شبكة همس الشوق - عرض مشاركة واحدة

11 - 8 - 2015, 05:34 PM

طلع رائد برى شوي باحد زوايا الشركه .. ما يبي احد يسمع مكالمته ....
رائد : الووو .. هاا شاكر وش صار ..
شاكر : انا صار لي ساعه واقف قدام مدرستهاا ما طلعت للحين و ما عاد فيه طالبات برى الكل طلع ..
رائد : وش تقول انت ؟ مو معقول ما طلعت ..
شاكر : ما ادري ما عاد فيه طالبات قدامي ...
رائد : الكلبه بنت الكلب شكلهاا طلعت و انت ما شفتهاا .. ( قبض ايدينه بقهر ) .. اسمع رح اوقف مقابل بيتهم بس انتبه احد يحس عليك ..انتظر هناك اذا كانت طلعت رح تشوفها داخله البيت ..
شاكر : ان شاء الله طال عمرك ..
رائد : يا الله يعطيك العافيه ..
شاكر : الله يعافيك ..

نرجع لاصايل .. كانوا ضحك و سوالف في سيارة صلاح و مضى الوقت و العنود زهقت و هي تنتظر بالكافيه .. لغاية ما دقت عليهاا ..
اصايل : اووووبس هذي العنود .. دقيقه ارد عليهاا ..
صلاح : خذي راحتك ..
اصايل : هلااا عنوووده ...
العنود بعصبيه : ياااا بنت ويييييييينك .. طفشت و انا انتظر لحالي .. ما خليت شي ما طلبته .. بسرعه تعالي و لا برجع البيت ...
اصايل : معليش سوووووووري بليز سامحيني .. ما حسيت بالوقت اللحين انا جايه بس دقيقه ..
العنود : بسرررعه ... استناك ..
اصايل : اووك باااي ..
صلاح : بنفترق هنا يعني ؟!
اصايل : كلهاا ايام و بنصير مع بعض .. بس اللحين لازم اروح اشوف عنووده ..
صلاح : طيب انتبهي لنفسك اتفقنا ..
اصايل : ان شاء الله و انت بعد .. سوق بهداوه ..
بعد ما نزلت صلاح كان مبسوط حيل .. خاصه لما شاف اصايل لابسه عباه ع الراس ... هههه فكر انهاا لبست عشانه ...

و دخلت للكااافيه .. كانت العنود حاطه رجل على رجل و تشرب عصير و ماسكه جوالهاا ..
اصايل : سلاااااامووو ..
العنود بدون نفس : هلاااا ..
اصايل : شكل الحلو زعلان ..
العنود : ايييه زعلاااانه .. لاطعتني هنااا بلحالي !
اصايل : ياا زعلان ياا زعلااان خليت قلبي حيران ما قلت لك ياا حبيبي بطل دلع من زمان .....
العنود : كاااااااك كااااااك ..
اصايل : ههههههه سووري والله اخذني الوقت و ما حسيت ..
العنود : ماااني مسامحتك ..
اصايل : لبه الزعلان بس .. آمري أي شي عشان ترضين ..
العنود ابتسمت : أي شي أي شي ...؟؟!
اصايل : يب أي شي .. لعيون عنووده عشان ترضى ..
العنود : اوك .. اعزميني على ايس كريم ع الهافمون بالعطله ...
اصايل : بس كذأ .. ابشري كم عنود عندي ..
العنود : ايييه و بعد ازعمي شهووده ..
اصايل : و هي تحلى الطلعه بدون شهوده ..
العنود : صدقتي ..
اصايل : رضيتي علينا ياا حلوه ..
العنود : اكيد .. ما ازعل على اصولة قلبي ..
اصايل : لبئ قلبك ياا شيخه ..
العنود : و قلبك يا قلبي .. اش تشربي ..؟
اصايل : لا لا ما ابي شي .. خلينا نرجع البيت احس تأخرناا .. و ابيك توصلني بطريقك لان سواقي راح ..
العنود : أبشري .. يا الله نروح ...

وصلهاا سواق العنود على بيتهاا .. و رجعت العنود بيتهاا بعد ..
لما نزلت اصايل من السيارة تلفتت حولهاا انتبهت على اللي يراقبهاا .. عطته نظره خلته يحس انها تعرف عنه .. ثم دخلت البيت .. و في حديقة بيتهم كان تركي يستناها هناك زي ما اتفقت معه .....
اصايل : مرحباا تركي ..
تركي : اهلين ..
اصايل : تعال معي ما ودي احد يشوفنا ..
تركي : سمّي ..
اخذته لورى الحديقه ....
اصايل : اسمع اناا ابيك في موضوع مهم بخصوص رائد ..
تركي : آمري ..
اصايل : هو اللحين قاعد يراقبني و ناوي علي .. و قبل لا يصيد علي شي انا ابي اصيد عليه ..
تركي : ما فهمت ..
اصايل : انت اترك كل شي علي .. انا عندي الخطه و انت نفذ .. كل اللي احتاجه بنت شوارع وحده و بنودي رائد في داهيه .. تقدر تجيبهاا ..
تركي : اذا بس كذا سهله ..
اصايل : حلوووو .. خلاااص خلني بس اخلص اختباراتي و انا اعلمك وش تسوي ..
تركي : تم ان شاء الله ..
اصايل : شف الكلام اللي قلته لك انتبه احد يدري فيه ...
تركي : حاضر طال عمرك ..
اصايل : تقدر تمشي ..
تركي : ان شاء الله ..
بعد ما مشى ... اصايل تمغطت برااااااحه ...
اصايل ~ آآآآآآآآآآآآآآآه كل اموري ماشيه زي ما خططت .. اللحين اقدر ارتاح شوي ...