مشكوور يا عمار بس عندي شغل بالبيت اليوم ..
عمار : طيب ...
و هم طالعين شافواا مشاري و هتان يتكلمون بصراخ ......
هتان : حيوووووووان انت حيوان .. محد قالك ما تنفذ طلبي ..
مشاري : ياااااخي ابلشتني ماااااااا عندي .. افهم ..
فيصل مر من جنبهم و ناظرهم باستغراب ~ شكلهم متهاوشين بعد .. ههه احسن !
مشاري بهمس : هتاااان اهجد ضحكت عليناا الناس .. شف هذا فيصل مر و يطالع ..
هتان : فييييييصل !؟ وينه ؟
مشاري : وراك ...
هتان لف و صرخ : فييييييييييييييييييييييييييصل ...!
فيصل ~ ياليييييل النشبه ...
عمار : لا ترد عليه و امش ...
فيصل : مالي مزاج ارد عليه اصلا ...
هتان جا بيروح له مسك مشاري ذراعه ....: خلني اروح !
مشاري : لااا تروح .. طنشك ..
هتان مسك ع راسه : آآآآآآآآآآآآخ .. صداااااااع ..
شوي شوي و جوا كل شلة هتان ....
عزيز : وش فيكم ؟! كل ما مر من عندي واحد قال رح شوف هتان و مشاري متهاوشين ..
مشاري : ما في شي .. بس الكلاب يكبروا المواضيع ..
احمد : فيه تفجير اليوم ؟! انا جبت سيارتي ..
مشاري : ما اظن الزعيم تعبان ..
هتان رفع راسه : ماااني تعبااااان و بروووووح .. و ياا جعلني اصدم و اموت و ارتاح ..
مشاري : يااا ولد خف على نفسك اهوو لا يقولهاا ..
عزيز يناظر احمد .. و كلهم مستغربين حاسين ان هتان مو طبيعي .....
عزيز : و هذا عبدالرحيم جاا ..
احمد : وين كنت ..؟
عبدالرحيم : طلعنا انا و باسل نتفقد المكان تخيل من قابلناا ..
مشاري : من يعني ؟!
عبدالرحيم : السطل ساري .. و يتحدى بعد ...
هتان : والله جا في وقته .. ياا اني نااوي عليه .. ماني طالع الا و التواير محترقه اليوم و تشوفون ..
مشاري : هههه اهدااا من كذا ياا ولد ..
عزيز : هذاا الزعيم لبه قلبه ..
احمد : اللحين انا بسوي توجيه و ان شاء الله اللي بيحضرون واجد ..
هتان : يا الله سرينااا ياا عيااااال ..
مشاري : ايييه هذا هتان اللي اعرفه ..
هتان : انت بعديهاا لك هالمره .. > يقصد مشاري ..
مشاري : تكفى !
و الظاهر انه تصالح مع مشاري .. ما يعتبر انهم تهاشوا بمعنى الكلمه اللهم ان هتان كان فاصل شوي بسبب البلاوي اللي شربهاا ..

طلعت اصايل من المدرسة بعد ما لبست عباة ع الراس .. و حتى شنطتها دخلتها جوا العباه احتياطا اذا كان الشخص اللي يراقبهاا يعرف الشنطه .. و كانت متفقه ع المكان اللي مفترض ان صلاح يستناها فيه .. وراحت له بالفعل و اللي يراقبهاا لازال يستنى مقابل المدرسه ما درى انهاا طلعت .. ركبت اصايل السيارة .....
اصايل : بسرعه بسرعه حرك ...
صلاح : طيب بنمشي اللحين ..
اصايل لفت على ورى تشوف هل لازال وراهم .. ما شافته تأكدت ان خطتهاا نجحت و ان المراقب ما عرفهاا .. فضحكت ..
صلاح : وش فيك ؟
اصايل : ابد مستانسه ..
صلاح مرتبك : لازم تعرفين .. انتي اول بنت تركب معي ..
اصايل : اكيد عارفه .. و اصلا ياااا ويلك تركب وحده غيري .. اذبحك فهمت ..
صلاح : هههههه كل شي بالذبح عندك ..
اصايل : اييييه ..
صلاح : وين ودك نروح ؟
اصايل : فيهه كاافيه مره حلو .. ما رح ندخله بس اوقف عنده بنتكلم بالسيارة .. و بعدين انا واعدت بنت عمي اقابلهاا فيه و هي رح ترجعني البيت ..
صلاح : دام كذا اوكيه ..
و وصلوا للكافيه .. و اصايل قعدت معه بالسيارة .. جتهم لحظة هدوء و صمت غريبه لكن مليانه مشاعر ...
صلاح : ءء آآآممم .. وش كنتي تبين نتكلم فيه ؟
اصايل : عن زواجناا طبعاا .. متى ناوي تجي انت و اهلك ..؟
صلاح : الود ودي اجي بكره .. لكن شي واحد مقلقني ..
اصايل : وش هو ياا حبيبي ..
صلاح : ء ء الفرق .. الفرق الاجتماعي بين عايلتك و عايلتي ..
اصايل : لا تشغل بالك بهالامور .. بما اني انا ابيك .. محد يقدر يرفض طلبي ..
صلاح : اكييييييييييد ...!
اصايل : طبعاً اكيييييييييييييد .. انت بس تعال ..
صلاح : خلاص اتفقناا بعد ما تخلصي اختباراتك بجيب اهلي و نخطبك ..
اصايل ابتسمت : اللحين اناا مبسووطه ..
صلاح : مو قدي !..
اصايل : صدق انت مبسوط ؟
صلاح : دام حبيبتي بتصير زوجتي اكيد بنبسط ..
اصايل : واااااااااااااااااو ! انت قلت حبيبتي ...
صلاح لف للشباك و هو يضحك ..
اصايل : هههههههههههههه ....
وو قعدوا سوالف شوي قبل لا تنزل للكافيه .......